Read news in NepalBhasa text-- www.hamroschool.com BACK 𑐳𑑄𑐐𑐷𑐟𑐖𑑂𑐘 𑐣𑐎𑑅𑐩𑐶𑐫𑐵 𑐮𑐸𑐩𑐣𑑂𑐟𑐶𑐂 𑐰𑐶𑐔𑐵𑑅 𑐩𑐸𑑃𑐖𑑂𑐫𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐳𑑄𑐐𑐷𑐟𑐖𑑂𑐘 𑐣𑐎𑑅𑐩𑐶𑐫𑐵 𑐮𑐸𑐩𑐣𑑂𑐟𑐶𑐂 𑐰𑐶𑐔𑐵𑑅 𑐩𑐸𑑃𑐖𑑂𑐫𑐵

𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳) – 𑐣𑐾𑐥𑐵𑑅𑐫𑐵 𑐨𑐖𑐣 𑐳𑑄𑐐𑐷𑐟𑐫𑐵 𑐖𑑂𑐰𑑅𑐩𑐡𑐸𑐩𑑂𑐴 𑐰𑑂𑐫𑐎𑑂𑐟𑐶𑐟𑑂𑐰, 𑐐𑐵𑐫𑐎, 𑐳𑑄𑐐𑐷𑐟𑐎𑐵𑐬, 𑐡𑐧𑐹𑐥𑑂𑐫𑐵𑐏𑑄𑐫𑐵 𑐳𑑂𑐫𑐣𑐵𑐩𑐶 𑐰 𑐔𑑂𑐰𑐩𑐶 𑐩𑐡𑐸𑐩𑑂𑐴 𑐨𑐷𑐩𑐧𑐴𑐵𑐡𑐸𑐬 𑐣𑐎𑑅𑐩𑐶𑐫𑐵 𑐗𑐶𑑄𑐳𑑂𑐰𑐣𑑂𑐴𑐸𑐫𑐵 𑐥𑐸𑐞𑑂𑐫 𑐟𑐶𑐠𑐶𑐂 𑐰𑐶𑐔𑐵𑑅 𑐩𑐸𑑃𑐖𑑂𑐫𑐵 𑐖𑐸𑐮 𑑋 𑐰𑑄𑐐𑐸 𑐱𑐣𑐶𑐰𑐵𑑅 𑐧𑐮𑐩𑑂𑐧𑐸𑐳𑑂𑐠𑐶𑐟 𑐰𑐫𑑂𑐎𑑅𑐫𑐵 𑐎𑐸𑐮 𑐕𑐾𑑃𑐫𑑂 𑐄𑐐𑐸 𑐰𑐶𑐔𑐵𑑅 𑐩𑐸𑑃𑐖𑑂𑐫𑐵 𑐖𑐹𑐐𑐸 𑐏𑑅 𑑋

𑐰𑐶𑐔𑐵𑑅 𑐩𑐸𑑃𑐖𑑂𑐫𑐵𑐫𑑂 𑐳𑐵𑑄𑐳𑐡 𑐎𑐾𑐱𑐰 𑐥𑑀𑐏𑐬𑐾𑐮𑑄 𑐰𑑂𑐫𑐎𑑂𑐟𑐶𑐐𑐟 𑐰 𑐳𑐵𑐩𑐵𑐖𑐶𑐎 𑐡𑐵𑐫𑐶𑐟𑑂𑐰𑑄 𑐴𑐾 𑐩𑐣𑐹𑐫𑐵𑐟 𑐄𑐟𑑂𑐳𑐬𑑂𑐐𑐫𑑂 𑐠𑑂𑐫𑑄𑐎𑐷𑐐𑐸 𑐏𑑃 𑐣𑑂𑐴𑑂𑐫𑐠𑐣𑐵𑐡𑐶𑐳𑐾𑑄 𑐕𑐩𑑂𑐴 𑐰𑑂𑐫𑐎𑑂𑐟𑐶𑑄 𑐟𑑅𑐐𑐹 𑐰𑐶𑐢𑐵 𑐰 𑐟𑑅𑐐𑐹 𑐥𑐡𑐫𑑂 𑐔𑑂𑐰𑐣𑐵𑑅 𑐖𑑂𑐫𑐵 𑐫𑐵𑐫𑐾𑐐𑐸 𑐩𑑁𑐎𑐵 𑐡𑐂𑐐𑐸 𑐢𑐂𑐐𑐸 𑐴𑐾 𑐰𑐫𑐵𑐟 𑐖𑐣𑐟𑐵𑑄 𑐫𑐫𑐾𑐎𑐷𑐐𑐸𑐮𑐶𑑄 𑐏𑑅 𑐢𑐫𑐵𑐡𑐶𑐮 𑑋 𑐔𑐣𑑂𑐡𑑂𑐬𑐵𑐐𑐶𑐬𑐶 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐑𑐣𑐱𑑂𑐫𑐵𑐩 𑐐𑐶𑐬𑐷𑑄 𑐩𑐡𑐸𑐩𑑂𑐴 𑐣𑐎𑑅𑐩𑐶 𑐧𑐴𑐸𑐥𑑂𑐬𑐟𑐶𑐨𑐵𑐱𑐵𑐮𑐷 𑐰𑑂𑐫𑐎𑑂𑐟𑐶 𑐖𑐹𑐐𑐸 𑐏𑑃 𑐣𑑂𑐴𑑂𑐫𑐠𑐣𑐵𑐡𑐶𑐳𑐾𑑄 𑐁𑑅 𑐰𑐫𑑂𑐎𑑅𑐫𑐵 𑐣𑐵𑐩𑑄 𑐥𑑂𑐬𑐟𑐶𑐲𑑂𑐛𑐵𑐣 𑐔𑐵𑐫𑐾𑐎𑐵𑑅 𑐰𑐫𑑂𑐎𑐮𑑄 𑐳𑐩𑐵𑐖𑐫𑐵𑐟 𑐧𑐶𑐫𑐵𑐡𑐷𑐐𑐸 𑐫𑑀𑐐𑐡𑐵𑐣𑐫𑐵 𑐎𑐡𑐬 𑐣𑐐𑐬𑐥𑐵𑐮𑐶𑐎𑐵𑐥𑐵𑐏𑐾𑑄 𑐫𑐵𑐫𑐾𑐐𑐸 𑐥𑑂𑐬𑐟𑐶𑐰𑐡𑑂𑐢𑐟𑐵 𑐥𑑂𑐰𑑄𑐎𑐵𑐡𑐶𑐮 𑑋

𑐱𑐶𑐎𑑂𑐲𑐎 𑐖𑐶𑐟𑐧𑐴𑐵𑐡𑐸𑐬 𑐩𑐴𑐬𑑂𑐖𑐣𑑄 𑐩𑐡𑐸𑐩𑑂𑐴 𑐣𑐎𑑅𑐩𑐶𑑄 𑐱𑐶𑐎𑑂𑐲𑐵𑐫𑐵 𑐮𑐵𑐐𑐵𑐫𑑂 𑐧𑐶𑐫𑐵𑐡𑐷𑐐𑐸 𑐫𑑀𑐐𑐡𑐵𑐣 𑐰 𑐰𑐫𑑂𑐎𑑅𑐫𑐵 𑐥𑑂𑐬𑐐𑐟𑐶𑐱𑐷𑐮 𑐰𑐶𑐔𑐵𑑅 𑐰 𑐖𑑂𑐫𑐵𑐫𑐵𑐟 𑐎𑐫𑐵𑑅 𑐣𑐸𑐐𑑅𑐏𑑃 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋 𑐳𑑂𑐠𑐵𑐣𑐷𑐫 𑐫𑐸𑐰𑐵 𑐥𑑂𑐬𑐟𑐶𑐨𑐵 𑐱𑐵𑐣𑑂𑐟𑐎𑐸𑐩𑐵𑐬 𑐩𑐴𑐬𑑂𑐖𑐣𑑄 𑐳𑐵𑐴𑐶𑐟𑑂𑐫𑐶𑐎 𑐰 𑐡𑐵𑐬𑑂𑐱𑐣𑐶𑐎 𑐨𑐵𑐰𑐣𑐵𑑄 𑐴𑐾 𑐩𑐡𑐸𑐩𑑂𑐴 𑐣𑐎𑑅𑐩𑐶𑐫𑐵𑐟 𑐠𑑁𑑄 𑐀𑐩𑐬 𑐫𑐵𑐣𑐵 𑐧𑐶𑐄𑐐𑐸 𑐏𑑃 𑐎𑐣𑐵𑐡𑐶𑐮 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐧𑐮𑐩𑑂𑐧𑐸 𑐖𑑂𑐘𑐵𑐣𑐩𑐵𑐮𑐵 𑐨𑐖𑐣 𑐏𑐮𑑅𑐫𑐵 𑐮𑐎𑑂𑐲𑑂𑐩𑐷𑐧𑐴𑐵𑐡𑐸𑐬 𑐱𑑂𑐬𑐾𑐲𑑂𑐛, 𑐔𑐣𑑂𑐡𑑂𑐬𑐵𑐐𑐶𑐬𑐶 𑐣𑐐𑐬𑐥𑐵𑐮𑐶𑐎𑐵 𑐰𑐜𑐵 𑐣𑑄. 𑑑𑑒𑐫𑐵 𑐰𑐜𑐵𑐀𑐢𑑂𑐫𑐎𑑂𑐲 𑐥𑑂𑐬𑐎𑐵𑐱 𑐱𑑂𑐬𑐾𑐲𑑂𑐛, 𑐩𑐡𑐸𑐩𑑂𑐴 𑐣𑐎𑑅𑐩𑐶𑐫𑐵 𑐕𑐫𑑂 𑐣𑐵𑐥𑑄 𑐣𑐾𑐥𑐵𑐮𑐨𑐵𑐲𑐵 𑐳𑑄𑐎𑐶𑐥𑐵 𑐏𑑂𑐫𑑅𑐫𑐵 𑐣𑐵𑑄𑐖𑐵𑑅𑐩𑑂𑐴 𑐣𑐵𑐫𑐶𑐎𑐵 𑐁𑐱𑐶𑐲𑑂𑐩𑐵 𑐣𑐎𑑅𑐩𑐶𑐥𑐶𑑄𑐳𑑄 𑐣𑑄 𑐰𑐫𑑂𑐎𑑅𑐫𑐵 𑐠𑐷𑐠𑐷 𑐥𑐎𑑂𑐲𑐫𑐵𑐟 𑐎𑐫𑐵𑑅 𑐰𑐶𑐔𑐵𑑅 𑐥𑑂𑐰𑑄𑐎𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS