Read news in NepalBhasa text-- www.hamroschool.com BACK 𑐀𑐩𑐾𑐬𑐶𑐎𑐷 𑐀𑐬𑑂𑐠𑐩𑐣𑑂𑐟𑑂𑐬𑐷𑐂 𑐖𑐾𑐣𑐾𑐚 𑐧𑐾𑐮𑐾𑐣 𑐀𑐣𑐸𑐩𑑀𑐡𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐀𑐩𑐾𑐬𑐶𑐎𑐷 𑐀𑐬𑑂𑐠𑐩𑐣𑑂𑐟𑑂𑐬𑐷𑐂 𑐖𑐾𑐣𑐾𑐚 𑐧𑐾𑐮𑐾𑐣 𑐀𑐣𑐸𑐩𑑀𑐡𑐣

𑐊𑐖𑐾𑐣𑑂𑐳𑐷 – 𑐀𑐩𑐾𑐬𑐶𑐎𑐵𑐫𑐵 𑐔𑑂𑐰𑐫𑑂𑐫𑐵 𑐳𑐡𑐣 𑐳𑐶𑐣𑐾𑐚𑑄 𑐬𑐵𑐲𑑂𑐚𑑂𑐬𑐥𑐟𑐶 𑐖𑑀 𑐧𑐵𑐂𑐜𑐾𑐣𑑄 𑐀𑐬𑑂𑐠𑐩𑐣𑑂𑐟𑑂𑐬𑐷𑐂 𑐩𑐣𑑀𑐣𑐶𑐟 𑐫𑐵𑑅𑐩𑑂𑐴 𑐖𑐾𑐣𑐾𑐚 𑐫𑐾𑐮𑐾𑐣𑐫𑐵𑐟 𑐀𑐣𑐸𑐩𑑀𑐡𑐣 𑐫𑐵𑑅𑐐𑐸 𑐡𑐸𑑋 𑐰𑐫𑑂𑐎𑑅 𑐀𑐩𑐾𑐬𑐶𑐎𑐵𑐫𑐵 𑐀𑐬𑑂𑐠𑐩𑐣𑑂𑐟𑑂𑐬𑐷 𑐖𑐸𑐫𑐵𑐡𑐷𑐩𑑂𑐴 𑐣𑑂𑐴𑐵𑐥𑐵𑑄𑐩𑑂𑐴 𑐩𑐶𑐳𑐵 𑐣𑑄 𑐖𑐹𑐐𑐸 𑐡𑐸𑑋 𑐣𑑂𑐴𑐹𑐩𑑂𑐴 𑐀𑐬𑑂𑐠𑐩𑐣𑑂𑐟𑑂𑐬𑐷 𑐫𑐾𑐮𑐾𑐣𑐫𑐵𑐟 𑐎𑑀𑐨𑐶𑐜 𑑑𑑙 𑐮𑐶𑐳𑐾 𑐳𑐩𑑂𑐧𑐣𑑂𑐢𑐶𑐟 𑐰𑐶𑐱𑐵𑐮 𑐁𑐬𑑂𑐠𑐶𑐎 𑐥𑑂𑐫𑐵𑐎𑐾𑐖 𑐎𑑂𑐰𑐫𑑂𑐫𑐵 𑐳𑐡𑐣𑐎𑑄𑐐𑑂𑐬𑐾𑐳𑑄 𑐀𑐣𑐸𑐩𑑀𑐡𑐣 𑐫𑐵𑐎𑐾𑐐𑐸 𑐟𑑅𑐢𑑄𑐐𑐸 𑐔𑐸𑐣𑑁𑐟𑐷 𑐡𑐸𑑋 𑐬𑐵𑐲𑑂𑐚𑑂𑐬𑐥𑐟𑐶 𑐖𑑀 𑐧𑑀𑐂𑐜𑐾𑐣𑑄 𑐎𑑀𑐨𑐶𑐜 𑑑𑑙 𑐫𑐵 𑐎𑐵𑐬𑐞𑑄 𑐀𑐩𑐾𑐬𑐶𑐎𑐷 𑐀𑐬𑑂𑐠𑐟𑐣𑑂𑐟𑑂𑐬𑐫𑑂 𑐮𑐵𑑅𑐐𑐸 𑐮𑐶𑐔𑑂𑐰𑑅 𑐎𑑂𑐰𑐥𑐵𑐮𑐾𑐟 𑑑𑑙 𑐏𑐬𑑂𑐧 𑐜𑐮𑐬𑐫𑐵 𑐁𑐬𑑂𑐠𑐶𑐎 𑐥𑑂𑐫𑐵𑐎𑐾𑐖 𑐴𑐫𑐵𑐟𑑅𑐐𑐸 𑐡𑐸 𑑋 𑐫𑐾𑐮𑐾𑐣𑐫𑐵𑐟 𑐠𑑂𑐰 𑐴𑐾 𑐥𑑂𑐫𑐵𑐎𑐾𑐖 𑐎𑑄𑐐𑑂𑐬𑐾𑐳𑑄 𑐀𑐣𑐸𑐩𑑀𑐡𑐣 𑐫𑐵𑐎𑐾𑐐𑐸 𑐴𑐵𑐠𑑂𑐫𑐵 𑐡𑐸𑐐𑐸 𑐏𑑅 𑑋

𑐫𑐾𑐮𑐾𑐣𑑄 𑐠𑑂𑐰𑐫𑐵𑑄 𑐣𑑂𑐴𑑂𑐫𑑅 𑐀𑐩𑐾𑐬𑐶𑐎𑐷 𑐎𑐾𑐣𑑂𑐡𑑂𑐬𑐷𑐫 𑐧𑐿𑑄𑐎𑐫𑑂 𑐣𑑄 𑐳𑐣𑑂 𑑒𑑐𑑑𑑔 𑐣𑐶𑐳𑐾𑑄 𑑒𑑐𑑑𑑘 𑐟𑐎 𑐣𑐾𑐟𑐺𑐟𑑂𑐰 𑐫𑐵𑐫𑐾𑐢𑐸𑑄𑐎𑐹𑐐𑐸 𑐡𑐸𑑋 𑐰𑐫𑑂𑐎𑑅 𑐎𑐾𑐣𑑂𑐡𑑂𑐬𑐷𑐫 𑐧𑐿𑑄𑐎𑐫𑐵 𑐣𑐾𑐟𑐺𑐟𑑂𑐰𑐫𑑂 𑐠𑑂𑐫𑑄𑐩𑑂𑐴 𑐣𑑂𑐴𑐵𑐥𑐵𑑄𑐩𑑂𑐴 𑐩𑐶𑐳𑐵
𑐣𑑄 𑐏𑑅𑑋 𑐀𑐠𑐾𑐴𑐾 𑐰𑐫𑑂𑐎𑑅𑐫𑐵𑐎𑐾 𑐴𑑂𑐰𑐵𑐂𑐚 𑐴𑐵𑐄𑐳 𑐁𑐬𑑂𑐠𑐶𑐎 𑐳𑐮𑑂𑐮𑐵𑐴𑐎𑐵𑐬 𑐥𑐬𑐶𑐲𑐡𑑂𑐫𑑂 𑐔𑑂𑐰𑐣𑐵𑑅 𑐣𑑄 𑐖𑑂𑐫𑐵 𑐫𑐵𑐣𑐵𑐐𑐸 𑐀𑐣𑐸𑐨𑐰 𑐡𑐸𑑋 𑐳𑐶𑐣𑐾𑐚𑐫𑐵 𑐰𑐶𑐟𑑂𑐟 𑐳𑐩𑐶𑐟𑐶𑐂 𑐳𑐸𑐣𑐸𑐰𑐵𑐂𑐫𑐵 𑐗𑑂𑐰𑐮𑐫𑑂𑐫𑐾 𑐮𑐾𑐣𑑄 𑐧𑑂𑐫𑐵𑐖 𑐡𑐬 𑐟𑐳𑐎𑑄 𑐎𑐸𑐴𑐵𑑄 𑐰𑐫𑐵𑐔𑑂𑐰𑑄𑐐𑐸𑐮𑐶𑑄 𑐧𑐵𑐂𑐜𑐾𑐣 𑐥𑑂𑐬𑐱𑐵𑐳𑐣𑑄 𑐟𑑅𑐢𑑄𑐐𑐸 𑐁𑐬𑑂𑐠𑐶𑐎 𑐥𑑂𑐫𑐵𑐎𑐾𑐖 𑐑𑑀𑐲𑐞𑐵 𑐫𑐵𑑅𑐐𑐸 𑐳𑐎𑐵𑐬𑐵𑐟𑑂𑐩𑐎 𑐥𑐮𑐵𑑅 𑐖𑐹𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑐮𑑄 𑐁𑑅 𑐴𑐾 𑐮𑐐𑐵𑐣𑐷 𑐩𑐫𑐵𑐟 𑐢𑐵𑑅𑐳𑐵 𑐎𑑀𑐨𑐶𑐜 𑑑𑑙 𑐥𑐵𑐏𑐾𑑄 𑐮𑐵𑑅𑐰𑑅𑐐𑐸 𑐁𑐬𑑂𑐠𑐶𑐎 𑐔𑐸𑐣𑑁𑐟𑐶 𑐀𑐗𑑄 𑐰𑑂𑐫𑐵𑐎𑐥 𑐖𑐸𑐂𑐐𑐸 𑐰 𑐮𑐶𑐥𑐵 𑐠𑐸𑐎𑐶𑐫𑐵 𑐳𑐩𑑂𑐧𑑀𑐢𑐣 𑐫𑐵𑐫𑐾𑐩𑐵𑐮 𑐢𑐵𑑅𑐳𑐵 𑐗𑐣 𑐀𑐥𑑂𑐰𑑅 𑐏𑐬𑑂𑐔 𑐖𑐸𑐂𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐏𑑅 𑑋

𑐳𑐸𑐣𑐸𑐰𑐵𑐂𑐫𑐵 𑐗𑑂𑐰𑐮𑐫𑑂 𑐳𑐶𑐣𑐾𑐚𑐫𑐵 𑐰𑐶𑐟𑑂𑐟 𑐳𑐩𑐶𑐟𑐶𑐫𑐵 𑐀𑐢𑑂𑐫𑐎𑑂𑐲 𑐳𑐶𑐣𑐾𑐚𑐬 𑐬𑑀𑐣 𑐰𑐵𑐂𑐜𑐾𑐣𑑄 𑐀𑐬𑑂𑐠𑐩𑐣𑑂𑐟𑑂𑐬𑐷𑐂 𑐥𑑂𑐬𑐳𑑂𑐟𑐵𑐰𑐶𑐟 𑐫𑐾𑐮𑐾𑐣 𑐥𑑂𑐬𑐟𑐶𑐨𑐵𑐱𑐵𑐮𑐷 𑐀𑐬𑑂𑐠𑐱𑐵𑐳𑑂𑐟𑑂𑐬𑐷 𑐖𑐹𑐐𑐸 𑐏𑑃 𑐢𑐵𑐳𑐾𑑄 𑐁𑑅𑐫𑐵 𑐳𑑂𑐠𑐶𑐟𑐶𑐂 𑐀𑐬𑑂𑐠 𑐩𑐣𑑂𑐟𑑂𑐬𑐵𑐮𑐫𑐫𑐵 𑐖𑐶𑐩𑑂𑐩𑐾𑐰𑐵𑐬𑐷 𑐎𑐵𑐫𑐾𑐟 𑐰𑐫𑑂𑐎𑑅 𑐄𑐥𑐫𑐸𑐎𑑂𑐟 𑐰 𑐫𑑀𑐐𑑂𑐫 𑐩𑐣𑐹 𑐏𑑅 𑐢𑐫𑐵𑐡𑐷𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS