Read news in NepalBhasa text-- www.hamroschool.com BACK 𑐐𑐮𑐟 𑐳𑐩𑐵𑐔𑐵𑐬 𑐳𑐩𑑂𑐥𑑂𑐬𑐾𑐲𑐞 𑐫𑐵𑐂𑐩𑑂𑐴𑐾𑐳𑐶𑐟 𑑑𑑐 𑐡𑑃𑐫𑐵 𑐎𑐿𑐡 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐐𑐮𑐟 𑐳𑐩𑐵𑐔𑐵𑐬 𑐳𑐩𑑂𑐥𑑂𑐬𑐾𑐲𑐞 𑐫𑐵𑐂𑐩𑑂𑐴𑐾𑐳𑐶𑐟 𑑑𑑐 𑐡𑑃𑐫𑐵 𑐎𑐿𑐡

𑐐𑐧𑐮𑐾𑑄 𑐐𑐧𑐮𑐾𑑄 𑐩𑑂𑐰𑐵𑑅𑐩𑐡𑐸𑐐𑐸 𑐑𑐚𑐣𑐵 𑐖𑐹𑐐𑐸 𑐢𑐎𑐵𑑅 𑐥𑑂𑐬𑐴𑐬𑐷𑐫𑐵𑐟 𑐗𑑄𑐐𑑅 𑐮𑐵𑐫𑐾𑐐𑐸 𑐖𑑂𑐫𑐵 𑐫𑐵𑐂𑐐𑐸 𑐑𑐚𑐣𑐵 𑐳𑐩𑐔𑐵𑐬𑐫𑑂 𑐥𑐶𑐴𑐵𑑄 𑐰𑑅𑐐𑐸 𑐗𑐷𑐳𑑄 𑐣𑑂𑐫𑐣𑐵 𑐰𑐫𑐵𑐔𑑂𑐰𑐣𑐵𑐐𑐸 𑐏𑑅 𑑋 𑐀𑐠𑐾 𑐴𑐾 𑐀𑐖𑑂𑐫𑐵𑑅𑐐𑐸 𑐴𑐾 𑐐𑐮𑐟 𑐰 𑐦𑐫𑑂𑐐𑑄 𑐳𑐩𑐵𑐔𑐵𑐬𑐟 𑐳𑐵𑐩𑐵𑐖𑐶𑐎 𑐳𑑄𑐖𑐵𑐮𑐫𑑂 𑐥𑑀𑐲𑑂𑐚 𑐫𑐵𑐫𑐾𑐐𑐸 𑐖𑐎 𑐩𑐏𑐸, 𑐥𑐟𑑂𑐬𑐥𑐟𑑂𑐬𑐶𑐎𑐵𑐫𑑂 𑐟𑐎𑑄 𑐳𑐩𑑂𑐥𑑂𑐬𑐾𑐲𑐞 𑐖𑐸𑐫𑐵 𑐰𑐫𑐾𑐐𑐸 𑐫𑐵𑑅 𑑋 𑐠𑐖𑑂𑐫𑐵𑑅𑐐𑐸 𑐖𑑂𑐫𑐵 𑐫𑐵𑐂𑐥𑐶𑑄𑐟 𑐣𑐾𑐥𑐵𑐮𑐫𑑂 𑐁𑐟𑐎 𑐠𑐖𑑂𑐫𑐵𑑅𑐐𑐸 𑐴𑐾 𑐳𑐖𑐵𑐫 𑐧𑐷𑐐𑐸 𑐢𑐂𑐐𑐸 𑐎𑐵𑐣𑐸𑐣 𑐩𑐡𑐸𑐣𑐶 𑑋 𑐟𑐬, 𑐩𑐮𑐾𑐱𑐶𑐫𑐵𑐫𑑂 𑐀𑐖𑑂𑐫𑐵𑑅𑐐𑐸 𑐐𑐮𑐟 𑐰𑐵 𑐦𑐫𑑂𑐐𑑄 𑐳𑐩𑐵𑐔𑐵𑐬 𑐳𑐩𑑂𑐥𑑂𑐬𑐾𑐲𑐞 𑐫𑐵𑐂𑐥𑐶𑐣𑐶𑐐𑐸 𑐣𑐶𑑄𑐟𑐶𑑄 𑐣𑑂𑐴𑐹𑐐𑐸 𑐎𑐵𑐣𑐸𑐣𑐫𑐵 𑐥𑑂𑐬𑐳𑑂𑐟𑐵𑐰 𑐫𑐵𑑅𑐐𑐸 𑐡𑐸 𑑋 𑐥𑑂𑐬𑐳𑑂𑐟𑐵𑐰𑐶𑐟 𑐎𑐵𑐣𑐸𑐣𑐎𑐠𑑄 𑐐𑐮𑐟 𑐰𑐵 𑐦𑐫𑑂𑐐𑑄 𑐳𑐩𑐵𑐔𑐵𑐬 𑐳𑐩𑑂𑐥𑑂𑐬𑐾𑐲𑐞 𑐫𑐵𑐂𑐥𑐶𑑄𑐟 𑑑𑑐 𑐡𑑃 𑐟𑐎𑐫𑐵 𑐳𑐖𑐵𑐫 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋 𑐄𑐐𑐸 𑐥𑑂𑐬𑐳𑑂𑐟𑐵𑐰𑐶𑐟 𑐣𑑂𑐴𑐹𑐐𑐸 𑐎𑐵𑐣𑐸𑐣𑐎𑐠𑑄 𑐐𑐮𑐟 𑐳𑐩𑐵𑐔𑐵𑐬 𑐥𑑂𑐬𑐰𑐵𑐴 𑐫𑐵𑐂𑐩𑑂𑐴𑐾𑐳𑐶𑐟 𑐖𑐾𑐮 𑐳𑐖𑐵𑐫 𑐖𑐎 𑐩𑐏𑐸, 𑑑 𑐐𑐹 𑐮𑐵𑐏 𑐣𑐷𑐔𑑂𑐫𑐵𑐡𑑂𑐰𑑅 𑐀𑐩𑐾𑐬𑐶𑐎𑐷 𑐜𑐮𑐬 𑐖𑐬𑐶𑐰𑐵𑐣𑐵 𑐰𑐵 𑐣𑐶𑐐𑐸𑐮𑐶𑑄 𑐳𑐖𑐵𑐫 𑐧𑐷𑐐𑐸 𑐖𑐹𑐐𑐸 𑐡𑐸 𑑋

𑐠𑑂𑐰 𑐂𑐮𑐫𑑂 𑐩𑐮𑐾𑐱𑐶𑐫𑐵𑐫𑑂 𑐬𑐵𑐲𑑂𑐚𑑂𑐬𑐶𑐫 𑐔𑐸𑐣𑐵𑐰𑐫𑐵 𑐟𑐫𑐵𑐬𑐷 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸𑐳𑐵 𑐰 𑐳𑑂𑐰𑐫𑐵𑑄 𑐣𑑂𑐴𑑂𑐫𑑅 𑐴𑐾 𑐄𑐎𑐠𑑄𑐫𑐵 𑐥𑑂𑐬𑐳𑑂𑐟𑐵𑐰 𑐀𑐣𑐫𑐵 𑐳𑑄𑐳𑐡𑐫𑑂 𑐥𑐾𑐳 𑐫𑐵𑑅𑐐𑐸 𑐏𑑅 𑑋 𑐥𑑂𑐬𑐳𑑂𑐟𑐵𑐰𑐶𑐟 𑐣𑑂𑐴𑐹𑐐𑐸 𑐎𑐵𑐣𑐸𑐣𑐫𑑂 𑐐𑐮𑐟 𑐳𑐩𑐵𑐔𑐵𑐬 𑐢𑐵𑐫𑐾𑐧𑐮𑐫𑑂 ‘𑐐𑐸𑐐𑐸 𑐳𑐩𑐵𑐔𑐵𑐬, 𑐳𑐹𑐔𑐣𑐵, 𑐟𑐠𑑂𑐫𑐵𑑄𑐎 𑐰𑐵 𑐬𑐶𑐥𑑀𑐬𑑂𑐚 𑐥𑐹𑐬𑑂𑐞𑐬𑐸𑐥𑑄 𑐰𑐵 𑐁𑑄𑐱𑐶𑐎 𑐬𑐸𑐥𑑄 𑐐𑐮𑐟 𑐢𑐂𑐐𑐸 𑐠𑐸𑐂𑐎𑐷’ 𑐢𑐂𑐐𑐸 𑐏𑑃 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐡𑐸 𑑋 𑐀𑐠𑐾 𑐴𑐾 𑐧𑑂𑐮𑐐, 𑐳𑐵𑐩𑐵𑐖𑐶𑐎 𑐳𑑄𑐖𑐵𑐮, 𑐳𑐵𑐬𑑂𑐰𑐖𑐣𑐶𑐎 𑐩𑑄𑐔𑐫𑐵𑐟 𑐣𑑄 𑐄𑐐𑐸 𑐥𑑂𑐬𑐳𑑂𑐟𑐵𑐰𑑄 𑐎𑑅𑐑𑐵𑐂𑐐𑐸 𑐖𑐹𑐐𑐸 𑐡𑐸𑐳𑐵 𑐐𑐮𑐟 𑐳𑐩𑐵𑐔𑐵𑐬 𑐥𑑂𑐬𑐎𑐵𑐱𑐣 𑐫𑐵𑐂𑐥𑐶𑑄 𑐡𑐾𑐱𑐫𑑂 𑐡𑐸𑐣𑐾 𑐰𑐵 𑐥𑐶𑐣𑐾 𑐣𑑂𑐴𑑂𑐫𑐵𑐠𑐵𑐫𑑂 𑐖𑐹𑐳𑐵𑑄 𑐄𑐐𑐸 𑐎𑐵𑐣𑐸𑐣 𑐮𑐐𑐾 𑐖𑐸𑐂𑐐𑐸 𑐖𑐎 𑐩𑐏𑐸, 𑐩𑐮𑐾𑐱𑐶𑐫𑐣 𑐣𑐵𑐐𑐬𑐶𑐎 𑐧𑐵𑐴𑐾𑐎𑑄 𑐳𑐸𑑄 𑐣𑑄 𑐰𑐶𑐡𑐾𑐱𑐷 𑐣𑐵𑐐𑐬𑐶𑐎𑑄 𑐣𑑄 𑐀𑐖𑑂𑐫𑐵𑑅𑐐𑐸 𑐖𑑂𑐫𑐵 𑐫𑐵𑐟 𑐢𑐵𑑅𑐳𑐵 𑐰𑐫𑐵𑐟 𑐣𑑄 𑐄𑐐𑐸 𑐎𑐵𑐣𑐸𑐣 𑐮𑐵𑐐𑐹 𑐖𑐸𑐂 𑑋𑐰𑐶𑐡𑐾𑐱𑐷 𑐎𑐵𑐣𑐸𑐣𑐫𑐵 𑐴𑐎𑐫𑑂 𑐢𑐵𑑅𑐳𑐵 𑐂𑐩𑐶𑐐𑐸 𑐀𑐣𑐸𑐥𑐳𑑂𑐠𑐶𑐟𑐶𑐂 𑐣𑑄 𑐂𑐩𑐶𑐟 𑐳𑐖𑐵𑐫 𑐣𑑂𑐫𑑄𑐎𑐾 𑐦𑐂𑐐𑐸 𑐰𑑂𑐫𑐰𑐳𑑂𑐠𑐵 𑐣𑑂𑐴𑐹𑐐𑐸 𑐎𑐵𑐣𑐸𑐣𑐫𑑂 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐄𑐏𑐾 𑐣𑑂𑐴𑐹𑐐𑐸 𑐥𑑂𑐬𑐳𑑂𑐟𑐵𑐰𑐶𑐟 𑐎𑐵𑐣𑐸𑐣𑐫𑐵𑐟 𑐎𑐫𑐵𑑅 𑐁𑐮𑑀𑐔𑐎𑐟𑐫𑑂𑐳𑑄 𑐰𑐶𑐬𑑀𑐢𑐷 𑐰𑐵 𑐰𑐶𑐥𑐎𑑂𑐲𑐷𑐟𑐫𑑂𑐟 𑐎𑑂𑐰𑐟𑑂𑐫𑐮𑐾𑐐𑐸 𑐮𑑂𑐫𑐏𑑄 𑐴𑑅𑐐𑐸 𑐥𑑂𑐬𑐳𑑂𑐟𑐵𑐰 𑐢𑐵𑐳𑐾𑑄 𑐄𑐎𑐶𑐫𑐵 𑐰𑐶𑐬𑑀𑐢 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS