Read news in NepalBhasa text-- www.hamroschool.com BACK 𑐱𑑄𑐏𑐢𑐬 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐀𑐰𑐮𑑀𑐎𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐱𑑄𑐏𑐢𑐬 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐀𑐰𑐮𑑀𑐎𑐣

𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳) – 𑐣𑐾𑐥𑐵𑐮 𑐳𑑄𑐰𑐟𑑂 𑐣𑑂𑐴𑐹𑐡𑑃 𑐬𑐵𑐲𑑂𑐚𑑂𑐬𑐶𑐫 𑐳𑐩𑐵𑐬𑑀𑐴 𑐳𑐩𑐶𑐟𑐶𑐫𑐵 𑐥𑐡𑐵𑐢𑐶𑐎𑐵𑐬𑐷 𑐡𑐸𑐖𑑅𑐥𑐶𑑄𑐳𑑄 𑐩𑐢𑑂𑐫𑐥𑐸𑐬 𑐠𑐶𑐩𑐶𑐂 𑐣𑐶𑐬𑑂𑐩𑐵𑐞 𑐖𑐹𑐐𑐸 𑐱𑑄𑐏𑐢𑐬 𑐳𑐵𑐩𑐸𑐡𑐵𑐫𑐶𑐎 𑐨𑐰𑐣𑐫𑐵 𑐀𑐰𑐮𑑀𑐎𑐣 𑐫𑐵𑑅𑐐𑐸 𑐡𑐸 𑑋

𑐳𑐩𑐵𑐬𑑀𑐴 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐬𑐩𑐾𑐱 𑐩𑐴𑐬𑑂𑐖𑐣𑐫𑐵 𑐣𑐾𑐟𑐺𑐟𑑂𑐰𑐫𑑂 𑐰𑑄𑐐𑐸 𑐥𑐸𑐔𑐮𑑄 𑐣𑐾𑐥𑐵𑐮 𑐳𑑄𑐰𑐟𑑂𑐫𑐵 𑐥𑑂𑐬𑐰𑐬𑑂𑐟𑐎 𑐬𑐵𑐲𑑂𑐚𑑂𑐬𑐶𑐫 𑐰𑐶𑐨𑐹𑐟𑐶 𑐱𑑄𑐏𑐢𑐬 𑐳𑐵𑐏𑑂𑐰𑐵𑑅𑐫𑐵 𑐣𑐵𑐩𑑄 𑐔𑐵𑐫𑐾𑐎𑐵𑐟𑑅𑐐𑐸 𑐬𑐵𑐲𑑂𑐚𑑂𑐬𑐶𑐫 𑐰𑐶𑐨𑐹𑐟𑐶 𑐱𑑄𑐏𑐢𑐬 𑐳𑐵𑐏𑑂𑐰𑐵𑑅 𑐥𑑂𑐬𑐟𑐶𑐲𑑂𑐛𑐵𑐣, 𑐳𑐵𑐩𑐸𑐡𑐵𑐫𑐶𑐎 𑐨𑐰𑐣𑐮𑐶𑐳𑐾𑑄 𑐱𑑄𑐏𑐢𑐬 𑐥𑐵𑐬𑑂𑐎𑐫𑐵 𑐣𑑄 𑐀𑐰𑐮𑑀𑐎𑐣 𑐫𑐵𑑅𑐐𑐸 𑐏𑑅 𑑋 𑐀𑐰𑐮𑑀𑐎𑐣 𑐮𑐶𑐥𑐵 𑐳𑐩𑐵𑐬𑑀𑐴 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐩𑐴𑐬𑑂𑐖𑐣𑑄 𑐣𑐾𑐥𑐵𑐮 𑐳𑑄𑐰𑐟𑑂𑐫𑐵 𑐥𑑂𑐬𑐰𑐬𑑂𑐟𑐎 𑐳𑐵𑐏𑑂𑐰𑐵𑑅𑐫𑐵 𑐖𑑂𑐫𑐵𑐫𑐵𑐟 𑐮𑐸𑐩𑑄𑐎𑐵𑑅 𑐥𑑂𑐬𑐟𑐶𑐲𑑂𑐛𑐵𑐣 𑐴𑐾 𑐔𑐵𑐫𑐾𑐎𑐵𑑅 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐖𑑂𑐫𑐵𑐫𑐵𑐟 𑐎𑐫𑐵𑑅 𑐔𑑂𑐰𑐕𑐵𑐫𑐵𑐡𑐶𑐳𑐾𑑄 𑐮𑐳𑐟𑐵 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋 𑐮𑐶𑐳𑐾𑑄 𑐰𑐫𑑂𑐎𑐮𑑄 𑐰𑐂𑐐𑐸 𑐡𑐶𑐣𑐫𑑂 𑐳𑐩𑐵𑐬𑑀𑐴 𑐳𑐩𑐶𑐟𑐶 𑐰 𑐥𑑂𑐬𑐟𑐶𑐲𑑂𑐛𑐵𑐣𑐮𑐶𑐳𑐾 𑐳𑐴𑐎𑐵𑐬𑑂𑐫 𑐫𑐵𑐣𑐵𑑅 𑐣𑑂𑐴𑑂𑐫𑐵𑑅 𑐰𑐣𑐾𑐐𑐸 𑐰 𑐱𑑄𑐏𑐢𑐬𑐫𑐵 𑐫𑑀𑐐𑐡𑐵𑐣𑐫𑐵𑐟 𑐎𑐫𑐵𑑅 𑐖𑑂𑐫𑐵 𑐫𑐵𑐫𑐾𑐐𑐸 𑐣𑑄 𑐥𑑂𑐬𑐟𑐶𑐧𑐡𑑂𑐢𑐟𑐵 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋

𑐩𑐢𑑂𑐫𑐥𑐸𑐬 𑐠𑐶𑐩𑐶 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐩𑐡𑐣𑐳𑐸𑐣𑑂𑐡𑐬 𑐱𑑂𑐬𑐾𑐲𑑂𑐛𑑄 𑐱𑑄𑐏𑐢𑐬 𑐥𑐵𑐬𑑂𑐎𑐮𑐶𑐳𑐾𑑄 𑐠𑐷𑐠𑐷 𑐠𑐵𑐫𑑂𑐫𑐵 𑐩𑑁𑐮𑐶𑐎𑐟𑐵 𑐮𑑂𑐫𑑄𑐎𑐾𑐫𑐵 𑐣𑐶𑑄𑐟𑐶𑑄 𑐰𑐶𑐎𑐵𑐳 𑐣𑐶𑐬𑑂𑐩𑐵𑐞𑐫𑐵 𑐖𑑂𑐫𑐵 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐏𑑅 𑑋 𑐀𑐠𑐾 𑐴𑐾 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐣𑐶𑐰𑐬𑑂𑐟𑐩𑐵𑐣 𑐣𑐵𑐫𑑅 𑐱𑑂𑐫𑐵𑐩𑐎𑐺𑐲𑑂𑐞 𑐩𑐵𑐣𑐣𑑂𑐢𑐬, 𑐣𑑂𑐰𑐎𑐸 𑐖𑑂𑐘𑐵𑐣𑐬𑐵𑐩 𑐱𑑂𑐬𑐾𑐲𑑂𑐛 𑐮𑐐𑐵𑐫𑐟𑑄 𑐥𑑂𑐬𑐟𑐶𑐲𑑂𑐛𑐵𑐣𑑄 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐠𑐷𑐠𑐷 𑐖𑑂𑐫𑐵𑐫𑐵 𑐧𑐵𑐬𑐾 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐏𑑅𑐳𑐵 𑐳𑐩𑐵𑐬𑑀𑐴 𑐳𑐩𑐶𑐟𑐶𑐫𑐵 𑐳𑐮𑑂𑐮𑐵𑐴𑐎𑐵𑐬 𑐥𑐸𑐮𑐵𑑄𑐩𑑂𑐴 𑐬𑐵𑐖𑑂𑐫𑐩𑐣𑑂𑐟𑑂𑐬𑐷 𑐟𑐷𑐬𑑂𑐠𑐬𑐵𑐩 𑐜𑑄𑐐𑑀𑐮, 𑐩𑐾𑐩𑑂𑐴 𑐥𑐸𑐮𑐵𑑄𑐩𑑂𑐴 𑐬𑐵𑐖𑑂𑐫𑐩𑐣𑑂𑐟𑑂𑐬𑐷 𑐡𑐶𑐮𑐷𑐥 𑐩𑐴𑐬𑑂𑐖𑐣𑑄 𑐣𑑄 𑐣𑐸𑐐𑑅𑐏𑑃 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋

𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐣𑐵𑐫𑑅 𑐔𑐣𑑂𑐡𑐣𑐎𑐺𑐲𑑂𑐞 𑐱𑑂𑐬𑐾𑐲𑑂𑐛𑑄 𑐳𑐩𑐵𑐬𑑀𑐴 𑐳𑐩𑐶𑐟𑐶𑑄 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐀𑐰𑐮𑑀𑐎𑐣 𑐫𑐵𑑅𑐐𑐸 𑐏𑑃𑐫𑑂 𑐮𑐳𑐟𑐵 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS