𑐠𑑁𑑄 𑐩𑐴𑐵𑐎𑐰𑐶 𑐳𑐶𑐡𑑂𑐢𑐶𑐡𑐵𑐳𑐫𑐵 𑑑𑑕𑑔 𑐡𑑃 𑐧𑐸𑐣𑑂𑐴𑐶
𑐫𑐾𑑃 – 𑐩𑐴𑐵𑐎𑐰𑐶 𑐳𑐶𑐡𑑂𑐢𑐶𑐡𑐵𑐳 𑐩𑐴𑐵𑐖𑐸𑐫𑐵 𑐠𑑁𑑄 𑑑𑑕𑑔 𑐡𑑃 𑐧𑐸𑐣𑑂𑐴𑐶 𑐏𑑅 𑑋 𑐬𑐵𑐞𑐵 𑐱𑐵𑐳𑐣𑐫𑑂 𑐀𑐳𑑂𑐟𑐶𑐟𑑂𑐰𑐫𑐵 𑐳𑑄𑐎𑐚𑐫𑑂 𑐮𑐵𑐫𑐾𑐢𑐸𑑄𑐎𑐹𑐐𑐸 𑐣𑐾𑐥𑐵𑐮𑐨𑐵𑐲𑐵𑐫𑐵𑐟 𑐳𑐵𑐴𑐶𑐟𑑂𑐫 𑐳𑐶𑐬𑑂𑐖𑐣𑐵𑐥𑐵𑐏𑐾𑑄 𑐴𑐵𑐣𑑄 𑐩𑑂𑐰𑐵𑐎𑐾𑐐𑐸 𑐖𑑂𑐫𑐵𑐫𑑂 𑐀𑐠𑐎 𑐫𑑀𑐐𑐡𑐵𑐣 𑐧𑐶𑐫𑐵𑐡𑐷𑐩𑑂𑐴 𑐩𑐴𑐵𑐎𑐰𑐶 𑐳𑐶𑐡𑑂𑐢𑐶𑐡𑐵𑐳𑐫𑐵𑐟 𑐣𑐾𑐥𑐵𑐮𑐨𑐵𑐲𑐵 𑐄𑐟𑑂𑐠𑐵𑐣𑐫𑐵 𑐥𑑂𑐫𑑄𑐐𑑅 𑐠𑐵𑑄 𑐩𑐢𑑂𑐫𑐾 𑐕𑐐𑑅 𑐫𑐵𑐣𑐵 𑐟𑑅𑐐𑐸 𑐡𑐸𑐳𑐵 𑐳𑐵𑐴𑐶𑐟𑑂𑐫 𑐏𑑂𑐫𑐮𑐫𑑂 𑐰𑐫𑑂𑐎𑑅𑐫𑐵𑐟 ‘𑐩𑐴𑐵𑐎𑐰𑐶’ 𑐫𑐵 𑐳𑐩𑑂𑐩𑐵𑐣𑑄 𑐕𑐵𑐫𑑂𑐥𑐶𑐫𑐵𑐟𑑅𑐐𑐸 𑐡𑐸 𑑋 𑐰𑑄𑐐𑐸 𑐮𑐕𑐶 𑐣𑑂𑐴𑑂𑐫𑑅 𑐟𑐶𑐣𑐶 𑐰𑐫𑑂𑐎𑑅𑐫𑐵 𑐳𑐩𑑂𑐥𑐹𑐬𑑂𑐞 𑐎𑐺𑐟𑐶 𑐕𑐠𑐵𑐳𑑄 𑐟𑐫𑐵𑑅 ‘𑐳𑐶𑐡𑑂𑐢𑐶𑐩𑐵𑑅’ 𑐣𑐵𑐩𑑄 𑐳𑐦𑐹 𑐥𑐶𑐴𑐵𑑄 𑐰𑑅𑐐𑐸 𑐏𑑅 𑑋
𑐠𑑁𑑄 𑐰𑐫𑑂𑐎𑑅𑐫𑐵 𑐧𑐸𑐣𑑂𑐴𑐶𑐫𑐵 𑐮𑐳𑐟𑐵𑐫𑑂 𑐳𑐶𑐡𑑂𑐢𑐶𑐡𑐵𑐳 𑐳𑑂𑐩𑐺𑐟𑐶 𑐳𑐩𑐵𑐖𑐥𑐵𑐏𑐾𑑄 𑐠𑐣𑐫𑐵 𑐨𑑀𑐟𑐵𑐴𑐶𑐟𑐶 𑐡𑐸𑐰𑐵𑑅𑐫𑐵𑐟 ‘𑐳𑐶𑐡𑑂𑐢𑐶𑐡𑐵𑐳 𑐔𑑀𑐎’ 𑐣𑐵𑑄 𑐟𑐫𑐾𑐐𑐸 𑐖𑑂𑐫𑐵𑐗𑑂𑐰𑑅 𑐫𑐵𑐫𑐾𑐟𑑂𑐫𑑄𑐐𑐸 𑐡𑐸 𑑋 𑐄𑐐𑐸 𑐠𑐵𑐳𑐫𑑂 𑐕𑐸𑑄 𑐡𑑃 𑐣𑑂𑐴𑑂𑐫𑑅 𑐩𑐴𑐵𑐎𑐰𑐶 𑐳𑐶𑐡𑑂𑐢𑐶𑐡𑐵𑐳𑐫𑐵 𑐗𑑂𑐰𑐵𑐟𑐵 𑐥𑐮𑐶𑐳𑑂𑐠𑐵 𑐫𑐵𑑅𑐐𑐸 𑐏𑑅𑐳𑐵 𑐁𑑅 𑐄𑐐𑐸 𑐡𑐸𑐰𑐵𑑅𑐫𑐵𑐟 𑐴𑐾 𑐳𑐶𑐡𑑂𑐢𑐶𑐡𑐵𑐳 𑐔𑑀𑐎 𑐣𑐵𑑄 𑐟𑐫𑐵𑑅 𑐥𑑂𑐬𑐔𑐵𑐬𑐫𑑂 𑐴𑐫𑐾𑐐𑐸 𑐎𑐸𑐟𑑅 𑐖𑐸𑐂𑐟𑑂𑐫𑑄𑐐𑐸 𑐏𑑅 𑑋
LEAVE YOUR COMMENTS