𑐡𑑂𑐫𑑅𑐫𑐵𑐟 𑐠𑐾𑑄 𑐏𑑅 𑐎𑑂𑐰𑐧𑐶𑐫𑐵𑑅 𑐖𑑂𑐫𑐵𑑅𑐖𑑄𑐎𑑂𑐰
𑐫𑐾𑑃 – 𑐩𑑀𑐬𑑄𑐐𑐫𑐵 𑐄𑐬𑑂𑐮𑐵𑐰𑐵𑐬𑐷𑐂 𑑗𑑗 𑐡𑑃 𑐥𑐸𑐮𑐾𑐢𑐸𑑄𑐎𑐹𑐥𑐶𑑄 𑐳𑑂𑐠𑐵𑐣𑐷𑐫 𑐖𑑂𑐫𑐵𑐠𑐖𑐶𑐠𑐶𑐥𑐶𑑄𑐟 𑐡𑑂𑐫𑑅𑐫𑐵𑐟 𑐠𑐾𑑄 𑐏𑐟𑐫𑑂 𑐟𑐫𑐵𑑅 𑐡𑐾𑐫𑑂𑐔𑐵𑑅𑐴𑐷𑐎𑐵𑑅 𑐖𑑂𑐫𑐵𑑅𑐖𑑄𑐎𑑂𑐰 𑐫𑐵𑑅𑐐𑐸 𑐡𑐸 𑑋 𑐳𑑂𑐠𑐵𑐣𑐷𑐫 𑐖𑑂𑐫𑐵𑐠 𑐨𑐿𑐬𑐰𑐧𑐴𑐵𑐡𑐸𑐬 𑐱𑑂𑐬𑐾𑐲𑑂𑐛 𑐰 𑐰𑐫𑑂𑐎𑑅𑐫𑐵 𑐖𑐴𑐵𑐣 𑐩𑐫𑑂𑐖𑐸 𑐳𑐟𑑂𑐫𑐮𑐎𑑂𑐲𑑂𑐩𑐷 𑐱𑑂𑐬𑐾𑐲𑑂𑐛𑐫𑐵𑐟 𑐏𑐟𑐫𑑂 𑐟𑐫𑐵𑑅 𑐎𑑂𑐰𑐧𑐶𑐫𑐵𑑅 𑐔𑐵𑑅𑐴𑐷𑐎𑐹𑐐𑐸 𑐏𑑅 𑑋
𑐰𑐫𑑂𑐎𑑅𑐥𑐶𑑄 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹 𑐄𑐬𑑂𑐮𑐵𑐰𑐵𑐬𑐷 𑐎𑐔𑐵𑐫𑐵 𑐣𑑂𑐰𑐎𑐸 𑐨𑐵𑐖𑐸 𑐩𑐞𑐶𑐮𑐵𑐮 𑐱𑑂𑐬𑐾𑐲𑑂𑐛𑐫𑐵 𑐩𑐵𑑄𑐀𑐧𑐸𑐥𑐶𑑄 𑐏𑑅 𑑋 𑐠𑑂𑐰 𑐰𑐫𑑂𑐎𑑅𑐥𑐶𑐣𑐶 𑐣𑑂𑐴𑐵𑐥𑐵𑑄𑐐𑐸 𑐖𑑄𑐎𑑂𑐰 𑐏𑑅 𑑋
𑐣𑐾𑐰𑐵𑑅 𑐎𑑀𑐱𑐷 𑐀𑐘𑑂𑐔𑐮𑐫𑑂 𑐠𑐷𑐠𑐷 𑐎𑐵𑐬𑐞𑑄 𑐔𑑂𑐰𑐣𑐵𑐔𑑂𑐰𑑄𑐥𑐶𑑄 𑐠𑑂𑐰 𑐣𑐾𑐰𑐵𑑅 𑐳𑐩𑐵𑐖𑐫𑑂 𑐄𑐐𑐸 𑐮𑐵𑐐𑐵𑐫𑑂 𑐣𑑂𑐴𑐵𑐥𑐵𑑄𑐏𑐸𑐳𑐶 𑐠𑐸𑐎𑐠𑑄𑐫𑐵 𑐖𑑂𑐫𑐵𑐖𑑄𑐎𑑂𑐰 𑐖𑐹𑐐𑐸 𑐏𑑃 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹𑐫𑐵 𑐣𑐵𑐫𑑅 𑐣𑐬𑐾𑐱 𑐟𑐵𑐩𑑂𑐬𑐎𑐵𑐬𑑄 𑐎𑐣𑐵𑐡𑐶𑐮 𑑋 𑐫𑐾𑑃𑐣𑑄 𑐰𑐣𑐵𑑅 𑐀𑐣 𑐐𑐸𑐨𑐵𑐖𑐸 𑐟𑐵𑐮𑐶𑐩 𑐧𑐶𑐄𑐐𑐸 𑐂𑐮𑐫𑑂 𑐟𑐵𑐮𑐶𑐩 𑐥𑑂𑐬𑐵𑐥𑑂𑐟 𑐫𑐵𑐣𑐵𑑅 𑐐𑐸𑐨𑐵𑐖𑐸 𑐖𑐸𑐫𑐵𑐡𑐷𑐩𑑂𑐴 𑐥𑐸𑐬𑑀𑐴𑐶𑐟 𑐎𑐸𑐩𑐵𑐬 𑐱𑑂𑐬𑐾𑐲𑑂𑐛 𑐮𑐐𑐵𑐫𑐟𑐫𑐵 𑐥𑐸𑐔𑐮𑑄 𑐄𑐐𑐸 𑐳𑐵𑑄𑐳𑑂𑐎𑐺𑐟𑐶𑐎 𑐥𑐬𑑂𑐰 𑐎𑐠𑑄 𑐖𑑂𑐫𑐵𑐖𑑄𑐎𑑂𑐰 𑐫𑐵𑐎𑐹𑐐𑐸 𑐏𑑅 𑑋 𑐳𑑂𑐰𑐣𑐶𑐐𑐮𑐫𑑂 𑐖𑐹𑐳𑐵 𑐏𑑅𑐫𑐵𑐟 𑐳𑐵𑐮𑐵𑑅 𑐖𑑂𑐫𑐵𑐖𑑄𑐎𑑂𑐰 𑐫𑐵𑐂𑐐𑐸 𑐏𑑅𑐳𑐵 𑐀𑐣 𑐏𑑅𑐫𑐵𑐟 𑐡𑑂𑐫𑑅𑐏𑑅 𑐠𑐾𑑄 𑐎𑑂𑐰𑐧𑐶𑐫𑐵𑑅 𑐖𑑂𑐫𑐵𑑅𑐖𑑄𑐎𑑂𑐰 𑐫𑐵𑑅𑐐𑐸 𑐏𑑅 𑑋
LEAVE YOUR COMMENTS