Read news in NepalBhasa text-- www.hamroschool.com BACK 𑐎𑐶𑐥𑐹 𑐳𑐶𑑄𑐐𑐶𑑄𑐒 𑐁𑐂𑐜𑐮𑐫𑐵 𑐳𑐶𑐐𑑂𑐣𑐾𑐔𑐬 𑐩𑑂𑐫𑐸𑐖𑐶𑐎 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐎𑐶𑐥𑐹 𑐳𑐶𑑄𑐐𑐶𑑄𑐒 𑐁𑐂𑐜𑐮𑐫𑐵 𑐳𑐶𑐐𑑂𑐣𑐾𑐔𑐬 𑐩𑑂𑐫𑐸𑐖𑐶𑐎

𑐎𑐶𑐥𑐹 – 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵 𑐐𑑂𑐰𑐳𑐵𑐮𑐫𑑂 𑐖𑐸𑐂𑐐𑐸 ‘𑐎𑐷𑐬𑑂𑐟𑐶𑐥𑐸𑐬 𑐳𑐶𑑄𑐐𑐶𑐒 𑐁𑐂𑐜𑐮–𑑑𑑑𑑔𑑑’𑐫𑐵 𑐣𑐶𑑄𑐟𑐶𑑄 𑐳𑐶𑐐𑑂𑐣𑐾𑐔𑐬 𑐩𑑂𑐫𑐸𑐖𑐶𑐎 𑐟𑐫𑐵𑐬 𑐫𑐵𑑅𑐐𑐸 𑐡𑐸 𑑋 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵 𑐐𑑂𑐰𑐳𑐵𑐮𑐫𑑂 𑐎𑐶𑐥𑐹 𑐣𑐐𑐬𑐫𑐵 𑐮𑑂𑐫𑐵𑐫𑑂𑐩𑑂𑐴𑐥𑐶𑑄 𑐩𑑂𑐫𑐾𑑃 𑐴𑐵𑐮𑐵𑐩𑐶𑐥𑐶𑑄𑐟 𑐥𑑂𑐬𑑀𑐟𑑂𑐳𑐵𑐴𑐶𑐟 𑐫𑐵𑐫𑐾𑐎𑐠𑑄 𑐄𑐐𑐸 𑐖𑑂𑐫𑐵𑐗𑑂𑐰𑑅 𑐫𑐵𑐫𑐾𑐟𑑂𑐫𑑄𑐐𑐸 𑐏𑑅 𑑋

𑐳𑐵𑑄𑐐𑐷𑐟𑐶𑐎 𑐏𑑂𑐫𑐮𑐫𑑂 𑐮𑑂𑐫𑐵𑐫𑑂𑐩𑑂𑐴 𑐥𑐸𑐳𑑂𑐟𑐵𑐫𑐵𑐟 𑐁𑐎𑐬𑑂𑐲𑐶𑐟 𑐫𑐵𑐫𑐾𑐎𑐠𑑄 𑐣𑐐𑐬𑐥𑐵𑐮𑐶𑐎𑐵𑑄 𑐄𑐎𑐠𑑄𑐫𑐵 𑐎𑐵𑐳𑐵 𑐫𑐵𑐫𑐾𑐟𑑂𑐫𑑄𑐐𑐸 𑐏𑑅𑐳𑐵 𑐎𑐵𑐳𑐵𑐫𑐵 𑐥𑑂𑐬𑐔𑐵𑐬 𑐥𑑂𑐬𑐳𑐵𑐬 𑐫𑐵𑐫𑐾𑐐𑐸 𑐮𑑂𑐫𑐵𑐏𑑄 𑐳𑐶𑐐𑑂𑐣𑐾𑐔𑐬 𑐩𑑂𑐫𑐸𑐖𑐶𑐎 𑐟𑐫𑐵𑐬 𑐫𑐵𑑅𑐐𑐸 𑐏𑑅 𑑋

𑐳𑐶𑐐𑑂𑐣𑐾𑐔𑐬 𑐩𑑂𑐫𑐸𑐖𑐶𑐎 𑐟𑐫𑐵𑐬 𑐮𑐶𑐥𑐵 𑐁𑑅 𑐎𑐶𑐥𑐹𑐫𑐵 𑐠𑐵𑐫𑑂𑐠𑐵𑐳𑐫𑑂 𑐎𑐵𑐳𑐵 𑐳𑐩𑑂𑐧𑐣𑑂𑐢𑐷 𑐖𑐵𑐣𑐎𑐵𑐬𑐷 𑐧𑐷𑐐𑐸 𑐮𑑂𑐫𑐵𑐏𑑄 𑐄𑐐𑐸 𑐩𑑂𑐫𑐸𑐖𑐶𑐎𑐫𑐵𑐟 𑐥𑑂𑐬𑐫𑑀𑐐 𑐫𑐵𑐫𑐾𑐐𑐸 𑐐𑑂𑐰𑐳𑐵𑑅 𑐏𑐮𑐎𑑄 𑐖𑐵𑐣𑐎𑐵𑐬𑐷 𑐧𑐶𑐄𑐐𑐸 𑐡𑐸 𑑋

𑐣𑐵𑑄𑐖𑐵𑑅𑐩𑑂𑐴 𑐮𑐫𑑂𑐔𑐶𑐣𑐵𑐩𑐶 𑐴𑐬𑐶𑐱𑐬𑐞 𑐳𑐵𑐫𑑂𑐩𑐶𑐫𑐵 𑐳𑑄𑐫𑑀𑐖𑐎𑐟𑑂𑐰𑐫𑑂 𑐕𑐐𑐹 𑐳𑐩𑐶𑐟𑐶 𑐐𑐛𑐣 𑐫𑐵𑐣𑐵𑐟𑑅𑐐𑐸 𑐡𑐸𑐳𑐵 𑐳𑐩𑐶𑐟𑐶𑐂 𑐎𑐶𑐥𑐹𑐫𑐵 𑐣𑐵𑑄𑐖𑐵𑑅𑐥𑐶𑑄 𑐩𑑂𑐫𑐾𑑃 𑐴𑐵𑐮𑐵𑐩𑐶𑐥𑐶𑑄 𑐳𑐟𑐶𑐱 𑐩𑐴𑐬𑑂𑐖𑐣, 𑐬𑐵𑐣𑐷𑐱𑑀𑐨𑐵 𑐩𑐴𑐬𑑂𑐖𑐣, 𑐡𑐶𑐥𑐵 𑐩𑐴𑐬𑑂𑐖𑐣, 𑐬𑐟𑑂𑐣𑐱𑑀𑐨𑐵 𑐩𑐴𑐬𑑂𑐖𑐣, 𑐳𑐰𑐶𑐣 𑐱𑑂𑐬𑐾𑐲𑑂𑐛, 𑐣𑑂𑐴𑐸𑐕𑐾 𑐡𑐬𑑂𑐱𑐣𑐢𑐵𑐬𑐷, 𑐬𑐷𑐟𑐵 𑐩𑐴𑐬𑑂𑐖𑐣, 𑐳𑑂𑐰𑐳𑑂𑐟𑐶 𑐩𑐴𑐬𑑂𑐖𑐣, 𑐎𑐺𑐲𑑂𑐞𑐴𑐬𑐶 𑐩𑐴𑐬𑑂𑐖𑐣 𑐮𑐐𑐵𑐫𑐟𑐫𑐵 𑐎𑐮𑐵𑐎𑐵𑐬𑐥𑐶𑑄 𑐡𑐸𑐖𑑅𑐎𑐠𑑄 𑐔𑑂𑐰𑐣𑐵𑐡𑐷𑐐𑐸 𑐡𑐸 𑑋

𑐎𑐶𑐥𑐹 𑐁𑐂𑐜𑐮𑐫𑐵 𑐣𑐶𑑄𑐟𑐶𑑄 𑐟𑐫𑐵𑐬 𑐫𑐵𑑅𑐐𑐸 𑐳𑐶𑐐𑑂𑐣𑐾𑐔𑐬 𑐩𑑂𑐫𑐸𑐖𑐶𑐎𑐫𑑂 𑐳𑐩𑐶𑐟𑐶𑐫𑐵 𑐴𑐾 𑐡𑐸𑐖𑑅 𑐎𑐮𑐵𑐎𑐵𑐬𑐥𑐶𑑄𑐳𑑄 𑐳𑑅 𑐧𑐶𑐫𑐵𑐡𑐷𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS