Read news in NepalBhasa text-- www.hamroschool.com BACK 𑐎𑐶𑐥𑐸𑐮𑐶𑐂 𑐡𑐾𑐰𑐷 𑐥𑑂𑐫𑐵𑐏𑑄 𑐥𑑂𑐬𑐡𑐬𑑂𑐱𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐎𑐶𑐥𑐸𑐮𑐶𑐂 𑐡𑐾𑐰𑐷 𑐥𑑂𑐫𑐵𑐏𑑄 𑐥𑑂𑐬𑐡𑐬𑑂𑐱𑐣

𑐎𑐶𑐥𑐹 – 𑐠𑐐𑐸𑐣𑐾 𑐎𑑀𑐬𑑀𑐣𑐵𑐫𑐵 𑐎𑐵𑐬𑐞𑑄 𑐳𑑂𑐠𑐐𑐶𑐟 𑐖𑐹𑐐𑐸 𑐠𑐣𑐫𑐵 𑐡𑐾𑐰𑐷 𑐥𑑂𑐫𑐵𑐏𑑄 𑐠𑐸𑐐𑐸𑐳𑐷 𑐎𑑂𑐫𑐣𑐾𑐐𑐸 𑐖𑑂𑐫𑐵 𑐖𑐸𑐮 𑑋 𑐡𑑃𑐫𑑂𑐡𑐳𑑄 𑐩𑑀𑐴𑐣𑐶 𑐣𑐏𑑅𑐫𑐵 𑐂𑐮𑐫𑑂 𑐎𑑂𑐫𑐣𑐷𑐐𑐸 𑐠𑐣𑐫𑐵 𑐡𑐾𑐰𑐷 𑐥𑑂𑐫𑐵𑐏𑑄 𑐠𑐸𑐐𑐸𑐳𑐷 𑐰𑑄𑐐𑐸 𑐱𑐣𑐶𑐰𑐵𑑅 𑐳𑐵𑐬𑑂𑐰𑐖𑐣𑐶𑐎 𑐫𑐵𑑅𑐐𑐸 𑐏𑑅𑑋
𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵 𑐰𑐜𑐵 𑐣𑑄. 𑑑𑑐 𑐳𑑂𑐠𑐶𑐟 𑐟𑑅𑐣𑐣𑐶 𑐡𑐵𑐦𑐵 𑐏𑐮𑑅𑐥𑐵𑐏𑐾𑑄 𑐄𑐐𑐸 𑐡𑐾𑐰𑐷 𑐥𑑂𑐫𑐵𑐏𑑄 𑐟𑑅𑐣𑐣𑐶 𑐟𑑂𑐰𑐵𑐮𑐫𑑂 𑐎𑑂𑐫𑐣𑐾𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋

𑐎𑐶𑐥𑐹𑐫𑐵 𑐴𑐾 𑐀𑐩𑐹𑐬𑑂𑐟 𑐳𑐵𑑄𑐳𑑂𑐎𑐺𑐟𑐶𑐎 𑐳𑐩𑑂𑐥𑐡𑐵𑐫𑐵 𑐬𑐸𑐥𑐫𑑂 𑐎𑐫𑐵𑐟𑑅𑐐𑐸 𑐠𑐸𑐐𑐸 𑐡𑐾𑐰𑐷 𑐥𑑂𑐫𑐵𑐏𑐣𑐫𑑂 𑐂𑐣𑑂𑐡𑑂𑐬𑐵𑐫𑐞𑐷, 𑐧𑑂𑐬𑐩𑑂𑐴𑐵𑐫𑐞𑐷, 𑐨𑐿𑐬𑐰, 𑐏𑑂𑐫𑐵𑑅, 𑐎𑐰𑑄, 𑐣𑐶𑐩𑑂𑐴 𑐥𑑂𑐰 𑐰 𑐡𑐵𑐐𑐶𑑄𑐣𑐷 𑐫𑐵𑐣𑐵𑑅 𑐔𑑂𑐫𑐵𑐩𑑂𑐴 𑐡𑐾𑐰𑐐𑐞 𑐡𑐂 𑑋 𑐰𑑄𑐐𑐸 𑐱𑐣𑐶𑐰𑐵𑑅 𑐟𑑅𑐣𑐣𑐶𑐂 𑐎𑑂𑐫𑑄𑐐𑐸 𑐥𑑂𑐫𑐵𑐏𑑄 𑐰𑑄𑐐𑐸 𑐎𑐟𑐶𑑄𑐥𑐸𑐣𑑂𑐴𑐶𑐎𑐸𑐣𑑂𑐴𑐸 𑐔𑐶𑐮𑑄𑐔𑑂𑐰𑐫𑑂 𑐣𑑄 𑐎𑑂𑐫𑑄𑐐𑐸 𑐏𑑅 𑑋

𑐁𑐬𑑂𑐠𑐶𑐎 𑐱𑑂𑐬𑑀𑐟 𑐀𑐨𑐵𑐰𑐫𑐵 𑐎𑐵𑐬𑐞𑑄 𑐰𑑄𑐐𑐸 𑐕𑐸𑑄 𑐡𑑃 𑐣𑑂𑐴𑑂𑐫𑐰𑑄𑐣𑐶𑐳𑐾𑑄 𑐡𑐶𑐣𑐵𑐔𑑂𑐰𑑄𑐐𑐸 𑐥𑑂𑐫𑐵𑐏𑑄𑐫𑐵𑐟 𑐳𑑄𑐬𑐎𑑂𑐲𑐞 𑐫𑐵𑐫𑐾𑐐𑐸 𑐰 𑐣𑐶𑐬𑐣𑑂𑐟𑐬𑐟𑐵 𑐧𑐷𑐐𑐸 𑐮𑑂𑐫𑐵𑐏𑑄 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑑄 𑐕𑐐𑐹 𑐀𑐎𑑂𑐲𑐫 𑐎𑑀𑐲 𑐣𑑄 𑐳𑑂𑐰𑐣𑐵 𑐧𑐶𑐄𑐐𑐸 𑐏𑑅 𑑋
𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵 𑐥𑑂𑐫𑐵𑐏𑑄 𑐳𑑄𑐬𑐎𑑂𑐲𑐞𑐫𑐵 𑐣𑐶𑑄𑐟𑐶𑑄 𑑑𑑐 𑐐𑐹 𑐮𑐏 𑐡𑐵𑑄𑐫𑐵 𑐀𑐎𑑂𑐲𑐫 𑐎𑑀𑐲𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵 𑐧𑐶𑐄𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS