𑐣𑐾. 𑐳𑑄. 𑑑𑑑𑑔𑑓 𑐔𑐶𑐮𑑂𑐮𑐵𑐐𑐵 𑐁𑐩𑐿 -

𑐣𑐾𑐥𑐵𑐮 𑐳𑑄𑐰𑐟𑑂 𑐟𑐶𑐠𑐶𑐫𑐵 𑐎𑑀𑐜𑐶𑐒𑑂𑐐 𑐰 𑐜𑐶𑐎𑑀𑐜𑐶𑐒𑑂𑐐 (𑐣𑐾𑐳𑑄𑐟𑐶𑐎𑑀𑐜𑐶) – 𑑓

𑐰𑑂𑐫𑐰𑐴𑐵𑐬𑐫𑑂 𑐔𑑂𑐰𑐫𑐾𑐐𑐸 𑐣𑐾𑐥𑐵𑐮 𑐳𑑄𑐰𑐟𑐫𑐵 𑐎𑑀𑐜𑐫𑐵𑐟 𑐜𑐶𑐎𑑀𑐜𑐶𑐒𑑂𑐐 𑐫𑐵𑐫𑐾𑐟 𑐳𑐵𑑄𑐎𑐾𑐟𑐶𑐎 𑐀𑑄𑐎 (𑐮𑑂𑐫𑐵𑑅𑐫𑐵 𑐨𑑂𑐫𑐵𑐮𑐸) (Value) 𑐧𑐶𑐫𑐵𑑅 𑐜𑐶𑐎𑑀𑐜𑐶𑐒𑑂𑐐 𑐰𑐶𑐎𑐵𑐳 𑐫𑐵𑐫𑐾 𑐩𑐵𑑅 𑑋 𑐠𑑂𑐰 𑐎𑑀𑐜𑐫𑐵𑐟 𑐜𑐶𑐎𑑀𑐜𑐶𑐒𑑂𑐐𑐫𑑂 𑐴𑐷𑐎𑐵𑑅 𑐔𑑂𑐰𑐫𑐾𑐐𑐸 𑐣𑐾𑐥𑐵𑐮 𑐳𑑄𑐰𑐟𑐫𑐵𑐟 “𑐣𑐾𑐥𑐵𑐮 𑐳𑑄𑐰𑐟 𑐟𑐶𑐠𑐶𑐫𑐵 𑐎𑑀𑐜𑐶𑐒𑑂𑐐 𑐰 𑐜𑐶𑐎𑑀𑐜𑐶𑐒𑑂𑐐”(𑐣𑐾𑐳𑐟𑐶𑐎𑑀𑐜𑐶) 𑐢𑐵𑐫𑐾 𑑋 𑐠𑐸𑐂𑐟 𑐠𑐠𑐾 𑐳𑐵𑑄𑐎𑐾𑐟𑐶𑐎 𑐮𑑂𑐫𑐵𑑅𑐫𑐵 (𑐀𑑄𑐎𑐫𑐵) 𑐨𑑂𑐫𑐵𑐮𑐸 𑐔𑑂𑐰𑐫𑐵𑑅 𑐧𑑂𑐫𑐵𑐏𑑂𑐫𑐵 𑐫𑐵𑐫𑐾,

𑐠𑐣, N.E. = Nepal Era (𑐣𑐾𑐥𑐵𑐮 𑐳𑑄𑐰𑐟), (YYYY) = 𑐡𑑃𑐫𑐵𑐟 𑐳𑐵𑑄𑐎𑐾𑐟𑐶𑐎 𑐥𑑂𑐫𑑄𑐐𑑅 (𑑔) 𑐳𑐹𑐣𑑂𑐫 𑐀𑑄𑐎, (MMMM) = 𑐮𑐵𑐫𑐵𑐟 𑐳𑐵𑑄𑐎𑐾𑐟𑐶𑐎 𑐣𑑂𑐫𑐵𑐐𑑅 (𑑕) 𑐳𑐹𑐣𑑂𑐫 𑐀𑑄𑐎 𑐰 (DDD) = 𑐣𑑂𑐴𑐶𑐫𑐵𑐟 𑐳𑐵𑑄𑐎𑐾𑐟𑐶𑐎 𑐥𑑂𑐫𑑄𑐐𑑅 (𑑔) 𑐳𑐹𑐣𑑂𑐫 𑐀𑑄𑐎𑑄 𑐢𑑂𑐰𑐵𑐠𑐸𑐂𑐎𑐷 𑑋 𑐠𑐣,

(YYYY) = 𑐣𑐾𑐥𑐵𑐮 𑐳𑑄𑐰𑐟,𑐠𑐸𑐐𑐸𑐳𑐶𑐫𑐵 𑐥𑑂𑐫𑑄𑐐𑑅 𑐀𑑄𑐎𑐫𑐵 𑐣𑐾𑐥𑐵𑐮 𑐳𑑄𑐰𑐟 𑑑𑑑𑑔𑑐 𑐖𑐸𑐮, MMMMM (00000) = 𑐠𑐸𑐂𑐎𑐾𑐟 𑐧𑑂𑐰𑐣𑐾𑐟 𑐠𑐠𑐾 𑐧𑑂𑐰𑐣𑐾𑐩𑐵𑑅 MM,M,M,M(00,0,0,0) 𑐧𑐵𑐫𑑂 MMMMM {(00),(0),(0),(0)}𑑋

𑐠𑐸𑐎𑐷, 𑐣𑑂𑐴𑑂𑐫𑑅𑐣𑐾𑐫𑐵 𑐣𑐶𑐐𑑅 𑐳𑐹𑐣𑑂𑐫 𑐀𑑄𑐎 𑐮𑐵 (𑐩𑐴𑐶𑐣𑐵 𑐐𑐶𑐣𑑂𑐟𑐶 𑑑 𑐣𑐶𑐳𑐾𑑄 𑑑𑑒 𑐟𑐎) 𑐳𑐶𑐩𑐶𑐟 𑐖𑐹𑐐𑐸 𑐎𑑂𑐫𑐣𑐷, 𑐠𑐸𑐎𑐷 𑐮𑐶𑐥𑐵𑐫𑐵 𑐕𑐐𑑅 𑐳𑐹𑐣𑑂𑐫 𑐀𑑄𑐎 𑐀𑐣𑐮𑐵 𑐧𑐵𑐫𑑂 𑐣𑑂𑐴𑑄𑐮𑐵𑐫𑐵 𑐳𑑂𑐠𑐵𑐣 𑐏𑑅, 𑐴𑐵𑐣𑑄 𑐩𑐾𑐐𑐸 𑐕𑐐𑑅 𑐳𑐹𑐣𑑂𑐫 𑐀𑑄𑐎 𑐫𑐡𑐶 𑐕𑐳𑐶𑐎𑐠𑑄 𑐣𑑂𑐴𑐵𑐥𑐵𑐫𑐵 𑐀𑐣𑐮𑐵 𑐧𑐵𑐫𑑂 – 𑐣𑑂𑐴𑑄𑐮𑐵 𑐢𑐸𑑄𑐎𑐵𑑅 𑐴𑐵𑐎𑐣𑑄 – 𑐣𑑂𑐴𑑄𑐮𑐵 𑐧𑐵𑐫𑑂 𑐀𑐣𑐮𑐵 𑐰𑐮𑐎𑐶 𑐄𑐎𑐶𑐫𑐵 𑐠𑐵𑐫𑑂 𑐎𑑂𑐫𑐣𑐾𑐟 𑐏𑑅, 𑐡𑐎𑐮𑐫𑑂 𑐮𑐶𑐥𑐵𑐫𑐵 𑐳𑐹𑐣𑑂𑐫 𑐳𑑂𑐠𑐵𑐣𑑄 𑐣𑑂𑐴𑑂𑐫𑐵𑐧𑐮𑐾𑑄 𑐟𑐶𑐩𑐶𑐮𑐵𑐫𑐵 𑐱𑐸𑐎𑑂𑐮𑐥𑐎𑑂𑐲 (𑐠𑑂𑐰)𑐫𑐵𑐟 (𑑑) 𑐰 𑐎𑐺𑐲𑑂𑐞𑐥𑐎𑑂𑐲 (𑐐𑐵𑑅)𑐫𑐵𑐟 (𑑒) 𑐏𑑅 𑐢𑐎𑐵𑑅 𑐔𑑂𑐰𑐫𑐵𑑅 𑐠𑐸𑐂𑐎𑐷 𑑋

DDDD(0000) = 𑐠𑐸𑐂𑐎𑐾𑐟 𑐧𑑂𑐰𑐣𑐾𑐟 𑐠𑐠𑐾 𑐧𑑂𑐰𑐣𑐾𑐩𑐵𑑅 DD,D,D(00,0,0) 𑐧𑐵𑐫𑑂 DDDD {(00),(0),(0)}𑑋

𑐠𑐸𑐎𑐷, 𑐣𑑂𑐴𑑂𑐫𑑅𑐣𑐾𑐫𑐵 𑐣𑐶𑐐𑑅 𑐳𑐹𑐣𑑂𑐫𑑄 𑐟𑐶𑐠𑐶 𑐣𑑂𑐴𑐶𑐮𑑂𑐫𑐵𑑅 (𑑑 𑐣𑐶𑐳𑐾𑑄 𑑑𑑕 𑐟𑐎), 𑐠𑑂𑐰 𑐣𑐶𑐐𑑅 𑐳𑐹𑐣𑑂𑐫 𑐢𑐸𑑄𑐎𑐵𑑅𑐫𑐵 𑐩𑐾𑐐𑐸 𑐕𑐐𑑅 𑐳𑐹𑐣𑑂𑐫𑑄 𑐫𑐡𑐶 𑐕𑐐𑐹 𑐴𑐾 𑐟𑐶𑐠𑐶 𑐣𑐶𑐎𑑂𑐰 𑐧𑐵𑑅 (𑐣𑑂𑐴𑐶)) 𑐣𑑄 𑐡𑑀𑐴𑑀𑐬𑐾 𑐖𑐸𑐮 𑐢𑐵𑑅𑐳𑐵 𑐟𑐶𑐠𑐶 𑐡𑑀𑐴𑑀𑐬𑐾 𑐖𑐹𑐐𑐸 𑐏𑑅 𑐢𑐎𑐵𑑅 𑐎𑑂𑐫𑐣𑐷 𑐀𑐮𑐾 𑐰 𑐳𑐹𑐣𑑂𑐫𑐫𑐵 𑐠𑐵𑐳𑐫𑑂 𑑙 𑐔𑑂𑐰𑐫𑐾𑐩𑐵𑑅 𑑋 𑐡𑐎𑐮𑐾 𑐮𑐶𑐥𑐵𑐫𑐵 𑐳𑐹𑐣𑑂𑐫𑑄 𑐧𑐵𑑅 𑐢𑐎𑐵𑑅 𑐠𑐸𑐂𑐎𑐷 𑑋 𑐰 𑐳𑐹𑐣𑑂𑐫𑐫𑐵 𑐳𑑂𑐠𑐵𑐣 (𑑑 𑐣𑐶𑐳𑐾𑑄 𑑗 𑐟𑐎) 𑐳𑐷𑐩𑐶𑐟 𑐏𑑅 𑑋

𑐣𑐾𑐥𑐵𑐮 𑐳𑑄𑐰𑐟𑑂 𑐟𑐶𑐠𑐶𑐫𑐵 𑐎𑑀𑐜𑐶𑐒𑑂𑐐 𑐰 𑐜𑐶𑐎𑑀𑐜𑐶𑐒𑑂𑐐 (𑐣𑐾𑐳𑐟𑐶𑐎𑑀𑐜𑐶) 𑐕𑑂𑐫𑐮𑐾𑐐𑐸 𑐟𑐬𑐶𑐎𑐵 :
𑐣𑐾𑐥𑐵𑐮 𑐳𑑄𑐰𑐟𑐫𑐵 𑐟𑐶𑐠𑐶 𑐧𑐿𑐖𑑂𑐘𑐵𑐣𑐶𑐎𑐎𑐠𑑄 𑐎𑑀𑐜 𑐡𑐫𑐾𑐎𑐵𑑅 𑐜𑐶𑐎𑐵𑐾𑐶𑐜𑑄𑐐𑐫𑑂 𑐟𑐫𑐵𑐬 𑐫𑐵𑐣𑐵𑑅 𑐎𑐩𑑂𑐥𑑂𑐫𑐸𑐚𑐬𑐫𑐵 𑐥𑑂𑐬𑐞𑐵𑐮𑐷𑐂 𑐡𑐸𑐠𑑂𑐫𑐵𑐎𑐾𑐐𑐸 𑐳𑐸𑐟𑑂𑐬 𑐰𑐶𑐎𑐵𑐳 𑐖𑐹𑐮𑐶𑐳𑐾𑑄 𑐠𑐸𑐎𑐶𑐫𑐵𑐟 𑐕𑑂𑐫𑐮𑐾𑐐𑐸 𑐟𑐬𑐶𑐎𑐵 𑐡𑐳𑐸 𑐧𑐶𑐫𑐵𑑅 𑐳𑑂𑐥𑐲𑑂𑐚 𑐫𑐵𑐣𑐵𑐔𑑂𑐰𑐣𑐵 𑑋 𑐐𑐠𑐾𑐎𑐶- 𑐣𑐾𑐥𑐵𑐮 𑐳𑑄𑐰𑐟𑑂 𑑑𑑑𑑔𑑐 𑐐𑐸𑑄𑐮𑐵𑐐𑐵𑑅 𑐥𑐣𑑂𑐔𑐩𑐶 𑐱𑐣𑐶𑐧𑐵𑑅 𑐔𑑂𑐰𑐫𑐾𑐟 𑐎𑑀𑐜 𑐏𑑅 : 𑐣𑐾.𑐳𑑄 𑑑𑑑𑑔𑑐/𑑑𑑐𑑒/𑑕𑑗 𑐀𑐮𑐾 𑐀𑑄𑐐𑑂𑐬𑐾𑐖𑐷𑑄 𑐨𑐵𑐳𑑄 N.E. 1140.102.57 𑑋

𑐠𑑂𑐰 𑐎𑑀𑐜𑐫𑐵𑐟 (𑐔𑑂𑐰𑐫𑑂) 𑐎𑑀𑐜𑐶𑑄𑐐𑐫𑐵 𑐧𑑂𑐫𑐵𑐏𑑂𑐫𑐵 𑐫𑐵𑑅𑐠𑐾𑑄 𑐜𑐶𑐎𑑀𑐜𑐶𑑄𑐐 𑐔𑑂𑐰𑐫𑐾𑐧𑐮𑐫𑑂 𑐠𑐠𑐾 𑐖𑐸𑐂 : N.E. 1140.10002.0507 𑐀𑐮𑐾 𑐠𑐸𑐂𑐎𑐾𑐟 𑐧𑑂𑐰𑐣𑐵𑐎𑐠𑑄 𑐔𑑂𑐰𑐫𑐾𑐧𑐮𑐫𑑂 𑐧𑐵𑐫𑑂 𑐎𑐩𑑂𑐥𑑂𑐫𑐹𑐚𑐬𑐫𑑂 𑐕𑑂𑐫𑐮𑐾𑐧𑐮𑐫𑑂 𑐠𑐠𑐾 𑐟𑑂𑐰𑐵𑑅𑐮𑑂𑐴𑐵𑐣𑐵𑑅 𑐳𑑂𑐰𑐫𑐾/𑐧𑑂𑐰𑐣𑐾/𑐚𑐵𑐃𑐥 𑐫𑐵𑐫𑐾 𑐩𑐵𑑅,

N.E. (1140) . (10)(0)(0)(2). (05)(0)(7)

𑐠𑐣 ,
𑐡𑑃=N.E. 1140= 𑐣𑐾𑐥𑐵𑐮 𑐳𑑄𑐰𑐟 𑑑𑑑𑑔𑑐,

𑐮𑐵 = (10)(0)(0)(2)

𑐠𑐸𑐎𑐷,
(10) = 𑐐𑐸𑑄𑐮𑐵 (𑐐𑐸𑐞𑐶𑐮𑐵),
(0)(0) = (10) 𑐢𑐸𑑄𑐎𑐵𑑅𑐫𑐵 𑐣𑐶𑐐𑑅 (0)(0) 𑐳𑐹𑐣𑑂𑐫 𑐢𑐫𑐵𑐐𑐸 𑐕𑐳𑐶𑐎𑐠𑑄 (𑐮𑐐𑐵𑐟𑐵𑐬) 𑐀𑐣𑐮𑐵 𑐧𑐵𑐫𑑂 𑐣𑑂𑐴𑑄𑐮𑐵 𑐰𑐮 𑐢𑐵𑑅𑐳𑐵 𑐰𑐫𑐵𑐟 𑐠𑐵𑐫𑑂 (Position) 𑐳𑐸𑐬𑐎𑑂𑐲𑐶𑐟 𑐫𑐵𑐫𑐾𑐟 𑐟𑐫𑐵𑐟𑐫𑐵𑐐𑐸 𑐏𑑅 𑑋 𑐢𑐵𑐫𑐾 𑐟𑑂𑐫𑐣𑐵𑐐𑐸 𑐕𑐸 𑐢𑐵𑑅𑐳𑐵, 𑐣𑐾𑐥𑐵𑐮 𑐳𑑄𑐰𑐟𑐫𑑂 𑐀𑐣𑐮𑐵 (𑐀𑐢𑐶𑐎𑐩𑐵𑐳) 𑐧𑐝𑐾 𑐖𑐸𑐂𑐐𑐸 𑐧𑐵𑐫𑑂 𑐣𑑂𑐴𑑄𑐮𑐵 (𑐎𑑂𑐲𑐫𑐩𑐵𑐳) 𑐑𑐚𑐾 𑐖𑐸𑐂𑐐𑐸 𑐮𑐵 (𑐩𑐴𑐶𑐣𑐵) 𑐟 𑐏𑑅 𑑋 𑐀𑐣𑐮𑐵 (𑐀𑐢𑐶𑐎𑐩𑐵𑐳) 𑐧𑐵𑐫𑑂 𑐣𑑂𑐴𑑄𑐮𑐵 (𑐎𑑂𑐲𑐫𑐩𑐵𑐳) 𑐡𑐸𑐠𑑂𑐫𑐵𑑅𑐐𑐸 𑐡𑑃𑐫𑑂 𑐰𑐂𑐟 𑐮𑐵𑐫𑐵 𑐐𑐶𑐣𑑂𑐟𑐶 𑑑𑑓 𑐮𑐵 𑐢𑐎𑐵𑑅 𑐔𑑂𑐰𑐫𑐾 𑐩𑐶𑐮𑐾 𑐩𑐖𑐹 𑑋 𑐕𑐵𑐫𑑂 𑐢𑐵𑑅𑐳𑐵 𑐀𑐣𑐮𑐵 𑐧𑐵𑐫𑑂 𑐣𑑂𑐴𑑄𑐮𑐵 𑐣𑑂𑐴𑑂𑐫𑐵𑐧𑐮𑐾𑑄 𑐕𑐐𑐹 𑐠𑐵𑐳𑐫𑑂 𑐖𑐎 𑐰𑐫𑐵 𑐔𑑂𑐰𑐣𑐷 𑐢𑐂𑐐𑐸 𑐩𑐡𑐸, 𑐀𑐥𑐶𑑄 𑐩𑐾𑐩𑐾𑐐𑐸 𑐩𑐴𑐶𑐣𑐵𑐫𑐵 𑐡𑐠𑐸𑐂, 𑐐𑐸𑐧𑐮𑐾𑑄 𑐐𑐣 𑐐𑐸𑐧𑐮𑐾𑑄 𑐐𑐣 𑐰𑐣𑐵𑐔𑑂𑐰𑐣𑐾 𑐦𑐸𑑋

𑐠𑐠𑐾 𑐀𑐣𑐮𑐵 (𑐀𑐢𑐶𑐎𑐩𑐵𑐳) 𑐧𑐵𑐫𑑂 𑐣𑑂𑐴𑑄𑐮𑐵 (𑐎𑑂𑐲𑐫𑐩𑐵𑐳) 𑐩𑐾𑐐𑐸 𑐮𑐵𑐫𑐵 𑐡𑐠𑐸𑐂 𑐔𑑂𑐰𑐣𑐷𑐧𑐮𑐫𑑂 𑐩𑐴𑐶𑐣𑐵𑐫𑐵 𑐎𑑂𑐬𑐩𑐳𑑄𑐏𑑂𑐫𑐵 𑐨𑑄𑐐 𑐖𑐹𑐰𑐣𑐷 𑐀𑐮𑐾 𑐴𑐶𑐳𑐵𑐧 𑐟𑐫𑐾𑐦𑐂 𑐩𑐏𑐸𑑋 𑐄𑐎𑐶𑑄 𑐠𑐸𑐥𑐶𑑄 𑐮𑐵 𑐟𑐫𑐾𑐐𑐸 𑐳𑑂𑐠𑐵𑐣 (Position) 𑐔𑑂𑐰𑐫𑐾𑐧𑐮𑐫𑑂 𑐠𑑂𑐰 𑐮𑐵 𑐢𑐸𑑄𑐎𑐵𑑅 𑐠𑐸𑐐𑐸 𑐮𑐵 𑐰𑑅𑐐𑐸 𑐏𑑅 𑐢𑐎𑐵𑑅 𑐧𑐵𑐫𑑂 𑐮𑐵𑐫𑐵 𑐠𑐵𑐫𑑂 (𑐳𑑂𑐠𑐵𑐣) 𑐥𑐎𑑂𑐎𑐵 (Fix) 𑐖𑐸𑐂𑐩𑐵𑑅 𑑋 𑐴𑐵𑐎𑐣𑑄 𑐠𑐸𑐎𑐶𑐫𑐵 𑐠𑐵𑐫𑑂 𑐥𑐎𑑂𑐎𑐵 𑐫𑐵𑐫𑐾𑐢𑐸𑑄𑐎𑐵𑑅 𑐣𑑄 𑐮𑐵𑐫𑐵 𑐎𑑂𑐬𑐩𑐧𑐡𑑂𑐢𑐟𑐵 𑐩𑐳𑑂𑐫𑑄𑐎 𑐕𑐐𑐹 𑐡𑑃𑐫𑐵 𑐣𑑂𑐴𑐶 𑐐𑐶𑐣𑑂𑐟𑐶 𑐣𑑄 𑐟𑐸𑐟𑐾 𑐩𑐖𑐸𑐳𑐾𑑄, 𑐡𑑀𑐴𑑀𑐬𑐾 𑐩𑐖𑐸𑐳𑐾𑑄 𑐩𑐶𑐮𑐾 𑐖𑐸𑐂𑐩𑐵𑑅 𑑋 𑐄𑐎𑐶𑑄 𑐠𑐣 𑐰 𑐣𑐶𑐐𑑅 𑐳𑐹𑐣𑑂𑐫𑐫𑐵 𑐠𑐵𑐳𑐫𑑂 𑐀𑐣𑐮𑐵 𑐰𑐮𑐎𑐶 𑑓 𑐀𑑄𑐎 𑐰 𑐣𑑂𑐴𑑄𑐮𑐵 𑐰𑐮𑐎𑐶 𑑔 𑐀𑑄𑐎 𑐔𑑂𑐰𑐫𑐵𑑅/𑐧𑐶𑐫𑐵𑑅 (Denote) 𑐫𑐵𑐫𑐾𑐐𑐸 𑐏𑑅 𑑋 𑐠𑑂𑐰 𑐥𑑂𑐬𑐎𑑂𑐬𑐶𑐫𑐵𑐟 𑐧𑐵𑑄𑐮𑐵𑐎 𑐠𑐸𑐂𑐎𑐾𑐟 𑐎𑑂𑐰𑐫𑑂 𑐡𑐳𑐸 𑐧𑐶𑐫𑐵𑐐𑐸 𑐡𑐸 𑑋

(2) = 𑐐𑐵𑑅 (𑐎𑐺𑐲𑑂𑐞𑐥𑐎𑑂𑐲) 𑑋

𑐡𑐳𑐸 𑑑, 𑐣𑐾.𑐳𑑄 𑑑𑑑𑑔𑑐 𑐧𑐮𑐫𑑂, 𑐫𑑄𑐮𑐵 𑐢𑐸𑑄𑐎𑐵𑑅 𑐀𑐣𑐮𑐵 𑐰𑑅𑐐𑐸 𑐡𑐸𑑋 𑐄𑐎𑐶𑑄 𑐀𑐣𑐮𑐵, 𑐠𑐥 𑐖𑐹𑐐𑐸 𑐀𑐣𑐮𑐵 (𑐀𑐢𑐶𑐎𑐩𑐵𑐳)𑐫𑐵 𑐠𑐵𑐫𑑂 (𑐳𑑂𑐠𑐵𑐣) 𑐢𑐫𑐵𑐐𑐸 𑐫𑑄𑐮𑐵 (𑑑𑑑) 𑐰 𑐎𑐄𑐮𑐵 (𑑑𑑒) 𑐮𑐵𑐫𑐵 𑐡𑐠𑐸𑐂 𑐮𑐵𑑅 𑐢𑐎𑐵𑑅 𑐎𑑂𑐫𑐣𑐾 𑐩𑐵𑑅𑐐𑐸 𑐡𑐸 𑑋 𑐠𑑂𑐰 𑐀𑐣𑐮𑐵 (𑐀𑐢𑐶𑐎𑐩𑐵𑐳) 𑐎𑑂𑐫𑐣𑐾𑐟 𑐣𑐶𑐐𑑅 𑐳𑐹𑐣𑑂𑐫 𑐩𑐢𑑂𑐫𑐾 𑐣𑑂𑐴𑑂𑐫𑑅𑐣𑐾𑐫𑐵 𑐳𑐹𑐣𑑂𑐫𑐫𑐵 𑐠𑐵𑐳𑐫𑑂 𑑓 𑐔𑑂𑐰𑐫𑐵𑑅 𑐫𑑄𑐮𑐵 𑐢𑐸𑑄𑐎𑐵𑑅𑐫𑐵 𑐀𑐣𑐮𑐵 𑐏𑑅 𑐢𑐎𑐵𑑅 𑐠𑐵𑐫𑑂 (𑐳𑑂𑐠𑐵𑐣) 𑐥𑐎𑑂𑐎𑐵 𑐫𑐵𑐂 𑑋 𑐐𑐠𑐾𑐎𑐶, 𑑑𑑑𑑔𑑐 𑐀𑐣𑐮𑐵𑐐𑐵𑑅 𑐥𑐣𑑂𑐔𑐩𑐶 𑐧𑐸𑐢𑐧𑐵𑑅𑐫𑐵𑐟 𑐎𑐩𑑂𑐥𑑂𑐫𑐹𑐚𑐬 𑐨𑐵𑐳𑑄 𑐎𑑀𑐜𑐶𑐒𑑂𑐐 𑑑𑑑𑑔𑑐/𑑑𑑑𑑓𑑒/𑑕𑑔 (1140.1132.54) 𑐫𑐵𑐟 𑐜𑐶𑐎𑑀𑐜𑐶𑐒𑑂𑐐 𑐠𑐠𑐾 𑐔𑑂𑐰𑐂 𑑑𑑑𑑔𑑐/𑑑𑑑𑑓𑑐𑑒/𑑐𑑕𑑐𑑔 (1140.11302.0504)

𑐡𑐳𑐸 𑑒, 𑐫𑐡𑐶 𑐀𑐣𑐮𑐵 𑐰 𑐣𑑂𑐴𑑄𑐮𑐵 𑐕𑐐𑐹 𑐴𑐾 𑐡𑑃𑐫𑑂 𑐰𑐮 𑐢𑐵𑑅𑐳𑐵 𑐧𑐵𑐫𑑂 𑐣𑑂𑐴𑑄𑐮𑐵 𑐢𑐸𑑄𑐎𑐵𑑅 𑐀𑐣𑐮𑐵 𑐕𑐳𑐶𑐎𑐠𑑄 𑐰𑐮 𑐢𑐵𑑅𑐳𑐵 𑐗𑐷𑐳𑑄 𑐀𑐥𑐶𑑄 𑐮𑐵𑐫𑐵 𑐳𑑂𑐠𑐵𑐣 𑐥𑐎𑑂𑐎𑐵 𑐖𑐸𑐂𑐎 𑐎𑑂𑐫𑐣𑐾 𑐴𑐾 𑐩𑐵𑑅 𑑋 𑐡𑐳𑐸 𑐣𑐾.𑐳𑑄. 𑑑𑑑𑑐𑑓 𑐧𑐮𑐫𑑂 𑐠𑐶𑑄𑐮𑐵 𑐢𑐸𑑄𑐎𑐵𑑅 𑐣𑑂𑐴𑑄𑐮𑐵 𑐰𑐮, 𑐣𑑂𑐴𑑄𑐮𑐵 𑐢𑐸𑑄𑐎𑐵𑑅 𑐀𑐣𑐮𑐵 𑐰𑐮, 𑐀𑐮𑐾 𑐔𑐶𑐮𑑂𑐮𑐵 𑐮𑐵𑑅 𑐰𑑅𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐠𑐣 𑐥𑑂𑐰𑐴𑐾𑐮𑐵 𑐰 𑐳𑐶𑐮𑑂𑐮𑐵 𑐮𑐵 𑐟𑐣𑐵𑑅 𑐡𑑃𑐫𑐵 𑐐𑐶𑐣𑑂𑐟𑐶 𑑑𑑒 𑐮𑐵 𑐮𑑂𑐫𑐵𑑅 𑐴𑐾 𑐖𑐸𑐮 𑑋

𑐠𑐶𑑄𑐮𑐵 𑐢𑐸𑑄𑐎𑐵𑑅 𑐰𑑅𑐐𑐸 𑐣𑑂𑐴𑑄𑐮𑐵𑐫𑐵𑐟 𑐔𑑂𑐰𑐫𑐵𑑅 𑐎𑑂𑐫𑐣𑐾𑐟 𑐣𑐾.𑐳𑑄. 𑑑𑑑𑑐𑑓 𑐣𑑂𑐴𑑄𑐮𑐵𑐐𑐵𑑅 𑐔𑐟𑐸𑐬𑑂𑐠𑐶 𑐩𑑄𑐐𑐮𑐧𑐵𑑅𑐫𑐵𑐟 𑐎𑑀𑐜 𑑑𑑑𑑐𑑓/𑑒𑑔𑑒/𑑔𑑓 𑐫𑐵𑐟 𑐜𑐶𑐎𑑀𑐜 𑑑𑑑𑑐𑑓/𑑐𑑒𑑔𑑐𑑒/𑑐𑑔𑑐𑑓 𑐔𑑂𑐰𑐫𑐾𑐩𑐵𑑅 𑑋 𑐰 𑐴𑐾 𑐳𑑄𑐰𑐟𑐫𑑂 𑐥𑑂𑐰𑐴𑐾𑐮𑐵𑐫𑐵 𑐠𑐵𑐳𑐫𑑂 𑐣𑑂𑐴𑑄𑐮𑐵 𑐰𑐮, 𑐰 𑐢𑐸𑑄𑐎𑐵𑑅 𑐀𑐣𑐮𑐵 𑐖𑐹𑐰𑐣, 𑐣𑐾.𑐳𑑄. 𑑑𑑑𑑐𑑓 𑐀𑐣𑐮𑐵𑐐𑐵𑑅 𑐲𑐲𑑂𑐛𑐶 𑐱𑐣𑐶𑐧𑐵𑑅𑐫𑐵𑐟 𑐎𑑀𑐜 𑑑𑑑𑑐𑑓/𑑒𑑔𑑓𑑒/𑑖𑑗 𑐰 𑐜𑐶𑐎𑑀𑐜 𑑑𑑑𑑐𑑓/𑑐𑑒𑑔𑑓𑑒/𑑐𑑖𑑐𑑗 𑐔𑑂𑐰𑐫𑐾𑐩𑐵𑑅 𑑋

𑐀𑐣𑐮𑐶𑑄 𑐔𑐶𑐮𑑂𑐮𑐵 𑐮𑐵 𑐱𑐸𑐬𑐸 𑐖𑐸𑐮 𑐣𑐾.𑐳𑑄. 𑑑𑑑𑑐𑑓 𑐔𑐶𑐮𑑂𑐮𑐵𑐠𑑂𑐰𑑅 𑐥𑐵𑐬𑐸 𑐩𑑄𑐐𑐮𑐧𑐵𑑅, 𑐰𑐂𑐟 𑐠𑐠𑐾 𑐎𑑀𑐜 𑑑𑑑𑑐𑑓/𑑕𑑑/𑑑𑑓 𑐰 𑐜𑐶𑐎𑑀𑐜 𑑑𑑑𑑐𑑓/𑑐𑑕𑑐𑑐𑑑/𑑐𑑑𑑐𑑓 𑐔𑑂𑐰𑐫𑐾𑐩𑐵𑑅𑐐𑐸 𑐖𑐸𑐮 𑑋 (𑐣𑐾.𑐳𑑄 𑑑𑑑𑑐𑑓 𑐫𑐵 𑐟𑐶𑐠𑐶𑐮𑑂𑐫𑐵𑑅 𑐱𑐵𑐎𑑂𑐫 𑐥𑑂𑐬𑐾𑐳 𑐰 𑐧𑐸𑐡𑑂𑐢 𑐖𑐫𑐣𑑂𑐟𑐶 𑐳𑐩𑐵𑐬𑑀𑐴 𑐳𑐩𑐶𑐟𑐶 𑑒𑑕𑑒𑑖 𑐥𑐶𑐠𑐣𑐵𑐟𑑅𑐐𑐸 𑐩𑑂𑐴𑐶𑐔𑐵𑐥𑐵𑐟𑑂𑐬𑑀𑐫𑐵 𑐮𑐶𑐢𑑄𑐳𑐵𑐫𑑂 𑐎𑐫𑐵𑐐𑐸 𑐖𑐸𑐮 𑑋)

𑐫𑐡𑐶 𑐐𑐸𑐧𑐮𑐾𑑄 𑐀𑐣𑐮𑐵 𑐰 𑐣𑑂𑐴𑑄𑐮𑐵 𑐕𑐐𑐹 𑐴𑐾 𑐡𑑄𑑃 𑐡𑐸𑐣𑐾 𑐧𑐶𑐳𑑂𑐎𑑄 𑐧𑐶𑐳𑑂𑐎𑑄 𑐮𑐵𑐫𑐵 𑐡𑐠𑐸𑐂 𑐮𑐵𑐟 𑐢𑐵𑑅𑐳𑐵 𑐰𑐫𑐵𑐟 𑐔𑑂𑐰𑐫𑑂𑐔𑑂𑐰𑑄𑐐𑐸 𑐀𑐣𑐮𑐵 𑐡𑐠𑐸𑐂 𑐮𑐵𑑅𑐰𑑅𑐐𑐸 𑐡𑐳𑐸 𑑑 𑐠𑐾𑑄 𑐫𑐵𑐣𑐵𑑅 𑐟𑐶𑐠𑐶 𑐔𑑂𑐰𑐫𑐾𑐩𑐵𑑅 𑑋

𑐡𑐶𑑄 = (05)(0)(7)

𑐠𑐸𑐎𑐷,

(5) = 𑐥𑐣𑑂𑐔𑐩𑐶 (𑐠𑑂𑐰 𑐳𑑂𑐠𑐵𑐣 𑐢𑐫𑐵𑐐𑐸 𑐥𑐵𑐬𑐸 (𑑑) 𑐣𑐶𑐳𑐾𑑄 𑐥𑐸𑐣𑑂𑐴𑐶/𑐁𑐩𑐵𑐂 (𑑑𑑕) 𑐟𑐎𑐫𑐵𑐠𑐵𑐫𑑂 (𑐳𑑂𑐠𑐵𑐣) 𑐏𑑅 )
(0) = 𑐮𑐵 𑐡𑐸𑐣𑐾 𑐣𑐶𑐣𑑂𑐴𑐸𑐫𑑄𑐎𑑄 𑐕𑐐𑐹 𑐴𑐾 𑐟𑐶𑐠𑐶 𑐡𑑀𑐴𑑀𑐬𑐾 𑐖𑐸𑐂𑐐𑐸 𑐀𑐰𑐳𑑂𑐠𑐵𑐫𑑂 𑐠𑑂𑐰 𑐳𑑂𑐠𑐵𑐣𑐫𑑂 𑑙 𑐔𑑂𑐰𑐫𑐾𑐐𑐸 𑐖𑐸𑐂,
(7) = 𑐱𑐣𑐶𑐧𑐵𑑅 (𑐠𑑂𑐰 𑐧𑐵𑑅𑐫𑐵 𑐠𑐵𑐫𑑂 (𑐳𑑂𑐠𑐵𑐣)𑐏𑑅 𑑋 𑐠𑑂𑐰 𑐠𑐵𑐫𑑂𑐢𑐫𑐵𑐐𑐸 𑑑𑐣𑐶𑐳𑐾𑑄 𑑗 𑐟𑐎 𑐖𑐎 𑐳𑐶𑐩𑐶𑐟 𑐖𑐸𑐂)

𑐮𑐵 𑐡𑐸𑐣𑐾 𑐟𑐶𑐠𑐶 𑐟𑐣𑐷𑐐𑐸, 𑐡𑑀𑐴𑑀𑐬𑐾 𑐖𑐸𑐂𑐐𑐸, 𑐕𑐣𑑂𑐴𑐸 𑐴𑐾 𑐣𑐶𑐐𑐹 𑐟𑐶𑐠𑐶𑐟 𑐮𑐵𑑅 𑐰𑐂𑐐𑐸 𑐁𑐡𑐶 𑐀𑐰𑐳𑑂𑐠𑐵𑐫𑑂 𑐎𑐩𑑂𑐥𑑂𑐫𑐹𑐚𑐬 𑐨𑐵𑐳𑑄 (𑐜𑐶𑐎𑑀𑐜𑐶𑐒𑑂𑐐) 𑐣𑑂𑐴𑐶𑐫𑐵𑐟 𑐠𑐠𑐾 𑐩𑐶𑐮𑐾 𑐫𑐵𑐣𑐵𑑅 𑐔𑑂𑐰𑐫𑐾 𑐩𑐵𑐮𑐷𑐐𑐸 𑐀𑐰𑐳𑑂𑐠𑐵𑐫𑐵 𑐡𑐳𑐸 𑐧𑐶𑐫𑐵𑑅 𑐎𑑂𑐫𑐣𑐾-

𑐡𑐳𑐸 𑑑, 𑐫𑐡𑐶 𑐟𑐶𑐠𑐶 𑐟𑐣 𑐢𑐵𑑅𑐳𑐵 : 𑐣𑐾.𑐳𑑄. 𑑑𑑑𑑒𑑖 𑐔𑐶𑐮𑑂𑐮𑐵𑐐𑐵𑑅 𑐀𑐳𑑂𑐟𑐩𑐶 𑐧𑐶𑐴𑐶𑐰𑐵𑑅𑐫𑐵 𑐣𑑂𑐴𑐶 𑐢𑐸𑑄𑐎𑐵𑑅 𑐱𑐸𑐎𑑂𑐬𑐧𑐵𑑅 𑐡𑐱𑐩𑐶 𑐖𑐸𑐫𑐵𑐔𑑂𑐰𑐣, 𑐠𑐣 𑐣𑐰𑐩𑐶 𑐟𑑄𑐐𑐸 𑐖𑐸𑐮 𑑋 𑐄𑐎𑐶𑐫𑐵𑐟 𑐎𑑂𑐬𑐩𑐱𑑅 𑐎𑑀𑐜 𑐣𑐾.𑐳𑑄. 𑑑𑑑𑑒𑑖/𑑕𑑒/𑑘𑑕 𑐰 𑑑𑑑𑑒𑑖/𑑕𑑒/𑑑𑑐𑑖 𑐏𑑅𑐳𑐵 𑐜𑐶𑐎𑑀𑐜 𑐣𑐾.𑐳𑑄. 𑑑𑑑𑑒𑑖/𑑐𑑕𑑐𑑐𑑒/𑑐𑑘𑑐𑑕 𑐰 𑑑𑑑𑑒𑑖/𑑐𑑕𑑐𑑐𑑒/𑑑𑑐𑑐𑑖 𑐔𑑂𑐰𑐫𑐾𑐩𑐵𑑅 𑑋 𑐠𑐣 𑐣𑑂𑐴𑐶 𑐣𑐰𑐩𑐶 𑐟𑑄𑐐𑐸 𑐏𑑃 𑐳𑑂𑐥𑐲𑑂𑐚 𑐫𑐵𑐫𑐾𑐟 𑐧𑐵𑐬𑑄 𑐐𑑂𑐰𑐵𑐴𑐵𑐮𑐶 𑐫𑐵𑐂 𑐄𑐎𑐶𑑄 𑐣𑐾𑐥𑐵𑐮 𑐳𑑄𑐰𑐟 𑐕𑑂𑐫𑐮𑐾𑐧𑐮𑐫𑑂 𑐟𑐶𑐠𑐶 𑐧𑐵𑑅 𑐀𑐣𑐶𑐰𑐵𑐬𑑂𑐫 𑐎𑐠𑑄 𑐔𑑂𑐰𑐫𑐾𑐩𑐵𑑅 𑑋

𑐡𑐳𑐸 𑑒, 𑐫𑐡𑐶 𑐟𑐶𑐠𑐶 𑐕𑐣𑑂𑐴𑐸𑑄 𑐴𑐾 𑐣𑐶𑐐𑐹 𑐟𑐶𑐠𑐶 𑐮𑐵𑐟 𑐢𑐵𑑅𑐳𑐵 : 𑐟𑐶𑐠𑐶 𑐕𑐣𑑂𑐴𑐸𑑄 𑐴𑐾 𑐣𑐶𑐐𑐹 𑐟𑐶𑐠𑐶 𑐮𑐵𑐫𑐾𑐐𑐸 𑐢𑐫𑐵𑐐𑐸 𑐳𑐸𑐠𑐫𑐵 𑐃 𑐟𑐎 𑐣𑑂𑐴𑐵𑐥𑐵𑐫𑐵 𑐟𑐶𑐠𑐶𑐫𑐵 𑐣𑐶𑐬𑐣𑑂𑐟𑐬𑐟𑐵 𑐏𑑅 𑐟𑐬 𑐣𑑂𑐴𑐶𑐣𑐫𑑂 𑐮𑐶𑐥𑐵, 𑐃 𑐢𑐫𑐵𑐐𑐸 𑐠𑑁𑑄𑐫𑐵 𑐩𑐾𑐐𑐸 𑐣𑑂𑐴𑐹𑐐𑐸 𑐟𑐶𑐠𑐶 𑐏𑑅 𑐢𑐎𑐵𑑅 𑐢𑐵𑑅𑐐𑐸 𑐏𑑅 𑑋 𑐠𑐣 𑐕𑐣𑑂𑐴𑐸𑐫𑐵 𑐟𑐶𑐠𑐶 𑐟𑑄𑐐𑐸 𑐧𑐬𑐵𑐧𑐬 𑐠𑐾𑑄 𑐏𑑅 𑑋 𑐄𑐎𑐶𑑄 𑐠𑐣 (𑐔𑑂𑐰𑐫𑑂 𑐢𑐵𑑅𑐠𑐾𑑄) 𑐟𑐶𑐠𑐶 𑐟𑑄𑐐𑐸 𑐟𑐬𑐶𑐎𑐵𑑄 𑐣𑑂𑐴𑐶𑐮𑑂𑐫𑐵𑑅 𑐔𑑂𑐰𑐫𑐾𑐩𑐵𑑅 𑑋

𑐡𑐳𑐸 𑑓, 𑐫𑐡𑐶 𑐟𑐶𑐠𑐶 𑐡𑑀𑐴𑑀𑐬𑐾 𑐖𑐸𑐮 𑐢𑐵𑑅𑐳𑐵 : 𑐣𑐾.𑐳𑑄. 𑑑𑑑𑑒𑑖 𑐠𑐶𑑄𑐮𑐵𑐐𑐵𑑅 𑐳𑐥𑑂𑐟𑐩𑐶 𑐰𑐶𑐴𑐶𑐧𑐵𑑅 𑐫𑐵 𑐎𑑀𑐜 𑐣𑐾.𑐳𑑄. 𑑑𑑑𑑒𑑖/𑑒𑑒/𑑗𑑕 𑐏𑑅𑐳𑐵 𑐜𑐶𑐎𑑀𑐜 𑐣𑐾.𑐳𑑄. 𑑑𑑑𑑒𑑖/𑑐𑑒𑑐𑑐𑑒/𑑐𑑗𑑐𑑕 𑐏𑑅 𑑋 𑐠𑑂𑐰 𑐰𑐶𑐴𑐶𑐧𑐵𑑅 𑐣𑑂𑐴𑐶 𑐢𑐸𑑄𑐎𑐵𑑅 𑐱𑐸𑐎𑑂𑐬𑐧𑐵𑑅 𑐣𑑄 𑐳𑐥𑑂𑐟𑐩𑐶 𑐴𑐾 𑐮𑐵𑑅𑐰𑑅𑐐𑐸 𑐖𑐸𑐫𑐵𑐔𑑂𑐰𑐣𑑋 𑐠𑐣 𑐳𑐥𑑂𑐟𑐩𑐶 𑐟𑐶𑐠𑐶 𑐰𑐶𑐴𑐶𑐧𑐵𑑅 𑐰 𑐱𑐸𑐎𑑂𑐬𑐧𑐵𑑅 𑐣𑐶𑐣𑑂𑐴𑐸 𑐣𑑄 𑐳𑐥𑑂𑐟𑐩𑐶 𑐡𑑀𑐴𑑀𑐬𑐾 𑐖𑐸𑐫𑐵𑐔𑑂𑐰𑐣𑑋 𑐠𑐣 𑐱𑐸𑐎𑑂𑐬𑐧𑐵𑑅 𑐳𑐥𑑂𑐟𑐩𑐶 𑐢𑐸𑑄𑐎𑐵𑑅 𑑙 𑐀𑑄𑐎 𑐔𑑂𑐰𑐫𑐵𑑅 𑐣𑐶𑐣𑑂𑐴𑐸 𑐟𑐶𑐠𑐶 𑐡𑑀𑐴𑑀𑐬𑐾 𑐖𑐸𑐮 𑐢𑐎𑐵𑑅 𑐠𑐠𑐾 𑐎𑑀𑐜 𑐣𑐾.𑐳𑑄. 𑑑𑑑𑑒𑑖/𑑒𑑒/𑑗𑑙𑑒𑑖 𑐀𑐮𑐾 𑐜𑐶𑐎𑑀𑐜 𑐣𑐾.𑐳𑑄. 𑑑𑑑𑑒𑑖/𑑐𑑒𑑐𑑐𑑒/𑑐𑑗𑑙𑑒𑑖 𑐎𑑂𑐫𑐣𑐾𑐐𑐸 𑐫𑐵𑐫𑐾𑐩𑐵𑑅 𑑋

𑐎𑑂𑐰𑑅𑐕𑐶𑐣𑐵 𑐏𑑃 : 𑐣𑐾𑐥𑐵𑐮 𑐳𑑄𑐰𑐟 𑐗𑐷𑐐𑐸 𑐩𑑁𑐮𑐶𑐎 𑐳𑐩𑑂𑐥𑐟𑐶 𑐖𑐎 𑐩𑐏𑐸 𑐠𑑂𑐰 𑐬𑐵𑐲𑑂𑐚𑑂𑐬𑐶𑐫/𑐀𑐣𑑂𑐟𑐬𑐵𑐲𑑂𑐚𑑂𑐬𑐶𑐫 𑐳𑑄𑐰𑐟 𑐏 𑑋 𑐄𑐎𑐶𑑄 𑐠𑑂𑐰 𑐳𑑄𑐰𑐟 𑐃𑐎𑐠𑑄 𑐧𑑂𑐫𑐰𑐴𑐵𑐬𑐫𑑂 𑐕𑑂𑐫𑐮𑐾𑐟 𑐰 𑐀𑐦𑐶𑐳𑐫𑑂 𑐣𑑄 𑐕𑑂𑐫𑐮𑐾𑐟 𑐣𑑂𑐴𑐶 𑐩𑐟𑑄𑐎 𑐎𑐕𑐮𑐵𑐣𑐶𑐳𑐾𑑄 𑐎𑐄𑐮𑐵𑐟𑐎 𑐟𑐶𑐠𑐶 𑐔𑑂𑐰𑐫𑐾𑐐𑐸 𑐎𑑀𑐜𑐶𑐒𑑂𑐐 𑐰 𑐜𑐶𑐎𑑀𑐜𑐶𑐒𑑂𑐐 𑐰𑐶𑐎𑐵𑐳 𑐖𑐹𑐐𑐸 𑐖𑐸𑐮 𑑋

𑐀𑐗 𑐮𑑂𑐫𑑄 𑐡𑐣𑐶𑐐𑐸 𑐖𑑂𑐫𑐵 𑐢𑐫𑐵𑐐𑐸, 𑐎𑐩𑑂𑐥𑑂𑐫𑐸𑐚𑐬 𑐥𑑂𑐬𑐞𑐵𑐮𑐷𑑄 𑐃𑐳𑑂𑐰𑐷 𑐳𑑄𑐰𑐟, 𑐰𑐶𑐎𑑂𑐬𑐩 𑐳𑑄𑐰𑐟 𑐁𑐡𑐶 𑐩𑐾𑐩𑐾𑐐𑐸 𑐣𑐐𑐸𑐩𑐵𑑄 (𑐎𑑂𑐫𑐵𑐮𑐾𑐣𑑂𑐜𑐬)𑐟 𑐣𑐵𑐥 𑐮𑑂𑐰𑐵𑐎𑐵𑑅 𑐣𑑂𑐴𑐶 𑐴𑐶𑐮𑐾𑐐𑐸 𑐳𑐸𑐟𑑂𑐬 𑐡𑐫𑐾𑐎𑐵𑑅 𑐴𑐶𑐮𑐾𑐐𑐸 𑐊𑐥𑑂𑐳 (Conversion Apps) 𑐟𑐫𑐵𑐬 𑐫𑐵𑐫𑐾𑐩𑐵𑐣𑐶𑑋 𑐰 𑐊𑐥𑑂𑐳 𑐰𑐶𑐎𑐵𑐳 𑐫𑐵𑐫𑐾𑐐𑐸 𑐖𑑂𑐫𑐵 𑐣𑑄 𑐣𑑂𑐴𑑂𑐫𑐵𑐎𑐾𑐐𑐸 𑐎𑐸𑐟𑑅 𑐫𑐵𑐣𑐵 𑐔𑑂𑐰𑐣𑐵𑐐𑐸 𑐡𑐸𑑋 𑐣𑐾𑐥𑐵𑐮 𑐳𑑄𑐰𑐟 𑐟𑐶𑐠𑐶 𑐎𑑀𑐜𑐶𑐒𑑂𑐐 𑐰 𑐜𑐶𑐎𑑀𑐜𑐶𑐒𑑂𑐐 (𑐣𑐾𑐳𑐟𑐶𑐎𑑀𑐜𑐶) 𑐀𑐣𑐸𑐳𑐵𑐬 𑐳𑑄𑐰𑐟 𑑑𑑑𑑔𑑐 𑐰 𑑑𑑑𑑐𑑓 𑐫𑐵 𑐡𑑃 𑐡𑐸𑐕𑐶𑐫𑐵 𑐟𑐶𑐠𑐶 𑐎𑐩𑑂𑐥𑑂𑐫𑐸𑐚𑐬𑐫𑐵 𑐊𑐎𑑂𑐳𑐫𑑂𑐮𑐫𑑂 (Excell) 𑐟𑐫𑐵𑑅 𑐔𑐾𑐎 𑐫𑐵𑐣𑐵𑑅 𑐠𑑂𑐰 𑐜𑐶𑐎𑑀𑐜𑐶𑑄𑐐 𑐥𑐵𑐫𑑂𑐕𑐶𑐖𑐹 𑐢𑐫𑐵𑐐𑐸 𑐥𑑂𑐬𑐩𑐵𑐞𑐶𑐟 𑐫𑐵𑐣𑐵𑑅 𑐳𑑂𑐰𑐫𑐵𑐐𑐸 𑐖𑐸𑐮 𑑋

𑐨𑐮𑐳𑐵 : 𑐣𑐾𑐥𑐵𑐮 𑐳𑑄𑐰𑐟𑐫𑐵𑐟 𑐎𑐩𑑂𑐥𑑂𑐫𑐸𑐚𑐬 𑐥𑑂𑐬𑐞𑐵𑐮𑐷𑐂 𑐡𑐸𑐠𑑂𑐫𑐵𑐎𑐾 𑐦𑐟 𑐢𑐵𑑅𑐳𑐵 𑐟𑑅𑐢𑑄𑐐𑐸 𑐴𑐾 𑐬𑐵𑐲𑑂𑐚𑑂𑐬𑐶𑐫/𑐀𑐣𑑂𑐟𑐬𑐵𑐲𑑂𑐚𑑂𑐬𑐶𑐫 𑐳𑐦𑐮𑐟𑐵 𑐖𑐸𑐂𑐐𑐸 𑐏𑐣𑐵 𑑋 𑐩𑐾𑐩𑐾𑐐𑐸 𑐡𑐾𑐫𑑂 (𑐐𑐠𑐾- 𑐔𑐷𑐣, 𑐩𑐸𑐳𑑂𑐩𑐵𑑄 𑐡𑐾𑐫𑑂, 𑐃𑐖𑐬𑐵𑐃𑐮 𑐁𑐡𑐶) 𑐣𑑄 𑐟𑐶𑐩𑐶𑐮𑐵𑐫𑐵 𑐎𑑂𑐫𑐵𑐮𑐾𑐣𑑂𑐜𑐬 𑐕𑑂𑐫𑐮𑐵𑐔𑑂𑐰𑑄𑐐𑐸 𑐡𑐸 𑑋 𑐫𑐡𑐶 𑐩𑐾𑐥𑐶𑐳𑑄 𑐟𑐶𑐩𑐶𑐮𑐵 𑐎𑑂𑐫𑐵𑐮𑐾𑐣𑑂𑐡𑐬 𑐣𑑄 𑐳𑐸𑐬𑑂𑐡𑑂𑐫𑑅 𑐎𑑂𑐫𑐵𑐮𑐾𑐣𑑂𑐜𑐬 𑐠𑐾𑑄 𑑓𑑐 𑐣𑑂𑐴𑐶𑐫𑐵 𑐮𑑂𑐫𑐵𑑅𑐎𑐠𑑄 𑐕𑑂𑐫𑐮𑐵𑐔𑑂𑐰𑑄𑐐𑐸 𑐏𑑅𑐳𑐵 𑐠𑑂𑐰 𑐣𑐾𑐥𑐵𑐮 𑐳𑑄𑐰𑐟𑐫𑐵 𑐜𑐶𑐎𑑀𑐜𑐶𑐒𑑂𑐐 𑐥𑑂𑐬𑐫𑑀𑐐 𑐫𑐵𑐣𑐵𑑅 𑐴𑐮𑐶𑑄𑐫𑑄𑐎𑑄 𑐟𑐶𑐩𑐶𑐮𑐵 𑐎𑑂𑐫𑐵𑐮𑐾𑐣𑑂𑐜𑐬 𑐀𑑅𑐥𑐸𑐎 𑐕𑑂𑐫𑐮𑐾𑐐𑐸 𑐳𑐸𑐟𑑂𑐬 𑐧𑐷 𑐢𑐂𑐐𑐸 𑐩𑐣𑑄𑐟𑐸𑐣𑐵 𑑋 𑐠𑑂𑐰 𑐣𑐾𑐥𑐵𑐮 𑐳𑑄𑐰𑐟 𑐟𑐶𑐠𑐶𑐫𑐵 𑐎𑑀𑐜𑐶𑐒𑑂𑐐 𑐰 𑐜𑐶𑐎𑑀𑐜𑐶𑐒𑑂𑐐 (𑐣𑐾𑐳𑐟𑐶𑐎𑑀𑐜𑐶)𑐫𑐵 𑐳𑐸𑐟𑑂𑐬𑐫𑐵 𑐀𑐠𑑀𑐬𑐶𑐟𑐶 𑑙𑐧𑑂𑐐𑐟𑐖𑐫𑐔𑐲𑑂𑐟𑐠𑑐 𑐔𑑂𑐰𑐩𑐶𑐫𑐵𑐎𑐾 𑐳𑐸𑐬𑐎𑑂𑐲𑐶𑐟 𑐖𑐸𑐂 𑑋 𑐠𑐸𑐎𑐶𑑄 𑐩𑐣𑐹𑐟𑐫𑑂𑐐𑐸 𑐩𑑂𑐰𑐵𑐫𑐾𑐐𑐸 𑐣𑐷𑐟𑐶, 𑐳𑑄𑐳𑑂𑐎𑐵𑐬 𑐁𑐡𑐶 𑐡𑐎𑑂𑐰𑑄𑐮𑐷 𑐕𑐔𑐵𑑅𑐏𑑂𑐫𑐬𑑄 𑐨𑐶𑑄𑐎𑐵𑑅 𑐴𑐮𑐶𑐩𑐫𑑂 𑐴𑑂𑐫𑐹𑐥𑐵𑑅 𑐴𑐂 𑐢𑐫𑐵𑐐𑐸 𑐩𑐣𑑄𑐟𑐸𑐣𑐵 𑑋

𑐳𑐸𑐨𑐵𑐫𑑂 𑐡𑐾𑐕𑐵𑐣𑐵 : 𑐣𑑂𑐴𑐵𑐥𑐵𑑄𑐐𑐸 𑐎𑐸𑐟𑑅𑐫𑐵 𑐡𑐠𑐸𑐂 𑐠𑐸𑐐𑐸 𑐔𑑂𑐰𑐳𑐸𑐂 𑐀𑐗 𑐣𑑄 𑐠𑐷 𑐠𑐷 𑐠𑐵𑐳𑐫𑑂 𑐡𑑂𑐰𑐣𑐵𑐔𑑂𑐰𑑄𑐐𑐸 𑐡𑐫𑐾𑐦𑐸 𑑋 𑐖𑑂𑐫𑐵 𑐣𑑂𑐴𑑂𑐫𑐵𑐣𑐵𑐰𑑄 𑐮𑐶𑐳𑐾 𑐨𑐶𑑄𑐎𑐵𑐰𑑄 𑐰𑐣𑐾𑐐𑐸 𑐖𑐸𑐂 𑑋 𑐣𑐾𑐥𑐵𑐮 𑐳𑑄𑐰𑐟 𑐟𑐶𑐠𑐶𑐫𑐵 𑐎𑑀𑐜𑐶𑐒𑑂𑐐 𑐰 𑐜𑐶𑐎𑑀𑐜𑐶𑐒𑑂𑐐 (𑐣𑐾𑐳𑐟𑐶𑐎𑑀𑐜𑐶) 𑐠𑑂𑐰 𑐔𑑂𑐰𑐳𑐸 𑐧𑑂𑐰𑐣𑐵𑑅 𑐡𑑂𑐰𑑄𑐠𑐵𑐫𑑂 𑐳𑐸𑐢𑐵𑐬 𑐫𑐵𑐫𑐾𑐟 𑐳𑐸𑐗𑐵𑐰 𑐧𑐶𑐫𑐵𑑅 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐥𑐶𑑄 𑐜𑐵. 𑐎𑐾𑐡𑐵𑐬 𑐩𑐵𑐣𑐣𑑂𑐢𑐬, 𑐥𑑂𑐬𑐵.𑐜𑐵. 𑐎𑐺𑐲𑑂𑐞𑐡𑐵𑐳 𑐩𑐵𑐣𑐣𑑂𑐢𑐬 𑐰 𑐎𑐩𑑂𑐥𑑂𑐫𑐹𑐚𑐬 𑐃𑐣𑑂𑐖𑐶𑐣𑐶𑐫𑐬 𑐡𑐶𑐥𑐶𑐣𑑂𑐟𑐷 𑐩𑐵𑐣𑐣𑑂𑐢𑐬𑐫𑐵𑐟 𑐳𑐸𑐨𑐵𑐫𑑂 𑑋 𑐀𑐠𑐾 𑐴𑐾 𑐟𑐶𑐠𑐶 𑐳𑐩𑑂𑐧𑐣𑑂𑐢𑐶 𑐠𑑅𑐩𑑂𑐴𑑄𑐳𑑂𑐫𑐹𑐐𑐸 𑐏𑑃 𑐎𑐣𑐵𑑅 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐥𑐶𑑄 𑐱𑐵𑐣𑑂𑐟𑐥𑑂𑐬𑐎𑐵𑐳 𑐱𑑂𑐬𑐾𑐲𑑂𑐛, 𑐮𑐵𑐨𑐬𑐟𑑂𑐣 𑐟𑐸𑐮𑐵𑐢𑐬 𑐰 𑐩𑐵𑑄 𑐬𑐵𑐩𑐎𑐸𑐩𑐵𑐬𑐷𑐫𑐵𑐟 𑐣𑑄 𑐳𑐸𑐨𑐵𑐫𑑂 𑐡𑑂𑐫𑐕𑐵𑐣𑐵 𑑋