Read news in NepalBhasa text-- www.hamroschool.com BACK 𑐀𑐩𑐾𑐬𑐶𑐎𑐵𑐫𑑂 𑐧𑐳𑐸𑐣𑑂𑐢𑐬𑐵 𑐢𑐮𑑄 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐀𑐩𑐾𑐬𑐶𑐎𑐵𑐫𑑂 𑐧𑐳𑐸𑐣𑑂𑐢𑐬𑐵 𑐢𑐮𑑄

𑐫𑐾𑑃- 𑐀𑐩𑐾𑐬𑐶𑐎𑐵𑐫𑑂 𑐣𑑄 𑐣𑑂𑐴𑐵𑐥𑐵𑑄𑐏𑐸𑐳𑐷 𑐧𑐳𑐸𑐣𑑂𑐢𑐬𑐵 𑐰𑑂𑐬𑐟 𑐳𑐵𑐢𑐣𑐵 𑐫𑐵𑐂𑐐𑐸 𑐖𑐹𑐐𑐸 𑐡𑐸 𑑋 𑐀𑐩𑐾𑐬𑐶𑐎𑐵–𑐣𑐾𑐥𑐵𑐮 𑐥𑐬𑐩𑑂𑐥𑐬𑐵𑐐𑐟 𑐧𑑁𑐡𑑂𑐢 𑐢𑐬𑑂𑐩 𑐳𑑄𑐑𑐫𑐵 𑐐𑑂𑐰𑐳𑐵𑐮𑐫𑑂 𑐠𑑁𑑄 𑐰 𑐎𑐣𑑂𑐴𑐫𑑂 𑐣𑐶𑐣𑑂𑐴𑐸𑐫𑑄𑐎𑑄 𑐠𑑂𑐰 𑐰𑑂𑐬𑐟 𑐳𑐵𑐢𑐣𑐵 𑐫𑐵𑐫𑐾𑐟𑑂𑐫𑑄𑐐𑐸 𑐏𑑅 𑑋 𑐩𑐾𑐬𑐶𑐮𑑂𑐫𑐵𑐞𑑂𑐜𑐳𑑂𑐠𑐶𑐟 𑐣𑐾𑐥𑐵𑐮 𑐱𑐶𑐎𑑂𑐲𑐵 𑐟𑐠𑐵 𑐳𑐵𑑄𑐳𑑂𑐎𑐺𑐟𑐶𑐎 𑐎𑐾𑐣𑑂𑐡𑑂𑐬 𑐰𑐾𑐮𑑂𑐳𑐨𑐶𑐮𑐫𑐵 𑐮𑐵𑐕𑐶𑐂 𑐠𑑂𑐰 𑐧𑐳𑐸𑐣𑑂𑐢𑐬𑐵 𑐰𑑂𑐬𑐟 𑐖𑐸𑐂 𑑋

𑐟𑐶𑐠𑐶 𑐎𑐠𑑄 𑐡𑐎𑐮𑐫𑑂 𑐧𑐵𑑄𑐮𑐵𑑅𑐐𑐸 𑐣𑑂𑐴𑐶𑐫𑐵 𑐬𑐸𑐥𑐫𑑂 𑐠𑑁𑑄 𑐰 𑐎𑐣𑑂𑐴𑐫𑑂 𑐖𑐸𑐂𑐐𑐸 𑐠𑑂𑐰 𑐧𑐳𑐸𑐣𑑂𑐢𑐬𑐵 𑐢𑐮𑑄 𑐡𑐣𑐾𑐖𑑂𑐫𑐵 𑐮𑐸𑐩𑑂𑐧𑐶𑐣𑐷 𑐰𑐶𑐰𑐶𑐫𑐵 𑐥𑐸𑐮𑐵𑑄𑐩𑑂𑐴 𑐄𑐥𑐎𑐸𑐮𑐥𑐟𑐶 𑐥𑑂𑐬𑐵.𑐜𑐵. 𑐣𑐬𑐾𑐱𑐩𑐵𑐣 𑐰𑐖𑑂𑐬𑐵𑐔𑐵𑐬𑑂𑐫𑐫𑐵 𑐣𑐶𑐬𑑂𑐡𑐾𑐱𑐣𑐫𑑂 𑐥𑑂𑐬𑐩𑐸𑐏 𑐄𑐥𑐵𑐢𑑂𑐫𑐵𑐫 𑐳𑐩𑐣𑑂𑐟 𑐰𑐖𑑂𑐬𑐵𑐔𑐵𑐬𑑂𑐫 𑐰 𑐳𑐴𑐵𑐫𑐎 𑐁𑐔𑐵𑐬𑑂𑐫 𑐫𑐖𑑂𑐘𑐩𑐵𑐣 𑐱𑐵𑐎𑑂𑐫𑐥𑐶𑑄 𑐐𑐸𑐬𑐸𑐖𑐸𑐫𑐵 𑐬𑐸𑐥𑐫𑑂 𑐫𑐵𑐫𑐾𑐟𑑂𑐫𑑄𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑑅𑐫𑐵 𑐩𑐹 𑐥𑑂𑐬𑐵𑐫𑑀𑐖𑐎 𑐊𑐣𑐃𑐳𑐷𑐳𑐷, 𑐣𑐾𑐥𑐵𑑅 𑐥𑐵𑐳𑐵 𑐥𑐸𑐔𑑅 𑐀𑐩𑐾𑐬𑐶𑐎𑐵𑐫𑑂 𑐰 𑐣𑐾𑐰𑐵𑑅 𑐀𑐬𑑂𑐐𑐣𑐵𑐂𑐖𑐾𑐱𑐣 𑐀𑐦 𑐀𑐩𑐾𑐬𑐶𑐎𑐵 𑐏𑑅 𑑋 𑐳𑑂𑐰𑐣𑐶𑐐𑐮𑐫𑑂 𑐟𑐳𑐎𑑄 𑐮𑑀𑐎𑑄𑐴𑑂𑐰𑐵𑑅𑐐𑐸 𑐠𑑂𑐰 𑐧𑐳𑐸𑐣𑑂𑐢𑐬𑐵 𑐢𑐮𑑄 𑐡𑐣 𑐢𑐵𑑅𑐳𑐵 𑐨𑑁𑐟𑐶𑐎 𑐖𑐎 𑐩𑐏𑐸 𑐁𑐢𑑂𑐫𑐵𑐟𑑂𑐩𑐶𑐎 𑐳𑐸𑐏 𑐣𑑄 𑐥𑑂𑐬𑐵𑐥𑑂𑐟 𑐖𑐸𑐂 𑐢𑐂𑐐𑐸 𑐖𑐣𑐰𑐶𑐱𑑂𑐰𑐵𑐳 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS