Read news in NepalBhasa text-- www.hamroschool.com BACK 𑐴𑐵𑐂𑐎𑐸 𑐏𑑂𑐫𑑅𑐫𑐵 𑑑𑑒 𑐎𑑂𑐰𑑅𑐐𑐸 𑐴𑐵𑐂𑐎𑐸 𑐰𑐵𑐔𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐴𑐵𑐂𑐎𑐸 𑐏𑑂𑐫𑑅𑐫𑐵 𑑑𑑒 𑐎𑑂𑐰𑑅𑐐𑐸 𑐴𑐵𑐂𑐎𑐸 𑐰𑐵𑐔𑐣

𑐫𑐮- 𑐣𑐾𑐰𑐵𑑅 𑐴𑐵𑐂𑐎𑐸 𑐏𑑂𑐫𑑅𑐫𑐵 𑐐𑑂𑐰𑐳𑐵𑐮𑐫𑑂 𑐗𑐶𑑄𑐣𑐶𑐐𑐹𑐐𑐸 𑐳𑑄𑐳𑑂𑐎𑐬𑐞𑐫𑐵 𑐴𑐵𑐂𑐎𑐸 𑐰𑐵𑐔𑐣 𑐖𑑂𑐫𑐵𑐗𑑂𑐰𑑅 𑐰𑑄𑐐𑐸 𑐱𑐣𑐶𑐰𑐵𑑅 𑐖𑐸𑐮 𑑋 𑐴𑐵𑐂𑐎𑐸 𑐏𑑂𑐫𑐮𑑄 𑐣𑐾𑐥𑐵𑐮𑐨𑐵𑐲𑐵 𑐴𑐵𑐂𑐎𑐸 𑐰𑐶𑐢𑐵𑐫𑐵𑐟 𑐔𑑂𑐰𑐣𑑂𑐴𑑂𑐫𑐵𑐎𑐾𑐐𑐸 𑐟𑐵𑐟𑐸𑐣𑐵𑑅 𑐨𑐬𑑂𑐔𑐸𑐀𑐮 𑐩𑐵𑐢𑑂𑐫𑐩𑑄 𑐄𑐎𑐠𑑄𑐫𑐵 𑐖𑑂𑐫𑐵𑐗𑑂𑐰𑑅𑐫𑐵𑐟 𑐣𑐶𑐬𑐣𑑂𑐟𑐬𑐟𑐵 𑐧𑐶𑐫𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋

𑐠𑐸𑐐𑐸 𑐳𑑄𑐳𑑂𑐎𑐬𑐞𑐫𑑂 𑐩𑐸𑐎𑑂𑐎𑑄 𑐩𑐶𑐳𑐵 𑐴𑐵𑐂𑐖𑐶𑐣𑐥𑐶𑑄𑐳𑑄 𑐠𑑅𑐠𑑅𑐐𑐸 𑐴𑐵𑐂𑐎𑐸 𑐰𑐵𑐔𑐣 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐳𑐸𑐣𑐶𑐟𑐵 𑐬𑐵𑐖𑐨𑐞𑑂𑐜𑐵𑐬𑐷 𑐖𑐸𑐣𑐸, 𑐖𑑂𑐘𑐵𑐣𑐡𑐾𑐰𑐷 𑐱𑐵𑐎𑑂𑐫 𑐩𑐶𑐣𑐬𑑂𑐨𑐵 𑐱𑐬𑑂𑐩𑐵 𑐬𑐵𑐖𑑀𑐥𑐵𑐢𑑂𑐫𑐵𑐫 𑐰 𑐥𑑁𑐨𑐵 𑐜𑑄𑐐𑑀𑐮𑑄 𑐴𑐵𑐂𑐎𑐸 𑐰𑐵𑐔𑐣 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐣𑐶𑐐𑐹 𑐔𑐬𑐞𑐫𑑂 𑐣𑑂𑐴𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐥𑑂𑐫𑐩𑑂𑐴𑐾𑐳𑐶𑐣𑑄 𑐩𑑂𑐴𑐟𑐶𑑄 𑐗𑐶𑐥𑐸 𑐗𑐶𑐥𑐸 𑐴𑐵𑐂𑐎𑐸 𑐰𑐵𑐔𑐣 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐰𑐵𑐔𑐣 𑐖𑐹𑐐 𑐴𑐵𑐂𑐎𑐸𑐫𑐵𑐟 𑐎𑐫𑐵𑑅 𑐳𑐵𑐴𑐶𑐟𑑂𑐫𑐎𑐵𑐬𑐮𑐶𑐳𑐾𑑄 𑐳𑐩𑐵𑐮𑑀𑐔𑐎 𑐜𑐵. 𑐥𑐸𑐲𑑂𑐥𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬𑑄 𑐳𑐩𑐷𑐎𑑂𑐲𑐵𑐟𑑂𑐩𑐎 𑐚𑐶𑐥𑑂𑐥𑐞𑐷 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐀𑐩𑐾𑐬𑐶𑐎𑐵𑐫𑐵 𑐱𑐶𑐎𑐵𑐐𑑀𑐫𑑂 𑐔𑑂𑐰𑐣𑐵𑐡𑐷𑐩𑑂𑐴 𑐧𑐵𑐏𑑄 𑐔𑑂𑐰𑐩𑐶 𑐎𑐾𑐱𑐬𑐩𑐵𑐣 𑐟𑐵𑐩𑑂𑐬𑐵𑐎𑐵𑐬𑑄 𑐣𑐸𑐐𑑅 𑐏𑑃 𑐟𑐫𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐸𑐬𑐾𑐱 𑐥𑑂𑐬𑐢𑐵𑐣𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐏𑑅𑐳𑐵 𑐥𑐹𑐬𑑂𑐞𑐶𑐩𑐵 𑐱𑐵𑐎𑑂𑐫𑑄 𑐳𑐸𑐨𑐵𑐫𑑂 𑐡𑐾𑐕𑐵𑐣𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS