Read news in NepalBhasa text-- www.hamroschool.com BACK 𑐐𑐡𑑂𑐫𑐐𑐸𑐬𑐸 𑐥𑑄. 𑐣𑐶𑐲𑑂𑐛𑐵𑐣𑐣𑑂𑐡𑐫𑐵 𑐧𑐸𑐣𑑂𑐴𑐶 𑐴𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐐𑐡𑑂𑐫𑐐𑐸𑐬𑐸 𑐥𑑄. 𑐣𑐶𑐲𑑂𑐛𑐵𑐣𑐣𑑂𑐡𑐫𑐵 𑐧𑐸𑐣𑑂𑐴𑐶 𑐴𑐣

𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳) – 𑐣𑐾𑐥𑐵𑐮𑐨𑐵𑐲𑐵𑐫𑐵 𑐥𑑂𑐫𑑄𑐐𑑅𑐠𑐵𑑄𑐩𑐢𑑂𑐫𑐾 𑐕𑐐𑑅 𑐐𑐡𑑂𑐫𑐐𑐸𑐬𑐸 𑐥𑑄. 𑐣𑐶𑐲𑑂𑐛𑐵𑐣𑐣𑑂𑐡 𑐰𑐖𑑂𑐬𑐵𑐔𑐵𑐬𑑂𑐫𑐫𑐵 𑑑𑑖𑑔 𑐎𑑂𑐰𑑅𑐐𑐸 𑐧𑐸𑐣𑑂𑐴𑐶 𑐴𑐣𑐾𑐐𑐸 𑐖𑑂𑐫𑐵 𑐖𑐸𑐮 𑑋 𑐠𑐸𑐐𑐸𑐳𑐷 𑐎𑑀𑐬𑑀𑐣𑐵 𑐨𑐵𑐂𑐬𑐳𑐫𑐵 𑐖𑑀𑐏𑐶𑐩𑐫𑐵𑐟 𑐢𑑂𑐫𑐵𑐣𑐫𑑂 𑐟𑐫𑐵𑑅 𑐍𑐥𑐔𑐵𑐬𑐶𑐎 𑐬𑐸𑐥𑑄 𑐕𑐸𑑄 𑐣𑑄 𑐖𑑂𑐫𑐵 𑐩𑐫𑐵𑐳𑐾 𑐌𑐩𑐧𑐴𑐵𑑅 𑐟𑑂𑐰𑐵𑑅𑐫𑐵 𑐣𑐧𑐴𑐶𑐮𑐶𑐂 𑐔𑑂𑐰𑑄𑐐𑐸 𑐰𑐫𑑂𑐎𑑅𑐫𑐵 𑐗𑑂𑐰𑐟𑐵𑐫𑑂 𑐳𑑂𑐰𑐵𑑄 𑐡𑐾𑐕𑐵𑐳𑐾 𑐧𑐸𑐣𑑂𑐴𑐶 𑐴𑐣𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅 𑑋

𑐰𑑄𑐐𑐸 𑐠𑐶𑑄𑐮𑐵𑐐𑑂𑐰 𑐔𑑁𑐠𑐶𑐎𑐸𑐣𑑂𑐴𑐸 𑐰𑐫𑑂𑐎𑑅𑐫𑐵 𑐗𑑂𑐰𑐵𑐟𑐵𑐫𑑂 𑐳𑑂𑐰𑐵𑑄 𑐡𑐾𑐕𑐵𑐫𑐾𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐰𑐫𑑂𑐎𑑅𑐫𑐵 𑐕𑐾𑑃𑐖𑑅𑐥𑐶𑑄, 𑐟𑑂𑐰𑐵𑑅𑐧𑐴𑐵𑑅𑐫𑐵𑐥𑐶𑑄 𑐰 𑐕𑐸𑑄 𑐨𑐔𑐵 𑐨𑐵𑐲𑐵 𑐏𑑂𑐫𑑅𑐫𑐵 𑐰𑑂𑐫𑐎𑑂𑐟𑐶𑐟𑑂𑐰𑐥𑐶𑐣𑐶𑐐𑐸 𑐖𑐎 𑐄𑐥𑐳𑑂𑐠𑐶𑐟𑐶 𑐡𑐸𑐐𑐸 𑐏𑑅 𑑋 𑐥𑑄. 𑐣𑐶𑐲𑑂𑐛𑐵𑐣𑐣𑑂𑐡 𑐰𑐖𑑂𑐬𑐵𑐔𑐵𑐬𑑂𑐫𑐫𑐵 𑐧𑐸𑐣𑑂𑐴𑐶𑐫𑐵 𑐮𑐳𑐟𑐵𑐫𑑂 𑐌𑐮𑐩𑑂𑐥𑐳 𑐎𑑂𑐮𑐧 𑐰 𑐣𑐶𑐲𑑂𑐛𑐵𑐣𑐣𑑂𑐡 𑐳𑑂𑐩𑐺𑐟𑐶 𑐐𑐸𑐠𑐶𑐥𑐵𑐏𑐾𑑄 𑐡𑑃𑐫𑑂𑐡𑐳𑑄 𑐠𑐶𑑄𑐮𑐵𑐠𑑂𑐰 𑐔𑑁𑐠𑐶𑐎𑐸𑐣𑑂𑐴𑐸 𑐣𑐳𑑄𑐔𑐵 𑐄𑐮𑐵𑑅 𑐍𑐥𑐔𑐵𑐬𑐶𑐎 𑐖𑑂𑐫𑐵𑐗𑑂𑐰𑑅 𑐫𑐵𑐫𑐾𑐐𑐸 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋

𑐠𑑂𑐰 𑐴𑐾 𑐗𑑂𑐰𑐮𑐫𑑂 𑐥𑑄. 𑐣𑐶𑐲𑑂𑐛𑐵𑐣𑐣𑑂𑐡𑐫𑐵 𑐧𑐸𑐣𑑂𑐴𑐶𑐫𑐵 𑐮𑐳𑐟𑐵𑐫𑑂 𑐰𑐖𑑂𑐬𑐵𑐔𑐵𑐬𑑂𑐫𑑄 𑐎𑑂𑐮𑐧𑐫𑐵 𑐐𑑂𑐰𑐳𑐵𑐮𑐫𑑂 𑐰𑐫𑑂𑐎𑑅𑐫𑐵 𑐗𑑂𑐰𑐵𑐟𑐵 𑐟𑐫𑐵𑐟𑑅𑐐𑐸 𑐣𑐧𑐴𑐶𑐮𑐶𑐂 𑐧𑐴𑐣𑐶 𑐕𑐐𑐹 𑐡𑐶𑐥𑐵𑐰𑐮𑐷 𑐖𑑂𑐫𑐵𑐗𑑂𑐰𑑅 𑐣𑑄 𑐫𑐵𑑅𑐐𑐸 𑐏𑑅 𑑋 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐬𑐵𑐖𑐐𑐸𑐬𑐸𑐖𑐸 𑐩𑐘𑑂𑐖𑐸𑐱𑑂𑐬𑐷𑐬𑐟𑑂𑐣 𑐰𑐖𑑂𑐬𑐵𑐔𑐵𑐬𑑂𑐫, 𑐥𑑄. 𑐣𑐶𑐲𑑂𑐛𑐵𑐣𑐣𑑂𑐡𑐫𑐵 𑐕𑐸𑐂 𑐣𑐾𑐰𑐵𑑅 𑐣𑑂𑐴𑑂𑐫𑐮𑐸𑐰𑐵 𑐥𑐰𑐶𑐟𑑂𑐬 𑐰𑐖𑑂𑐬𑐵𑐔𑐵𑐬𑑂𑐫, 𑐧𑑁𑐡𑑂𑐢 𑐰𑐶𑐡𑑂𑐰𑐵𑐣 𑐬𑐵𑐖𑐾𑐣𑑂𑐡𑑂𑐬𑐩𑐵𑐣 𑐰𑐖𑑂𑐬𑐵𑐔𑐵𑐬𑑂𑐫 𑐮𑐐𑐵𑐫𑐟𑑄 𑐐𑐡𑑂𑐫𑐐𑐸𑐬𑐸𑐫𑐵 𑐖𑐷𑐰𑐣𑐷, 𑐰𑐫𑑂𑐎𑑅𑐫𑐵 𑐰𑑂𑐫𑐎𑑂𑐟𑐶𑐟𑑂𑐰 𑐰 𑐫𑑀𑐐𑐡𑐵𑐣𑐫𑐵 𑐰𑐶𑐲𑐫𑐫𑐵𑐟 𑐎𑐫𑐵𑑅 𑐔𑐬𑑂𑐔𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS