Read news in NepalBhasa text-- www.hamroschool.com BACK 𑐣𑐾𑐰𑐵𑑅 𑐴𑐵𑐂𑐎𑐸 𑐳𑐴𑐮𑐴 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐣𑐾𑐰𑐵𑑅 𑐴𑐵𑐂𑐎𑐸 𑐳𑐴𑐮𑐴

𑐫𑐾𑑃- 𑐣𑐾𑐰𑐵𑑅 𑐴𑐵𑐂𑐎𑐸 𑐏𑑂𑐫𑑅 (𑐳𑐵𑐩𑐵𑐖𑐶𑐎 𑐳𑑄𑐖𑐵𑐮 𑐥𑐸𑐔𑑅)𑐫𑐵 𑐐𑑂𑐰𑐳𑐵𑐮𑐫𑑂 𑐰𑑄𑐐𑐸 𑐱𑐣𑐶𑐰𑐵𑑅 𑐳𑑂𑐰𑐎𑑂𑐰𑑅𑐐𑐸 𑐳𑑄𑐳𑑂𑐎𑐬𑐞𑐫𑐵 𑐣𑐾𑐰𑐵𑑅 𑐴𑐵𑐂𑐎𑐸 𑐳𑐴𑐮𑐴 𑐖𑑂𑐫𑐵𑐗𑑂𑐰𑑅𑐮𑐶𑐳𑐾𑑄 𑐴𑐵𑐂𑐎𑐸 𑐳𑑂𑐰𑐮𑐵𑐥𑑁 ‘𑐳𑐰𑐵𑑅’𑐫𑐵 𑐥𑐶𑐟𑐧𑑂𑐰𑐖𑑂𑐫𑐵 𑐖𑐸𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐩𑑂𑐴 𑐜𑐵. 𑐁𑐣𑐣𑑂𑐡 𑐖𑑀𑐱𑐷𑑄 𑐴𑐵𑐂𑐎𑐸 𑐰𑐶𑐢𑐵𑐫𑐵 𑐠𑐷𑐠𑐷 𑐥𑐎𑑂𑐲𑐫𑐵𑐟 𑐎𑐫𑐵𑑅 𑐡𑐸𑐐𑑂𑐫𑑄𑐎 𑐎𑐸𑐮𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑐮𑑄 𑐴𑐵𑐂𑐎𑐸 𑐔𑑂𑐰𑐫𑐾𑐧𑐮𑐫𑑂 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐩𑐵𑐣𑑂𑐫𑐟𑐵𑐎𑐠𑑄 𑐳𑑂𑐰𑐗𑑂𑐰𑑅𑐫𑐵 𑐖𑐸𑐂𑐩𑐵𑑅𑐐𑐸 𑐰 𑐄𑐎𑐷 𑐣𑑂𑐫𑐵𑐐𑑅 𑐣𑑂𑐴𑐫𑑂𑐐𑑅 𑐣𑑂𑐫𑐵𑐐𑑅 𑐁𑐏𑑅𑐫𑐵 𑐳𑐶𑐡𑑂𑐢𑐵𑐣𑑂𑐟𑐫𑐵𑐟 𑐥𑐵𑐮𑐣𑐵 𑐖𑐸𑐂𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐡𑐶𑐮 𑑋 𑐮𑐶𑐳𑐾𑑄 𑐰𑐫𑑂𑐎𑐮𑑄 𑐴𑐵𑐂𑐎𑐸 𑐔𑑂𑐰𑐫𑐾𑐧𑐮𑐫𑑂 𑐰𑐶𑐩𑑂𑐧𑐫𑐵 𑐥𑑂𑐬𑐟𑐶𑐟 𑐖𑐸𑐂𑐩𑐵𑑅 𑐢𑐫𑐵𑐡𑐶𑐳𑐾𑑄 𑐴𑐵𑐂𑐎𑐸𑐫𑐵𑐟 𑐥𑑂𑐬𑐎𑐟𑐶𑐮𑐶𑐳𑐾 𑐖𑐎 𑐳𑑂𑐰𑐵𑐎𑐵𑑅 𑐳𑐷𑐩𑐶𑐟 𑐑𑐾𑐬𑐵 𑐡𑐸𑐣𑐾 𑐔𑑂𑐰𑐫𑐾𑐐𑐸 𑐩𑐏𑐳𑐾 𑐩𑐾𑐩𑐾𑐐𑐸 𑐰𑐶𑐲𑐫𑐰𑐳𑑂𑐟𑐸𑐫𑐵𑐟 𑐣𑑄 𑐠𑐵𑐫𑑂 𑐧𑐶𑐫𑐵 𑐰𑐣𑐾𑐩𑐵𑑅 𑐢𑐫𑐵𑐡𑐶𑐮 𑑋

𑐴𑐵𑐂𑐎𑐸 𑐏𑑂𑐫𑑅𑐥𑐵𑐏𑐾𑑄 𑐥𑑂𑐬𑐟𑑂𑐫𑐾𑐎 𑐰𑐵𑐮𑐫𑑂 𑐧𑐷𑐐𑐸 𑐕𑐥𑐵𑑅 𑐎𑐶𑐥𑐵𑐫𑐵 𑐮𑐶𑐢𑑄𑐳𑐵𑐫𑑂 𑐔𑑂𑐰𑐫𑐵𑐟𑑅𑐐𑐸 𑐴𑐵𑐂𑐎𑐸𑐩𑐢𑑂𑐫𑐾 𑐄𑐟𑑂𑐎𑐺𑐲𑑂𑐚 𑐛𑐴𑐬 𑐫𑐵𑑅𑐐𑐸 𑐗𑐶𑐥𑐸 𑐗𑐶𑐥𑐸 𑐴𑐵𑐂𑐎𑐸𑐫𑐵𑐟 𑐰𑐫𑑂𑐎𑐮𑑄 𑐳𑐩𑐷𑐎𑑂𑐲𑐵𑐟𑑂𑐩𑐎 𑐬𑐸𑐥𑑄 𑐰𑐶𑐰𑐾𑐔𑐣𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐴𑐵𑐂𑐎𑐸𑐫𑐵 𑐳𑐩𑐷𑐎𑑂𑐲𑐵 𑐫𑐵𑐳𑐾𑑄 𑐰𑐫𑑂𑐎𑐮𑑄 𑐣𑐾𑐰𑐵𑑅 𑐴𑐵𑐂𑐎𑐸𑐫𑐵 𑐳𑑂𑐟𑐬 𑐡𑐎𑑂𑐲𑐶𑐞 𑐊𑐱𑐶𑐫𑐵𑐫𑑂 𑐴𑐾 𑐔𑑂𑐰𑐣𑑂𑐴𑑂𑐫𑐵𑐣𑐵 𑐰𑐣𑐵𑐔𑑂𑐰𑑄𑐐𑐸 𑐰𑐶𑐔𑐵𑑅 𑐥𑑂𑐰𑑄𑐎𑐵𑐡𑐶𑐳𑐾𑑄 𑐠𑐸𑐎𑐷 𑐣𑐾𑐰𑐵𑑅 𑐴𑐵𑐂𑐎𑐸𑐫𑐵 𑐨𑐰𑐶𑐲𑑂𑐫 𑐧𑐵𑑄𑐮𑐵𑐣𑐵 𑐰𑐣𑐵𑐔𑑂𑐰𑑄𑐐𑐸 𑐢𑐫𑐵𑐡𑐶𑐮 𑑋

𑐄𑐐𑐸 𑐂𑐮𑐫𑑂 𑐎𑐺𑐲𑑂𑐞𑐡𑐵𑐳 𑐖𑑀𑐱𑐷, 𑐀𑐣𑑂𑐖𑐣𑐵 𑐟𑐵𑐩𑑂𑐬𑐵𑐎𑐵𑐬, 𑐬𑐵𑐢𑐾𑐱𑑂𑐫𑐵𑐩 𑐩𑐴𑐬𑑂𑐖𑐣 𑐰 𑐥𑑂𑐬𑐡𑐷𑐥 𑐟𑐸𑐮𑐵𑐢𑐬𑑄 𑐣𑐶𑐎𑐹 𑐣𑐶𑐎𑐹 𑐴𑐵𑐂𑐎𑐸 𑐰𑐵𑐔𑐣 𑐫𑐵𑐣𑐵𑑅 𑐣𑑂𑐫𑐎𑐵𑐡𑐷𑐐𑐸 𑐏𑑅𑐳𑐵 𑐴𑐵𑐂𑐎𑐸 𑐏𑑂𑐫𑐮𑑄 𑐥𑑂𑐬𑐎𑐵𑐱𑐣 𑐫𑐵𑑅𑐐𑐸 ‘𑐳𑐰𑐵𑑅’ 𑐣𑐵𑑄𑐫𑐵 𑐳𑑂𑐰𑐮𑐵𑐥𑑁 (𑐀𑐣𑐮𑐵𑐂𑐣 𑐳𑑄𑐳𑑂𑐎𑐬𑐞)𑐫𑐵 𑐣𑑄 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS