Read news in NepalBhasa text-- www.hamroschool.com BACK  𑐥𑐾𑐬𑐸 𑐟𑑂𑐫𑐵𑐟, 𑐨𑐾𑐣𑐾𑐖𑐸𑐊𑐮𑐵 𑐰 𑐂𑐎𑑂𑐰𑐾𑐜𑐬 𑐧𑐬𑐵𑐧𑐬𑐷 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

 𑐥𑐾𑐬𑐸 𑐟𑑂𑐫𑐵𑐟, 𑐨𑐾𑐣𑐾𑐖𑐸𑐊𑐮𑐵 𑐰 𑐂𑐎𑑂𑐰𑐾𑐜𑐬 𑐧𑐬𑐵𑐧𑐬𑐷

𑐊𑐖𑐾𑐣𑑂𑐳𑐷 – 𑐎𑑀𑐥𑐵 𑐀𑐩𑐾𑐬𑐶𑐎𑐵𑐫𑑂 𑐥𑐾𑐬𑐸𑑄 𑐎𑑀𑐮𑐩𑑂𑐧𑐶𑐫𑐵𑐫𑐵𑐟 𑐧𑐸𑐎𑐹𑐐𑐸 𑐡𑐸 𑑋 𑐳𑑀𑐩𑐰𑐵𑑅 𑐳𑐸𑐠𑐫𑑂 𑐖𑐹𑐐𑐸 𑐳𑐩𑐸𑐴 𑐧𑐷𑐫𑐵 𑐎𑐵𑐳𑐵𑐫𑑂 𑐥𑐾𑐬𑐸𑑄 𑐎𑑀𑐮𑐩𑑂𑐧𑐶𑐫𑐵𑐫𑐵𑐟 𑑒–𑑑 𑐐𑑀𑐮𑑄 𑐧𑐸𑐎𑐹𑐐𑐸 𑐏𑑅 𑑋 𑐧𑑂𑐬𑐵𑐖𑐶𑐮𑐫𑐵 𑐥𑐾𑐜𑑂𑐬𑑀 𑐳𑑂𑐚𑐾𑐜𑐶𑐫𑐩𑐫𑑂 𑐖𑐹𑐐𑐸 𑐎𑐵𑐳𑐵𑐫𑑂 𑐥𑐾𑐬𑐸𑑄 𑐣𑑂𑐴𑐵𑐥𑐵𑑄𑐐𑐸 𑐴𑐵𑐦𑐫𑐵 𑑑𑑗 𑐍 𑐩𑐶𑐣𑐾𑐚𑐫𑑂 𑐥𑐾𑐣𑐵𑐫𑐵 𑐐𑑀𑐮𑑄 𑐀𑐐𑑂𑐬𑐟𑐵 𑐎𑐵𑑅𑐐𑐸 𑐏𑑅 𑑋 𑐎𑐵𑐳𑐵𑐫𑐵 𑐣𑐶𑐐𑐹𑐐𑐸 𑐴𑐵𑐦𑐫𑐵 𑑕𑑓 𑐍𑑄 𑐩𑐶𑐣𑐾𑐚𑐫𑑂 𑐎𑑀𑐮𑐩𑑂𑐧𑐶𑐫𑐵𑐫𑐵 𑐧𑑀𑐬𑑂𑐖𑐵𑑄 𑐧𑐬𑐵𑐧𑐬𑐷 𑐐𑑀𑐮 𑐫𑐵𑐟 𑑋 𑐧𑑀𑐬𑑂𑐖𑐵𑑄 𑐥𑐾𑐣𑐵𑐮𑑂𑐚𑐷𑑄 𑐐𑑀𑐮 𑐫𑐵𑑅𑐐𑐸 𑐏𑑅 𑑋 𑐎𑐵𑐳𑐵𑐫𑑂 𑐩𑐾𑐐𑐸 𑐐𑑀𑐮 𑐁𑐟𑑂𑐩𑐑𑐵𑐟𑐷 𑐖𑐸𑐮 𑑋 𑐎𑐵𑐳𑐵𑐫𑐵 𑑖𑑓 𑐍 𑐩𑐶𑐣𑐾𑐚𑐫𑑂 𑐎𑑀𑐮𑐩𑑂𑐧𑐶𑐫𑐵𑐫𑐵 𑐫𑐾𑐬𑐷 𑐩𑐶𑐣𑐵𑑄 𑐁𑐟𑑂𑐩𑐑𑐵𑐟𑐷 𑐐𑑀𑐮 𑐫𑐵𑐫𑐾𑐰𑑄 𑐥𑐾𑐬𑐸 𑑒–𑑑 𑐐𑑀𑐮𑑄 𑐎𑐵𑐳𑐵 𑐟𑑂𑐫𑐵𑐎𑐮 𑑋

𑐳𑑀𑐩𑐰𑐵𑑅 𑐴𑐾 𑐖𑐹𑐐𑐸 𑐳𑐩𑐹𑐴 𑐧𑐷 𑐫𑐵 𑐩𑐾𑐐𑐸 𑐎𑐵𑐳𑐵𑐫𑑂 𑐨𑐾𑐣𑐾𑐖𑐸𑐊𑐮𑐵 𑐰 𑐂𑐎𑑂𑐰𑐾𑐜𑐬𑑄 𑐣𑐶𑐐𑐹 𑐣𑐶𑐐𑐹 𑐐𑑀𑐮𑐫𑐵 𑐧𑐬𑐵𑐧𑐬𑐷 𑐩𑑂𑐴𑐶𑐟𑐮 𑑋 𑐎𑐵𑐳𑐵𑐫𑑂 𑐂𑐎𑑂𑐰𑐾𑐜𑐬𑐫𑐵 𑐣𑐶𑑄𑐟𑐶𑑄 𑐊𑐜𑐸𑐀𑐬 𑐥𑑂𑐬𑐳𑐾𑐜𑐶𑐁𑐾𑑄 𑑓𑑙 𑐍𑑄 𑐩𑐶𑐣𑐾𑐚𑐫𑑂 𑐰 𑐐𑑀𑐣𑑂𑐖𑐵𑐮𑑀 𑐥𑑂𑐮𑐵𑐚𑑀𑑄 𑑗𑑑 𑐍𑑄 𑐩𑐶𑐣𑐾𑐚𑐫𑑂 𑐐𑑀𑐮 𑐫𑐵𑑅𑐐𑐸 𑐏𑑅𑐳𑐵 𑐨𑐾𑐣𑐾𑐖𑐸𑐊𑐮𑐵𑐫𑐵 𑐣𑐶𑑄𑐟𑐶𑑄 𑐊𑐜𑐳𑐣 𑐎𑐵𑐳𑑂𑐚𑐶𑐮𑐵𑑄 𑑕𑑑 𑐍𑑄 𑐩𑐶𑐣𑐾𑐚𑐫𑑂 𑐰 𑐴𑐬𑑂𑐣𑐵𑐣𑑂𑐜𑐾𑐖𑑄 𑐣𑐶𑐐𑐹𑐐𑐸 𑐴𑐵𑐦𑐫𑐵 𑐂𑐣𑑂𑐖𑐸𑐬𑐷 𑐚𑐵𑐂𑐩𑐫𑑂 𑐐𑑀𑐮 𑐫𑐵𑑅𑐐𑐸 𑐏𑑅 𑑋

𑐠𑑂𑐰 𑐳𑐩𑐸𑐴𑐫𑑂 𑐧𑑂𑐬𑐵𑐖𑐶𑐮 𑐱𑐷𑐬𑑂𑐲 𑐠𑐵𑐳𑐫𑑂 𑐡𑐸 𑑋 𑐀𑐠𑐾𑐴𑐾 𑐥𑐾𑐬𑐸𑐮𑐶𑐳𑐾𑑄 𑐎𑐵𑐳𑐵𑐫𑑂 𑐧𑐹𑐳𑐵𑑄 𑐎𑑀𑐮𑐩𑑂𑐧𑐶𑐫𑐵 𑐐𑑀𑐮 𑐀𑐣𑑂𑐟𑐬𑐫𑐵 𑐎𑐵𑐬𑐞𑑄 𑐣𑐶𑐐𑐹𑐐𑐸 𑐠𑐵𑐳𑐫𑑂 𑐡𑐸 𑑋 𑐎𑑀𑐮𑐩𑑂𑐧𑐶𑐫𑐵𑐫𑐵𑐳𑐶𑐧𑐾𑑄 𑐕𑐐𑐹 𑐎𑐵𑐳𑐵 𑐎𑐩 𑐩𑑂𑐴𑐶𑐟𑐸𑐐𑐸 𑐥𑐾𑐬𑐸 𑐳𑑂𑐰𑑄𑐐𑐹𑐐𑐸 𑐠𑐵𑐳𑐫𑑂 𑐡𑐸 𑑋 𑐨𑐾𑐣𑐾𑐖𑐸𑐊𑐮𑐵 𑐥𑑂𑐫𑑄𑐐𑐹𑐐𑐸 𑐠𑐵𑐳𑐫𑑂 𑐰 𑐂𑐎𑑂𑐰𑐾𑐜𑐬 𑐀𑐣𑑂𑐟𑐶𑐩𑐫𑑂 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS