Read news in NepalBhasa text-- www.hamroschool.com BACK 𑐳𑐦𑐹 𑐰𑐵𑐬𑑂𑐟𑐵 : 𑐩𑐣𑐹𑐫𑐵 𑐩𑐣𑐫𑐵𑐟 𑐡𑐸𑐣𑐾 𑐠𑑂𑐫𑑄𑐎 𑐠𑐷𑐦𑐸𑐐𑐸 𑐬𑐔𑐣𑐵 𑐖𑐶𑐟𑑅 𑐫𑑅 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐳𑐦𑐹 𑐰𑐵𑐬𑑂𑐟𑐵 : 𑐩𑐣𑐹𑐫𑐵 𑐩𑐣𑐫𑐵𑐟 𑐡𑐸𑐣𑐾 𑐠𑑂𑐫𑑄𑐎 𑐠𑐷𑐦𑐸𑐐𑐸 𑐬𑐔𑐣𑐵 𑐖𑐶𑐟𑑅 𑐫𑑅

𑐠𑑁𑑄𑐎𑐣𑑂𑐴𑐫𑑂 𑐕𑐸 𑐳𑐦𑐹 𑐧𑑂𑐰𑐣𑐵𑐔𑑂𑐰𑐣𑐵𑐡𑐶𑐫𑐵 ?
𑐗𑐶𑑄𑐐𑐹𑑄𑐐𑐸 𑐳𑐡𑐷𑐫𑐵 𑐀𑐣𑑂𑐟 𑐥𑐵𑐏𑐾 𑐦𑑂𑐬𑐵𑐣𑑂𑐳𑐫𑑂 𑐥𑑂𑐬𑐟𑐷𑐎𑐰𑐵𑐡𑐫𑐵 𑐣𑐵𑐩𑑄 𑐕𑐐𑐹 𑐳𑐵𑐴𑐶𑐟𑑂𑐫𑐷𑐎 𑐁𑐣𑑂𑐡𑑀𑐮𑐣 𑐖𑐸𑐮 𑑋 𑐰𑐴𑐾 𑐁𑐣𑑂𑐡𑑀𑐮𑐣𑐫𑐵 𑐥𑑂𑐫𑐩𑑂𑐴 𑐀𑐨𑐶𑐫𑐣𑑂𑐟𑐵𑐥𑐶𑑄 𑐱𑐵𑐬𑑂𑐮 𑐰𑐵𑐡𑐮𑐾𑐫𑐬, 𑐳𑑂𑐚𑐷𑐰𑐣 𑐩𑐮𑐵𑐬𑑂𑐩𑐾, 𑐥𑐵𑐮 𑐰𑐬𑐮𑐾𑐣 𑐰 𑐖𑑁 𑐁𑐬𑑂𑐠𑐬 𑐬𑐾𑐩𑑂𑐧𑑀𑐫𑐵 𑐩𑑄𑐎𑐵 𑐎𑐰𑐶𑐟𑐵 𑐳𑐥𑐹m 𑐖𑐶𑐩𑑂𑐴 𑐃𑐱𑑂𑐰𑐬𑑄 𑐖𑐶𑐟𑑅 𑐢𑐵𑐮 𑐢𑐫𑐵𑐐𑐸 𑐴𑐶𑐣𑑂𑐡𑐷 𑐨𑐵𑐳𑑄 𑐥𑐶𑐡𑐣𑐵𑐔𑑂𑐰𑑄𑐐𑐸 𑐎𑐰𑐶𑐟𑐵 𑐳𑐥𑐹m 𑐧𑑂𑐰𑐣𑐵𑐔𑑂𑐰𑐣𑐵 𑑋 𑐮𑐶𑐳𑐾𑑄 𑐬𑐵𑐖𑐰𑐫𑐵 𑐳𑑀𑐚𑐶𑐚 𑐄𑐥𑐣𑑂𑐫𑐵𑐳 𑐣𑑄 𑐳𑑂𑐰𑐫𑐵𑐔𑑂𑐰𑐣𑐵 𑑋

𑐐𑐖𑑂𑐫𑐵𑑅𑐐𑐸 𑐳𑐦𑐹 𑐧𑑂𑐰𑐣𑐾 𑐫𑑅 ?
𑐖𑐷𑐰𑐣𑐫𑐵 𑐬𑐴𑐳𑑂𑐫𑐫𑐵𑐟 𑐎𑐸𑐮𑐵𑐟𑑅𑐐𑐸, 𑐩𑐣𑐹𑐟𑐫𑑂 𑐀𑐣𑑂𑐟𑐬𑑂𑐩𑐣𑐫 𑐡𑐸𑐣𑐾𑐠𑑂𑐫𑑄𑐎 𑐠𑐷 𑐥𑐹m𑐐𑐸 𑐳𑐥𑐹m𑐟 𑐧𑑂𑐰𑐣𑐾𑐫𑑅 𑑋 𑐀𑐠𑐾𑐴𑐾 𑐳𑐟𑑂𑐟𑐵𑐫𑐵 𑐣𑐶𑐬𑑄𑐎𑐸𑐳𑐟𑐵 𑐰𑐶𑐬𑐸𑐡𑑂𑐢 𑐰𑐶𑐡𑑂𑐬𑑀𑐴 𑐰 𑐄𑐎𑐾 𑐩𑐸𑐎𑑂𑐟𑐶𑐫𑐵 𑐀𑐣𑐣𑑂𑐟 𑐂𑐔𑑂𑐕𑐵 𑐡𑐸𑐐𑐸 𑐳𑐥𑐹m𑐟 𑐣𑑄 𑐳𑑂𑐰𑐫𑐾𑐫𑑅 𑑋

𑐕𑐵𑐫𑑂 𑐧𑑂𑐰𑐣𑐾𑐐𑐸 ?
𑐧𑑂𑐰𑐣𑐾𑐐𑐸 𑐧𑐵𑐣𑐶 𑐖𑐸𑐮 𑑋 𑐩𑐧𑑂𑐰𑑄𑐳𑐾 𑐔𑑂𑐰𑐣𑐾 𑐩𑐦𑐸𑐟 𑑋 𑐢𑐵𑐫𑐾 𑐧𑑂𑐰𑐣𑐾𑐐𑐸 𑐀𑐩𑑂𑐩𑐮 𑐮𑐐𑐾𑐖𑐸𑐮 𑑋

𑐁𑑅𑐟𑐎 𑐧𑑂𑐰𑐣𑐵𑐐𑐸 𑐩𑐢𑑂𑐫𑐾 𑐡𑐎𑐮𑐫𑑂 𑐫𑑅𑐐𑐸 𑐳𑐦𑐹 ? 𑐕𑐵𑐫𑑂 ?
𑐡𑐎𑐮𑐫𑑂 𑐫𑑅𑐐𑐸 𑐠𑑂𑐰 𑐴𑐾 𑐢𑐎𑐵𑑅 𑐎𑑂𑐰𑑅𑐕𑐶𑐂 𑐟𑐳𑐎𑑄 𑐠𑐵𑐎𑐸 𑑋 𑐟𑐬 𑐠𑑅𑐟 𑐕𑐎𑑅 𑐧𑑂𑐰𑐣𑐾𑐰𑑄 𑐟𑐵𑑅𑐃 𑐟𑐎 𑐥𑑂𑐬𑐨𑐵𑐰 𑐮𑐵𑐎𑐵 𑐔𑑂𑐰𑑄𑐐𑐸 𑐳𑐥𑐹m𑐟 𑐫𑐎𑑂𑐰 𑐡𑐸 𑑋 𑐐𑐠𑐾 𑐀𑐮𑑂𑐰𑐾𑐫𑐬 𑐎𑐵𑐩𑐸 𑐫𑐵 𑐥𑑂𑐮𑐾𑐐 𑐄𑐥𑐣𑑂𑐫𑐵𑐳𑐫𑐵𑐟 𑐁 𑐮𑐸𑐩𑑄𑐎𑐾𑐧𑐮𑐫𑑂 𑐣𑑄 𑐣𑐸𑐐𑑅𑐡𑑂𑐫𑑅 𑐠𑐬𑑂𑐬𑐬 𑐏𑐵𑑅 𑑋 𑐀𑐠𑐾𑐴𑐾 𑐩𑑂𑐫𑐵𑐎𑑂𑐳𑐷𑐩𑐩 𑐐𑑀𑐬𑑂𑐎𑐶𑐫𑐵 𑐩𑐵𑑄 𑐄𑐥𑐣𑑂𑐫𑐵𑐳𑐫𑐵 𑐥𑐵𑐟𑑂𑐬𑐟 𑐩𑐵𑑄 𑐰 𑐥𑐵𑐰𑐾𑐮 𑐳𑐡𑐵𑑄 𑐴𑐾 𑐮𑐸𑐩𑐣𑐵 𑐔𑑂𑐰𑑄 𑑋 𑐂𑐮𑐫 𑐧𑑂𑐫𑐮𑐫𑑂 𑐥𑑄𑐔𑐟𑐣𑑂𑐟𑑂𑐬𑐫𑐵 𑐥𑐵𑐟𑑂𑐬𑐟 𑐁𑑅 𑐣𑑄 𑐳𑐖𑐶𑐰 𑐖𑐸𑐫𑐵 𑐰𑑅 𑑋 𑐩𑐣𑑂𑐣𑐸 𑐨𑐞𑑂𑐜𑐵𑐬𑐷𑐫𑐵 𑐄𑐥𑐣𑑂𑐫𑐵𑐳 𑐩𑐴𑐵𑐨𑑀𑐖 𑐰 𑐨𑐹𑐲𑐞𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛𑐖𑐸𑑄 𑐨𑐵𑐫𑑂𑐴𑐶𑐮𑐵𑐡𑐷𑐐𑐸 𑐧𑐷𑐣𑐶𑐨𑐵𑑅 𑐖𑐵𑐥𑐵𑐣𑐷 𑐄𑐥𑐣𑑂𑐫𑐵𑐳 𑐫𑐎𑑂𑐰 𑐣𑑂𑐴𑐵𑐥𑐵 𑐴𑐾 𑐧𑑂𑐰𑐣𑐵𑐐𑐸 𑐏𑑅𑐳𑐵𑑄 𑐁𑑅 𑐣𑑄 𑐮𑐸𑐩𑐣𑐵𑐔𑑂𑐰𑑄𑐐𑐸 𑐳𑐦𑐹𑐟 𑐏𑑅 𑑋

𑐠𑑁𑑄𑐎𑐣𑑂𑐴𑐫𑑂 𑐥𑐶𑐴𑐵𑑄 𑐰𑐫𑐵𑐔𑑂𑐰𑑄𑐐𑐸 𑐣𑐾𑐥𑐵𑐮𑐨𑐵𑐲𑐵𑐫𑐵 𑐳𑐦𑐹𑐟 𑐐𑐸𑐮𑐶 𑐟𑐎 𑐧𑑂𑐰𑐣𑐵𑐡𑐶𑐫𑐵 ?
𑐫𑐎𑑂𑐰 𑐢𑐫𑐵𑐠𑐾𑑄 𑐳𑐦𑐹𑐟 𑐳𑑂𑐰𑐫𑐵 𑑋 𑐧𑑂𑐰𑐣𑐵 𑑋 𑐁𑑅 𑐴𑐾 𑐣𑑄 𑐣𑐎𑐟𑐶𑐣𑐶 𑐥𑐶𑐡𑑄𑐐𑐸 𑐰𑐶𑐩𑐮 𑐥𑑂𑐬𑐨𑐵 𑐰𑐖𑑂𑐬𑐵𑐔𑐵𑐬𑑂𑐫, 𑐡𑐶𑐧𑑂𑐫𑐵 𑐟𑐵𑐩𑑂𑐬𑐵𑐎𑐵𑐬, 𑐥𑐹𑐬𑑂𑐞𑐵𑐷𑐩𑐵 𑐱𑐵𑐎𑑂𑐫, 𑐩𑑀𑐎𑑂𑐲𑐰𑐴𑐵𑐡𑐸𑐬 𑐀𑐩𑐵𑐟𑑂𑐫𑐥𑐶𑐣𑐶 𑐳𑐦𑐹𑐟 𑐧𑐕𑐶 𑐧𑐕𑐶 𑐢𑐫𑐵𑐠𑐾𑑄 𑐧𑑂𑐰𑐣𑐾 𑐢𑐸𑐣 𑑋

𑐣𑐾𑐥𑐵𑐮𑐨𑐵𑐲𑐵𑐫𑐵 𑐡𑐎𑐮𑐫𑑂 𑐫𑑅𑐐𑐸 𑐳𑐦𑐹 𑐕𑐸 𑐏𑑅 𑐰 𑐕𑐵𑐫𑑂 ?
𑐗𑐷𑐐𑐸 𑐨𑐵𑐲𑐵𑐫𑐵 𑐣𑑄 𑐫𑑅𑐐𑐸 𑐳𑐦𑐹𑐟 𑐫𑐎𑑂𑐰 𑐡𑐸 𑑋 𑐡𑐎𑐮𑐾 𑐫𑑅𑐐𑐸 , 𑐠𑑂𑐰 𑐴𑐾 𑐏𑑅 𑐢𑐎𑐵𑑅 𑐢𑐵𑐫𑐾𑐐𑐸 𑐟𑐳𑐎𑑄 𑐠𑐵𑐎𑐸𑐐𑐸 𑐏𑑃 𑐖𑐸𑐮 𑑋 𑐰𑐶𑐢𑐵𑐐𑐟 𑐬𑐸𑐥𑐫𑑂 𑐄𑐟𑑂𑐎𑐺𑐲𑑂𑐚 𑐳𑐥𑐹m𑐟 𑐫𑐎𑑂𑐰 𑐡𑐸 𑑋 𑐰 𑐦𑐸𑐎𑑂𑐎 𑐗𑐷𑐐𑐸 𑐐𑑁𑐬𑐰 𑐏𑑅 𑑋 𑐰 𑐦𑐸𑐎𑑂𑐎 𑐴𑐾 𑐫𑑅 𑑋 𑐠𑑂𑐰 𑐂𑐮𑐫𑐫𑐵 𑐣𑐶𑑄𑐟𑑂 𑐶𑑄𑐢𑐵𑑅𑐳𑐵 𑐖𑐶𑑄 𑐩𑐴𑐵𑐎𑐰𑐶 𑐐𑐶𑐬𑐶𑐖𑐵𑐥𑑂𑐬𑐳𑐵𑐡𑐫𑐵 𑐮𑑂𑐰𑐴𑑄𑐩𑐵 𑐩𑐴𑐵𑐎𑐵𑐰𑑂𑐫 𑐰 𑐥𑑂𑐬𑐟𑐶𑐳𑐬𑐵 𑐳𑐵𑐫𑐩𑐶𑐫𑐵 𑐥𑑂𑐬𑐾𑐱𑐬𑐎𑐸𑐎𑐬𑐫𑐵 𑐔𑐶𑐮𑑂𑐮𑐵𑐫 𑐳𑐦𑐹𑐫𑐵𑐟 𑐣𑑂𑐴𑑂𑐫𑐠𑐣𑐵𑐔𑑂𑐰𑐣𑐵 𑑋

𑐠𑑁𑑄𑐎𑐣𑑂𑐴𑐫𑑂 𑐥𑐶𑐡𑐣𑐵𑐔𑑂𑐰𑑄𑐐𑐸 𑐣𑐾𑐥𑐵𑐮𑐨𑐵𑐲𑐵𑐫𑐵 𑐳𑐦𑐹 𑐐𑐸𑐮𑐶 𑐧𑐵𑑄𑐮𑐵𑑅 𑐧𑐵𑑄𑐩𑐮𑐵𑑅, 𑐐𑐠𑐾 𑐟𑐵𑐫𑐾𑐎𑐵𑐡𑐶𑐫𑐵 ?
𑐖𑐶 𑐳𑐩𑐶𑐎𑑂𑐲𑐎 𑐩𑐏𑐸 𑑋 𑐳𑐩𑐶𑐎𑑂𑐲𑐵 𑐫𑐵𑐫𑐾 𑐩𑐳𑑅 𑐖𑐶 𑑋 𑐩𑐣𑐹𑐫𑐵 𑐩𑐣𑐫𑐵𑐟 𑐡𑐸𑐣𑐾 𑐠𑑂𑐫𑑄𑐎 𑐠𑐷𑐦𑐸𑐐𑐸 𑐬𑐔𑐣𑐵 𑐖𑐶𑐟𑑅 𑐫𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS