𑐡𑐾𑐫𑑂 𑐡𑐧𑐹𑐫𑐵 𑐫𑐮 𑐖𑐶𑐮𑑂𑐮𑐵 𑐎𑐩𑐶𑐚𑐶𑐫𑐵 𑐀𑐣𑑂𑐟𑐬𑐎𑑂𑐬𑐶𑐫𑐵
𑐫𑐾𑑃- 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹𑐫𑐵 𑐣𑐷𑐏𑐸𑐎𑑂𑐰𑑅𑐐𑐸 𑐧𑐸𑐳𑐵𑐡𑑃𑐫𑐵 𑐮𑐳𑐟𑐵𑐫𑑂 𑐫𑐮 𑐖𑐶𑐮𑑂𑐮𑐵 𑐎𑐩𑐶𑐚𑐷𑐫𑐵 𑐐𑑂𑐰𑐳𑐵𑐮𑐫𑑂 𑐨𑐶𑑄𑐟𑐸𑐣𑐵 𑐎𑐵𑐮𑐧𑐶𑐮 𑐰 𑐀𑐣𑑂𑐟𑐬𑐎𑑂𑐬𑐶𑐫𑐵 𑐖𑑂𑐫𑐵𑐗𑑂𑐰𑑅 𑐖𑐹𑐐𑐸 𑐡𑐸 𑑋
𑐴𑐶𑐬𑐵𑐎𑐵𑐖𑐷 𑐩𑐴𑐬𑑂𑐖𑐣𑐫𑐵 𑐣𑐵𑐫𑑅𑐳𑐸𑐂 𑐳𑐶𑐡𑑂𑐢𑐶 𑐩𑐴𑐬𑑂𑐖𑐣𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄 𑐎𑐠𑑄 𑐜𑐵. 𑐥𑐸𑐲𑑂𑐥𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬 𑐗𑐵𑐫𑐵𑐡𑐷𑐐𑐸 𑐏𑑅𑐳𑐵 𑐧𑐶𑐱𑐾𑐲𑐥𑐵𑐴𑐵𑑄 𑐎𑐠𑑄 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹𑐫𑐵 𑐣𑐵𑐫𑑅 𑐣𑐬𑐾𑐱 𑐟𑐵𑐩𑑂𑐬𑐵𑐎𑐵𑐬 𑐗𑐵𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐳𑐸𑐬𑐾𑐱 𑐥𑑂𑐬𑐢𑐵𑐣, 𑐱𑑀𑐨𑐵 𑐱𑐵𑐎𑑂𑐫, 𑐬𑐰𑐶𑐣𑑂𑐡𑑂𑐬 𑐟𑐵𑐩𑑂𑐬𑐎𑐵𑐬, 𑐱𑐵𑐎𑑂𑐫 𑐳𑐸𑐬𑐾𑐣, 𑐬𑐸𑐥 𑐬𑐟𑑂𑐣 𑐱𑐵𑐎𑑂𑐫, 𑐱𑐬𑐞 𑐐𑑀𑐥𑐵𑐮 𑐜𑑄𑐐𑑀𑐮 𑐮𑐐𑐵𑐫𑐟 𑐠𑐷𑐠𑐷 𑐳𑑄𑐳𑑂𑐠𑐵𑐫𑐵 𑐴𑐣𑐾𑐧𑐴𑑅𑐥𑐶𑑄 𑐰𑑂𑐫𑐎𑑂𑐟𑐶𑐟𑐟𑑂𑐰, 𑐧𑐸𑐡𑑂𑐢𑐶𑐖𑐷𑐰𑐶𑐥𑐵𑐏𑐾𑑄 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋
𑐩𑐹𑑃𑐖𑑂𑐫𑐵𑐫𑑂 𑐣𑐾𑐥𑐵𑐮𑐨𑐵𑐲𑐵𑐫𑐵 𑐳𑑄𑐬𑐎𑑂𑐲𑐞 𑐰 𑐰𑐶𑐎𑐵𑐳𑐫𑐵 𑐣𑐶𑐟𑐶𑑄 𑐥𑑂𑐬𑐟𑑂𑐫𑐾𑐎 𑐣𑐾𑐰𑐵𑑅 𑐟𑐫𑑂𑐐𑐸 𑐕𑐾𑑃 𑐩𑐳𑑂𑐟𑐫𑑂𑐳𑑄 𑐣𑐾𑐰𑐵𑑅 𑐨𑐵𑐫𑑂 𑐮𑑂𑐴𑐵𑐂𑐐𑐸 𑐮𑐎𑐳 𑐧𑑂𑐰𑐮𑑄𑐎𑐾 𑐴𑐠𑐵𑐫𑐾 𑐖𑐹𑐐𑐸𑐮𑐶𑑄 𑐫𑐮𑐫𑐵 𑐳𑐎𑐨𑐣𑑄 𑐧𑑂𑐰𑐣𑐾𑐎𑐸𑐠𑐶𑐂 𑐕𑐐𑐹 𑐟𑐐𑐶𑑄 𑐣𑐶𑐳𑐾𑑄 𑐔𑑂𑐫𑐵𑐐𑐹 𑐟𑐐𑐶𑑄𑐟𑐎𑑂𑐎𑐫𑐵 𑐟𑐫𑐵𑐬 𑐖𑐹𑐐𑐸 𑐣𑐾𑐥𑐵𑐮𑐨𑐵𑐲𑐵𑐫𑐵 𑐥𑐵𑐛𑑂𑐫𑐎𑑂𑐬𑐩 𑐮𑐵𑐐𑐸 𑐫𑐵𑐎𑐾𑐐𑐸 𑐣𑐶𑐟𑐶𑑄 𑐳𑐎𑐮𑐾𑑄 𑐣𑐾𑐰𑐵𑑅𑐟 𑐖𑐵𑐣𑐵𑑅 𑐀𑐨𑐶𑐫𑐵𑐣 𑐫𑐵𑐎𑐣𑑄 𑐣𑑂𑐴𑑂𑐫𑐵𑐎𑐵𑐰𑐣𑐾𑐐𑐸 𑐳𑐴𑐮𑐴 𑐖𑐹𑐐𑐸 𑐏𑑅 𑑋
LEAVE YOUR COMMENTS