Read news in NepalBhasa text-- www.hamroschool.com BACK 𑐢𑐬𑑂𑐣𑐵𑐎𑐬𑑂𑐟𑐵 𑐰 𑐥𑑂𑐬𑐴𑐬𑐷 𑐡𑐠𑐸𑐂 𑐕𑐗𑐵𑑅 𑐗𑐜𑐥,  𑐡𑑂𑐰𑐮𑑄𑐡𑑂𑐰𑑅 𑐩𑐣𑐹𑐟 𑐢𑐬𑑂𑐣𑐵𑐫𑑂  (𑐮𑐶𑐳𑐾‌ 𑐎𑐶𑐥𑐵) – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐢𑐬𑑂𑐣𑐵𑐎𑐬𑑂𑐟𑐵 𑐰 𑐥𑑂𑐬𑐴𑐬𑐷 𑐡𑐠𑐸𑐂 𑐕𑐗𑐵𑑅 𑐗𑐜𑐥,  𑐡𑑂𑐰𑐮𑑄𑐡𑑂𑐰𑑅 𑐩𑐣𑐹𑐟 𑐢𑐬𑑂𑐣𑐵𑐫𑑂  (𑐮𑐶𑐳𑐾‌ 𑐎𑐶𑐥𑐵)

𑐫𑐾𑑃 – 𑐳𑐟𑐎 𑐰𑐶𑐳𑑂𑐟𑐵𑐬 𑐥𑐷𑐜𑐶𑐟 𑐳𑑄𑐑𑐬𑑂𑐲 𑐳𑐩𑐶𑐟𑐶𑐫𑐵 𑐁𑐴𑑂𑐰𑐵𑐣𑐫𑑂 𑐩𑐵𑐂𑐟𑐶𑐑𑐬 𑐩𑐞𑑂𑐜𑐮𑐵𑐫𑑂 𑐢𑐬𑑂𑐣𑐵 𑐧𑐷𑐐𑐸 𑐗𑑂𑐰𑐮𑐫𑑂 𑐕𑐗𑐵𑑅 𑐢𑐬𑑂𑐣𑐵𑐎𑐬𑑂𑐟𑐵 𑐰 𑐥𑑂𑐬𑐴𑐬𑐷 𑐡𑐠𑐸𑐂 𑐑𑑂𑐰𑐵𑐟𑑂𑐟𑐸𑐑𑑂𑐰𑐵𑐣𑐵𑑅 𑐗𑐜𑐥 𑐖𑐹𑐐𑐸 𑐡𑐸 𑑋 𑐢𑐬𑑂𑐣𑐵𑐫𑑂 𑐡𑑂𑐰𑐮𑑄𑐡𑑂𑐰𑑅 𑐩𑐣𑐹𑐟 𑐠𑑂𑐫𑐣𑐾𑐰𑑄 𑐩𑐵𑐂𑐟𑐶𑐑𑐬𑐫𑐵 𑐮𑑃 𑐥𑐹𑐰𑑄𑐎 𑐧𑐣𑑂𑐡 𑐖𑐹𑐐𑐸 𑐏𑑅 𑑋 𑐮𑑃 𑐧𑐣𑑂𑐡 𑐖𑐸𑐂𑐰𑑄 𑐥𑑂𑐬𑐴𑐬𑐷𑐫𑐵 𑐰𑐵𑐎𑐶𑐚𑐎𑐶𑐂 𑐢𑐬𑑂𑐣𑐵𑐎𑐬𑑂𑐟𑐵𑐟𑐫𑑂𑐟 𑐏𑑂𑐫𑐵𑐣𑐵 𑐕𑑂𑐰𑐫𑐾𑐟 𑐢𑐫𑐵𑐴𑑅𑐐𑐸 𑐟𑐵𑐫𑐾𑐰𑑄 𑐧𑐣𑑂𑐡𑐎𑐬𑑂𑐟𑐵𑐟𑐫𑑂𑐳𑑄 𑐥𑑂𑐬𑐟𑐶𑐎𑐵𑐬 𑐫𑐵𑑅𑐐𑐸 𑐏𑑅 𑑋 𑐠𑐸𑐧𑐮𑐫𑑂 𑐥𑑂𑐬𑐴𑐬𑐷𑐮𑐶𑐳𑐾 𑐕𑐗𑐵𑑅 𑐑𑑂𑐰𑐵𑐟𑑂𑐟𑐸𑐑𑑂𑐰𑐵𑐣𑐵𑑅 𑐗𑐜𑐥 𑐖𑐹𑐐𑐸 𑐏𑑅 𑑋

𑐢𑐬𑑂𑐣𑐵𑐫𑑂 𑐡𑑂𑐰𑐮𑑄𑐡𑑂𑐰𑑅 𑐩𑐣𑐹𑐟 𑐠𑑂𑐫𑐣𑐾𑐰𑑄 𑐩𑐵𑐂𑐟𑐶𑐑𑐬 𑐖𑐸𑐫𑐵𑑅 𑐰𑐣𑐾𑐐𑐸 𑐮𑑃 𑐥𑐹𑐰𑑄𑐎 𑐧𑐣𑑂𑐡 𑐖𑐸𑐂𑐢𑐸𑑄𑐎𑐹𑐐𑐸 𑐡𑐸 𑑋 𑐠𑑁𑑄𑐫𑐵 𑐢𑐬𑑂𑐣𑐵𑐫𑑂 𑐳𑑂𑐰𑐣𑐶𑐐𑑅𑐫𑐵 𑐠𑐷𑐠𑐷 𑐠𑐵𑐳𑐫𑑂 𑐖𑐸𑐫𑐵𑐔𑑂𑐰𑑄𑐐𑐸 𑐳𑐟𑐎 𑐰𑐶𑐳𑑂𑐟𑐵𑐬𑑄 𑐥𑐷𑐜𑐶𑐟𑐥𑐶𑐮𑐶𑐳𑐾𑑄 𑐄𑐩𑐶𑐟 𑐊𑐎𑑂𑐫𑐧𑐡𑑂𑐢𑐟𑐵 𑐎𑑂𑐫𑐣𑐵𑑅 𑐳𑑂𑐰𑐣𑐶𑐐𑑅𑐣𑑂𑐫𑑄𑐎𑑄𑐫𑐵 𑐩𑐣𑐹𑐟 𑐩𑐵𑐂𑐟𑐶𑐑𑐬 𑐩𑐞𑑂𑐜𑐮𑐵𑐫𑑂 𑐩𑐸𑑄𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐢𑐬𑑂𑐣𑐵𑐫𑑂 𑐣𑐾𑐰𑐵𑑅 𑐣𑑂𑐴𑑂𑐫𑐮𑐸𑐰𑐵 𑐥𑐡𑑂𑐩𑐬𑐟𑑂𑐣 𑐟𑐸𑐮𑐵𑐢𑐬𑐮𑐶𑐳𑐾𑑄 𑐟𑐷𑐬𑑂𑐠𑐬𑐵𑐩 𑐜𑑄𑐐𑑀𑐮, 𑐴𑐶𑐬𑐞𑑂𑐫𑐮𑐵𑐮 𑐱𑑂𑐬𑐾𑐲𑑂𑐛 𑐰 𑐩𑐾𑐩𑐾𑐥𑐶𑑄 𑐫𑐎𑑂𑐰 𑐴𑐾 𑐣𑐾𑐰𑐵𑑅 𑐣𑑂𑐴𑑂𑐫𑐮𑐸𑐰𑐵, 𑐎𑐵𑐬𑑂𑐫𑐎𑐬𑑂𑐟𑐵𑐟𑐥𑐶𑑄 𑐠𑑂𑐫𑐣𑐵𑐔𑑂𑐰𑑄𑐐𑐸 𑐡𑐸 𑑋
𑐩𑐵𑐂𑐟𑐑𑐷𑐬 𑐕𑐔𑐵𑑅𑐮𑐶𑑄 𑐖𑐵𑐫𑐾𑐎 𑐩𑐣𑐹𑐟 𑐩𑐸𑐣𑐾𑐢𑐸𑑄𑐎𑐹𑐐𑐸 𑐡𑐸 𑑋 𑐢𑐬𑑂𑐣𑐵𑐫𑑂 𑐣𑑂𑐴𑑂𑐫𑐮𑐸𑐰𑐵𑑅𑐥𑐶𑑄 𑐥𑐡𑑂𑐩𑐬𑐟𑑂𑐣 𑐟𑐸𑐮𑐵𑐢𑐬, 𑐟𑐷𑐬𑑂𑐠𑐬𑐵𑐩 𑐜𑑄𑐐𑑀𑐮, 𑐴𑐶𑐬𑐞𑑂𑐫𑐮𑐵𑐮 𑐱𑑂𑐬𑐾𑐲𑑂𑐛 𑐮𑐶𑐳𑐾𑑄 𑐣𑐾𑐥𑐵𑐮 𑐚𑐾𑐮𑐶𑐎𑐩 𑐎𑐬𑑂𑐩𑐔𑐵𑐬𑐷 𑐫𑐸𑐣𑐶𑐫𑐣𑐫𑐵 𑐬𑐵𑐩𑐥𑑂𑐬𑐳𑐵𑐡𑐥𑐶𑑄𑐳𑑄 𑐣𑑂𑐰𑐰𑐵𑐣𑐵𑐡𑐷𑐢𑐸𑑄𑐎𑐹𑐐𑐸 𑐡𑐸 𑑋 𑐰𑐫𑑂𑐎𑑅𑐥𑐶𑑄𑐳𑑄 𑐳𑐜𑐎 𑐰𑐶𑐳𑑂𑐟𑐵𑐬𑑄 𑐥𑐷𑐜𑐶𑐟𑐥𑐶𑑄 𑐮𑐶𑐳𑐾 𑐳𑑄𑐑𑐬𑑂𑐲𑐫𑐵 𑐣𑐶𑑄𑐟𑐶𑑄 𑐋𑐎𑑂𑐫𑐧𑐡𑑂𑐢𑐟𑐵 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋

𑐢𑐬𑑂𑐣𑐵𑐫𑑂 𑐳𑑂𑐰𑐣𑐶𑐐𑑅𑐫𑐵 𑐠𑐷𑐠𑐷 𑐠𑐵𑐳𑐫𑑂 𑐖𑐸𑐫𑐵𑐔𑑂𑐰𑑄𑐐𑐸 𑐳𑐟𑐎 𑐰𑐶𑐳𑑂𑐟𑐵𑐬𑑄 𑐰𑐶𑐳𑑂𑐠𑐵𑐥𑐶𑐟 𑐖𑐸𑐂𑐩𑐵𑑅𑐥𑐶𑑄 𑐥𑐷𑐜𑐶𑐟𑐮𑐶𑐳𑐾𑑄 𑐳𑑂𑐰𑐣𑐶𑐐𑑅𑐣𑑂𑐫𑑄𑐎𑑄𑐫𑐵 𑐩𑐣𑐹𑐟 𑐠𑑂𑐫𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐴𑐬𑐶𑐳𑐶𑐡𑑂𑐢𑐶, 𑐏𑑂𑐰𑐣𑐵, 𑐟𑑀𑐏𑐵, 𑐎𑐵𑐮𑐶𑐩𑐵𑐟𑐶, 𑐠𑐵𑐣𑐎𑑀𑐚 𑐮𑐶𑐳𑐾𑑄 𑐠𑐷𑐠𑐷 𑐠𑐵𑐳𑐫𑑂 𑐳𑐟𑐎 𑐰𑐶𑐳𑑂𑐟𑐵𑐬𑑄 𑐥𑐷𑐜𑐶𑐟𑐥𑐶𑑄 𑐧𑑂𑐫𑐵𑐣𑐬, 𑐢𑐶𑐩𑐾 𑐧𑐵𑐖𑑄 𑐳𑐴𑐶𑐟 𑐢𑐬𑑂𑐣𑐵𑐫𑑂 𑐔𑑂𑐰𑐣𑐵𑐔𑑂𑐰𑑄𑐐𑐸 𑐏𑑅 𑑋 𑐢𑐬𑑂𑐣𑐵𑐫𑑂 𑐮𑑂𑐫𑐵𑐫𑑂𑐩𑑂𑐴 𑐮𑑂𑐫𑐵𑐳𑐾𑐟 𑐖𑐎 𑐩𑐏𑐸, 𑐖𑑂𑐫𑐵𑐠𑐖𑐶𑐠𑐶𑐥𑐶𑑄 𑐣𑑄 𑐟𑑅𑐢𑑄𑐐𑐸 𑐮𑑂𑐫𑐵𑐏𑐫𑑂 𑐠𑑂𑐫𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐢𑐬𑑂𑐣𑐵 𑐠𑑁𑑄 𑐳𑐸𑐠𑐫𑑂 𑑑𑑐 𑐧𑐖𑐾 𑐣𑐶𑐳𑐾𑑄 𑑑 𑐧𑐖𑐾 𑐟𑐎 𑐣𑑂𑐴𑑂𑐫𑐵𑐂𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS