𑐀𑐳𑐵𑐬𑑄 𑑑 𑐣𑐶𑐳𑐾𑑄 𑐏𑐵𑐡𑑂𑐫𑐵𑐣𑑂𑐣, 𑐎𑐶𑐬𑐵𑐣𑐵 𑑑𑑑 𑐧𑐖𑐾 𑐟𑐎 𑐔𑐵𑐫𑐾𑐎𑐾 𑐡𑐂𑐐𑐸
𑐫𑐾𑑃 – 𑐳𑑂𑐰𑐣𑐶𑐐𑐮𑐫𑑂 𑐣𑐶𑐲𑐾𑐢𑐵𑐖𑑂𑐘𑐵 𑐕𑐸𑑄 𑐨𑐔𑐵 𑐴𑑂𑐰𑐵𑐮𑐸𑐎𑐵 𑐕𑐰𑐵𑑅𑐫𑐵 𑐣𑐶𑑄𑐟𑐶𑑄 𑐠𑐥 𑐫𑐵𑑅𑐐𑐸 𑐡𑐸 𑑋 𑐳𑑂𑐰𑐣𑐶𑐐𑑅𑐫𑐵 𑐫𑐾𑑃, 𑐫𑐮 𑐰 𑐏𑑂𑐰𑐥 𑐖𑐶𑐮𑑂𑐮𑐵𑐫𑐵 𑐳𑐶𑐜𑐶𑐌𑐟𑐫𑑂 𑐧𑐿𑐛𑐎𑐫𑑂 𑐮𑐶𑐥𑐵 𑐠𑐥 𑐕𑐰𑐵𑑅 𑐣𑐶𑐲𑐾𑐢𑐵𑐖𑑂𑐘𑐵 𑐑𑑀𑐲𑐞𑐵 𑐫𑐵𑑅𑐐𑐸 𑐏𑑅 𑑋 𑐟𑐬 𑐠𑑂𑐰 𑐂𑐮𑐫𑑂 𑐏𑐵𑐡𑑂𑐫𑐵𑐣𑑂𑐣, 𑐎𑐶𑐬𑐵𑐣𑐵 𑐰 𑐜𑐶𑐥𑐵𑐬𑑂𑐚𑐩𑐾𑐣𑑂𑐚 𑐳𑑂𑐚𑑀𑐬 𑐮𑐶𑐳𑐾𑑄 𑐟𑐬𑐎𑐵𑐬𑐷, 𑐮𑐵, 𑐰 𑐡𑐸𑐬𑐸, 𑐳𑑂𑐚𑐾𑐱𑐣𑐬𑐷 𑐥𑐳𑑅 𑑑𑑑 𑐧𑐖𑐾 𑐟𑐎 𑐔𑐵𑐫𑐾𑐎𑐾 𑐡𑐂𑐐𑐸 𑐖𑐹𑐐𑐸 𑐡𑐸 𑑋 𑐀𑐠𑐾𑐴𑐾 𑐣𑐶𑐬𑑂𑐩𑐵𑐞 𑐳𑐵𑐩𑐵𑐐𑑂𑐬𑐷 𑐥𑐳𑑅 𑐣𑑂𑐴𑐶𑐣𑐫𑑂 𑑔 𑐧𑐖𑐾 𑐣𑐶𑐳𑐾𑑄 𑐔𑐵𑐫𑐾𑐎𑐾 𑐡𑐂𑐐𑐸 𑐫𑐵𑑅𑐐𑐸 𑐡𑐸𑐳𑐵 𑐀𑐣𑐮𑐵𑐂𑐣 𑐩𑐵𑐢𑑂𑐫𑐩 𑐴𑑀𑐩𑐜𑐾𑐮𑐶𑐨𑐬𑐶 𑐳𑐸𑐠𑐫𑑂 𑑗 𑐧𑐖𑐾 𑐣𑐶𑐳𑐾𑑄 𑐧𑐴𑐣𑐷 𑑗 𑐧𑐖𑐾 𑐟𑐎 𑐫𑐵𑐫𑐾 𑐡𑐂𑐐𑐸 𑐖𑐹𑐐𑐸 𑐡𑐸 𑑋
𑐰𑑄𑐐𑐸 𑐰𑐵𑐮𑐫𑑂 𑐳𑐬𑑂𑐰𑑀𑐔𑑂𑐔 𑐀𑐡𑐵𑐮𑐟𑑄 𑐀𑐣𑐮𑐵𑐂𑐣 𑐩𑐵𑐢𑑂𑐫𑐩 𑐖𑐸𑐂𑐐𑐸 𑐰𑐶𑐎𑑂𑐬𑐰𑐶𑐟𑐬𑐞 𑐰 𑐴𑑀𑐩 𑐜𑐾𑐮𑐶𑐨𑐬𑐶 𑐳𑐾𑐰𑐵 𑐩𑐡𑐶𑐎𑐾𑐟 𑐀𑐣𑑂𑐟𑐬𑐶𑐩 𑐁𑐡𑐾𑐱 𑐖𑐵𑐬𑐷 𑐫𑐵𑑅𑐐𑐸𑐮𑐶𑑄 𑐠𑑂𑐰 𑐥𑐵𑐮𑐫𑑂 𑐣𑐶𑐳𑐾𑑄 𑐴𑑀𑐩 𑐜𑐾𑐮𑐶𑐨𑐬𑐶 𑐳𑑄𑐔𑐵𑐮𑐣 𑐫𑐵𑑅𑐐𑐸 𑐏𑑅 𑑋 𑐠𑑂𑐰 𑐂𑐮𑐫𑑂 𑐰𑐶𑐎𑐵𑐳 𑐣𑐶𑐬𑑂𑐩𑐵𑐞𑐫𑐵 𑐖𑑂𑐫𑐵 𑐣𑑂𑐴𑑂𑐫𑐵𑐎𑐾𑐟 𑐝𑐸𑐰𑐵𑐣𑐷 𑐳𑐾𑐰𑐵 𑐳𑐴𑐖 𑐫𑐵𑐫𑐾𑐐𑐸 𑐣𑑄 𑐣𑐶𑐬𑑂𑐞𑐫 𑐫𑐵𑑅𑐐𑐸 𑐡𑐸 𑑋 𑐟𑐬 𑐠𑑂𑐰 𑐥𑐵𑐮𑐫𑑂 𑐣𑐶𑐳𑐾𑑄 𑐣𑐶𑐖𑐷 𑐳𑐰𑐵𑐬𑐷 𑐳𑐵𑐢𑐣 𑐖𑑀𑐜 𑐰𑐶𑐖𑑀𑐜 𑐫𑐵𑐣𑐵𑑅 𑐔𑐮𑐾 𑐫𑐵𑐎𑐾 𑐧𑐷𑐐𑐸 𑐀𑐣𑐸𑐩𑐵𑐣 𑐫𑐵𑑅𑐳𑐵𑑄 𑐣𑑂𑐴𑐵𑐥𑐵 𑐠𑐾𑑄 𑐔𑐮𑐾 𑐫𑐵𑐎𑐾 𑐩𑐧𑐷𑐐𑐸 𑐴𑐾 𑐣𑐶𑐬𑑂𑐞𑐫 𑐖𑐹𑐐𑐸 𑐡𑐸 𑑋
LEAVE YOUR COMMENTS