Read news in NepalBhasa text-- www.hamroschool.com BACK 𑐒𑐟 𑐟𑐸𑐮𑐵𑐢𑐬 𑐩𑐶𑐳𑐵 𑐥𑐸𑐔𑑅𑐫𑐵 𑐴𑐶𑐡𑐵𑐣 𑐖𑑂𑐫𑐵𑐗𑑂𑐰𑑅 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐒𑐟 𑐟𑐸𑐮𑐵𑐢𑐬 𑐩𑐶𑐳𑐵 𑐥𑐸𑐔𑑅𑐫𑐵 𑐴𑐶𑐡𑐵𑐣 𑐖𑑂𑐫𑐵𑐗𑑂𑐰𑑅

𑐫𑐾𑑃- 𑐒𑐟 𑐟𑐸𑐮𑐵𑐢𑐬 𑐩𑐶𑐳𑐵 𑐥𑐸𑐔𑑅𑐫𑐵 𑐐𑑂𑐰𑐳𑐵𑐮𑐫𑑂 𑐕𑐐𑐹 𑐴𑐶𑐡𑐵𑐣 𑐖𑑂𑐫𑐵𑐗𑑂𑐰𑑅 𑐖𑐸𑐮 𑑋 𑐣𑐾𑐥𑐵𑐮𑐨𑐵𑐲𑐵𑐫𑐵 𑐣𑑂𑐴𑐵𑐥𑐵𑑄𑐩𑑂𑐴 𑐩𑐶𑐳𑐵 𑐧𑐵𑐏𑑄 𑐔𑑂𑐰𑐩𑐶 𑐳𑐵𑐴𑐶𑐟𑑂𑐫𑐎𑐵𑐬 𑐩𑑀𑐟𑐶𑐮𑐎𑑂𑐲𑑂𑐩𑐷 𑐄𑐥𑐵𑐳𑐶𑐎𑐵𑐫𑐵 𑑑𑑑𑑒 𑐎𑑂𑐰𑑅𑐐𑐸 𑐧𑐸𑐣𑑂𑐴𑐶𑐫𑐵 𑐮𑐳𑐟𑐵𑐫𑑂 𑐮𑐵𑐎𑐵𑑅 𑐥𑐸𑐔𑑅𑐥𑐵𑐏𑐾𑑄 𑐄𑐐𑐸 𑐴𑐶𑐡𑐵𑐣 𑐖𑑂𑐫𑐵𑐗𑑂𑐰𑑅 𑐫𑐵𑑅𑐐𑐸 𑐏𑑅 𑑋

𑐒𑐟 𑐀𑐖𑐶𑐩𑐵𑐫𑐵 𑐡𑐧𑐸𑐮𑐶𑐂 𑐮𑐵𑐫𑐣𑑂𑐳 𑐎𑑂𑐮𑐧 𑐀𑐦 𑐎𑐵𑐛𑐩𑐵𑐜𑑁𑑄𑐫𑐵 𑐐𑑂𑐰𑐵𑐴𑐵𑐮𑐶𑐂 𑐖𑐹𑐐𑐸 𑐴𑐶𑐡𑐵𑐣 𑐖𑑂𑐫𑐵𑐗𑑂𑐰𑑅𑐫𑐵 𑐄𑐮𑐾𑐖𑑂𑐫𑐵 𑐒𑐟 𑐟𑐸𑐮𑐵𑐢𑐬 𑐟𑑂𑐫𑑄𑐑𑑅 𑐟𑑂𑐰𑐵𑑅 𑐎𑐰𑑅𑐫𑐵 𑐠𑐵𑐎𑐸𑐮𑐶 𑐖𑐶𑐟𑐬𑐟𑑂𑐣 𑐟𑐸𑐮𑐵𑐢𑐬𑑄 𑐟𑑂𑐰𑐵𑑅𑐡𑐾𑐰𑐵𑐫𑑂 𑐩𑐟 𑐔𑑂𑐫𑐵𑐎𑐵𑑅 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐳𑐵𑐴𑐶𑐟𑑂𑐫𑐎𑐵𑐬 𑐩𑑀𑐟𑐶𑐮𑐎𑑂𑐲𑑂𑐩𑐷𑐫𑐵 𑐎𑐶𑐥𑐵𑐫𑑂 𑐳𑑂𑐰𑐵𑑄 𑐰 𑐏𑐵𑐡𑐵 𑐎𑑂𑐰𑐏𑐵𑐫𑐾𑐎𑐵𑑅 𑐱𑐸𑐬𑐸 𑐖𑐹𑐐𑐸 𑐴𑐶𑐡𑐵𑐣 𑐖𑑂𑐫𑐵𑐗𑑂𑐰𑐮𑐫𑑂 𑐩𑐸𑐎𑑂𑐎𑑄 𑐳𑑂𑐰𑐷𑐔𑑂𑐫𑐵𑐩𑑂𑐴𑐾𑐳𑐶𑐣𑑄 𑐴𑐶𑐡𑐵𑐣 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐴𑐶𑐡𑐵𑐣 𑐫𑐵𑐣𑐵𑐡𑐷𑐥𑐶𑑄𑐟 𑐳𑐩𑐶𑐟𑐶, 𑐩𑐶𑐳𑐵 𑐥𑐸𑐔𑑅𑐫𑐵 𑐣𑐵𑐫𑑅𑐮𑐶𑐳𑐾𑑄 𑐥𑐡𑐵𑐢𑐶𑐎𑐵𑐬𑐷𑐥𑐶𑑄𑐳𑑄 𑐡𑐳𑐶𑐥𑑁 𑐂𑐣𑐵𑐡𑐷𑐐𑐸 𑐏𑑅𑐳𑐵 𑐣𑐵𑐫𑑅 𑐩𑐶𑐣𑐸 𑐟𑐸𑐮𑐵𑐢𑐬𑑄 𑐐𑑂𑐰𑐵𑐴𑐵𑐮𑐶 𑐫𑐵𑑅𑐐𑐸 𑐮𑐵𑐫𑐣𑑂𑐳 𑐎𑑂𑐮𑐧 𑐀𑐦 𑐎𑐵𑐛𑐩𑐵𑐜𑑁𑑄 𑐧𑑂𑐮𑐜 𑐳𑐬𑑂𑐎𑐮𑐫𑐵 𑐡𑐸𑐖𑑅𑐥𑐶𑑄𑐟 𑐏𑐵𑐡𑐵 𑐎𑑂𑐰𑐏𑐵𑐫𑐾𑐎𑐵𑑅 𑐮𑐳𑐎𑐸𑐳 𑐫𑐵𑐳𑐾𑑄 𑐩𑐟𑐶𑐣𑐵𑐫𑐵 𑐔𑐶𑑄 𑐣𑑄 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS