𑐣𑑂𑐴𑐹𑐡𑑃 𑐳𑐩𑐵𑐬𑑀𑐴 𑐳𑐩𑐶𑐟𑐶𑐫𑐵 𑐎𑑂𑐫𑐵𑐮𑐾𑐞𑑂𑐜𑐬

𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳) – 𑐣𑐾𑐥𑐵𑐮 𑐳𑑄𑐰𑐟𑑂 𑐬𑐵𑐲𑑂𑐚𑑂𑐬𑐶𑐫 𑐣𑑂𑐴𑐹𑐡𑑃 𑐳𑐩𑐵𑐬𑑀𑐴 𑐳𑐩𑐶𑐟𑐶-𑑑𑑑𑑔𑑑 𑐥𑐵𑐏𑐾𑑄 𑐠𑐸𑐐𑐸𑐳𑐷 𑐣𑑄 𑐣𑑂𑐴𑐹𑐡𑑃𑐫𑐵 𑐮𑐳𑐟𑐵𑐫𑑂 𑐟𑐶𑐠𑐶𑐥𑑁 𑐥𑐶𑐠𑐣𑐷𑐐𑐸 𑐖𑐹𑐐𑐸 𑐡𑐸 𑑋 𑐳𑐩𑐶𑐟𑐶𑑄 𑐡𑑃𑐫𑑂𑐡𑐳𑑄 𑐠𑐾𑑄 𑐠𑐸𑐐𑐸𑐳𑐷 𑐣𑑄 𑐣𑐐𑐸𑐩𑐵 𑐀𑐬𑑂𑐠𑐵𑐟 𑐎𑑂𑐫𑐵𑐮𑐾𑐞𑑂𑐜𑐬 𑐥𑐶𑐠𑐣𑐾𑐟𑑂𑐫𑑄𑐐𑐸 𑐏𑑅 𑑋 𑐣𑑂𑐴𑐹𑐡𑑃𑐫𑐵 𑐮𑐳𑐟𑐵𑐫𑑂 𑐨𑐶𑑄𑐟𑐸𑐣𑐵 𑐬𑑂‍𑐫𑐵𑐮𑐷 𑐮𑐶𑐥𑐵 𑐧𑐳𑐣𑑂𑐟𑐥𑐸𑐮𑐶𑐂 𑐖𑐸𑐂𑐐𑐸 𑐨𑐶𑑄𑐟𑐸𑐣𑐵 𑐳𑐵𑐬𑑂𑐰𑐖𑐣𑐶𑐎 𑐳𑐨𑐵𑐫𑑂𑐩𑐹 𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐩𑑂𑐴 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑐥𑐵𑐏𑐾𑑄 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐫𑐾𑐐𑐸 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋

𑐳𑐩𑐶𑐟𑐶𑐫𑐵 𑐣𑐶𑑄𑐟𑐶𑑄 𑐟𑐶𑐠𑐶𑐥𑑁 𑐥𑐶𑐠𑐣𑐾𑐐𑐸 𑐟𑐫𑐵𑐬𑐷 𑐖𑐸𑐂𑐢𑐸𑑄𑐎𑐹𑐐𑐸 𑐟𑐶𑐠𑐶𑐥𑑁 𑐥𑑂𑐬𑐎𑐵𑐱𑐣 𑐄𑐥𑐳𑐩𑐶𑐟𑐶𑐫𑐵 𑐎𑐖𑐶 𑐡𑐾𑐰𑐡𑐵𑐳 𑐩𑐵𑐣𑐣𑑂𑐢𑐬𑑄 𑐎𑐣𑐵𑐡𑐷𑐐𑐸 𑐡𑐸 𑑋 𑐠𑐸𑐐𑐸𑐳𑐷 𑐥𑐶𑐠𑐣𑐾𑐟𑑂𑐫𑑄𑐐𑐸 𑐟𑐶𑐠𑐶𑐥𑐟𑐶𑐂 𑐟𑐶𑐠𑐶𑐩𑐶𑐟𑐶𑐫𑐵 𑐢𑐮𑑅𑐣𑐵𑐥𑑄 𑐣𑐾𑐥𑐵𑐮 𑐳𑑄𑐰𑐟𑑂 𑐟𑐶𑐠𑐶𑐥𑑁𑐫𑐵 𑐩𑐴𑐟𑑂𑐰 𑐣𑑄 𑐠𑐸𑐂𑐎𑐾𑐎𑐠𑑄 𑐰𑐶𑐱𑐾𑐲 𑐖𑐸𑐂𑐐𑐸 𑐳𑐩𑐶𑐟𑐶𑑄 𑐢𑐵𑑅𑐐𑐸 𑐡𑐸 𑑋 𑐣𑐾𑐥𑐵𑐮 𑐳𑑄𑐰𑐟𑑂𑐫𑐵 𑐩𑐴𑐟𑑂𑐰𑐫𑐵𑐟 𑐳𑐎𑐮 𑐣𑐾𑐥𑐵𑑅𑐩𑐶𑐥𑐶𑑄𑐳𑑄 𑐠𑐸𑐂𑐎𑐾 𑐦𑐫𑐾𑐩𑐵 𑐢𑐂𑐐𑐸 𑐮𑑂𑐫𑐵𑐏𑑄 𑐣𑐾𑐥𑐵𑐮𑐨𑐵𑐲𑐵, 𑐏𑐳 𑐰 𑐀𑑄𑐐𑑂𑐬𑐾𑐖𑐷 𑐳𑑂𑐰𑑄𑐐𑐹 𑐨𑐵𑐳𑑄 𑐳𑐵𑐩𑐵𑐖𑐶𑐎 𑐳𑑄𑐖𑐵𑐮𑐥𑐵𑐏𑐾𑑄 𑐥𑑂𑐬𑐔𑐵𑐬 𑐥𑑂𑐬𑐳𑐵𑐬 𑐣𑑄 𑐫𑐵𑐫𑐾𑐐𑐸 𑐐𑑂𑐰𑐳𑐵𑑅 𑐡𑐸𑐐𑐸 𑐳𑐩𑐶𑐟𑐶𑑄 𑐖𑐵𑐣𑐎𑐵𑐬𑐷 𑐧𑐶𑐄𑐐𑐸 𑐡𑐸 𑑋