Read news in NepalBhasa text-- www.hamroschool.com BACK 𑐧𑐵𑑄𑐐𑑂𑐮𑐵 𑐰𑐶𑐩𑐵𑐣𑐫𑐵 𑐥𑐵𑐂𑐮𑐚𑐫𑐵 𑐎𑐮𑐵𑑅𑐫𑐵𑐟 𑐧𑑂𑐬𑐾𑐣 𑐳𑑂𑐚𑑂𑐬𑑀𑐎 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐧𑐵𑑄𑐐𑑂𑐮𑐵 𑐰𑐶𑐩𑐵𑐣𑐫𑐵 𑐥𑐵𑐂𑐮𑐚𑐫𑐵 𑐎𑐮𑐵𑑅𑐫𑐵𑐟 𑐧𑑂𑐬𑐾𑐣 𑐳𑑂𑐚𑑂𑐬𑑀𑐎

𑐣𑐾𑐥𑐵𑐮𑐫𑑂 𑐡𑐸𑐬𑑂𑐑𑐚𑐣𑐵 𑐖𑐹𑐐𑐸 𑐫𑐸𑐊𑐳–𑐧𑐵𑑄𑐐𑑂𑐮𑐵 𑐰𑐶𑐩𑐵𑐣𑐫𑐵 𑐥𑐵𑐂𑐮𑐚 𑐎𑑂𑐫𑐵. 𑐀𑐰𑐶𑐡 𑐳𑐸𑐮𑑂𑐟𑐵𑐣𑐫𑐵 𑐎𑐮𑐵𑑅𑐫𑐵𑐟 𑐩𑐳𑑂𑐟𑐶𑐲𑑂𑐎𑐵𑐑𑐵𑐟 (𑐧𑑂𑐬𑐾𑐣 𑐳𑑂𑐚𑑂𑐬𑑀𑐎) 𑐖𑐹𑐐𑐸 𑐡𑐸 𑑋 𑐧𑑄𑐐𑐮𑐵𑐡𑐾𑐱𑐫𑐵 𑐀𑐣𑐮𑐵𑐂𑐣 𑐥𑐟𑑂𑐬𑐶𑐎𑐵 ‘𑐡 𑐜𑐾𑐮𑐷 𑐳𑑂𑐚𑐵𑐬𑑄’ 𑐧𑐶𑐄𑐐𑐸 𑐳𑐩𑐵𑐔𑐵𑐬 𑐎𑐠𑑄 𑐎𑑂𑐫𑐵. 𑐳𑐸𑐮𑑂𑐟𑐵𑐣𑐫𑐵 𑐎𑐮𑐵𑑅 𑐩𑐫𑑂𑐖𑐸 𑐀𑐦𑐳𑐵𑐣𑐵 𑐏𑐵𑐣𑐩𑑂𑐫𑐵𑐟 𑐩𑑂𑐴𑐶𑐐𑑅 𑐳𑐸𑐠𑐫𑑂 𑑔 𑐧𑐖𑐾 𑐧𑑂𑐬𑐾𑐣 𑐳𑑂𑐚𑑂𑐬𑑀𑐎 𑐖𑐹𑐐𑐸 𑐏𑑅 𑑋

𑐧𑑄𑐐𑐮𑐵𑐡𑐾𑐱𑐫𑐵 𑐄𑐟𑑂𑐟𑐬𑐵 𑐢𑐵𑑅𑐐𑐸 𑐠𑐵𑐳𑐫𑑂 𑐔𑑂𑐰𑑄𑐐𑐸 𑐠𑑅𑐐𑐸 𑐴𑐾 𑐕𑐾𑑃𑐫𑑂 𑐰𑐫𑐵𑐟 𑐧𑑂𑐬𑐾𑐣 𑐳𑑂𑐚𑑂𑐬𑑀𑐎 𑐖𑐹𑐐𑐸 𑐏𑑅 𑑋 𑐰𑐫𑐵𑑄 𑐟𑐸𑐬𑐸𑐣𑑂𑐟 𑐴𑐾 𑐮𑐶𑐥𑐵 𑐀𑐳𑑂𑐥𑐟𑐵𑐮 𑐫𑑄𑐎𑐵𑑅 𑐳𑐸𑐠𑐫𑑂 𑑗 𑐧𑐖𑐾 𑐀𑐥𑐬𑐾𑐱𑐣 𑐳𑐩𑐾𑐟 𑐫𑐵𑑅𑐐𑐸 𑐏𑑃 𑐳𑐩𑐵𑐔𑐵𑐬𑐫𑑂 𑐢𑐫𑐵𑐟𑑅𑐐𑐸 𑐡𑐸 𑑋 𑐣𑐾𑐥𑐵𑐮𑐫𑑂 𑐖𑐹𑐐𑐸 𑐰𑐶𑐩𑐵𑐣 𑐡𑐸𑐬𑑂𑐑𑐚𑐣𑐵𑐫𑑂 𑐮𑐵𑐣𑐵𑑅 𑐰𑐫𑑂𑐎𑑅𑐫𑐵 𑐖𑐴𑐵𑐣 𑐎𑑂𑐫𑐵. 𑐳𑐸𑐮𑑂𑐟𑐵𑐣 𑐮𑐐𑐵𑐫𑐟 𑐄𑐜𑐵𑐣 𑐥𑐸𑐔𑑅𑐫𑐵 𑐥𑑂𑐫𑐩𑑂𑐴𑑄 𑐡𑐸𑐖𑑅𑐫𑐵 𑐖𑑂𑐫𑐵𑐣 𑐰𑑄𑐐𑐸 𑐏𑑅 𑑋

𑐠𑑂𑐰𑐴𑐾 𑐗𑑂𑐰𑐮𑐫𑑂 𑐰𑐶𑐩𑐵𑐣 𑐡𑐸𑐬𑑂𑐑𑐚𑐣𑐵𑐫𑐵𑐟 𑐎𑐫𑐵𑑅 𑐧𑑄𑐐𑐮𑐵𑐡𑐾𑐱𑐫𑑂 𑐐𑐛𑐣 𑐫𑐵𑑅𑐐𑐸 𑐕𑐵𑐣𑐧𑐶𑐣 𑐥𑐸𑐔𑑅𑐫𑐵 𑐀𑐢𑑂𑐫𑐎𑑂𑐲 𑐎𑑂𑐫𑐵. 𑐳𑐮𑐵𑐴𑐸𑐡𑑂𑐡𑐶𑐣 𑐊𑐩. 𑐬𑐴𑐩𑐵𑐟𑐸𑐮𑑂𑐮𑐵𑑄 𑐡𑐸𑐬𑑂𑐑𑐚𑐣𑐵 𑐖𑐹𑐐𑐸 𑐫𑐸𑐊𑐳–𑐧𑐵𑑄𑐐𑑂𑐮𑐵 𑐰𑐶𑐩𑐵𑐣𑐫𑑂 𑐕𑐸𑑄 𑐴𑐾 𑐥𑑂𑐬𑐵𑐰𑐶𑐢𑐶𑐎 𑐏𑐬𑐵𑐧𑐷 𑐩𑐡𑐸𑐐𑐸 𑐡𑐵𑐰𑐷 𑐫𑐵𑐣𑐵𑐡𑐷𑐐𑐸 𑐡𑐸 𑑋 𑐮𑐶𑐳𑐾𑑄 𑐰𑐶𑐩𑐵𑐣𑐫𑐵 𑐥𑐵𑐂𑐮𑐚 𑐎𑑂𑐫𑐵. 𑐳𑐸𑐮𑑂𑐟𑐵𑐣𑐫𑐵𑐎𑐾 𑐣𑑄 𑐕𑐸𑑄 𑐴𑐾 𑐳𑐩𑐳𑑂𑐫𑐵 𑐩𑐡𑐸𑐐𑐸 𑐏𑑃 𑐰𑐫𑑂𑐎𑐮𑑄 𑐎𑐣𑐵𑐡𑐷𑐐𑐸 𑐡𑐸 𑑋 𑐧𑑄𑐐𑐮𑐵𑐡𑐾𑐱𑐷 𑐕𑐵𑐣𑐧𑐶𑐣 𑐥𑐸𑐔𑑅𑐫𑐵 𑐕𑐐𑐹 𑐚𑑀𑐮𑐷 𑐣𑐾𑐥𑐵𑐮𑐫𑑂 𑐐𑐛𑐣 𑐖𑐹𑐐𑐸 𑐕𑐵𑐣𑐧𑐶𑐣 𑐥𑐸𑐔𑑅𑐮𑐶𑐳𑐾 𑐖𑑂𑐫𑐵 𑐫𑐵𑐫𑐾𑐟 𑐣𑐾𑐥𑐵𑑅 𑐰𑐫𑐾𑐟𑑂𑐫𑑄𑐐𑐸 𑐡𑐸 𑑋

𑐩𑐾𑐏𑐾 𑐠𑑂𑐰𑐴𑐾 𑐂𑐮𑐫𑑂 𑐧𑑄𑐐𑐮𑐵𑐡𑐾𑐱𑐫𑐵 𑐴𑐰𑐵𑐃 𑐰𑑂𑐫𑐰𑐳𑑂𑐠𑐵𑐥𑐣𑐫𑐵𑐟 𑐎𑐫𑐵𑑅 𑐣𑑄 𑐁𑐥𑐵𑐮𑑄 𑐰𑐶𑐰𑐵𑐡𑐫𑐵 𑐏𑑃 𑐳𑐵𑐬𑑂𑐰𑐖𑐣𑐶𑐎 𑐖𑐹𑐐𑐸 𑐡𑐸 𑑋 𑐀𑐣 𑐥𑐵𑐂𑐮𑐚𑐟𑐫𑑂𑐟 𑐟𑐣𑐵𑐰𑐫𑑂 𑐳𑐩𑐾𑐟 𑐖𑑂𑐫𑐵 𑐫𑐵𑐎𑐷𑐐𑐸 𑐡𑑂𑐰𑐥𑑄 𑐣𑑄 𑐰𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS