Read news in NepalBhasa text-- www.hamroschool.com BACK 𑐃𑐫𑐵 𑐩𑐵𑐐 𑐖𑐸𑐂 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐠𑑁𑑄 𑐡𑐾𑐱𑐫𑑂 𑐰𑐶𑐰𑐶𑐢 𑐰𑐶𑐥𑐡𑐟 𑐠𑐶𑐟𑐸𑐩𑐟𑐸𑑄 𑐠𑐶𑐫𑐵𑑅 𑐱𑑂𑐬𑐺𑑄𑐏𑐮𑐵𑐧𑐡𑑂𑐢 𑐎𑐠𑑄 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞𑐫𑐵 𑐰𑐶𑐥𑐡𑑂, 𑐥𑑂𑐬𑐵𑐎𑐺𑐟𑐶𑐎 𑐰𑐶𑐥𑐡𑑂 𑐀𑐮𑐾 𑐎𑐛𑑀𑐬 𑐬𑐵𑐖𑐣𑐷𑐟𑐶𑐎 𑐰𑐶𑐥𑐡𑑂 𑑋 𑐐𑐸𑐐𑐸𑑄 𑐣𑑄 𑐡𑐾𑐫𑑂 𑐥𑐹𑐬𑑂𑐞𑐟𑐫𑐵 𑐰𑐶𑐥𑐡𑑄 𑐩𑐸𑐎𑑂𑐟 𑐖𑐸𑐫𑐵𑐔𑑂𑐰𑐣𑐾 𑐦𑐂𑐩𑐏𑐸 𑑋 𑐥𑐹𑐬𑑂𑐰𑐀𑐣𑐸𑐩𑐵𑐣 𑐫𑐵𑐫𑐾 𑐩𑐦𑐂𑐐𑐸, 𑐁𑐎𑐳𑑂𑐩𑐶𑐎 𑐥𑑂𑐬𑐵𑐎𑐺𑐟𑐶𑐎 𑐥𑑂𑐬𑐎𑑀𑐥 𑐰𑐫𑐵𑐔𑑂𑐰𑐣𑐷 𑑋 𑐨𑐸𑐏𑐵𑐫𑑂 𑐠𑐾𑑄𑐖𑑂𑐫𑐵𑑅𑐐𑐸 𑐥𑑂𑐬𑐎𑑀𑐥𑑄 𑐑𑑁𑐕𑐶, 𑐧𑐵𑐑𑑁𑐫𑐵 𑐡𑐸𑐣𑐾 𑐴𑐾 𑐢𑐣𑐖𑐣𑐫𑐵 𑐀𑐥𑐵𑐬 𑐎𑑂𑐲𑐟𑐶 𑐫𑐵𑐣𑐵𑐧𑐷 𑑋 𑐰𑑄𑐐𑐸 𑐕𑐸𑑄 𑐡𑑃 𑐣𑑂𑐴𑑂𑐫𑑅 𑐰𑑅𑐐𑐸 𑐩𑐴𑐵𑐨𑐹𑐎𑐩𑑂𑐥𑐥𑐵𑐏𑐾𑑄 𑐣𑐾𑐥𑐵𑑅𑐩𑐶𑐟𑐫𑑂𑐳𑑄 𑐎𑐚𑐸 𑐰𑐶𑐨𑐟𑑂𑐳 𑐀𑐣𑐸𑐨𑐰 𑐫𑐵𑐫𑐾𑐢𑐸𑑄𑐎𑐮 𑑋 𑐁𑑅 𑐴𑐵𑐮𑐫𑑂 𑐩𑐾𑐮𑐩𑑂𑐔𑐷𑐂 𑐏𑐸𑐳𑐶 𑐧𑐵𑑅 𑐰𑐫𑐵𑑅 𑐟𑑅𑐢𑑄𑐐𑐸 𑐎𑑂𑐲𑐟𑐶 𑐫𑐵𑑅𑐐𑐸 𑐡𑐸 𑑋 𑐳𑐮𑑄𑐳𑑅 𑐩𑐣𑐹𑐟 𑐑𑐬𑐰𑐵𑐬𑐰𑐶𑐴𑐣𑐷 𑐖𑐸𑐫𑐵𑑅 𑐣𑐫𑐾𑐐𑐸, 𑐔𑑂𑐰𑐣𑐾𑐐𑐸𑐫𑐵 𑐰𑐶𑐎𑐚 𑐳𑐩𑐳𑑂𑐫𑐵𑐫𑑂 𑐮𑐵𑑅𑐐𑐸 𑐡𑐸 𑑋 𑐩𑐾𑐮𑐩𑑂𑐔𑐷 𑐧𑐖𑐵𑑅 𑐕𑐐𑐸𑐮𑐶𑑄 𑐴𑐾 𑐮𑐏𑐫𑑂 𑐡𑐸𑐣𑐵𑑅 𑐢𑑂𑐰𑐳𑑂𑐟 𑐖𑐹𑐐𑐸 𑐏𑐣𑐾𑐡𑐸 𑑋

𑐕𑐐𑐹 𑐧𑐸𑐏𑑃 𑐰𑑅𑐐𑐸 𑐡𑐸 𑑋 𑐩𑐾𑐮𑐩𑑂𑐔𑐷 𑐧𑐖𑐵𑑅𑐫𑐵 𑐕𑐩𑑂𑐴 𑐎𑐬𑑀𑐜𑐥𑐟𑐶 𑐳𑐵𑐴𑐸 𑐴𑐵𑐮𑐫𑑂 𑐰𑑅𑐐𑐸 𑐨𑐶𑐲𑐞 𑐏𑐸𑐳𑐶𑐧𑐵𑑅𑐫𑐵 𑐎𑐵𑐬𑐞𑑄 𑐣𑐵𑑄𑐐𑐵𑑄 𑐖𑐹𑐐𑐸 𑐡𑐸 𑑋 𑐠𑐠𑐾 𑐴𑐾 𑐩𑐾𑐮𑐩𑑂𑐔𑐷𑐰𑐵𑐳𑐷 𑐀𑐢𑐶𑐎𑐵𑑄𑐱𑐫𑐵 𑐕𑐾𑑃 𑐧𑐸𑑃𑐫𑐵 𑐧𑐾𑐛𑐾𑐐𑐵𑐣 𑐖𑐸𑐫𑐵𑑅 𑐨𑐰𑐶𑐲𑑂𑐫 𑐴𑐾 𑐀𑐣𑑂𑐢𑐎𑐵𑐬𑐫𑑂 𑐮𑐵𑑅𑐐𑐸 𑐏𑑃 𑐥𑐶𑐴𑐵𑑄 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐏𑐟𑐸𑑄 𑑋 𑐠𑑁𑑄𑐎𑐣𑑂𑐴𑐫𑑂 𑐰𑐬𑑂𑐲𑐵𑐫𑐵𑐩𑐫𑐵 𑐃 𑑋 𑐀𑐟𑐶 𑐰𑐬𑑂𑐲𑐵 𑐖𑐸𑐂𑐐𑐸, 𑐏𑐸𑐳𑐶𑐧𑐵𑑅 𑐰𑐂𑐐𑐸, 𑐀𑐮𑐾 𑐔𑐮𑑅 𑐰𑐣𑐷𑐐𑐸 𑐥𑑂𑐬𑐵𑐎𑐺𑐟𑐶𑐎 𑐑𑐚𑐣𑐵 𑐡𑐸𑐬𑑂𑐑𑐚𑐣𑐵𑐟 𑐖𑐸𑐫𑐵𑐔𑑂𑐰𑐣𑐷 𑑋 𑐠𑐸𑐎𑐶𑐫𑐵 𑐮𑐵𑐐𑐶 𑐂𑐮𑐫𑑂 𑐴𑐾 𑐦𑐎𑑂𑐰 𑐳𑐟𑐬𑑂𑐎 𑐖𑐸𑐂𑐩𑐵𑑅 𑑋

𑐏𑐟𑐸𑑄 𑐥𑑂𑐬𑐵𑐎𑐺𑐟𑐶𑐎 𑐥𑑂𑐬𑐎𑑀𑐥 𑐁𑐎𑐳𑑂𑐩𑐶𑐎 𑐖𑐸𑐂, 𑐠𑑂𑐰𑐥𑐵𑐏𑐾𑑄 𑐧𑐔𑐾 𑐖𑐸𑐂 𑐦𑐂𑐩𑐏𑐸 𑑋 𑐠𑑂𑐰 𑐨𑐵𑐐𑑂𑐫𑐫𑐵 𑐏𑐾𑐮 𑐖𑐸𑐂 𑐢𑐂𑐐𑐸 𑐥𑐬𑐩𑑂𑐥𑐬𑐵𑐐𑐟 𑐰𑐶𑐱𑑂𑐰𑐵𑐳 𑐖𑐸𑐂 𑑋 𑐟𑐬 𑐀𑐠𑐾 𑐩𑐏𑐸 𑑋 𑐥𑑂𑐬𑐵𑐎𑐺𑐟𑐶𑐎 𑐥𑑂𑐬𑐎𑑀𑐥𑐥𑐵𑐏𑐾𑑄 𑐳𑐸𑐬𑐎𑑂𑐲𑐶𑐟 𑐐𑐠𑐾 𑐫𑐵𑐣𑐵𑑅 𑐖𑐸𑐂 𑐦𑐂 𑐢𑐂𑐐𑐸 𑐀𑐣𑐾𑐎 𑐰𑐿𑐖𑑂𑐘𑐵𑐣𑐶𑐎 𑐳𑑀𑐔, 𑐄𑐥𑐵𑐫𑐟 𑐰𑐫𑐾𑐢𑐸𑑄𑐎𑐹𑐐𑐸 𑐡𑐸 𑑋 𑐰𑐿𑐖𑑂𑐘𑐵𑐣𑐶𑐎𑐟𑐫𑑂𑐳𑑄 𑐀𑐗 𑐠𑑂𑐰 𑐏𑑂𑐫𑐮𑐫𑑂 𑐀𑐣𑐾𑐎 𑐏𑑀𑐖 𑐀𑐣𑐸𑐳𑐣𑑂𑐢𑐵𑐣𑐟 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐐𑐸 𑐡𑐸 𑑋 𑐩𑑁𑐳𑐩𑐫𑐵 𑐥𑐹𑐬𑑂𑐰𑐵𑐣𑐸𑐩𑐵𑐣 𑐳𑐸𑐔𑑄 𑐧𑐶𑐫𑐵𑑅 𑐥𑑂𑐬𑐵𑐎𑐺𑐟𑐶𑐎 𑐥𑑂𑐬𑐎𑑀𑐥𑐥𑐵𑐏𑐾𑑄 𑐩𑐣𑐹𑐟𑐫𑑂𑐟 𑐳𑐟𑐬𑑂𑐎 𑐰 𑐳𑐸𑐬𑐎𑑂𑐲𑐶𑐟 𑐫𑐵𑐫𑐾 𑐦𑐸𑐐𑐸 𑐰𑐶𑐢𑐶𑐟 𑐰𑐫𑐾𑐢𑐸𑑄𑐎𑐮 𑑋 𑐠𑑁𑑄𑐎𑐣𑑂𑐴𑐫𑑂 𑐐𑐸𑐮𑐶𑐏𑐾 𑐥𑑂𑐬𑐵𑐎𑐺𑐟𑐶𑐎 𑐥𑑂𑐬𑐎𑑀𑐥, 𑐡𑐸𑐬𑑂𑐑𑐚𑐣𑐵𑐟 𑐰𑐵𑐟𑐵𑐰𑐬𑐞𑐷𑐫 𑐀𑐳𑐣𑑂𑐟𑐸𑐮𑐣𑐫𑐵 𑐮𑐶𑐔𑑂𑐰𑑅 𑐏𑑅 𑐢𑐂𑐐𑐸 𑐣𑑄 𑐣𑐶𑐲𑑂𑐎𑐬𑑂𑐲 𑐰𑐫𑐾𑐢𑐸𑑄𑐎𑐮 𑑋 𑐏𑐸𑐳𑐶𑐫𑐵 𑐣𑐵𑐥𑐣𑐵𑐥𑑄 𑐧𑐖𑐵𑑅, 𑐣𑐐𑐬, 𑐰𑐳𑑂𑐟𑐷 𑐳𑑂𑐠𑐵𑐥𑐶𑐟 𑐫𑐵𑐫𑐾𑐐𑐸 𑐐𑐸𑐮𑐶𑐟𑐎 𑐳𑐸𑐬𑐎𑑂𑐲𑐶𑐟 𑐖𑐸𑐂 ? 𑐠𑑂𑐰 𑐧𑐵𑐬𑐾 𑐳𑐩𑑂𑐧𑐣𑑂𑐢𑐶𑐟 𑐰𑐶𑐱𑐾𑐲𑐖𑑂𑐘𑐟𑐫𑑂𑐳𑑄 𑐧𑐵𑑄𑐮𑐵𑐎 𑐀𑐢𑑂𑐫𑐫𑐣 𑐫𑐵𑐣𑐵𑑅 𑐬𑐵𑐫 𑐧𑐷𑐩𑐵𑐮 𑑋 𑐎𑐾𑐣𑑂𑐡𑑂𑐬𑐷𑐫 𑐳𑐬𑐎𑐵𑐬, 𑐳𑑂𑐠𑐵𑐣𑐷𑐫 𑐳𑐬𑐎𑐵𑐬𑑄 𑐣𑑄 𑐐𑐣𑑄 𑐧𑐖𑐵𑑅, 𑐧𑐳𑑀𑐧𑐵𑐳𑐫𑐵 𑐰𑐶𑐎𑐵𑐳 𑐫𑐵𑐫𑐾 𑐣𑑂𑐴𑑂𑐫𑑅 𑐀𑐣𑐫𑐵 𑐥𑑂𑐬𑐵𑐎𑐺𑐟𑐶𑐎, 𑐨𑑁𑐐𑑀𑐮𑐶𑐎, 𑐳𑑂𑐠𑐶𑐟𑐶 𑐕𑐸 𑐏𑑅 𑐰𑐶𑐔𑐵𑑅 𑐫𑐵𑐫𑐾 𑐩𑐵𑐮 𑑋 𑐩𑐣𑐹𑐟𑐫𑑂𑐟 𑐠𑐖𑑂𑐫𑐵𑑅𑐐𑐸 𑐠𑐵𑐳𑐫𑑂 𑐨𑑁𑐐𑑀𑐮𑐶𑐎, 𑐥𑑂𑐬𑐵𑐎𑐺𑐟𑐶𑐎 𑐀𑐣𑐸𑐎𑐹𑐮𑐟𑐵𑐫𑐵 𑐔𑐶𑐄𑐟𑐵𑑅 𑐩𑐟𑐳𑐾 𑐧𑐳𑑀𑐧𑐵𑐳, 𑐧𑐖𑐵𑑅 𑐳𑑂𑐠𑐵𑐥𑐣𑐵 𑐫𑐵𑐎𑐾 𑐧𑐷 𑐩𑐖𑐶𑐮 𑑋

𑐨𑐹𑐐𑐬𑑂𑐨𑐰𑐶𑐡𑑂𑐟𑐳𑐾𑑄 𑐥𑐴𑐵𑐜 𑐥𑐴𑐵𑐜𑐫𑑂 𑐰𑐂𑐐𑐸 𑐔𑐮𑑅𑐫𑐵 𑐖𑑀𑐏𑐶𑐩 𑐧𑐵𑐬𑐾 𑐀𑐣𑐸𑐳𑐣𑑂𑐢𑐵𑐣 𑐫𑐵𑐳𑐾 𑐥𑐴𑐵𑐜𑐷 𑐖𑐣𑐟𑐵𑐫𑐵𑐟 𑐳𑐟𑐬𑑂𑐎 𑐫𑐵𑐫𑐾𑐩𑐵𑑅 𑑋 𑐥𑐴𑐵𑐜, 𑐰𑐣𑐖𑑄𑐐𑐮𑐫𑑂 𑐰𑐵𑐟𑐵𑐰𑐬𑐞𑐷𑐫 𑐰𑐶𑐣𑐵𑐳𑐫𑐵 𑐎𑐵𑐬𑐞𑑄 𑐣𑑄 𑐀𑐣𑐾𑐎 𑐥𑑂𑐬𑐵𑐎𑐺𑐟𑐶𑐎 𑐡𑐸𑐬𑑂𑐑𑐚𑐣𑐵 𑐖𑐹 𑑋 𑐰𑐵𑐟𑐵𑐰𑐬𑐞𑐰𑐶𑐡𑑂𑐟𑐫𑑂 𑐢𑐵𑐥𑐹 𑐡𑐸 𑑋 𑐥𑐶𑐣𑐾𑑄 𑐳𑑂𑐰𑐫𑐾𑐧𑐮𑐫𑑂 𑐥𑑂𑐬𑐵𑐎𑐺𑐟𑐶𑐎 𑐥𑑂𑐬𑐎𑑀𑐥 𑐏𑐣𑐾𑐡𑐸𑐳𑐵𑑄 𑐐𑐸𑐮𑐶𑐏𑐾 𑐥𑑂𑐬𑐵𑐎𑐺𑐟𑐶𑐎 𑐡𑐸𑐬𑑂𑐑𑐚𑐣𑐵𑐟 𑐩𑐵𑐣𑐰𑐷𑐫 𑐀𑐡𑐹𑐬𑐡𑐬𑑂𑐱𑐷𑐟𑐵, 𑐰𑐶𑐰𑐾𑐎𑐴𑐷𑐣𑐟𑐵, 𑐀𑐳𑐔𑐾𑐟𑐟𑐵𑐫𑐵 𑐎𑐵𑐬𑐞𑑄 𑐣𑑄 𑐖𑐸𑐫𑐵𑐔𑑂𑐰𑑄𑐐𑐸 𑐏𑐣𑐾𑐡𑐸 𑑋 𑐁𑑅 𑐩𑐾𑐮𑐩𑑂𑐔𑐷𑐰𑐵𑐳𑐷𑐟𑐫𑑂𑐟 𑐣𑑂𑐴𑐹𑐐𑐸 𑐠𑐵𑐳𑐫𑑂 𑐳𑑂𑐠𑐵𑐣𑐵𑐣𑑂𑐟𑐬𑐞 𑐫𑐵𑐫𑐾 𑐩𑐵𑐮𑐷𑐐𑐸 𑐳𑑂𑐠𑐶𑐟𑐶 𑐏𑐣𑐾𑐡𑐸 𑑋 𑐟𑐬 𑐣𑑂𑐴𑐹𑐐𑐸 𑐠𑐵𑐳𑐫𑑂 𑐥𑑂𑐬𑐟𑐶𑐳𑑂𑐠𑐵𑐥𑐣 𑐫𑐵𑐫𑐾 𑐣𑑂𑐴𑑂𑐫𑑅 𑐖𑑅𑐏𑑅𑐫𑐵 𑐳𑐩𑑂𑐨𑐵𑐰𑐶𑐟 𑐏𑐟𑐬𑐵𑐫𑐵𑐟 𑐢𑑂𑐫𑐵𑐣𑐫𑑂 𑐟𑐫𑐵𑑅 𑐫𑐵𑐫𑐾𑐩𑐵𑑅 𑑋 𑐠𑐸𑐎𑐷 𑐳𑐩𑑂𑐧𑐣𑑂𑐢𑐶𑐟 𑐰𑐶𑐱𑐾𑐲𑐖𑑂𑐘𑐟𑐫𑑂 𑐁𑐰𑐱𑑂𑐫𑐎 𑐳𑐮𑑂𑐮𑐵𑐴, 𑐳𑐸𑐗𑐵𑐰 𑐎𑐵𑐫𑐾𑐩𑐵𑑅 𑑋 𑐳𑐸𑐗𑐵𑐰𑐫𑐵𑐟 𑐥𑐵𑐮𑐣𑐵 𑐫𑐵𑐫𑐾𑐩𑐵𑑅 𑑋 𑐠𑑁𑑄𑐫𑐵 𑐰𑐶𑐥𑐡𑑄 𑐎𑐣𑑂𑐴𑐫𑑂 𑐐𑐠𑐾 𑐳𑐸𑐬𑐎𑑂𑐲𑐶𑐟 𑐖𑐸𑐂𑐐𑐸 𑐢𑐂𑐐𑐸 𑐖𑑂𑐘𑐵𑐣 𑐎𑐵𑐫𑐾 𑐦𑐫𑐾𑐩𑐵𑑅 𑑋

𑐁𑑅 𑐰𑐮 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞𑐫𑐵 𑐰𑐶𑐲𑐫𑐫𑐵 𑐏𑑃 𑑋 𑐠𑑂𑐰 𑐰𑐶𑐥𑐡𑑂 𑐠𑑁𑑄, 𑐩𑑂𑐴𑐶𑐐𑑅𑐫𑐵 𑐩𑐏𑐸 𑑋 𑐣𑑄 𑐠𑑂𑐰 𑐐𑐸𑐐𑐸𑑄 𑐳𑑂𑐠𑐵𑐣𑐷𑐫 𑐰𑐶𑐥𑐡𑑂 𑐖𑐎 𑐏𑑅 𑑋 𑐠𑑂𑐰 𑐰𑐶𑐥𑐡 𑐠𑑁𑑄 𑐳𑑄𑐳𑐵𑐬𑐣𑑂𑐫𑑄𑐎𑑄𑐫𑐵 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐣𑐾𑐥𑐵𑑅 𑐣𑑄 𑐠𑑁𑑄 𑐠𑑂𑐰 𑐰𑐶𑐥𑐡𑐫𑑂 𑐔𑐸𑐬𑑂𑐮𑐸𑐩𑑂𑐩 𑐴𑐾 𑐜𑐸𑐧𑐾 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐰𑐶𑐥𑐡𑑂 𑐖𑐸𑐮 𑑋 𑐰𑐮 𑑋 𑐖𑐬𑐸𑐬 𑐠𑑂𑐰 𑐡𑐸𑐬𑑂𑐨𑐵𑐐𑑂𑐫𑐫𑐵 𑐏𑑃 𑐏𑑅 𑑋 𑐟𑐬 𑐰𑐶𑐥𑐡𑑂𑐫𑐵𑐟 𑐡𑐸𑐬𑑂𑐨𑐵𑐐𑑂𑐫 𑐏𑑄𑐎𑐵𑑅 𑐮𑑂𑐴𑐵𑑅𑐟𑐸𑐟𑐶 𑐩𑐳𑑄𑐎𑐸𑐳𑐾 𑐳𑐸𑐩𑑂𑐎 𑐔𑑂𑐰𑐣𑐵𑑄 𑐰𑐶𑐥𑐡𑑂 𑐡𑐷𑐩𑐏𑐸 𑑋 𑐗𑑄 𑐣𑑂𑐫𑐣𑐵 𑐰𑐣𑐷 𑑋 𑐄𑐎𑐶𑑄 𑐰𑐶𑐥𑐡𑑂𑐫𑐵 𑐏𑑃 𑐩𑐏𑐸, 𑐰𑐶𑐥𑐡𑑂𑐫𑐵 𑐐𑐸𑐎𑐠𑑄 𑐳𑐵𑐩𑐣𑐵 𑐫𑐵𑐟, 𑐰𑐫𑐵𑐟 𑐥𑐣𑐾𑐟, 𑐰𑐫𑐵𑐟 𑐀𑐣𑑂𑐟𑑂𑐫 𑐫𑐵𑐫𑐾𑐟 𑐕𑐸 𑐕𑐸 𑐎𑐸𑐟𑑅 𑐫𑐵𑐟, 𑐖𑐶𑐩𑑂𑐩𑐾𑐰𑐵𑐬𑐷 𑐥𑐹𑐰𑑄𑐎𑐮 𑐰 𑐩𑐴𑐟𑑂𑐰𑐥𑐹𑐬𑑂𑐞 𑐖𑐸𑐂 𑑋 𑐩𑐹𑐮𑑂𑐫𑐰𑐵𑐣 𑐖𑐸𑐂 𑑋

𑐎𑑀𑐬𑑀𑐣𑐵 𑐖𑐹𑐥𑐶𑑄𑐟 𑐄𑐥𑐔𑐵𑐬 𑐫𑐵𑐫𑐾𑐐𑐸 𑐳𑐸𑐰𑐶𑐢𑐵 𑐩𑐵𑑅 𑑋 𑐰 𑐩𑐴𑐵𑐳𑑄𑐎𑑂𑐬𑐩𑐞𑐫𑐵 𑐂𑐮𑐫𑑂 𑐩𑐴𑐵𑐁𑐰𑐱𑑂𑐫𑐎𑐟𑐵 𑐏𑑅 𑑋 𑐖𑐸𑐂 𑑋 𑐟𑐬 𑐎𑑀𑐨𑐶𑐜𑐫𑐵 𑐰𑐶𑐥𑐡𑑂𑐫𑐵𑐟 𑐀𑐣𑑂𑐟𑑂𑐫 𑐴𑐾 𑐫𑐵𑐫𑐾𑐟 𑐏𑑀𑐥 𑐴𑐾 𑐀𑐣𑑂𑐟𑐶𑐩 𑐀𑐳𑑂𑐟𑑂𑐬 𑐏𑑅, 𑐰𑐶𑐱𑑂𑐮𑐾𑐲𑐎𑐟𑐫𑑂𑐳𑑄 𑐢𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐖𑐣𑐟𑐵𑑄 𑐣𑑄 𑐠𑑅𑐐𑐸 𑐀𑐳𑐸𑐬𑐎𑑂𑐲𑐵, 𑐨𑐫𑑂, 𑐟𑑂𑐬𑐵𑐳𑑄 𑐥𑐶𑐴𑐵𑑄 𑐰𑐫𑐾𑐟 𑐏𑑀𑐥𑐫𑐵 𑐁𑐱𑐵 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐟𑐬 𑐡𑐸𑑅𑐏𑐫𑐵 𑐏𑑃 𑑋 𑐳𑐬𑐎𑐵𑐬𑑄 𑐠𑑁𑑄 𑐖𑐣𑐟𑐵𑐫𑐵𑐟 𑐎𑑀𑐨𑐶𑐜𑐫𑐵 𑐏𑑀𑐥𑐫𑐵 𑐰𑐶𑐲𑐫𑐫𑑂 𑐖𑐣𑐟𑐵𑐫𑐵𑐟 𑐰𑐶𑐱𑑂𑐰𑐵𑐳 𑐧𑐷 𑐦𑐫𑐵𑐔𑑂𑐰𑑄𑐐𑐸 𑐩𑐡𑐸 𑑋 𑐫𑐵𑐎𑐣𑑄 𑐰𑐂 𑑋 𑐏𑑀𑐥 𑐴𑐫𑐾𑐐𑐸 𑐏𑑃𑐫𑑂 𑐳𑐎𑐵𑐬𑐵𑐟𑑂𑐩𑐎 𑐥𑑂𑐬𑐐𑐟𑐶 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐥𑑂𑐬𑐫𑐵𑐳 𑐖𑐵𑐬𑐷 𑑋 𑐠𑐖𑑂𑐫𑐵𑑅𑐐𑐸 𑐴𑐾 𑐩𑐔𑐵 𑐩𑑂𑐴𑐶𑐟𑐎𑐾𑐐𑐸 𑐏𑑃 𑐮𑑂𑐴𑐵𑐣𑐵𑑅 𑐖𑐣𑐟𑐵𑐫𑐵 𑐩𑑂𑐴𑐸𑐟𑐸𑐥𑑂𑐰𑐵𑑅 𑐟𑐶𑐎𑐾𑐟 𑐳𑑂𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐮𑐏𑑁𑑄 𑐖𑑂𑐫𑐾𑐲𑑂𑐛 𑐣𑐵𑐐𑐬𑐶𑐎𑐟𑐫𑑂𑐟 𑐣𑑂𑐴𑐵𑐥𑐵𑑄𑐐𑐸 𑐩𑐵𑐟𑑂𑐬𑐵𑐫𑐵 𑐏𑑀𑐥 𑐧𑐶𑐮 𑑋 𑐣𑐶𑐐𑐹𑐐𑐸 𑐩𑐵𑐟𑑂𑐬𑐵𑐫𑐵 𑐏𑑀𑐥 𑐧𑐾𑐛𑐾𑐐𑐵𑐣 𑑋 𑐖𑐣𑐟𑐵𑐫𑐵 𑐳𑑂𑐰𑐵𑐳𑑂𑐠𑑂𑐫𑐥𑑂𑐬𑐟𑐶 𑐠𑑂𑐰 𑐏𑐾𑐮𑐰𑐵𑐜 𑐩𑐏𑐸𑐮𑐵 ? 𑐕𑐐𑐹 𑐀𑐣𑑂𑐟𑐬𑑂𑐰𑐵𑐬𑑂𑐟𑐵𑐫𑑂 𑐰𑐬𑑂𑐟𑐩𑐵𑐣 𑐳𑑂𑐰𑐵𑐳𑑂𑐠𑑂𑐫𑐩𑐣𑑂𑐟𑑂𑐬𑐷 𑐢𑐵𑐂 𑑋 𑐏𑑀𑐥 𑐢𑐂𑐐𑐸 𑐧𑐶𑐳𑑂𑐎𑐸𑐚 𑐮𑐵 ? 𑐧𑐖𑐵𑐬𑐫𑑂 𑐰𑐣𑐵𑑅 𑐟𑐸𑐬𑐣𑑂𑐟 𑐣𑑂𑐫𑐵𑐣𑐵 𑐴𑐫𑐾𑐟 ? 𑐐𑐧𑐮𑐾𑑄 𑐦𑐮𑐵𑐣𑐵 𑐡𑐾𑐱𑑄 𑐠𑐸𑐮𑐶 𑐮𑐵𑐏 𑐏𑑀𑐥 𑐰𑐂𑐐𑐸 𑐖𑐸𑐮, 𑐐𑐧𑐮𑐾𑑄 𑐦𑐮𑐵𑐣𑐵 𑐡𑐾𑐱𑑄 𑐠𑐸𑐮𑐶 𑐰𑐂𑐐𑐸 𑐖𑐸𑐮 𑑋 𑐴𑐮𑑂𑐮𑐵 𑐫𑐵𑐂 𑑋 𑐊𑐦𑐊𑐩𑐫𑑂 𑐕𑐩𑑂𑐴 𑐳𑐩𑑂𑐧𑐣𑑂𑐢𑐶𑐟 𑐜𑐵𑐎𑑂𑐚𑐬𑑄 𑐢𑐵𑐂, ‘𑐥𑐟𑑂𑐬𑐵𑐔𑐵𑐬 𑐟𑑅𑐠𑐵𑐫𑑂 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐟𑐬 𑑋 𑐮𑐶𑐳𑑅 𑐩𑐰𑑅𑐣𑐶 𑑋 𑐮𑐶𑐳𑑅 𑐰𑐂 𑑋 𑐁𑐱𑐵 𑐫𑐵𑐫𑐾 𑑋’ 𑐠𑐖𑑂𑐫𑐵𑑅𑐐𑐸 𑐴𑐾 𑐩𑐺𑐐𑐟𑐺𑐲𑑂𑐞𑐵 𑐖𑐸𑐫𑐵𑐧𑐷 𑐏𑑀𑐥 𑑋

‘𑐢𑑂𑐫𑐧𑐵 𑐥𑐸𑐮𑐵𑐐𑐸 𑐏𑑀𑐥 𑐣𑑄 𑐨𑐵𑐬𑐟𑑄 𑐩𑐧𑐶𑐄𑐣𑐶 𑑋 𑐣𑐶𑐐𑐹 𑐥𑐎𑑂𑐲𑐫𑑂 𑐏𑑃 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐁𑑅 𑐰𑐂 𑑋 𑐰𑐶𑐱𑑂𑐰𑐵𑐳 𑐫𑐵𑐫𑐾 𑑋’, 𑐁𑑅 𑐰𑐂 𑑋 𑐰𑐶𑐱𑑂𑐰𑐵𑐳 𑐫𑐵𑐫𑐾 𑑋 𑐳𑑂𑐰𑐵𑐳𑑂𑐠𑑂𑐫𑐩𑐣𑑂𑐟𑑂𑐬𑐷𑑄 𑐢𑐵𑐂 𑑋 𑐢𑑂𑐫𑐧𑐵 𑐥𑐸𑐮𑐵𑐐𑐸 𑐏𑑀𑐥 𑐴𑐾 𑐎𑐵𑐫𑐾 𑐩𑐦𑐸 𑑋 𑐬𑐵𑐲𑑂𑐚𑑂𑐬𑐥𑐟𑐶𑐖𑐸𑑄 𑐨𑐵𑐬𑐟𑐫𑐵 𑐬𑐵𑐲𑑂𑐚𑑂𑐬𑐥𑐟𑐶𑐫𑐵𑐟 𑐐𑑂𑐰𑐵𑐴𑐵𑐮𑐶𑐫𑐵 𑐣𑐶𑑄𑐟𑐶𑑄 𑐔𑑂𑐰𑑅𑐐𑐸 𑐥𑐟𑑂𑐬𑐫𑐵 𑐂𑐖𑑂𑐖𑐟 𑐐𑑂𑐰 ?

𑐁𑑅 𑐰𑐂 𑐬𑐵𑐖𑐣𑐷𑐟𑐶𑐎 𑐎𑑀𑐬𑑀𑐣𑐵𑐫𑐵 𑐏𑑃 𑑋 𑐡𑐾𑐱𑑄 𑐠𑑁𑑄 𑐨𑑀𑐐𑐾 𑐫𑐵𑐫𑐾𑐩𑐵𑑅𑐐𑐸 𑐬𑐵𑐖𑐣𑐷𑐟𑐶𑐎 𑐎𑑀𑐬𑑀𑐣𑐵𑐫𑐵 𑐎𑐵𑐬𑐞𑑄 𑐡𑐾𑐫𑑂 𑐠𑑁𑑄 𑐨𑐾𑐣𑑂𑐚𑐶𑐮𑐾𑐚𑐬𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐱𑑂𑐰𑐵𑐳𑐥𑑂𑐬𑐱𑑂𑐰𑐵𑐳𑐫𑐵 𑐎𑐛𑐶𑐣𑐵𑐂𑑄 𑐥𑐷𑐜𑐶𑐟 𑑋 𑐬𑐵𑐖𑐣𑐷𑐟𑐶𑐎 𑐎𑑀𑐬𑑀𑐣𑐵 𑐨𑐵𑐂𑐬𑐳𑐟𑐳𑐾𑑄 𑐣𑑂𑐴𑐹 𑐣𑑂𑐴𑐹𑐐𑐸 𑐬𑐸𑐥 𑐴𑐶𑐮𑐵𑑅 𑐏𑐾𑐮 𑐩𑑂𑐴𑐶𑐟𑐵𑐔𑑂𑐰𑑄𑐐𑐸 𑐡𑐸 𑑋 𑐳𑑂𑐠𑐶𑐟𑐶𑐫𑐵𑐟 𑐗𑑄 𑐗𑑄 𑐳𑑂𑐫𑑄𑐎𑐵𑐔𑑂𑐰𑑄𑐐𑐸 𑐡𑐸 𑑋 𑐠𑑂𑐰 𑐎𑑀𑐬𑑀𑐣𑐵 𑐨𑐵𑐂𑐬𑐳𑐟𑐳𑐾 𑐠𑑅𑐟 𑐡𑑂𑐫𑑅 𑐏𑑄𑐎𑐵𑑅 𑐀𑐨𑐶𑐩𑐵𑐣 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐠𑐸𑐩𑐶𑐟 𑐢𑑂𑐰𑐳𑑂𑐟 𑐫𑐵𑐫𑐾𑐐𑐸 𑐏𑑀𑐥 𑐕𑐸 𑐏𑑅 ? 𑐖𑐣𑐟𑐵𑑄 𑐰𑐶𑐔𑐵𑑅 𑐫𑐵𑐫𑐾𑐩𑐵𑐮 𑑋 𑐃𑐫𑐵 𑐩𑐵𑐐 𑐖𑐸𑐂 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS