Read news in NepalBhasa text-- www.hamroschool.com BACK 𑐩𑐵𑐳𑑂𑐚𑐬 𑐰 𑐩𑐶𑐳 𑐎𑐵𑐛𑐩𑐵𑐜𑑁𑑄 𑐣𑐾𑐰𑐵𑑅 𑐎𑐶𑐣𑑂𑐜𑐬𑐐𑐵𑐬𑑂𑐚𑐾𑐣 𑐖𑑂𑐫𑐵𑐗𑑂𑐰𑑅 𑐎𑑂𑐰𑐔𑐵𑐮 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐩𑐵𑐳𑑂𑐚𑐬 𑐰 𑐩𑐶𑐳 𑐎𑐵𑐛𑐩𑐵𑐜𑑁𑑄 𑐣𑐾𑐰𑐵𑑅 𑐎𑐶𑐣𑑂𑐜𑐬𑐐𑐵𑐬𑑂𑐚𑐾𑐣 𑐖𑑂𑐫𑐵𑐗𑑂𑐰𑑅 𑐎𑑂𑐰𑐔𑐵𑐮

𑐫𑐾𑑃 – 𑐠𑐣𑐫𑐵 𑐏𑐸𑐳𑐶𑐧𑐸𑑃𑐂 𑐔𑑂𑐰𑑄𑐐𑐸 𑐎𑐵𑐛𑐩𑐵𑐜𑑁𑑄 𑐣𑐾𑐰𑐵𑑅 𑐎𑐶𑐣𑑂𑐜𑐬𑐐𑐵𑐬𑑂𑐚𑐾𑐣𑐫𑑂 𑐳𑑂𑐎𑐸𑐮𑐫𑐵 𑐐𑑂𑐰𑐳𑐵𑐮𑐫𑑂 𑐏𑐸𑐎𑑂𑐰𑑅𑐐𑐸 ‘𑐩𑐵𑐳𑑂𑐚𑐬 𑐰 𑐩𑐶𑐳 𑐎𑐵𑐛𑐩𑐵𑐜𑑁𑑄 𑐣𑐾𑐰𑐵𑑅 𑐎𑐶𑐣𑑂𑐜𑐬𑐐𑐵𑐬𑑂𑐚𑐾𑐣–𑑒𑑐𑑑𑑘’ 𑐖𑑂𑐫𑐵𑐗𑑂𑐰𑑅 𑐖𑐸𑐮 𑑋 𑐧𑑂𑐰𑐣𑐾𑐎𑐸𑐠𑐶𑐫𑐵 𑐩𑐳𑑂𑐟𑐫𑑂𑐐𑐸 𑐥𑑂𑐬𑐟𑐶𑐨𑐵 𑐣𑑂𑐴𑑂𑐫𑐧𑑂𑐰𑐫𑐾𑐐𑐸, 𑐁𑐟𑑂𑐩𑐰𑐶𑐱𑑂𑐰𑐵𑐳 𑐧𑑂𑐰𑐮𑑄𑐎𑐾𑐐𑐸, 𑐎𑑂𑐲𑐩𑐟𑐵 𑐰𑐶𑐎𑐵𑐳 𑐫𑐵𑐫𑐾𑐐𑐸 𑐮𑑂𑐫𑐵𑐏𑑄 𑐄𑐐𑐸 𑐖𑑂𑐫𑐵𑐗𑑂𑐰𑑅 𑐣𑑂𑐴𑑂𑐫𑐵𑐎𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐧𑑂𑐰𑐣𑐾𑐎𑐸𑐠𑐶𑐫𑐵 𑐳𑑄𑐔𑐵𑐮𑐎 𑐬𑐰𑐶𑐣 𑐩𑐴𑐬𑑂𑐖𑐣𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸𑐸 𑐖𑑂𑐫𑐵𑐗𑑂𑐰𑐮𑐫𑑂 𑐰𑐬𑐶𑐲𑑂𑐛 𑐧𑐵𑐡𑑂𑐫𑐐𑐸𑐬𑐸 𑐣𑑂𑐴𑐸𑐕𑐾𑐧𑐴𑐵𑐡𑐸𑐬 𑐜𑑄𑐐𑑀𑐮 𑐩𑐹𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐐𑐸 𑐏𑑅 𑑋 𑐀𑐠𑐾 𑐴𑐾 𑐣𑐾𑐰𑐵𑑅 𑐧𑐳𑑂𑐟𑐷 𑐣𑐾𑐰𑐵𑑅 𑐳𑑂𑐎𑐸𑐮 𑐀𑐨𑐶𑐫𑐵𑐣𑐫𑐵 𑐳𑑄𑐫𑑀𑐖𑐎 𑐡𑐷𑐥𑐎𑐬𑐟𑑂𑐣 𑐟𑐸𑐮𑐵𑐢𑐬 𑐰 𑐖𑐐𑐟𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶𑐫𑐵 𑐥𑑂𑐬𑐶𑐣𑑂𑐳𑐶𑐥𑐮 𑐳𑐸𑐣𑐶𑐟𑐵 𑐩𑐵𑐣𑐣𑑂𑐢𑐬 𑐰𑐶𑐱𑐾𑐲 𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐐𑐸 𑐏𑑅 𑑋 𑐧𑑂𑐰𑐣𑐾𑐎𑐸𑐠𑐶𑐫𑐵 𑐫𑐸𑐎𑐾𑐖𑐷 𑐟𑐐𑐶𑑄𑐫𑐵 𑐳𑑂𑐰𑐷𑐣𑐶𑐩𑑂𑐴 𑐩𑐳𑑂𑐟𑐫𑑂𑐳𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑑅𑐫𑐵𑐟 𑐳𑑂𑐰𑑄𑐐𑐹 𑐧𑑂𑐰𑐫𑑂 𑐧𑑂𑐰𑐠𑐮𑐵𑑅 𑐣𑑂𑐴𑑂𑐫𑐵𑑅𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 ¥𑐫𑐵𑐩𑑂𑐥𑐰𑐵𑐎, 𑐠𑑅𑐐𑐸 𑐩𑑂𑐴𑐳𑐷𑐎𑐵, 𑐠𑑅𑐐𑐸 𑐥𑑂𑐬𑐟𑐶𑐨𑐵 𑐣𑑂𑐴𑑂𑐫𑐧𑑂𑐰𑐫𑐾𑐐𑐸 𑐖𑑂𑐫𑐵𑐫𑐵𑐮𑐶𑐳𑐾𑑄 𑐠𑐸𑐐𑐸𑐳𑐷𑐫𑐵 𑐩𑐵𑐳𑑂𑐚𑐬 𑐰 𑐩𑐶𑐳 𑐎𑐵𑐛𑐩𑐵𑐜𑑁𑑄 𑐣𑐾𑐰𑐵𑑅 𑐎𑐶𑐣𑑂𑐜𑐬𑐐𑐵𑐬𑑂𑐚𑐾𑐣𑐫𑐵 𑐮𑑂𑐫𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋

𑐠𑐸𑐐𑐸𑐳𑐷 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐨𑐵𑐖𑐸 𑐬𑐵𑐐 𑐩𑐴𑐬𑑂𑐖𑐣𑑄 ‘𑐩𑐵𑐳𑑂𑐚𑐬 𑐎𑐵𑐛𑐩𑐵𑐜𑑁𑑄 𑐣𑐾𑐰𑐵𑑅 𑐎𑐶𑐣𑑂𑐜𑐬𑐐𑐵𑐬𑑂𑐚𑐾𑐣’𑐫𑐵 𑐄𑐥𑐵𑐢𑐶 𑐟𑑂𑐫𑐵𑐎𑐵𑐡𑐷𑐐𑐸 𑐏𑑅𑐳𑐵 𑐩𑐫𑑂𑐖𑐸 𑐬𑐶𑐴𑐵𑐣𑐵 𑐱𑑂𑐬𑐾𑐲𑑂𑐛𑑄 ‘𑐩𑐶𑐳 𑐎𑐵𑐛𑐩𑐵𑐜𑑁𑑄 𑐣𑐾𑐰𑐵𑑅 𑐎𑐶𑐣𑑂𑐜𑐬𑐐𑐵𑐬𑑂𑐚𑐾𑐣’𑐫𑐵 𑐄𑐥𑐵𑐢𑐶 𑐟𑑂𑐫𑐵𑐎𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑑅𑐥𑐶𑑄𑐟 𑐣𑐶𑐰𑐬𑑂𑐟𑐩𑐵𑐣 𑐩𑐵𑐳𑑂𑐚𑐬 𑐰 𑐩𑐶𑐳 𑐎𑐵𑐛𑐩𑐵𑐜𑑁𑑄 𑐣𑐾𑐰𑐵𑑅 𑐎𑐶𑐣𑑂𑐜𑐬𑐐𑐵𑐬𑑂𑐚𑐾𑐣 𑐀𑐣𑐫 𑐩𑐴𑐬𑑂𑐖𑐣𑑄 𑐟𑐥𑐸𑐮𑐶 𑐰 𑐳𑐩𑐶𑐬𑐵 𑐩𑐴𑐬𑑂𑐖𑐣𑑄 𑐎𑑂𑐬𑐵𑐄𑐣 𑐥𑐸𑐂𑐎𑐵𑐡𑐷𑐐𑐸 𑐏𑑅 𑑋𑐩𑐾𑐩𑐾𑐐𑐸 𑐚𑐵𑐂𑐚𑐮 𑐄𑐥𑐵𑐢𑐶𑐂 𑐳𑐸𑐬𑑂𑐖𑐮𑐵 𑐩𑐴𑐬𑑂𑐖𑐣–𑐧𑐾𑐲𑑂𑐚 𑐜𑑂𑐬𑐾𑐳, 𑐎𑐸𑐱𑐮𑐬𑐟𑑂𑐣 𑐰𑐖𑑂𑐬𑐵𑐔𑐵𑐬𑑂𑐫–𑐧𑐾𑐲𑑂𑐚 𑐳𑑂𑐩𑐵𑐂𑐮, 𑐥𑑂𑐬𑐷𑐟𑐶 𑐁𑐫𑐮𑐵 𑐩𑐴𑐬𑑂𑐖𑐣–𑐧𑐾𑐲𑑂𑐚 𑐰𑐵𑐎, 𑐁𑐱𑐶𑐬𑐵 𑐩𑐴𑐬𑑂𑐖𑐣–𑐧𑐾𑐲𑑂𑐚 𑐥𑐬𑑂𑐦𑐬𑑂𑐩𑐾𑐣𑑂𑐳, 𑐬𑐸𑐣𑐶𑐎 𑐩𑐴𑐬𑑂𑐖𑐣–𑐩𑑀𑐲𑑂𑐚 𑐂𑐣𑐬𑑂𑐖𑐾𑐚𑐶𑐎, 𑐳𑐥𑐹m 𑐩𑐴𑐬𑑂𑐖𑐣–𑐧𑐾𑐲𑑂𑐚 𑐥𑐬𑑂𑐳𑐣𑐵𑐮𑐶𑐚𑐷, 𑐳𑐸𑐬𑑂𑐖𑐾𑐣 𑐩𑐴𑐬𑑂𑐖𑐣–𑐧𑐾𑐲𑑂𑐚 𑐳𑑂𑐥𑑀𑐎𑐣 𑐰 𑐥𑑂𑐬𑐖𑑂𑐣𑐵 𑐩𑐴𑐬𑑂𑐖𑐣𑑄–𑐧𑐾𑐲𑑂𑐚 𑐣𑐾𑐥𑐵𑐮𑐨𑐵𑐲𑐫𑐵 𑐀𑐰𑐵𑐬𑑂𑐜 𑐟𑑂𑐫𑐵𑐎𑐵𑐡𑐷𑐐𑐸 𑐏𑑅 𑑋

𑐰𑐖𑑂𑐬𑐎𑐮𑐵 𑐎𑐸𑐘𑑂𑐖𑐫𑐵 𑐕𑑂𑐫𑐵𑑄𑐖𑐾 𑐳𑐸𑐡𑐣 𑐩𑐸𑐣𑐶𑐎𑐵𑐬, 𑐩𑐶𑐳 𑐖𑑂𑐫𑐵𑐥𑐸–𑑒𑑐𑑑𑑗 𑐐𑑂𑐬𑐷𑐲𑑂𑐩𑐵 𑐩𑐴𑐬𑑂𑐖𑐣 𑐰 𑐧𑑂𑐫𑐸𑐚𑐶𑐳𑐶𑐫𑐣 𑐥𑑂𑐬𑐷𑐟𑐶 𑐩𑐴𑐬𑑂𑐖𑐣 𑐣𑐶𑐬𑑂𑐞𑐵𑐫𑐎𑐩𑐞𑑂𑐜𑐮𑐫𑑂 𑐔𑑂𑐰𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐥𑐸𑐮𑐵𑑄𑐥𑐶𑑄 𑐩𑐵𑐳𑑂𑐚𑐬 𑐰 𑐩𑐶𑐳 𑐎𑐶𑐣𑑂𑐜𑐬𑐐𑐵𑐬𑑂𑐚𑐾𑐣 𑐄𑐥𑐵𑐢𑐶 𑐟𑑂𑐫𑐵𑐎𑐵𑐡𑐷𑐥𑐶𑑄𑐳𑑄 𑐣𑑄 𑐠𑑅𑐠𑑅𑐐𑐸 𑐥𑑂𑐬𑐟𑐶𑐨𑐵 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅 𑑋
𑐖𑑂𑐫𑐵𑐗𑑂𑐰𑐮𑐫𑑂 𑐄𑐥𑐵𑐢𑐶 𑐟𑑂𑐫𑐵𑐎𑐵𑐡𑐷𑐥𑐶𑑄𑐟 𑐩𑐹𑐥𑐵𑐴𑐵𑑄 𑐜𑑄𑐐𑑀𑐮𑑄 𑐳𑑂𑐮𑐵𑐫𑑂𑐳 𑐰 𑐩𑐟𑐶𑐣𑐵𑐫𑐵 𑐔𑐶𑑄 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅𑐳𑐵 𑐰𑐶𑐱𑐾𑐲 𑐥𑐵𑐴𑐵𑑄𑐥𑐶𑑄 𑐟𑐸𑐮𑐵𑐢𑐬𑑄 𑐡𑐳𑐶𑐥𑑁 𑐰 𑐩𑐵𑐣𑐣𑑂𑐢𑐬𑑄 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋 𑐀𑐠𑐾 𑐴𑐾 𑐖𑑂𑐫𑐵𑐗𑑂𑐰𑑅𑐫𑐵 𑐳𑐨𑐵𑐥𑐟𑐶𑐮𑐶𑐳𑐾𑑄 𑐧𑑂𑐰𑐣𑐾𑐎𑐸𑐠𑐶𑐫𑐵 𑐳𑑄𑐳𑑂𑐠𑐵𑐥𑐎 𑐩𑐴𑐬𑑂𑐖𑐣𑑄 𑐧𑑂𑐰𑐟𑐶 𑐎𑐫𑐵𑐡𑐷𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑑄𑐟 𑐡𑐳𑐶𑐥𑑁 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅𑐳𑐵 𑐖𑑂𑐫𑐵𑐗𑑂𑐰𑑅𑐫𑐵 𑐩𑐹𑐥𑐵𑐴𑐵𑑄, 𑐰𑐶𑐱𑐾𑐲 𑐥𑐵𑐴𑐵𑑄, 𑐣𑐶𑐬𑑂𑐞𑐵𑐫𑐎𑐩𑐞𑑂𑐜𑐮𑐫𑐵 𑐡𑐸𑐖𑑅𑐮𑐶𑐳𑐾𑑄 𑐥𑐸𑐮𑐵𑑄𑐥𑐶𑑄 𑐩𑐵𑐳𑑂𑐚𑐬 𑐰 𑐩𑐶𑐳 𑐣𑐾𑐰𑐵𑑅 𑐎𑐶𑐣𑑂𑐜𑐬𑐐𑐵𑐬𑑂𑐚𑐾𑐣 𑐖𑐸𑐫𑐵𑐡𑐷𑐥𑐶𑑄𑐟 𑐧𑑂𑐰𑐣𑐾𑐎𑐸𑐠𑐶𑐫𑐵 𑐣𑐶𑐬𑑂𑐡𑐾𑐱𑐎 𑐬𑐵𑐖𑐾𑐣𑑂𑐡𑑂𑐬 𑐩𑐴𑐬𑑂𑐖𑐣𑑄 𑐴𑐣𑐵𑐥𑑁 𑐰 𑐩𑐟𑐶𑐣𑐵𑐫𑐵 𑐔𑐶𑑄 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS