𑐣𑐬𑑀𑐟𑑂𑐟𑐩 𑐰𑐿𑐡𑑂𑐫𑐫𑐵 𑐟𑐬𑑄𑐐 𑐀𑐗𑑄 𑐖𑐵𑐬𑐷
𑐫𑐾𑑃- 𑐣𑐾𑐥𑐵𑐮𑐷 𑐎𑐵𑑄𑐐𑑂𑐬𑐾𑐳𑐫𑐵 𑐧𑐵𑐐𑐩𑐟𑐶 𑐥𑑂𑐬𑐡𑐾𑐱𑐳𑐨𑐵 𑐳𑐵𑑄𑐳𑐡 𑐣𑐬𑑀𑐟𑑂𑐟𑐩 𑐰𑐿𑐡𑑂𑐫𑑄 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐎𑐾𑐥𑐷 𑐱𑐬𑑂𑐩𑐵 𑐌𑐮𑐷𑐫𑐵 ‘𑐴𑐟𑑂𑐫𑐵’ 𑐖𑐸𑐂𑐩𑐵𑑅 𑐢𑐂𑐐𑐸 𑐁𑐱𑐫 𑐟𑐫𑐵𑑅 𑐧𑐶𑐫𑐵𑐡𑐷𑐐𑐸 𑐀𑐨𑐶𑐰𑑂𑐫𑐎𑑂𑐟𑐶𑐫𑐵 𑐟𑐬𑑄𑐐 𑐀𑐗𑑄 𑐎𑑂𑐰𑐮𑐵𑑅𑐐𑐸 𑐩𑐡𑐸𑐣𑐶 𑑋 𑐧𑐵𑐐𑐩𑐟𑐶 𑐥𑑂𑐬𑐡𑐾𑐱 𑐳𑐨𑐵𑐫𑐵 𑐧𑐿𑐛𑐎𑐫𑑂 𑐰𑐫𑑂𑐎𑐮𑑄 𑐥𑑂𑐬𑐩 𑐌𑐮𑐷𑐫𑐵 𑐀𑐟𑑂𑐫𑐵𑐔𑐵𑐬 𑐥𑐣𑐾𑐐𑐸 𑐮𑐵𑐐𑐶𑑄 𑐠𑑅 𑐣𑐵𑐠𑐸𑐬𑐵𑐩 𑐐𑑀𑐜𑑂𑐳𑐾 𑐖𑐸𑐂𑐟 𑐟𑐫𑐵𑐬 𑐡𑐸 𑐢𑐎𑐵𑑅 𑐣𑑂𑐰𑐰𑐵𑐣𑐵𑐡𑐷𑐰𑑄 𑐟𑑅𑐢𑑄𑐐𑐸 𑐴𑑄𑐐𑐵𑐩𑐵 𑐖𑐹𑐐𑐸 𑐏𑑅 𑑋 𑐰𑐫𑑂𑐎𑑅𑐫𑐵 𑐄𑐐𑐸 𑐀𑐨𑐶𑐰𑑂𑐫𑐎𑑂𑐟𑐶𑐫𑐵𑐟 𑐎𑐫𑐵𑑅 𑐥𑑂𑐫𑐏𑐾𑐬𑑄 𑐁𑐮𑑀𑐔𑐣𑐵 𑐖𑐸𑐂𑐰𑑄 𑐳𑐵𑑄𑐳𑐡 𑐰𑐿𑐡𑑂𑐫𑑄 𑐠𑑅𑐐𑐸 𑐀𑐨𑐶𑐰𑑂𑐫𑐎𑑂𑐟𑐶 𑐮𑐶𑐟 𑐎𑐫𑐵𑑅 𑐎𑑂𑐲𑐩𑐵 𑐳𑐩𑐾𑐟 𑐦𑑂𑐰𑐣𑐵𑐡𑐷𑐐𑐸 𑐏𑑅 𑑋 𑐀𑐠𑐾 𑐏𑑅𑐳𑐵𑑄 𑐰𑐫𑑂𑐎𑑅𑐫𑐵 𑐄𑐐𑐸 𑐀𑐨𑐶𑐰𑑂𑐫𑐎𑑂𑐟𑐶𑐫𑐵𑐟 𑐎𑐫𑐵𑑅 𑐩𑐎𑐰𑐵𑐣𑐥𑐸𑐬𑐫𑐵 𑐊𑐩𑐵𑐮𑐾 𑐳𑐩𑐬𑑂𑐠𑐶𑐟 𑐫𑐸𑐰𑐵 𑐳𑑄𑐑𑑄 𑐰𑐿𑐡𑑂𑐫 𑐰𑐶𑐬𑐸𑐡𑑂𑐢 𑐖𑐶𑐮𑑂𑐮𑐵 𑐥𑑂𑐬𑐴𑐬𑐷 𑐎𑐵𑐬𑑂𑐫𑐵𑐮𑐫𑐫𑑂 𑐄𑐖𑐸𑐬𑐷 𑐟𑑅𑐐𑐸 𑐏𑑅 𑑋 𑐎𑑂𑐲𑐩𑐵 𑐦𑑂𑐰𑐣𑐾𑐢𑐸𑑄𑐎𑐵𑑅 𑐣𑑄 𑐴𑐵𑐣𑑄 𑐥𑑂𑐬𑐴𑐬𑐷𑐂 𑐄𑐖𑐸𑐬𑐷 𑐧𑐶𑐫𑐵𑑅 𑐩𑐸𑐡𑑂𑐡𑐵𑐫𑐵𑐟 𑐔𑐬𑑂𑐎𑐾 𑐫𑐵𑐫𑐾𑐟 𑐳𑑂𑐰𑑅𑐐𑐸 𑐢𑐵𑐳𑐾𑑄 𑐎𑐵𑑄𑐐𑑂𑐬𑐾𑐳𑐫𑐵 𑐧𑐵𑐐𑐩𑐟𑐶 𑐥𑑂𑐬𑐡𑐾𑐱𑐳𑐨𑐵 𑐳𑑄𑐳𑐡𑐷𑐫 𑐡𑐮𑑄 𑐰𑐶𑐬𑑀𑐢 𑐥𑑂𑐰𑑄𑐎𑐹𑐐𑐸 𑐡𑐸 𑑋
LEAVE YOUR COMMENTS