Read news in NepalBhasa text-- www.hamroschool.com BACK 𑐧𑐵𑐏𑑄 𑐔𑑂𑐰𑐩𑐶 𑐳𑐵𑐫𑑂𑐩𑐶𑐫𑐵 ‘𑐥𑐮𑐵𑑅’ 𑐧𑐵𑐏𑑄 𑐩𑐸𑐣𑐵 𑐥𑐶𑐡𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐧𑐵𑐏𑑄 𑐔𑑂𑐰𑐩𑐶 𑐳𑐵𑐫𑑂𑐩𑐶𑐫𑐵 ‘𑐥𑐮𑐵𑑅’ 𑐧𑐵𑐏𑑄 𑐩𑐸𑐣𑐵 𑐥𑐶𑐡𑐣

𑐫𑐾𑑃- 𑐣𑐾𑐥𑐵𑐮𑐨𑐵𑐲𑐵𑐫𑐵 𑐧𑐵𑐏𑑄 𑐔𑑂𑐰𑐩𑐶 𑐩𑐫𑑂𑐖𑐸 𑐥𑑂𑐬𑐩𑐶𑐮𑐵 𑐳𑐵𑐫𑑂𑐩𑐶𑐫𑐵 𑐣𑑂𑐴𑐹𑐐𑐸 𑐧𑐵𑐏𑑄 𑐩𑐸𑐣𑐵 𑐳𑐦𑐹 ‘𑐥𑐮𑐵𑑅’𑐫𑐵 𑐥𑐶𑐟𑐧𑑂𑐰𑐖𑑂𑐫𑐵 𑐖𑐸𑐮 𑑋 𑐖𑐹𑐩 𑐥𑑂𑐬𑐰𑐶𑐢𑐶𑐫𑐵 𑐩𑐵𑐢𑑂𑐫𑐩𑑄 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐨𑐵𑐲𑐵𑐳𑐾𑐰𑐷 𑐣𑐵𑐥𑑄 𑐄𑐡𑑂𑐫𑑀𑐐𑐥𑐟𑐶 𑐮𑐎𑑂𑐲𑑂𑐩𑐷𑐡𑐵𑐳 𑐩𑐵𑐣𑐣𑑂𑐢𑐬𑑄 𑐳𑐦𑐹𑐫𑐵 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐳𑐦𑐹𑐫𑐵 𑐥𑐶𑐎𑐵𑐎𑑅 𑐣𑐾𑐥𑐵𑐮𑐨𑐵𑐲𑐵𑐫𑐵 𑐥𑐸𑐮𑐵𑑄𑐐𑐸 𑐳𑐵𑐴𑐶𑐟𑑂𑐫𑐶𑐎 𑐳𑑄𑐳𑑂𑐠𑐵 𑐔𑑂𑐰𑐳𑐵𑐥𑐵𑐳𑐵𑐫𑐵 𑐣𑐵𑐫𑑅 𑐮𑐶𑐳𑐾𑑄 𑐣𑐵𑑄𑐖𑐵𑑅𑐩𑑂𑐴 𑐳𑐵𑐴𑐶𑐟𑑂𑐫𑐎𑐵𑐬 𑐨𑐹𑐲𑐞𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐦𑐹𑐫𑐵 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐳𑐾𑑄 𑐩𑐵𑐣𑐣𑑂𑐢𑐬𑑄 𑑑𑑐𑑐 𑐥𑐵𑑅 𑐳𑐦𑐹 𑐠𑐩𑑂𑐴𑑄 𑐣𑑂𑐫𑐵𑐣𑐵 𑐧𑐷𑐐𑐸 𑐣𑑄 𑐑𑑀𑐲𑐞𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐳𑐦𑐹𑐫𑐵𑐟 𑐎𑐫𑐵𑑅 𑐣𑐵𑑄𑐖𑐵𑑅𑐩𑑂𑐴 𑐳𑐩𑐵𑐮𑑀𑐔𑐎 𑐥𑑂𑐬𑐵. 𑐥𑑂𑐬𑐾𑐩𑐱𑐵𑐣𑑂𑐟𑐶 𑐳𑐩𑐷𑐎𑑂𑐲𑐵 𑐫𑐵𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐧𑐵𑐏𑑄 𑐔𑑂𑐰𑐩𑐶 𑐩𑐵𑐣𑐣𑑂𑐢𑐬𑑄 𑐨𑐵𑐰𑐸𑐎 𑐖𑐸𑐫𑐵𑑅 𑐠𑑅𑐐𑐸 𑐣𑐸𑐐𑑅𑐏𑑃 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑐵𑑄𑐖𑐵𑑅𑐩𑑂𑐴 𑐁𑐏𑑂𑐫𑐵𑐣𑐎𑐵𑐬 𑐩𑐠𑐸𑐬𑐵 𑐳𑐵𑐫𑑂𑐩𑐶, 𑐳𑐨𑐵𑐥𑐟𑐶 𑐱𑑂𑐬𑐾𑐲𑑂𑐛, 𑐣𑐵𑑄𑐖𑐵𑑅𑐩𑑂𑐴 𑐎𑐰𑐫𑐶𑐟𑑂𑐬𑐷 𑐥𑑂𑐬𑐟𑐶𑐳𑐬𑐵 𑐳𑐵𑐫𑑂𑐩𑐶 𑐮𑐐𑐵𑐫𑐟𑐫𑐵 𑐨𑐵𑐲𑐵𑐴𑑂𑐫𑐩𑐶𑐥𑐶𑑄𑐳𑑄 𑐣𑑄 𑐠𑑅𑐐𑐸 𑐣𑐸𑐐𑑅𑐏𑑃 𑐟𑐫𑐵𑐡𑐶𑐳𑐾𑑄 𑐨𑐶𑑄𑐟𑐸𑐣𑐵 𑐧𑐶𑐫𑐵𑐡𑐷𑐐𑐸 𑐏𑑅 𑑋

𑐟𑐵𑑅𑐃 𑐣𑑂𑐴𑑂𑐫𑐰𑑄𑐣𑐶𑐳𑐾𑑄 𑐀𑐩𑐾𑐬𑐶𑐎𑐵𑐫𑑂 𑐔𑑂𑐰𑐣𑐵 𑐰𑐫𑐵𑐔𑑂𑐰𑐣𑐵𑐡𑐷𑐩𑑂𑐴 𑐧𑐵𑐏𑑄 𑐔𑑂𑐰𑐩𑐶 𑐳𑐵𑐫𑑂𑐩𑐶𑑄 𑐎𑐬𑐶𑐧 𑐥𑐷𑐣𑑂𑐫𑐵𑐡𑑃 𑐥𑐷𑐏𑐸𑐡𑑃 𑐮𑐶𑐥𑐵 𑐠𑑅𑐐𑐸 𑐣𑑂𑐴𑐹𑐐𑐸 𑐧𑐵𑐏𑑄 𑐩𑐸𑐣𑐵 𑐳𑐦𑐹 𑐖𑑂𑐰𑐣𑐵𑑅 𑐴𑐵𑐎𑐣𑑄 𑐥𑐶𑐮𑐹 𑐰𑑅𑐐𑐸 𑐏𑑅 𑑋 𑐰𑐫𑑂𑐎𑑅𑐫𑐵 𑐣𑑂𑐴𑐹𑐐𑐸 𑐧𑐵𑐏𑑄 𑐩𑐸𑐣𑐵 𑐳𑐦𑐸𑐟𑐶𑐂 𑐣𑑂𑐴𑐹𑐐𑐸 𑐰 𑐥𑐸𑐮𑐵𑑄𑐐𑐸 𑐫𑐵𑐣𑐵𑑅 𑐩𑐸𑐎𑑂𑐎𑑄 𑐗𑐶𑑄𑐥𑑂𑐫𑐥𑐸 𑐧𑐵𑐏𑑄 𑐡𑐸𑐠𑑂𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋

𑐖𑑂𑐫𑐵𑐗𑑂𑐰𑑅 𑐀𑐩𑐾𑐬𑐶𑐎𑐵𑐫𑐵 𑐱𑐶𑐎𑐵𑐐𑑀𑐫𑑂 𑐔𑑂𑐰𑐣𑐵𑐡𑐷𑐩𑑂𑐴 𑐧𑐵𑐏𑑄 𑐔𑑂𑐰𑐩𑐶 𑐎𑐾𑐱𑐬𑐩𑐵𑐣 𑐟𑐵𑐩𑑂𑐬𑐵𑐎𑐵𑐬𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS