Read news in NepalBhasa text-- www.hamroschool.com BACK 𑐨𑐾𑐣𑑂𑐚𑐶𑐮𑐾𑐚𑐬𑐫𑑂 𑐩𑐵𑐞𑐶𑐎𑐮𑐵𑐮 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐨𑐾𑐣𑑂𑐚𑐶𑐮𑐾𑐚𑐬𑐫𑑂 𑐩𑐵𑐞𑐶𑐎𑐮𑐵𑐮

𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛

𑐎𑐵𑐮 𑐀𑐴𑑀 ! 𑐖𑐶𑑄 𑐡𑐸 𑐢𑐎𑐵𑑅 𑐕𑐸 𑐳𑐶𑐮
𑐠𑐸𑐮𑐶𑐟 𑐀𑐳𑐵𑐩𑐵𑐣𑑂𑐫𑐐𑐸 𑐣𑑄 𑐎𑐵𑐮
𑐀𑐣𑑂𑐟𑐶𑐩 𑐰𑐶𑐣𑑂𑐡𑐸𑐂 𑐟𑐎 𑐣𑑄 𑐡𑐿𑐔𑑂𑐰𑐣
𑐨𑐾𑐣𑑂𑐚𑐶𑐮𑐾𑐚𑐬𑐫𑑂 𑐩𑐵𑐞𑐶𑐎𑐮𑐵𑐮 !

𑐏𑑂𑐰𑐫𑑂𑐐𑐸 𑐧𑐶𑐮𑑄 𑐣𑑄 𑐥𑐣𑑂𑐫𑐫 𑐴𑐾 𑐩𑐦𑐫𑑂𑐎
𑐖𑑂𑐰𑐿𑐐𑐸 𑐩𑐶𑐏𑐵𑑄 𑐐𑐸𑐐𑐸 𑐏𑑅 𑐢𑐬𑐢𑐬
𑐄𑐐𑐸 𑐴𑐾 𑐥𑐴𑐮𑑄 𑐩𑐡𑑂𑐡𑐶𑐎𑑂𑐎 𑐖𑑂𑐰𑐿𑐐𑐸
𑐏𑑂𑐰𑐧𑐶𑐫𑐵 𑐣𑐵𑑄 𑐴𑐾 𑐏𑑅 𑐳𑐸𑐣𑑂𑐡𑐬 !

𑐳𑐟𑑂𑐫 𑐟𑐎𑑂𑐎𑑄 𑐣𑑄 𑐫𑐵𑐟𑐸𑐂𑐦𑐸𑐸 𑐏𑐣𑐶𑑄
𑐀𑐗 𑐣𑑄 𑐰𑑄 𑐟𑐶𑐩𑐳𑑂𑐫𑐹𑐣𑐶 𑐩𑐶𑐏𑐵
𑐳𑑂𑐰𑐿𑐟𑑄 𑐮𑐳𑐎𑐸𑐳 𑐫𑐵𑐫𑑂𑐟 𑐁𑐫𑑂𑐧𑐸𑐫𑐵𑑅
𑐔𑐵𑐮𑐵 𑐔𑑂𑐰𑑄𑐠𑐾𑑄 𑐔𑑂𑐰𑑄𑐐𑐸 𑐮𑐸𑐏𑐵 !

𑐳𑑂𑐰𑐫𑑂𑐐𑐸 𑐀𑐴𑑀 ! 𑐥𑑂𑐫𑐵𑑅𑐔𑐵𑑅 𑐠𑑂𑐰 𑐐𑐖𑐵𑑅𑐐𑐸
𑐕𑐥𑐸𑐮𑐸 𑐰 𑐣𑑄 𑐏𑑅𑐮𑐵 𑐩𑐏𑐸𑐮𑐵
𑐕𑐸𑑄 𑐩𑐏𑐸 𑐏𑑅𑐳𑐵𑑄 𑐀𑐴𑐴𑐴 𑐠𑐸𑐐𑐸 𑐗𑐵𑑅
𑐳𑑂𑐰𑐳𑑂𑐰𑑄 𑐖𑐶 𑐀𑐠𑐾𑑄 𑐰𑐵𑐟𑐵𑑄 𑐎𑐵𑑅 !

𑐩𑐣𑑂𑐟 𑐢𑐎𑐵𑑅 𑐀𑐮𑑂𑐫 𑐠𑑂𑐰𑐿𑐟 𑐳𑐶𑑃𑐥𑑃𑐫𑑂 𑐟𑐿
𑐕𑑂𑑂𑐰𑐿, 𑐀𑐮𑑂𑐫 𑐣𑑁 𑐖𑑂𑐰𑐷, 𑐩𑐣𑑂𑐟 𑐦𑐸𑐟 !
𑐀𑐫𑑂𑐳𑐵𑑄 𑐣𑑄 𑐖𑐶𑑄 𑐐𑐫𑑂 𑐳𑐶𑐟 𑐢𑐵𑐫𑑂𑐐𑐸
𑐩𑐞𑐶𑐎𑐮𑐵𑐮 𑐀𑐏𑐞𑑂𑐜 𑐩𑐟 ?

𑐳𑐷𑐩𑐏𑐸, 𑐳𑐷𑐩𑐏𑐸 𑐩𑐵𑐞𑐶𑐎𑐮𑐵𑐮 𑐰
𑐠𑐸𑐮𑐶 𑐕𑐸𑑄 𑐩𑐏𑐸 𑐠𑐾𑑄 𑐳𑐷 𑐰 𑐩𑐟𑐵𑑅 !
𑐳𑑂𑐰𑐣𑑂𑐟𑐶 𑐮𑐸𑐩𑐣𑑂𑐫𑐰𑑄 𑐔𑑂𑐫𑐵𑐫𑑂 𑐴𑐾 𑐢𑐸𑑄𑐎𑐷
𑐣𑐾𑐰𑐵𑑅 𑐣𑐸𑐐𑐮𑐫𑑂 𑐏𑐾𑐮𑐸 𑐂𑐟𑐵𑑅 !

𑐱𑐶𑐎𑑂𑐲𑐶𑐟, 𑐰𑐶𑐡𑑂𑐰𑐵𑐣𑑂 𑐖𑐎 𑐣𑑄 𑐩𑐏𑐸 𑐕
𑐰𑐶𑐱𑑂𑐰𑐎𑑀𑐱 𑐀𑐫𑑂 𑐩𑐵𑐞𑐶𑐎𑐮𑐵𑐮 !
𑐐𑐫𑑂 𑐕 𑐩𑐡𑐿 𑐢𑐵, 𑐧𑑂𑐰𑐴𑐾 𑐩𑐧𑑂𑐰𑐫𑑂𑐎𑑄
𑐖𑐶𑐩𑐶𑐐𑐸 𑐳𑐬𑑂𑐐𑐟𑐫𑑂 𑐴𑑂𑐫𑐵𑐄𑑃 𑐩𑐱𑐵𑐮 !

𑐣𑐾.𑐳𑑄 𑑑𑑑𑑔𑑑 𑐳𑐶𑐮𑑂𑐮𑐵𑐠𑑂𑐰 𑑑𑑐

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS