Read news in NepalBhasa text-- www.hamroschool.com BACK 𑐣𑐾𑐥𑐵𑐮𑐐𑐘𑑂𑐖𑐫𑑂 𑐣𑑂𑐴𑐵𑐥𑐵𑑄𑐏𑐸𑐳𑐷 𑐳𑐵𑐫𑐵𑑅 𑐥𑐶𑐠𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐣𑐾𑐥𑐵𑐮𑐐𑐘𑑂𑐖𑐫𑑂 𑐣𑑂𑐴𑐵𑐥𑐵𑑄𑐏𑐸𑐳𑐷 𑐳𑐵𑐫𑐵𑑅 𑐥𑐶𑐠𑐣

𑐫𑐾𑑃 – 𑐣𑐾𑐥𑐵𑐮𑐐𑐘𑑂𑐖𑐫𑑂 𑐠𑐸𑐐𑐸𑐳𑐷 𑐣𑑂𑐴𑐵𑐥𑐵𑑄𑐏𑐸𑐳𑐷 𑐳𑐵𑐫𑐵𑑅 𑐥𑐶𑐠𑑄𑐐𑐸 𑐡𑐸 𑑋 𑐣𑐾𑐥𑐵𑐮𑐐𑐘𑑂𑐖𑐫𑑂 𑐔𑑂𑐰𑑄𑐥𑐶𑑄 𑐣𑐾𑐰𑐵𑑅𑐟𑐫𑑂𑐳𑑄 𑐠𑑅 𑐩𑐡𑐸𑐥𑐶𑑄 𑐕𑐾𑑃𑐖𑑅𑐥𑐶𑐣𑐶 𑐮𑐸𑐩𑐣𑑂𑐟𑐷 𑐩𑑄𑐎𑐵𑑅 𑐎𑐠𑑄 𑐳𑐵𑐫𑐵𑑅 𑐥𑐶𑐠𑑃𑐐𑐸 𑐏𑑅 𑑋 𑐣𑐾𑐰𑐵𑑅 𑐥𑐸𑐔𑑅 𑐧𑐵𑑃𑐎𑐾 𑐰 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹 𑐧𑐵𑑃𑐎𑐾𑐫𑐵 𑐐𑑂𑐰𑐳𑐵𑐮𑐫𑑂 𑐨𑐵𑐫𑑂, 𑐳𑑄𑐳𑑂𑐎𑐺𑐟𑐶 𑐰 𑐥𑐬𑐩𑑂𑐥𑐬𑐵𑐫𑐵 𑐳𑑄𑐬𑐎𑑂𑐲𑐞 𑐫𑐵𑐫𑐾 𑐢𑐫𑐵𑐐𑐸 𑐣𑐵𑐬𑐵 𑐧𑐶𑐫𑐵𑑅 𑐳𑐵𑐫𑐵𑑅 𑐥𑐶𑐠𑑃𑐐𑐸 𑐏𑑅 𑑋

𑐠𑑂𑐰𑐫𑐵𑑄 𑐣𑑂𑐴𑑂𑐫𑑅 𑐣𑐾𑐥𑐵𑐮𑐐𑐘𑑂𑐖𑐫𑑂 𑐔𑑂𑐰𑐣𑐵𑐔𑑂𑐰𑑄𑐥𑐶𑑄 𑐣𑐾𑐰𑐵𑑅𑐟𑐫𑑂 𑐠𑑅 𑐕𑐾𑑃𑐖𑑅 𑐩𑑄𑐟 𑐢𑐵𑐫𑐾𑐰𑑄 𑐀𑐣𑐫𑐵 𑐧𑐵𑐐𑐾𑐱𑑂𑐰𑐬𑐷 𑐡𑑂𑐫𑑅𑐫𑐵𑐠𑐵𑐫𑑂 𑐥𑐸𑐖𑐵 𑐰𑐣𑐵𑑅 𑐳𑐵𑐥𑐵𑐬𑐸 𑐴𑐣𑐾𑐐𑐸 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋

𑐠𑐸𑐐𑐸𑐳𑐷 𑐥𑐶𑐠𑑃𑐐𑐸 𑐩𑑄𑐎𑐵𑑅 𑐳𑐵𑐫𑐵𑑅 𑐠𑐷𑐠𑐷 𑐧𑐵𑐖𑑄𑐳𑐴𑐶𑐟 𑐣𑐾𑐥𑐵𑐮𑐐𑐘𑑂𑐖𑐫𑐵 𑐢𑐩𑑂𑐧𑑀𑐗𑐷𑐔𑑀𑐎𑑄 𑐳𑐸𑐬𑐸 𑐫𑐵𑐣𑐵𑑅 𑐳𑐾𑐟 𑐰𑐶𑐎 𑐔𑑀𑐎, 𑐟𑑂𑐬𑐶𑐰𑐾𑐞𑐷 𑐩𑑀𑐜, 𑐑𑐬𑐧𑐵𑐬𑐷 𑐚𑑀𑐮 𑐔𑐵𑑅𑐴𑐶𑐮𑐵𑑅 𑐧𑐵𑐐𑐾𑐱𑑂𑐰𑐬𑐷 𑐡𑑂𑐫𑑅𑐫𑐵𑐠𑐵𑐫𑑂 𑐠𑑂𑐫𑑄𑐎𑐵𑑅 𑐎𑑂𑐰𑐔𑐵𑐫𑐾𑐎𑐹𑐐𑐸 𑐏𑑅 𑑋 𑐳𑐵𑐫𑐵𑑅 𑐥𑐶𑐎𑐵𑑅𑐧𑐮𑐫𑑂 𑐫𑐾𑑃𑐫𑑂 𑐠𑐾𑑄 𑐩𑐳𑑂𑐟𑐫𑑂𑐟 𑐳𑐵, 𑐐𑑀𑐳𑐵𑐂𑑃𑐔𑐵 𑐡𑐫𑐾𑐎𑐵𑑅, 𑐏𑑂𑐰𑐥𑐫𑑂 𑐠𑐾𑑄 𑐟𑐵𑐫𑐵𑑅𑐩𑐔𑐵𑑅 𑐡𑐫𑐾𑐎𑐵𑑅 𑐮𑐶𑐳𑐾𑑄 𑐎𑐺𑐲𑑂𑐞, 𑐴𑐣𑐸𑐩𑐵𑐣𑐫𑐵 𑐬𑐸𑐥𑐫𑑂 𑐥𑐶𑐟𑐴𑑅𑐐𑐸 𑐏𑑅𑐳𑐵 𑐠𑑂𑐰 𑐡𑐕𑐶𑐫𑐵 𑐡𑐸𑐣𑐾 𑐩𑐡𑐸𑐥𑐶𑐣𑐶 𑐟𑐳𑑂𑐰𑐷𑐬 𑐖𑑂𑐰𑐣𑐵𑑅 𑐰𑑅𑐐𑐸 𑐏𑑅 𑑋

𑐣𑐾𑐰𑐵𑑅 𑐥𑐸𑐔𑑅 𑐧𑐵𑑃𑐎𑐾𑐫𑐵 𑐡𑐸𑐖𑑅 𑐎𑐺𑐲𑑂𑐞𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛𑑄 𑐳𑐵𑐫𑐵𑑅𑐫𑐵𑐟 𑐕𑐐𑐹 𑐖𑐵𑐟𑐷 𑐰𑐶𑐱𑐾𑐲𑐫𑐵 𑐖𑐎 𑐣𑐏𑑅 𑐎𑐠𑑄 𑐩𑐴𑑃𑐳𑐾𑑄 𑐳𑐎𑐳𑑂𑐫𑐵𑑄 𑐴𑐣𑐾𑐦𑐂𑐐𑐸 𑐥𑐬𑑂𑐰 𑐎𑐠𑑄 𑐰𑐶𑐎𑐵𑐳 𑐫𑐵𑐫𑐾𑐐𑐸 𑐏𑑃 𑐳𑑂𑐠𑐵𑐣𑐷𑐫 𑐥𑐟𑑂𑐬𑐎𑐵𑐬𑐟𑐫𑑂𑐟 𑐢𑐫𑐵𑐡𑐷𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS