𑐳𑐦𑐸𑐟𑐶𑐂 𑐔𑐶𑐣𑐶𑐫𑐵 𑐬𑐵𑐲𑑂𑐚𑑂𑐬𑐥𑐟𑐶𑐫𑐵 𑐣𑐾𑐥𑐵𑑅 𑐨𑑂𑐬𑐩𑐞
𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳) – 𑐔𑐶𑐣𑐶𑐫𑐵 𑐬𑐵𑐲𑑂𑐚𑑂𑐬𑐥𑐟𑐶 𑐳𑐷 𑐖𑐶𑐣𑐥𑐶𑐒𑑄 𑐣𑐾𑐥𑐵𑑅 𑐨𑑂𑐬𑐩𑐞 𑐫𑐵𑑅𑐐𑐸 𑐡𑐕𑐶 𑐥𑐹𑐰𑑄𑐐𑐸 𑐀𑐰𑐳𑐬𑐫𑑂 𑐮𑐵𑐎𑐵𑑅 ‘𑐥𑑂𑐬𑐾𑐳𑐶𑐜𑐾𑐞𑑂𑐚 𑐳𑐶 𑐖𑐶𑐗𑐦𑐶𑐒𑑂𑐳 𑐣𑐾𑐥𑐵𑐮 𑐨𑐶𑐖𑐶𑐚 : 𑐀 𑐥𑐶𑐎𑑂𑐚𑑀𑐬𑐶𑐫𑐮 𑐐𑐵𑐂𑐜’ 𑐳𑐦𑐹 𑐥𑐶𑐡𑑄𑐐𑐸 𑐡𑐸𑑋 𑐣𑐾𑐥𑐵𑐮-𑐔𑐵𑐂𑐣𑐵 𑐩𑐶𑐜𑐶𑐫𑐵 𑐦𑑀𑐬𑐩𑑄 𑐥𑐶𑐠𑑄𑐐𑐸 𑐄𑐐𑐸 𑐳𑐦𑐹 𑐥𑐸𑐮𑐵𑑄𑐩𑑂𑐴 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑐮𑐳𑐾𑑄 𑐣𑐾𑐎𑐥𑐵𑐫𑐵 𑐰𑐬𑐶𑐲𑑂𑐛 𑐣𑐾𑐟𑐵 𑐩𑐵𑐢𑐰𑐎𑐸𑐩𑐵𑐬 𑐣𑐾𑐥𑐵𑐮𑑄 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋
𑐖𑑂𑐫𑐵𑐗𑑂𑐰𑐮𑐫𑑂 𑐣𑐰𑐵𑐳𑐾𑑄 𑐥𑐵𑐬𑑂𑐚𑐷𑐫𑐵 𑐰𑐶𑐡𑐾𑐱 𑐰𑐶𑐨𑐵𑐐 𑐥𑑂𑐬𑐩𑐸𑐏 𑐟𑐎𑑄 𑐖𑐸𑐫𑐵𑐡𑐷𑐩𑑂𑐴 𑐣𑐾𑐥𑐵𑐮𑑄 𑐣𑐾𑐥𑐵𑑅 𑐰 𑐔𑐷𑐣𑐫𑐵 𑐳𑐩𑑂𑐧𑐣𑑂𑐢 𑐣𑑂𑐴𑑂𑐫𑐵𑐧𑐮𑐾𑑄 𑐴𑐵𑐬𑑂𑐡𑐶𑐎 𑐰 𑐳𑐸𑐩𑐢𑐸𑐬 𑐖𑐹𑐐𑐸 𑐏𑑃 𑐣𑑂𑐴𑑂𑐫𑐠𑑃𑐳𑐾𑑄 𑐠𑑂𑐰 𑐳𑐩𑑂𑐧𑐣𑑂𑐢𑐫𑐵𑐟 𑐀𑐗 𑐎𑑂𑐰𑐵𑐟𑐸𑐎𑐵 𑐫𑑄𑐎𑐾𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐡𑐶𑐮 𑑋 𑐔𑐶𑐣𑐶𑐫𑐵 𑐬𑐵𑐲𑑂𑐚𑑂𑐬𑐥𑐟𑐶𑐫𑐵 𑐨𑑂𑐬𑐩𑐞𑑄 𑐣𑐾𑐥𑐵𑐮𑑄 𑐐𑐸𑐮𑐶 𑐮𑐧𑑅 𑐎𑐵𑐫𑐾 𑐦𑐟 𑐢𑐂𑐐𑐸 𑐏𑑃𑐫𑐵 𑐳𑐩𑐷𑐎𑑂𑐲𑐵 𑐫𑐵𑐫𑐾𑐐𑐸 𑐃 𑐰𑑅𑐐𑐸 𑐏𑑃 𑐣𑑂𑐴𑑂𑐫𑐠𑐣𑐵𑐡𑐶𑐳𑐾𑑄 𑐰𑐫𑑂𑐎𑐮𑑄 𑐨𑑂𑐰𑑃𑐟𑐫𑑂 𑐖𑐎 𑐮𑐧𑑅 𑐎𑐵𑐫 𑐦𑐟 𑐁𑑅 𑐰𑑂𑐫𑐵𑐰𑐴𑐵𑐬𑐶𑐎 𑐬𑐸𑐥𑑄 𑐐𑐸𑐮𑐶 𑐮𑐧𑑅 𑐎𑐵𑐫𑐾 𑐦𑐟? 𑐧𑐾𑐮𑑂𑐚 𑐊𑐞𑑂𑐜 𑐬𑑀𑐜 𑐂𑐣𑐶𑐳𑐶𑐫𑐚𑐶𑐨𑑂𑐳𑐥𑐵𑐏𑐾𑑄 𑐐𑐸𑐮𑐶 𑐮𑐧𑑅 𑐎𑐵𑐫𑐾 𑐦𑐟 𑐢𑐂𑐐𑐸 𑐏𑑃𑐫𑐵 𑐳𑐩𑐷𑐎𑑂𑐲𑐵 𑐫𑐵𑐫𑐾𑐐𑐸 𑐃 𑐰𑑅𑐐𑐸 𑐡𑐸 𑐢𑐫𑐵𑐡𑐶𑐮 𑑋
𑐔𑐷𑐣𑐫𑐵 𑐣𑐶𑑄𑐟𑐶𑑄 𑐣𑐾𑐥𑐵𑑅𑐫𑐵 𑐥𑐸𑐮𑐵𑑄𑐩𑑂𑐴 𑐬𑐵𑐖𑐡𑐹𑐟 𑐮𑐶𑐮𑐵𑐩𑐞𑐶 𑐥𑑁𑐜𑑂𑐫𑐵𑐮𑑄 𑐳𑐣𑑂 𑑑𑑙𑑖𑑕 𑐮𑐫𑑂 𑐣𑐶𑐐𑐹 𑐡𑐾𑐫𑑂𑐫𑐵 𑐡𑐠𑐸𑐂 𑐎𑐹𑐚𑐣𑐷𑐟𑐶𑐎 𑐳𑐩𑑂𑐧𑐣𑑂𑐢 𑐳𑑂𑐠𑐵𑐥𑐣𑐵 𑐮𑐶𑐥𑐵 𑐠𑐷𑐠𑐷 𑐩𑐴𑐟𑑂𑐰𑐥𑐹𑐬𑑂𑐞 𑐁𑐫𑐵𑐩𑐫𑐵 𑐧𑐵𑐬𑐾 𑐔𑐬𑑂𑐔𑐵 𑐫𑐵𑐣𑐵𑐡𑐶𑐮 𑑋 𑐦𑑀𑐬𑐩𑐫𑐵 𑐀𑐢𑑂𑐫𑐎𑑂𑐲 𑐎𑐶𑐱𑑀𑐬 𑐱𑑂𑐬𑐾𑐲𑑂𑐛𑑄 𑐔𑐶𑐣𑐶𑐫𑐵 𑐬𑐵𑐲𑑂𑐚𑑂𑐬𑐥𑐟𑐶 𑐳𑐷𑐥𑐵𑐏𑐾𑑄 𑑒𑑓 𑐡𑑃 𑐮𑐶𑐥𑐵 𑐖𑐹𑐐𑐸 𑐨𑑂𑐬𑐩𑐞 𑐣𑐾𑐥𑐵𑑅𑐫𑐵 𑐣𑐶𑑄𑐟𑐶𑑄 𑐰𑐶𑐱𑐾𑐲 𑐡𑐶𑑄 𑐖𑐹𑐐𑐸 𑐰 𑐠𑐸𑐎𑐶𑑄 𑐣𑐶𑐐𑐹 𑐥𑐎𑑂𑐲𑐫𑐵 𑐳𑐩𑑂𑐧𑐣𑑂𑐢𑐫𑑂 𑐰𑐶𑐱𑐾𑐲 𑐩𑐴𑐟𑑂𑐰 𑐡𑐸𑐐𑐸 𑐔𑐬𑑂𑐔𑐵 𑐫𑐵𑐣𑐵𑐡𑐶𑐮 𑑋
𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐳𑐦𑐸𑐟𑐶𑐂 𑐔𑐶𑐣𑐶𑐫𑐵 𑐬𑐵𑐲𑑂𑐚𑑂𑐬𑐥𑐟𑐶 𑐳𑐷, 𑐣𑐾𑐥𑐵𑑅𑐫𑐵 𑐥𑐸𑐮𑐵𑑄𑐥𑐶𑑄 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑐥𑐶𑑄 𑐥𑐸𑐲𑑂𑐥𑐎𑐩𑐮 𑐡𑐵𑐴𑐵𑐮 𑐥𑑂𑐬𑐔𑐞𑑂𑐜, 𑐩𑐵𑐢𑐰𑐎𑐸𑐩𑐵𑐬 𑐣𑐾𑐥𑐵𑐮, 𑐱𑐾𑐬𑐧𑐴𑐵𑐡𑐸𑐬 𑐡𑐾𑐄𑐰𑐵 𑐮𑐐𑐵𑐫𑐟𑐫𑐵 𑐣𑐾𑐟𑐵𑐟𑐫𑑂 𑐔𑑂𑐰𑐳𑐸 𑐡𑐸𑐠𑑂𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋
LEAVE YOUR COMMENTS