Read news in NepalBhasa text-- www.hamroschool.com BACK 𑐩𑐾𑐳𑐷𑑄 𑐥𑐶𑐊𑐳𑐖𑐷𑐥𑐵𑐏𑐾𑑄 𑐜𑐾𑐧𑑂𑐫𑐸 𑐎𑐵𑐳𑐵 𑐩𑑂𑐴𑐶𑐟𑐮 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐩𑐾𑐳𑐷𑑄 𑐥𑐶𑐊𑐳𑐖𑐷𑐥𑐵𑐏𑐾𑑄 𑐜𑐾𑐧𑑂𑐫𑐸 𑐎𑐵𑐳𑐵 𑐩𑑂𑐴𑐶𑐟𑐮

𑐊𑐖𑐾𑐣𑑂𑐳𑐷÷𑐀𑐬𑑂𑐖𑐾𑐣𑑂𑐚𑐶𑐣𑐵𑐫𑐵 𑐳𑑂𑐚𑐵𑐬 𑐎𑐵𑐳𑐵𑐩𑐶 𑐮𑐶𑐫𑑀𑐣𑐮 𑐩𑐾𑐳𑐷𑑄 𑐦𑑂𑐬𑐾𑐣𑑂𑐔 𑐎𑑂𑐮𑐧 𑐥𑐶𑐊𑐳𑐖𑐷𑐥𑐵𑐏𑐾𑑄 𑐜𑐾𑐧𑑂𑐫𑐸 𑐎𑐵𑐳𑐵 𑐩𑑂𑐴𑐶𑐟𑐹𑐐𑐸 𑐡𑐸 𑑋 𑐁𑐂𑐟𑐰𑐵𑑅 𑐔𑐵𑐣𑑂𑐴𑐫𑑂 𑐬𑐾𑐂𑐩𑑂𑐳𑐮𑐶𑐳𑐾 𑐖𑐹𑐐𑐸 𑐎𑐵𑐳𑐵𑐫𑑂 𑐩𑐾𑐳𑐷𑑄 𑐥𑐶𑐊𑐳𑐖𑐷𑐫𑐵 𑐣𑐶𑑄𑐟𑐶𑑄 𑐣𑑂𑐴𑐵𑐥𑐵𑑄𑐐𑐸 𑐎𑐵𑐳𑐵 𑐩𑑂𑐴𑐶𑐟𑐹𑐐𑐸 𑐏𑑅 𑑋 𑐩𑐾𑐳𑐷 𑐎𑐵𑐳𑐵𑐫𑐵 𑑖𑑖 𑐍𑑄 𑐩𑐶𑐣𑐾𑐚𑐫𑑂 𑑓𑑐 𑐣𑐩𑑂𑐧𑐬 𑐖𑐬𑑂𑐳𑐷 𑐦𑐶𑐣𑐵 𑐧𑑂𑐬𑐵𑐖𑐶𑐮𑐫𑐵 𑐳𑑂𑐚𑐵𑐬 𑐎𑐵𑐳𑐵𑐩𑐶 𑐣𑐾𑐫𑐩𑐵𑐬𑐫𑐵 𑐠𑐵𑐳𑐫𑑂 𑐩𑐿𑐡𑐵𑐣𑐫𑑂 𑐡𑐸𑐴𑐵𑑄 𑐰𑑅𑐐𑐸 𑐏𑑅 𑑋

𑐩𑐾𑐳𑐷 𑐩𑐿𑐡𑐵𑐣𑐫𑑂 𑐡𑐸𑐴𑐵𑑄 𑐰𑐫𑐾𑐰𑑄 𑐎𑐵𑐳𑐵 𑐳𑑂𑐰𑑅𑐰𑐫𑐵𑐔𑑂𑐰𑐥𑐶𑑄 𑐡𑐎𑑂𑐰𑑄 𑐡𑐬𑑂𑐱𑐎𑐟𑐫𑑂𑐳𑑄 𑐩𑐾𑐳𑐷𑐫𑐵 𑐳𑐩𑑂𑐩𑐵𑐣 𑐫𑐵𑐳𑐾𑑄 𑐡𑐣𑐵𑑅 𑐮𑐵𑐥𑐵 𑐠𑐵𑑅𑐐𑐸 𑐏𑑅 𑑋 𑐬𑐾𑐂𑐩𑑂𑐳𑐫𑐵 𑐩𑐿𑐡𑐵𑐣𑐫𑑂 𑐎𑐵𑐳𑐵 𑐖𑐹𑐐𑐸 𑐏𑑅𑐳𑐵𑑄 𑐡𑐬𑑂𑐱𑐎 𑐢𑐵𑑅𑐳𑐵 𑐥𑐶𑐊𑐳𑐖𑐷𑐫𑐵 𑐎𑐵𑐳𑐵𑐩𑐶 𑐩𑐾𑐳𑐷𑐫𑐵𑐟 𑐳𑑂𑐰𑐫𑐾𑐟 𑐬𑑄𑐐𑐮𑐱𑐵𑐮𑐵𑐫𑑂 𑐰𑑅𑐐𑐸 𑐏𑑅 𑑋 𑑒𑑑 𑐴𑐖𑐵𑐬 𑐎𑑂𑐲𑐩𑐟𑐵 𑐡𑐸𑐐𑐸 𑐬𑑄𑐐𑐱𑐵𑐮𑐵𑐫𑑂 𑐩𑐾𑐳𑐷 𑐎𑐵𑐳𑐵 𑐩𑑂𑐴𑐶𑐟𑐷𑐐𑐸 𑐖𑐸𑐂𑐰𑑄 𑐥𑐹𑐰𑑄𑐎 𑐴𑐾 𑐖𑐵𑑅𑐐𑐸 𑐏𑑅 𑑋

𑐎𑐵𑐳𑐵𑐫𑑂 𑐥𑐶𑐊𑐳𑐖𑐷𑑄 𑐬𑐾𑐂𑐩𑑂𑐳𑐫𑐵𑐟 𑑒–𑑐 𑐐𑑀𑐮 𑐧𑐸𑐎𑐮 𑑋 𑐎𑐵𑐳𑐵𑐫𑐵 𑐣𑐶𑐐𑐸𑐮𑐶𑑄 𑐐𑑀𑐮 𑐦𑑂𑐬𑐵𑐣𑑂𑐳𑐫𑐵 𑐳𑑂𑐚𑐵𑐬 𑐎𑐵𑐳𑐵𑐩𑐶 𑐎𑐾𑐮𑐶𑐫𑐣 𑐊𑐩𑐧𑐵𑐥𑑂𑐥𑐾𑑄 𑐫𑐵𑑅𑐐𑐸 𑐏𑑅 𑑋 𑐊𑐩𑐧𑐵𑐥𑑂𑐥𑐾𑑄 𑐎𑐵𑐳𑐵𑐫𑐵 𑑑𑑖 𑐍𑑄 𑐰 𑑖𑑓 𑐍𑑄 𑐩𑐶𑐣𑐾𑐚𑐫𑑂 𑐐𑑀𑐮 𑐫𑐵𑑅𑐐𑐸 𑐏𑑅 𑑋
𑐥𑐶𑐊𑐳𑐖𑐷𑐫𑐵 𑐥𑑂𑐬𑐱𑐶𑐎𑑂𑐲𑐎 𑐩𑑁𑐬𑐶𑐳𑐶𑐫𑐵 𑐥𑑀𑐔𑐾𑐚𑐶𑐣𑑀𑑄 𑐩𑐾𑐳𑐷 𑐦𑐬𑑂𑐩𑐫𑑂 𑐩𑐡𑐸𑐣𑐶𑐐𑐸 𑐰 𑐦𑐬𑑂𑐩𑐫𑑂 𑐰𑐫𑐾𑐟 𑐣𑐶𑐰𑐵𑑅𑐫𑐵 𑐃 𑐩𑐵𑐮𑐷𑐐𑐸 𑐖𑐹𑐳𑐵𑑄 𑐩𑐾𑐳𑐷 𑐜𑐾𑐧𑑂𑐫𑐸 𑐫𑐵𑑅𑐐𑐸𑐮𑐶𑑄 𑐠𑑅 𑐟𑐳𑐎𑑄 𑐮𑐫𑑂𑐟𑐵𑐫𑐵𑐐𑐸 𑐢𑐵𑑅𑐐𑐸 𑐡𑐸 𑑋 𑐣𑐶𑐐𑐹 𑐡𑐱𑐎 𑐟𑐎 𑐳𑑂𑐥𑐾𑐣𑐶𑐳 𑐎𑑂𑐮𑐧 𑐧𑐵𑐬𑑂𑐳𑐶𑐮𑑀𑐣𑐵𑑄 𑐩𑑂𑐴𑐶𑐟𑐹𑐩𑑂𑐴 𑐩𑐾𑐳𑐷𑐫𑐵 𑐎𑐬𑐶𑐫𑐬𑐫𑑂 𑐥𑐶𑐊𑐳𑐖𑐷 𑐣𑐶𑐐𑐹𑐐𑐸 𑐎𑑂𑐮𑐧 𑐏𑑅𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS