Read news in NepalBhasa text-- www.hamroschool.com BACK 𑐎𑐶𑐥𑐸𑐮𑐷 𑐣𑐾𑐥𑐵𑐮𑐨𑐵𑐲𑐵 𑐥𑐵𑐛𑑂𑐫𑐎𑑂𑐬𑐩 𑐫𑐵𑐎𑐣𑑄 𑐟𑐫𑐵𑐬 𑐖𑐸𑐂𑐐𑐸 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐎𑐶𑐥𑐸𑐮𑐷 𑐣𑐾𑐥𑐵𑐮𑐨𑐵𑐲𑐵 𑐥𑐵𑐛𑑂𑐫𑐎𑑂𑐬𑐩 𑐫𑐵𑐎𑐣𑑄 𑐟𑐫𑐵𑐬 𑐖𑐸𑐂𑐐𑐸

𑐎𑐶𑐥𑐹- 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵 𑐡𑐸𑐣𑐾 𑐮𑐵𑑅𑐐𑐸 𑐦𑐸𑐎𑑂𑐎𑑄 𑐳𑑂𑐎𑐹𑐮𑐫𑑂 𑑑 𑐣𑐶𑐳𑐾𑑄 𑑓 𑐟𑐐𑐶𑑄 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐧𑑂𑐰𑑄𑐎𑐾𑐐𑐸 𑐣𑐶𑑄𑐟𑐶𑑄 𑐥𑐵𑐛𑑂𑐫𑐎𑑂𑐬𑐩 𑐟𑐫𑐵𑐬 𑐖𑐸𑐫𑐵𑐔𑑂𑐰𑑄𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐷𑐥𑐶𑑄 𑐱𑐶𑐎𑑂𑐲𑐎𑐟𑐫𑑂𑐟 𑐧𑐶𑐫𑐵𑐔𑑂𑐰𑑄𑐐𑐸 𑐟𑐵𑐮𑐶𑐩 𑐎𑑂𑐰𑐔𑐵𑐫𑐾𑐎𑐾𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑑂𑐰𑐰𑐵𑐣𑐵𑐡𑐶𑐳𑐾𑑄 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵 𑐩𑐾𑐫𑐬 𑐬𑐩𑐾𑐱 𑐩𑐴𑐬𑑂𑐖𑐣𑑄 𑐥𑐵𑐛𑑂𑐫𑐎𑑂𑐬𑐩 𑐫𑐵𑐎𑐣𑑄 𑐟𑐫𑐵𑐬 𑐖𑐸𑐂𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑐮𑑄 𑐎𑐶𑐥𑐹𑐫𑐵 𑐳𑑂𑐠𑐵𑐣𑐷𑐫 𑐰𑐶𑐲𑐫𑐫𑐵𑐟 𑐎𑐫𑐵𑑅 𑐴𑐾 𑐥𑐵𑐛𑐫𑐎𑑂𑐬𑐩 𑐟𑐫𑐵𑐬 𑐖𑐸𑐫𑐵𑐔𑑂𑐰𑑄𑐐𑐸 𑐣𑑂𑐴𑑂𑐫𑐠𑑃𑐳𑐾𑑄 𑐢𑐫𑐵𑐡𑐷𑐐𑐸 𑐡𑐸, ‘𑐳𑑂𑐠𑐵𑐣𑐷𑐫 𑐰𑐶𑐲𑐫𑐫𑐵 𑐴𑐾 𑐎𑐫𑐵𑑅 𑐥𑐵𑐛𑑂𑐫𑐎𑑂𑐬𑐩 𑐖𑐹𑐐𑐸𑐮𑐶𑑄 𑐠𑑂𑐰 𑐴𑐾 𑐱𑐿𑐎𑑂𑐲𑐶𑐎 𑐳𑐟𑑂𑐬𑐣𑐶𑐳𑐾𑑄 𑐧𑑂𑐰𑑄𑐎𑐾𑐐𑐸 𑐣𑐶𑑄𑐟𑐶𑑄 𑐱𑐶𑐎𑑂𑐲𑐎𑐟𑐫𑑂𑐟 𑐳𑐩𑐳𑑂𑐫𑐵 𑐖𑐸𑐂𑐩𑐏𑐸 𑑋’

𑐀𑐠𑐾𑐴𑐾 𑐄𑐥𑐩𑐾𑐫𑐬 𑐳𑐬𑐳𑑂𑐰𑐟𑐷 𑐏𑐜𑑂𑐎𑐵 𑐬𑐶𑐖𑐵𑐮𑑄 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐾𑐐𑐸 𑐣𑐶𑑄𑐟𑐶𑑄 𑐣𑐐𑐬𑐥𑐵𑐮𑐶𑐎𑐵𑐥𑐵𑐏𑐾𑑄 𑐴𑐵𑐎𑐣𑑄 𑐴𑐵𑐎𑐣𑑄 𑐟𑐵𑐮𑐶𑐩 𑐧𑐷𑐐𑐸 𑐖𑑂𑐫𑐵 𑐣𑐶𑐬𑐣𑑂𑐟𑐬 𑐖𑐸𑐫𑐵𑐔𑑂𑐰𑐣𑐷𑐐𑐸 𑐏𑑃 𑐢𑐫𑐵𑐡𑐶𑐮 𑑋
𑐀𑐠𑐾𑐴𑐾 𑐖𑑂𑐫𑐵𑐗𑑂𑐰𑐮𑐫𑑂 𑐣𑑂𑐰𑐰𑐵𑐣𑐵𑐡𑐶𑐳𑐾𑑄 𑐥𑑂𑐬𑐵. 𑐢𑐬𑑂𑐩𑐬𑐵𑐖 𑐜𑑄𑐐𑑀𑐮𑑄 𑐱𑐶𑐎𑑂𑐲𑐎𑐥𑐶𑑄𑐳𑑄 𑐬𑐔𑐣𑐵𑐟𑑂𑐩𑐎 𑐝𑑄𑐐𑑄 𑐧𑑂𑐰𑑄𑐎𑐾𑐩𑐵𑑅𑐐𑐸 𑐏𑑃 𑐣𑑂𑐴𑑂𑐫𑐠𑑃𑐳𑐾𑑄 𑐠𑑁𑑄𑐎𑐣𑑂𑐴𑐫𑑂 𑐱𑐶𑐎𑑂𑐲𑐞 𑐥𑐬𑐶𑐰𑐾𑐱 𑐎𑐠𑑄 𑐬𑐔𑐣𑐵𑐟𑑂𑐩𑐎 𑐝𑑄𑐐𑑄𑑄 𑐧𑑂𑐰𑑄𑐎𑐾𑐦𑐟 𑐢𑐵𑑅𑐳𑐵 𑐩𑐳𑑂𑐟𑐫𑑂 𑐣𑑄 𑐜𑐵𑐂𑐣𑐵𑐩𑐶𑐎 𑐖𑐸𑐫𑐵𑑅 𑐥𑐶𑐴𑐵𑑄 𑐰𑐂 𑐢𑐫𑐵𑐡𑐶𑐮 𑑋

𑐰𑑄𑐐𑐸 𑐧𑐸𑐢𑐰𑐵𑑅 𑐣𑐶𑐳𑐾𑑄 𑐳𑐸𑐬𑐸 𑐖𑐹𑐐𑐸 𑐠𑑂𑐰 𑐟𑐵𑐮𑐶𑐩𑐫𑑂 𑐎𑐶𑐥𑐹𑐫𑐵 𑐠𑐷𑐠𑐷 𑐳𑑂𑐎𑐹𑐮𑐫𑐵 𑐳𑑂𑐰𑐷𑐩𑑂𑐴𑑄 𑐩𑐮𑑂𑐫𑐵𑐎 𑐱𑐶𑐎𑑂𑐲𑐎𑐥𑐶𑑄𑐳𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑑄 𑐠𑑅𑐐𑐸 𑐣𑐥𑐵 𑐡𑐸𑐣𑐾 𑐮𑐵𑑅𑐐𑐸 𑐳𑐬𑐎𑐵𑐬𑐷 𑐰 𑐣𑐶𑐖𑐷 𑐫𑐵𑐣𑐵𑑅 𑐦𑐸𑐎𑑂𑐎𑑄 𑐳𑑂𑐎𑐸𑐮𑐫𑑂 𑐎𑐎𑑂𑐲𑐵 𑑑 𑐣𑐶𑐳𑐾𑑄 𑑓 𑐟𑐎 𑐳𑑂𑐠𑐵𑐣𑐷𑐫 𑐰𑐶𑐲𑐫𑐫𑐵 𑐬𑐸𑐥𑐫𑑂 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐾𑐐𑐸 𑐣𑐶𑐬𑑂𑐞𑐫 𑐫𑐵𑐫𑐾𑐢𑐸𑑄𑐎𑐹𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS