Read news in NepalBhasa text-- www.hamroschool.com BACK 𑐴𑐶𑐩𑐾𑐱 𑐰 𑐱𑑀𑐨𑐵𑐣𑐵𑐣𑐷𑐫𑐵𑐟 𑐥𑐘𑑂𑐔𑐰𑐷𑐬 𑐳𑐶𑐬𑐥𑐵𑑅 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐴𑐶𑐩𑐾𑐱 𑐰 𑐱𑑀𑐨𑐵𑐣𑐵𑐣𑐷𑐫𑐵𑐟 𑐥𑐘𑑂𑐔𑐰𑐷𑐬 𑐳𑐶𑐬𑐥𑐵𑑅

𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳) – 𑐧𑐸𑐡𑑂𑐢 𑐳𑐩𑑂𑐰𑐟𑑂𑐫𑐵 𑐴𑐬𑐾𑐎 𑐡𑑃𑐫𑑂 𑐮𑑅 𑐮𑑂𑐴𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐥𑑄𑐔𑐰𑐷𑐬 𑐳𑐶𑑄𑐴 𑐳𑐶𑐬𑐥𑐵𑑅𑐫𑐵 𑐮𑐵𑐐𑐶 𑐩𑐶𑐖𑑄 𑐔𑑂𑐰𑐩𑐶 𑐥𑐵𑐏𑐾 ‘𑐧𑐸𑐡𑑂𑐢 𑐗𑐷𑐠𑐵𑐫𑑂 𑐐𑐧𑐮𑐾 𑐰𑐮 !’ 𑐱𑐷𑐬𑑂𑐲𑐎 𑐔𑑂𑐰𑐳𑐸𑐫𑐵 𑐮𑐵𑐐𑐶 𑐴𑐶𑐩𑐾𑐱 𑐧𑐖𑑂𑐬𑐵𑐔𑐵𑐬𑑂𑐫 𑐰 𑐩𑐶𑐳𑐵𑐔𑑂𑐰𑐩𑐶 𑐥𑐵𑐏𑐾 ‘𑐧𑐸𑐡𑑂𑐢𑐢𑐬𑑂𑐩𑐫𑐵 𑐩𑐴𑐵𑐫𑐵𑐣 𑐔𑐬𑑂𑐫𑐵𑐫𑑂 𑐔𑐟𑐸𑐬𑑂𑐣𑐶𑐰𑐺𑐟𑑂𑐟𑐶 𑐀𑐨𑑂𑐫𑐵𑐳𑐫𑐵 𑐩𑐴𑐟𑑂𑐰’ 𑐱𑐷𑐬𑑂𑐲𑐎 𑐔𑑂𑐰𑐳𑐸𑐫𑐵 𑐮𑐵𑐐𑐶 𑐱𑑀𑐨𑐵𑐣𑐵𑐣𑐷 𑐱𑐵𑐎𑑂𑐫 𑐕𑐣𑑁𑐚 𑐖𑐹𑐐𑐸 𑐡𑐸 𑑋

𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳 𑐣𑑂𑐴𑐶𑐥𑐟𑐶𑐂 𑐡𑐔𑑂𑐕𑐶𑐫𑑄𑐎 𑐥𑐶𑐡𑐣𑐶𑐐𑐸 𑐔𑑂𑐰𑐳𑐸𑐟𑐩𑐢𑑂𑐫𑐾 𑐄𑐟𑑂𑐎𑐺𑐲𑑂𑐚 𑐔𑑂𑐰𑐳𑐸𑐫𑐵 𑐔𑑂𑐰𑐩𑐶𑐟𑐫𑑂𑐟 𑐡𑐵𑐟𑐵 𑐥𑑄𑐔𑐰𑐷𑐬 𑐳𑐶𑑄𑐴 𑐟𑐸𑐮𑐵𑐢𑐬𑐥𑐵𑐏𑐾𑑄 𑐠𑑂𑐰 𑐳𑐶𑐬𑐥𑐵𑑅 𑐮𑑅 𑐮𑑂𑐴𑐵𑐣𑐵𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐣𑐶𑐬𑑂𑐞𑐵𑐫𑐎 𑐩𑐞𑑂𑐜𑐮𑐫𑑂 𑐜𑐵. 𑐐𑑁𑐟𑐩𑐰𑐷𑐬 𑐧𑐖𑑂𑐬𑐵𑐔𑐵𑐬𑑂𑐫 𑐰 𑐢𑐬𑑂𑐩𑐳𑐸𑐣𑑂𑐡𑐬 𑐧𑐖𑑂𑐬𑐵𑐔𑐵𑐬𑑂𑐫 𑐡𑐸𑐠𑑂𑐫𑐵𑑅 𑑋 𑐫𑐠𑐵𑐳𑐩𑐫𑐮𑐫𑑂 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐫𑐾𑐐𑐸 𑐐𑑂𑐰𑑅𑐳𑐵 𑐡𑐹𑐐𑐸 𑐖𑐵𑐣𑐎𑐵𑐬𑐷 𑐣𑑄 𑐳𑐩𑐹𑐴𑐫𑐵 𑐣𑐵𑐫𑑅 𑐩𑐡𑐣 𑐧𑐴𑐵𑐡𑐸𑐬 𑐟𑐸𑐮𑐵𑐢𑐬𑑄 𑐧𑐶𑐫𑐵𑐡𑐷𑐐𑐸 𑐡𑐸 𑑋

𑐀𑐠𑐾𑐴𑐾 ‘𑐧𑐸𑐡𑑂𑐢 𑐢𑐬𑑂𑐩𑐫𑑂 𑐎𑐬𑑂𑐩𑐫𑐵 𑐨𑐹𑐩𑐶𑐎𑐵’ 𑐰𑐶𑐲𑐫𑐳𑑂 𑐖𑐹𑐐𑐸 𑐣𑐶𑐧𑐣𑑂𑐢 𑐥𑑂𑐬𑐟𑐶𑐫𑑀𑐐𑐶𑐟𑐵𑐫𑑂 𑐥𑑂𑐬𑐩𑐶𑐮𑐵 𑐟𑐵𑐩𑑂𑐬𑐵𑐎𑐵𑐬 𑐣𑑂𑐴𑐵𑐥 𑐑𑑀𑐲𑐶𑐟 𑐖𑐹𑐐𑐸 𑐡𑐸 𑑋 𑐮𑐸𑐩𑑂𑐧𑐶𑐣𑐷 𑐣𑐾𑐥𑑂𑐮𑐷𑐖𑑂 𑐧𑐸𑐡𑑂𑐢 𑐢𑐬𑑂𑐩 𑐳𑑀𑐳𑐵𑐂𑐚𑐷 𑐫𑐸𑐎𑐾 𑐰 𑐫𑐸𑐰𑐵 𑐧𑑁𑐡𑑂𑐢 𑐳𑐩𑐹𑐴 𑐫𑐾𑑃 𑐫𑐵 𑐩𑑄𑐎𑐵𑑅 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐠𑐸𑐐𑐸 𑐥𑑂𑐬𑐟𑐶𑐫𑑀𑐐𑐶𑐟𑐵𑐫𑑂 𑐖𑐩𑐸𑐣𑐵 𑐐𑑀𑐳𑐵𑐂𑑃 𑐮𑑂𑐫𑐹 𑐰 𑐥𑐮𑐶𑐳𑑂𑐠𑐵 𑐩𑐵𑐣𑐣𑑂𑐢𑐬 𑐮𑐶𑐫𑐵𑑄𑐮𑑂𑐫𑐹 𑐑𑑀𑐲𑐶𑐟 𑐖𑐹𑐐𑐸 𑐡𑐸𑐳𑐵 𑐰𑐶𑐡𑑂𑐫𑐵𑐮𑐎𑑂𑐲𑑂𑐩𑐷 𑐱𑐵𑐎𑑂𑐫 𑐴𑑅𑐥𑐵𑑅 𑐳𑐶𑐬𑐥𑐵𑑅 𑐟𑑂𑐫𑐵𑐎𑐾𑐟 𑐟𑐵𑑅𑐮𑐵𑑅𑐐𑐸 𑐡𑐸 𑑋

𑐧𑐸𑐡𑑂𑐢 𑐳𑐩𑑂𑐰𑐟𑑂 𑑒𑑕𑑖𑑔 𑐥𑑂𑐬𑐵𑐬𑐩𑑂𑐨 𑐖𑐹𑐐𑐸 𑐮𑐳𑐟𑐵𑐫𑑂 𑐖𑐹𑐐𑐸 𑐠𑐸𑐐𑐸 𑐥𑑂𑐬𑐟𑐶𑐫𑑀𑐐𑐶𑐟𑐵𑐫𑑂 𑐩𑐸𑐎𑑂𑐎𑑄 𑑒𑑒 𑐥𑐹 𑐔𑑂𑐰𑐳𑐸 𑐡𑐸𑐠𑑂𑐫𑐵𑑅𑐐𑐸 𑐏𑑅 𑑋 𑐜𑐵. 𑐬𑐷𑐣𑐵 𑐟𑐸𑐮𑐵𑐢𑐬, 𑐜𑐵. 𑐳𑐸𑐬𑐾𑐣𑑂𑐡𑑂𑐬𑐩𑐵𑐣 𑐧𑐖𑑂𑐬𑐵𑐔𑐵𑐬𑑂𑐫 𑐰 𑐜𑐵. 𑐟𑑂𑐬𑐶𑐬𑐟𑑂𑐣 𑐩𑐵𑐣𑐣𑑂𑐢𑐬 𑐡𑐸𑐠𑑂𑐫𑐵𑐐𑐸 𑐣𑐶𑐬𑑂𑐞𑐵𑐫𑐎 𑐩𑐞𑑂𑐜𑐮𑑄 𑐰𑐶𑐖𑐾𑐟𑐵 𑐮𑑂𑐫𑐫𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS