Read news in NepalBhasa text-- www.hamroschool.com BACK 𑐐𑐬𑐶𑐧 𑐳𑑂𑐰𑐫𑐵𑑄 𑐢𑐣𑐷𑐥𑐵𑐏𑐾𑑄 𑐀𑐥𑑂𑐰𑑅 𑐥𑑂𑐬𑐡𑐹𑐲𑐞 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐐𑐬𑐶𑐧 𑐳𑑂𑐰𑐫𑐵𑑄 𑐢𑐣𑐷𑐥𑐵𑐏𑐾𑑄 𑐀𑐥𑑂𑐰𑑅 𑐥𑑂𑐬𑐡𑐹𑐲𑐞

𑐥𑐾𑐬𑐶𑐳 (𑐊𑐊𑐦𑐥𑐷) – 𑐰𑐶𑐱𑑂𑐰𑐫𑑂 𑐰𑐵𑐟𑐵𑐰𑐬𑐞 𑐥𑑂𑐬𑐡𑐹𑐲𑐞 𑐥𑑂𑐬𑐩𑐸𑐏 𑐳𑐩𑐳𑑂𑐫𑐵 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸𑑋 𑐥𑑂𑐬𑐡𑐹𑐲𑐞𑐫𑐵 𑐩𑐸𑐏𑑂𑐫 𑐎𑐵𑐬𑐞𑑄 𑐐𑐬𑐶𑐧𑐷 𑐰 𑐐𑐬𑐶𑐧 𑐬𑐵𑐲𑑂𑐚𑑂𑐬 𑐏𑑅 𑐢𑐵𑐫𑐾𑐐𑐸 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸𑑋 𑐟𑐬 𑐠𑐸𑐎𑐠𑑄𑐫𑐵 𑐢𑐵𑐥𑐹 𑐰𑐵 𑐡𑑂𑐰𑐥𑑄 𑐀𑐳𑐟𑑂𑐫 𑐖𑐹𑐐𑐸 𑐕𑐐𑐹 𑐀𑐢𑑂𑐫𑐫𑐣𑑄 𑐎𑑂𑐫𑑄𑐐𑐸 𑐡𑐸𑑋 𑐄𑐐𑐸 𑐀𑐢𑑂𑐫𑐫𑐣𑐎𑐠𑑄 𑐰𑐶𑐱𑑂𑐰𑐫𑐵 𑐡𑐎𑐮𑐫𑑂 𑐀𑐥𑑂𑐰𑑅 𑐢𑐣𑐷 𑐕𑐐𑐹 𑐥𑑂𑐬𑐟𑐶𑐱𑐟𑑄 𑐰𑐶𑐱𑑂𑐰𑐫𑐵 𑐀𑐟𑐶 𑐐𑐬𑐶𑐧𑑄 𑐳𑑂𑐰𑐫𑐵𑑄 𑐣𑑂𑐫𑐫𑑂 𑐡𑐸𑐐𑑅 𑐀𑐥𑑂𑐰𑑅 𑐥𑑂𑐬𑐡𑐹𑐲𑐞 𑐣𑑂𑐫𑐎𑐵𑐔𑑂𑐰𑑄𑐐𑐸 𑐡𑐸𑑋 𑐀𑐢𑑂𑐫𑐫𑐣𑐎𑐠𑑄 𑐰𑐶𑐱𑑂𑐰𑐫𑐵 𑐕𑐐𑐹 𑐥𑑂𑐬𑐟𑐶𑐱𑐟 𑐢𑐣𑐷 𑐩𑐣𑐸𑐏𑑄 𑐫𑐵𑐂𑐐𑐸 𑐎𑐵𑐬𑑂𑐧𑐣 𑐄𑐟𑑂𑐳𑐬𑑂𑐖𑐣 𑐥𑑂𑐬𑐡𑐹𑐲𑐞 𑐰𑐶𑐱𑑂𑐰𑐫𑐵 𑐡𑐎𑐮𑐫𑑂 𑐐𑐬𑐶𑐧 𑑓 𑐐𑐹 𑐀𑐬𑑂𑐧 𑑑𑑐 𑐐𑐹 𑐎𑐬𑑀𑐜 𑐖𑐣𑐳𑑄𑐏𑑂𑐫𑐵𑑄 𑐫𑐵𑐂𑐐𑐸 𑐥𑑂𑐬𑐡𑐹𑐲𑐞 𑐳𑑂𑐰𑐫𑐵𑑄 𑐣𑐶𑐡𑐸𑐐𑑅 𑐡𑐸 𑑋

𑐳𑑂𑐚𑐎𑐴𑑀𑐩 𑐰𑐵𑐟𑐵𑐰𑐬𑐞 𑐂𑐣𑑂𑐲𑑂𑐚𑐶𑐔𑑂𑐫𑐸𑐚𑑄 𑐀𑐎𑑂𑐳𑐦𑐵𑐩 𑐣𑐶𑑄𑐟𑐶𑑄 𑐫𑐵𑑅𑐐𑐸 𑐀𑐢𑑂𑐫𑐫𑐣𑑄 𑐠𑑂𑐰 𑐟𑐠𑑂𑐫 𑐥𑐶𑐴𑐵𑑄 𑐰𑑅𑐐𑐸 𑐏𑑅 𑑋 𑐀𑐎𑑂𑐳𑐦𑐵𑐩𑐫𑐵 𑐣𑐾𑐟𑐺𑐟𑑂𑐰𑐫𑑂 𑐖𑐹𑐐𑐸 𑐀𑐢𑑂𑐫𑐫𑐣 𑐰𑐶𑐱𑑂𑐮𑐾𑐲𑐞𑐎𑐠𑑄 𑐳𑐣𑑂 𑑑𑑙𑑙𑑐 𑐣𑐶𑐳𑐾𑑄 𑑒𑑐𑑑𑑕 𑐫𑐵 𑐡𑐠𑐸𑐂 𑐰𑐵𑐬𑑂𑐲𑐶𑐎 𑐎𑐵𑐬𑑂𑐧𑐣 𑐄𑐟𑑂𑐳𑐬𑑂𑐖𑐣 𑑖𑑐 𑐥𑑂𑐬𑐟𑐶𑐱𑐟 𑐳𑑂𑐰𑐫𑐵𑑄 𑐀𑐥𑑂𑐰𑑅 𑐡𑐸𑑋 𑐠𑐸𑐎𑐷 𑐥𑐺𑐠𑑂𑐰𑐷𑐂 𑐄𑐟𑑂𑐳𑐬𑑂𑐖𑐣 𑐖𑐹𑐐𑐸 𑐎𑐸𑐮 𑐎𑐵𑐬𑑂𑐧𑐣𑐫𑐵 𑐳𑑂𑐰𑐧𑑂𑐰𑐫𑑂 𑐕𑐧𑑂𑐰 𑐢𑐣𑐷 𑐬𑐵𑐲𑑂𑐚𑑂𑐬 𑐖𑐶𑐩𑑂𑐩𑐾𑐰𑐵𑐬 𑐡𑐸 𑑋

𑐏𑐟𑐸𑑄 𑐮𑐶𑐥𑐵𑑄𑐐𑐸 𑐂𑐮𑐫𑑂 𑐎𑑀𑐬𑑀𑐣𑐵 𑐨𑐵𑐂𑐬𑐳𑐫𑐵 𑐩𑐴𑐵𑐩𑐵𑐬𑐷𑑄 𑐫𑐵𑐣𑐵𑑅 𑐎𑐵𑐬𑑂𑐧𑐣 𑐄𑐟𑑂𑐳𑐬𑑂𑐖𑐣𑐫𑑂 𑐐𑐵𑐎𑑂𑐎𑑄 𑐩𑑂𑐴𑑀𑐟𑐶 𑐰𑑅𑐐𑐸 𑐡𑐸𑑋 𑐀𑐠𑐾 𑐏𑑅𑐳𑐵𑑄 𑐠𑑂𑐰 𑐕𑐐𑐹 𑐱𑐟𑐵𑐧𑑂𑐡𑐷 𑐥𑐺𑐠𑑂𑐰𑐷 𑐐𑐵𑐎𑑂𑐎𑑄 𑐜𑐶𑐐𑑂𑐬𑐷𑐂 𑐎𑑂𑐰𑐵𑐣𑐵𑐔𑑂𑐰𑐣𑐷𑐐𑐸 𑐰 𑐄𑐎𑐶𑐫𑐵 𑐀𑐳𑐬 𑐣𑑄 𑐮𑐵𑐣𑐵𑐔𑑂𑐰𑐣𑐷𑐐𑐸 𑐖𑐎 𑐩𑐏𑐳𑐾 𑐐𑐬𑐶𑐧 𑐰 𑐰𑐶𑐎𑐵𑐳𑐱𑐷𑐮 𑐬𑐵𑐲𑑂𑐚𑑂𑐬𑐫𑑂 𑐥𑑂𑐬𑐵𑐎𑐺𑐟𑐶𑐎 𑐥𑑂𑐬𑐎𑑀𑐥 𑐰 𑐩𑐾𑐩𑐾𑐐𑐸 𑐰𑐶𑐥𑐡𑐫𑐵 𑐣𑑄 𑐏𑐟𑐬𑐵 𑐀𑐥𑑂𑐰𑑅 𑐖𑐹𑐐𑐸 𑐀𑐢𑑂𑐫𑐫𑐣𑑄 𑐎𑑂𑐫𑑄𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS