Read news in NepalBhasa text-- www.hamroschool.com BACK 𑐧𑐾𑐮𑐵𑐫𑐟𑐫𑑂 𑐩𑐾𑐐𑐸 𑐣𑑂𑐴𑐹𑐐𑐸 𑐨𑐵𑐂𑐬𑐳𑐫𑐵 𑐳𑑄𑐎𑑂𑐬𑐩𑐞 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐧𑐾𑐮𑐵𑐫𑐟𑐫𑑂 𑐩𑐾𑐐𑐸 𑐣𑑂𑐴𑐹𑐐𑐸 𑐨𑐵𑐂𑐬𑐳𑐫𑐵 𑐳𑑄𑐎𑑂𑐬𑐩𑐞

𑐊𑐖𑐾𑐣𑑂𑐳𑐷 – 𑐧𑐾𑐮𑐵𑐫𑐟𑐫𑑂 𑐎𑑀𑐬𑑀𑐣𑐵 𑐨𑐵𑐂𑐬𑐳𑐫𑐵 𑐴𑐵𑐎𑐣𑑄 𑐩𑐾𑐐𑐸 𑐕𑐐𑐹 𑐟𑐵𑐖𑐶 (𑐨𑐾𑐬𑐶𑐫𑐣𑑂𑐚) 𑐮𑐹𑐐𑐸 𑐡𑐸 𑑋 𑐠𑑂𑐰 𑐟𑐵𑐖𑐶 𑐕𑐸𑑄 𑐣𑑂𑐴𑐶 𑐣𑑂𑐴𑑂𑐫𑐰 𑐮𑐹𑐐𑐸 𑐣𑑂𑐴𑐹𑐐𑐸 𑐟𑐵𑐖𑐶𑐫𑐵 𑐳𑑂𑐰𑐫𑐵𑑄 𑐣𑑄 𑐗𑐣 𑐏𑐟𑐬𑐣𑐵𑐎 𑐖𑐹𑐐𑐸 𑐏𑑃 𑐢𑐵𑑅𑐐𑐸 𑐡𑐸𑑋 𑐧𑐾𑐮𑐵𑐫𑐟𑐫𑐵 𑐳𑑂𑐰𑐵𑐳𑑂𑐠𑑂𑐫 𑐩𑐣𑑂𑐟𑑂𑐬𑐷 𑐩𑑂𑐫𑐵𑐚 𑐴𑐾𑐣𑐎𑐎𑑄 𑐧𑐸𑐢𑐰𑐵𑑅 𑐠𑑂𑐰 𑐣𑑂𑐴𑐹𑐐𑐸 𑐟𑐵𑐖𑐶𑐫𑐵 𑐣𑐶𑐐𑐹 𑐩𑐵𑐩𑐶𑐮𑐵 𑐏𑐣𑐾𑐡𑐸𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐡𑐸 𑑋

𑐎𑑀𑐬𑑀𑐣𑐵𑐫𑐵 𑐠𑑂𑐰 𑐣𑑂𑐴𑐹𑐐𑐸 𑐟𑐵𑐖𑐶 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑐡𑐎𑑂𑐲𑐶𑐞 𑐀𑐦𑑂𑐬𑐶𑐎𑐵𑐫𑑂 𑐏𑐣𑐾𑐡𑐸𑐐𑐸 𑐏𑑅 𑑋 𑐧𑐾𑐮𑐵𑐫𑐟𑐫𑑂 𑐐𑐸𑐥𑐶𑑄 𑐣𑐶𑐩𑑂𑐴𑐾𑐳𑐶𑐎𑐾 𑐠𑑂𑐰 𑐣𑑂𑐴𑐹𑐐𑐸 𑐟𑐵𑐖𑐶𑐫𑐵 𑐨𑐵𑐂𑐬𑐳 𑐏𑐣𑐾𑐡𑐸𑐐𑐸 𑐏𑑅, 𑐄𑐥𑐶𑑄 𑐣𑐶𑐩𑑂𑐴𑑄 𑐕𑐸𑑄 𑐃 𑐣𑑂𑐴𑑂𑐫𑐰 𑐖𑐎 𑐡𑐎𑑂𑐲𑐶𑐞 𑐀𑐦𑑂𑐬𑐶𑐎𑐵𑑄 𑐮𑐶𑐴𑐵𑑄 𑐰𑑅𑐥𑐶𑑄 𑐏𑑅 𑑋 𑐳𑑂𑐰𑐵𑐳𑑂𑐠𑑂𑐫 𑐩𑐣𑑂𑐟𑑂𑐬𑐷 𑐴𑐾𑐣𑐎𑐣𑑄 𑐡𑐎𑑂𑐲𑐶𑐞 𑐀𑐦𑑂𑐬𑐶𑐎𑐵𑐫𑑂 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑐏𑐣𑐾𑐡𑐸𑐐𑐸 𑐠𑑂𑐰 𑐟𑐵𑐖𑐶 𑐧𑐾𑐮𑐵𑐫𑐟𑐫𑑂 𑐮𑐹𑐐𑐸 𑐣𑑂𑐴𑐹𑐐𑐸 𑐟𑐵𑐖𑐶 𑐳𑑂𑐰𑐫𑐵𑑄 𑐫𑐵𑐎𑐣𑑄 𑐣𑑂𑐫𑐣𑐵𑐰𑐣𑐷𑐐𑐸 𑐏𑐟𑐬𑐵 𑐡𑐸𑐐𑐸 𑐰 𑐀𑐥𑑂𑐰𑑅 ‘𑐩𑑂𑐫𑐹𑐚𑐾𑐚𑐾𑐜’ 𑐖𑐹𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐡𑐸 𑑋 𑐰𑐫𑑂𑐎𑐮𑑄 𑐠𑑂𑐰 𑐣𑑂𑐴𑐹𑐐𑐸 𑐟𑐵𑐖𑐶 𑐏𑐣𑐾𑐡𑐐𑐸 𑐟𑐳𑐎𑑄 𑐔𑐶𑐣𑑂𑐟𑐵𑐖𑐣𑐎 𑐢𑐫𑐵𑐡𑐷𑐐𑐸 𑐡𑐸 𑑋

𑐧𑐾𑐮𑐵𑐫𑐟𑑄 𑐁𑑅𑐫𑐵𑐟 𑐡𑐎𑑂𑐲𑐶𑐞 𑐀𑐦𑑂𑐬𑐶𑐎𑐵 𑐫𑐵𑐟𑑂𑐬𑐵𑐫𑐵 𑐣𑐶𑑄𑐟𑐶𑑄 𑐥𑑂𑐬𑐟𑐶𑐧𑐣𑑂𑐢 𑐟𑐫𑐵𑐧𑐶𑐄𑐐𑐸 𑐡𑐸𑑋 𑐠𑐸𑐎𑐶𑐫𑐵 𑐮𑐶𑐳𑐾𑑄 𑐗𑐶𑑄𑐣𑑂𑐫𑐵𑐣𑑂𑐴𑐸 𑐣𑑂𑐴𑑂𑐫𑐰𑐣𑐶𑐳𑐾𑑄 𑐡𑐎𑑂𑐲𑐶𑐞 𑐀𑐦𑑂𑐬𑐶𑐎𑐵𑑄 𑐮𑐶𑐴𑐵𑑄 𑐰𑑅𑐥𑐶𑑄 𑐳𑐎𑐳𑐶𑐟𑑄 𑐟𑐸𑐬𑐸𑐣𑑂𑐟 𑐎𑑂𑐰𑐵𑐬𑐾𑐣𑑂𑐚𑐵𑐂𑐣𑐫𑑂 𑐔𑑂𑐰𑐣𑐾𑐟 𑐁𑐡𑐾𑐱 𑐧𑐶𑐄𑐐𑐸 𑐡𑐸 𑑋 𑐎𑑀𑐬𑑀𑐣𑐵 𑐨𑐵𑐂𑐬𑐳𑐫𑐵 𑐠𑑂𑐰 𑐟𑐵𑐖𑐶 𑐡𑐎𑑂𑐲𑐶𑐞 𑐀𑐦𑑂𑐬𑐶𑐎𑐵𑐫𑑂 𑐣𑑄 𑐟𑐳𑐎𑑄 𑐐𑐩𑑂𑐨𑐷𑐬 𑐔𑐶𑐣𑑂𑐟𑐵𑐫𑐵 𑐰𑐶𑐲𑐫 𑐖𑐹𑐐𑐸 𑐡𑐸 𑑋 𑐡𑐎𑑂𑐲𑐶𑐞 𑐀𑐦𑑂𑐬𑐶𑐎𑐵𑐫𑐵 𑐳𑑂𑐰𑐵𑐳𑑂𑐠𑑂𑐫 𑐩𑐣𑑂𑐟𑑂𑐬𑐷 𑐖𑑂𑐰𑐾𑐮𑐷 𑐩𑐶𑐏𑐵𑐂𑐖𑑄 𑐠𑑂𑐰 𑐨𑐵𑐂𑐬𑐳 𑐳𑑄𑐎𑑂𑐬𑐩𑐞 𑐖𑐹𑐥𑐶𑑄 𑐮𑑂𑐫𑐵𑐫𑐩𑑂𑐴𑐥𑐶𑑄 𑐰 𑐳𑑂𑐰𑐳𑑂𑐠 𑐩𑐣𑐹𑐟 𑐣𑑄 𑐟𑐳𑐎𑑄 𑐰𑐶𑐬𑐵𑐩𑐷 𑐖𑐹𑐐𑐸 𑐡𑐸 𑑋 𑐡𑐎𑑂𑐲𑐶𑐞 𑐀𑐦𑑂𑐬𑐶𑐎𑐵𑐫𑐵 𑐰𑐿𑐖𑑂𑐘𑐵𑐣𑐶𑐎𑐟𑐫𑑂𑐳𑑄 𑐣𑑄 𑐠𑑂𑐰 𑐣𑑂𑐴𑐹𑐐𑐸 𑐟𑐵𑐖𑐶 𑐟𑐳𑐎𑑄 𑐟𑐔𑑂𑐰𑐫𑐾𑐎 𑐣𑑂𑐫𑐣𑐵 𑐰𑐣𑐵𑐔𑑂𑐰𑑄𑐐𑐸 𑐰 𑐡𑐾𑐫𑑂𑐫𑐵 𑐫𑐎𑑂𑐰 𑐠𑐵𑐳𑐫𑑂 𑐠𑑂𑐫𑐣𑐾𑐢𑐸𑑄𑐎𑐹𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐠𑑂𑐰 𑐨𑐵𑐂𑐬𑐳𑐫𑐵𑐟 𑐎𑐫𑐵𑑅 𑐁𑑅 𑐀𑐣𑐸𑐳𑐣𑑂𑐢𑐵𑐣 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐁𑑅𑐟𑐎 𑐳𑐷𑐡𑐸𑐐𑐸 𑐀𑐢𑑂𑐫𑐫𑐣 𑐎𑐠𑑄 𑐠𑑂𑐰 𑐨𑐵𑐂𑐬𑐳 𑐟𑐳𑐎𑑄 𑐫𑐵𑐎𑐣𑑄 𑐣𑑂𑐫𑐣𑐵 𑐰𑐣𑐷𑐐𑐸 𑐢𑐫𑐵𑐐𑐸 𑐖𑐎 𑐳𑐷𑐡𑐸𑐐𑐸 𑐡𑐸 𑑋 𑐡𑐎𑑂𑐲𑐶𑐞 𑐀𑐦𑑂𑐬𑐶𑐎𑐵𑐫𑑂 𑐮𑐹𑐐𑐸 𑐠𑑂𑐰 𑐣𑑂𑐴𑐹𑐐𑐸 𑐟𑐵𑐖𑐶𑐫𑐵 𑐨𑐵𑐂𑐬𑐳 𑐰 𑐧𑐾𑐮𑐵𑐫𑐟𑐫𑑂 𑐮𑐹𑐐𑐸 𑐣𑑂𑐴𑐹𑐐𑐸 𑐟𑐵𑐖𑐶𑐫𑐵 𑐨𑐵𑐂𑐬𑐳 𑐣𑐶𑐐𑐸𑐮𑐶𑑄 𑐄𑐠𑐾𑑄 𑐄𑐠𑐾𑑄 𑐏𑐣𑐾𑐡𑐸𑐳𑐵𑑄 𑐠𑑂𑐰 𑐣𑐶𑐐𑐸𑐮𑐶𑑄 𑐀𑐮𑐐 𑐀𑐮𑐐 𑐴𑐾 𑐰𑐶𑐎𑐳𑐶𑐟 𑐖𑐹𑐐𑐸 𑐏𑐣𑐾𑐡𑐸 𑑋 𑐣𑐶𑐐𑐸𑐮𑐶𑑄 𑐨𑐵𑐂𑐬𑐳𑐫𑐵𑐟 𑐮𑑂𑐕𑐞𑑂𑐖𑑂𑐘𑐠𑑂 𑐣𑐵𑑄 𑐧𑐶𑐄𑐐𑐸 𑐡𑐸 𑑋 𑐠𑑂𑐰 𑐨𑐵𑐂𑐬𑐳𑑄 𑐱𑐬𑐷𑐬𑐫𑐵 𑐎𑑀𑐲𑐶𑐎𑐵𑐟𑐫𑑂𑐟 𑐫𑐵𑐎𑐣𑑄 𑐥𑑂𑐬𑐨𑐵𑐰𑐶𑐟 𑐫𑐵𑐂𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS