Read news in NepalBhasa text-- www.hamroschool.com BACK 𑐂𑐖𑐬𑐵𑐫𑐮𑐫𑐵 𑐳𑑄𑐳𑐡 𑐰𑐶𑐑𑐚𑐣, 𑐣𑐶𑐡𑑃𑐫𑐵 𑐡𑐸𑐣𑐾 𑐥𑑂𑐫𑐎𑑂𑐰𑑅𑐐𑐸 𑐔𑐸𑐣𑐵𑐰 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐂𑐖𑐬𑐵𑐫𑐮𑐫𑐵 𑐳𑑄𑐳𑐡 𑐰𑐶𑐑𑐚𑐣, 𑐣𑐶𑐡𑑃𑐫𑐵 𑐡𑐸𑐣𑐾 𑐥𑑂𑐫𑐎𑑂𑐰𑑅𑐐𑐸 𑐔𑐸𑐣𑐵𑐰

𑐊𑐖𑐾𑐣𑑂𑐳𑐷 – 𑐂𑐖𑐬𑐵𑐫𑐮𑐫𑐵 𑐐𑐛𑐧𑐣𑑂𑐢𑐣 𑐳𑐬𑐎𑐵𑐬𑑄 𑐩𑑄𑐐𑐮𑐰𑐵𑑅 𑐡𑐾𑐫𑑂𑐫𑐵 𑐳𑑄𑐳𑐡 𑐰𑐶𑐑𑐚𑐣 𑐫𑐵𑐣𑐵𑐧𑐶𑐄𑐐𑐸 𑐡𑐸 𑑋 𑐐𑐛𑐧𑐣𑑂𑐢𑐣 𑐳𑐬𑐎𑐵𑐬𑑄 𑐳𑑄𑐳𑐡 𑐨𑑄𑐐 𑐫𑐵𑐣𑐵𑐧𑐶𑐂𑐰𑑄 𑐂𑐖𑐬𑐵𑐫𑐮𑐫𑑂𑐣𑐶 𑐡𑑃𑐫𑐵 𑐡𑐸𑐣𑐾 𑐥𑑂𑐫𑐎𑑂𑐰𑑅𑐏𑐸𑐳𑐷 𑐣𑐶𑐬𑑂𑐰𑐵𑐔𑐣 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋 𑐳𑑄𑐳𑐡𑑄 𑐧𑐖𑐾𑐚 𑐥𑐵𑐬𑐶𑐟 𑐫𑐵𑐫𑐾𑐩𑐵𑑅𑐐𑐸 𑐳𑐩𑐫𑐳𑐷𑐩𑐵 𑐥𑐹𑐰𑑄𑐎𑐾𑐩𑐦𑐫𑐾𑐰𑑄 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐣𑐾𑐟𑐵𑐣𑑂𑐫𑐵𑐴𑐸𑑄 𑐳𑑄𑐳𑐡 𑐨𑑄𑐐 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐁𑑅 𑐰𑐂𑐐𑐸 𑐡𑑃 𑐳𑐣𑑂 𑑒𑑐𑑒𑑑𑐫𑐵 𑐩𑐵𑐬𑑂𑐔 𑑒𑑓 𑐥𑐵𑐏𑐾𑑄 𑐔𑐸𑐣𑐵𑐰 𑐖𑐸𑐂𑐦𑐸𑐐𑐸 𑐳𑐶𑐊𑐣𑐊𑐣𑑄 𑐢𑐵𑑅𑐐𑐸 𑐡𑐸 𑑋

𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐣𑐾𑐟𑐵𑐣𑑂𑐫𑐵𑐴𑐸 𑐰 𑐰𑐫𑑂 𑐎𑑅𑐫𑐵 𑐥𑑂𑐬𑐟𑐶𑐡𑑂𑐰𑐣𑑂𑐡𑑂𑐰𑐷 𑐬𑐎𑑂𑐲𑐵𑐩𑐣𑑂𑐟𑑂𑐬𑐷 𑐧𑐾𑐣𑐷 𑐐𑐵𑐣𑑂𑐚𑑂𑐖𑐫𑐵 𑐣𑐾𑐟𑐺𑐟𑑂𑐰𑐫𑑂 𑐐𑐛𑐧𑐣𑑂𑐢𑐣𑑄 𑑒𑑐𑑒𑑐 𑐫𑐵 𑐧𑐖𑐾𑐚 𑐳𑑂𑐰𑐷𑐎𑐺𑐟 𑐫𑐵𑐫𑐾𑐐𑐸 𑐳𑑀𑐩𑐰𑐵𑑅 𑐔𑐵𑐣𑑂𑐴𑐫𑑂 𑐟𑐎𑐫𑐵 𑐩𑑂𑐫𑐵𑐡 𑐥𑐵𑐬 𑐫𑐵𑐣𑐵𑑅 𑐳𑑄𑐳𑐡 𑐳𑑂𑐰𑐟𑑅 𑐨𑑄𑐐 𑐫𑐵𑐫𑐾𑐟 𑐧𑐵𑐢𑑂𑐫 𑐫𑐵𑑅𑐐𑐸 𑐏𑑅 𑑋 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐣𑐾𑐟𑐵𑐣𑑂𑐫𑐵𑐴𑐸 𑐰 𑐐𑐛𑐧𑐣𑑂𑐢𑐣 𑐳𑐬𑐎𑐵𑐬𑐫𑐵 𑐳𑐵𑑄𑐳𑐡𑐟𑐫𑑂𑐳𑑄 𑐰𑑄 𑐰𑐫𑐵𑐟 𑐰𑑄 𑐰𑐫𑐵𑐟 𑐡𑑀𑐲 𑐧𑐷𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋

𑐎𑑀𑐬𑑀𑐣𑐵 𑐨𑐵𑐂𑐬𑐳𑐄𑐫𑐵 𑐩𑐴𑐵𑐩𑐵𑐬𑐷𑐫𑐵 𑐀𑐰𑐳𑑂𑐠𑐵𑐫𑑂 𑐣𑐾𑐟𑐵𑐣𑑂𑐫𑐵𑐴𑐸𑑄𑐫𑐵𑐟 𑐴𑐵𑐎𑐣𑑄 𑐔𑐸𑐣𑐵𑐰 𑐫𑐵𑐫𑐾𑐟 𑐧𑐵𑐢𑑂𑐫 𑐫𑐵𑐣𑐵𑐧𑐶𑐄𑐐𑐸 𑐡𑐸 𑑋 𑐣𑐾𑐟𑐵𑐣𑑂𑐫𑐵𑐴𑐸𑐰𑐶𑐬𑐸𑐡𑑂𑐢 𑐮𑐵𑐣𑐵𑐔𑑂𑐰𑑄𑐐𑐸 𑐨𑑂𑐬𑐲𑑂𑐚𑐵𑐔𑐵𑐬𑐫𑐵 𑐩𑐸𑐡𑑂𑐡𑐵 𑐁𑑅 𑐗𑐣 𑐟𑐔𑑂𑐰𑐫𑐵 𑐰𑐂𑐐𑐸 𑐏𑐣𑐾𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS