𑐨𑐵𑐬𑐟𑐫𑑂 𑐳𑑄𑐎𑑂𑐬𑐩𑐶𑐟𑐟 𑑑𑑕 𑐮𑐵𑐏𑑄 𑐔𑑂𑐰𑐫𑐾 𑐠𑑂𑐫𑐣
𑐊𑐖𑐾𑐣𑑂𑐳𑐷 – 𑐨𑐵𑐬𑐟𑐫𑑂 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐶𑐟 𑐖𑐹𑐥𑐶𑐣𑐶 𑐮𑑂𑐫𑐵𑑅 𑑑𑑕 𑐮𑐵𑐏 𑐥𑐵𑐬 𑐫𑐵𑑅𑐐𑐸 𑐡𑐸 𑑋 𑐧𑐸𑐢𑐰𑐵𑑅 𑑒𑑔 𑐑𑐣𑑂𑐚𑐵𑐫𑐵 𑐡𑐸𑐣𑐾 𑑔𑑘 𑐴𑐖𑐵𑐬 𑑕𑑑𑑓 𑐩𑑂𑐴𑐾𑐳𑐶𑐎𑐾 𑐎𑑀𑐬𑑀𑐣𑐵 𑐥𑑀𑐖𑐶𑐚𑐶𑐨 𑐏𑐣𑐾𑐡𑐫𑐾𑐰𑑄 𑐩𑐸𑐎𑑂𑐎𑑄 𑐳𑑄𑐎𑑂𑐬𑐩𑐶𑐟𑐟𑐫𑑂 𑐮𑑂𑐫𑐵𑑅 𑑑𑑕 𑐮𑐵𑐏 𑑓𑑑 𑐴𑐖𑐵𑐬 𑑖𑑖𑑙 𑐩𑑂𑐴 𑐠𑑂𑐫𑑄𑐐𑐸 𑐏𑑅 𑑋 𑐨𑐵𑐬𑐟𑐫𑑂 𑐧𑐸𑐢𑐰𑐵𑑅 𑑒𑑔 𑐑𑐣𑑂𑐚𑐵𑐫𑐵 𑐡𑐸𑐣𑐾 𑐎𑑀𑐬𑑀𑐣𑐵𑑄 𑑗𑑖𑑘 𑐩𑑂𑐴𑐾𑐳𑐶𑐫𑐵 𑐖𑑂𑐫𑐵𑐣 𑐰𑑄𑐐𑐸 𑐡𑐸𑐳𑐵 𑐠𑑂𑐰 𑐮𑐶𑐳𑐾𑑄 𑐎𑑀𑐬𑑀𑐣𑐵𑑄 𑐳𑐷𑐥𑐶𑐣𑐶 𑐮𑑂𑐫𑐵𑑅 𑑓𑑔 𑐴𑐖𑐵𑐬 𑑑𑑙𑑓 𑐩𑑂𑐴 𑐠𑑂𑐫𑑄𑐐𑐸 𑐡𑐸 𑑋
𑐳𑐬𑐎𑐵𑐬𑐷 𑐀𑐢𑐶𑐎𑐵𑐬𑐷𑐟𑐫𑑂 𑐎𑐠𑑄 𑐨𑐵𑐬𑐟𑐫𑑂 𑐎𑑀𑐬𑑀𑐣𑐵 𑐨𑐵𑐂𑐬𑐳 𑐳𑑄𑐎𑑂𑐬𑐩𑐶𑐟𑐟 𑐩𑐢𑑂𑐫𑐾 𑑙 𑐮𑐵𑐏 𑑘𑑘 𑐴𑐖𑐵𑐬 𑑒𑑙 𑐩𑑂𑐴 𑐩𑐣𑐹 𑐳𑐦𑐮 𑐄𑐥𑐔𑐵𑐬 𑐮𑐶𑐥𑐵 𑐮𑐶𑐴𑐵𑑄 𑐰𑐣𑐾 𑐢𑐸𑑄𑐎𑐹𑐐𑐸 𑐡𑐸 𑑋 𑐁𑑅 𑐨𑐵𑐬𑐟𑐫𑑂 𑑕 𑐮𑐵𑐏 𑑙 𑐴𑐖𑐵𑐬 𑑔𑑔𑑗 𑐩𑑂𑐴 𑐳𑑄𑐎𑑂𑐬𑐩𑐶𑐟 𑐡𑐣𑐶 𑑋 𑐩𑐾𑐏𑐾 𑐀𑐩𑐾𑐬𑐶𑐎𑐵𑐫𑑂 𑐩𑑄𑐐𑐮𑐰𑐵𑑅 𑐕𑐣𑑂𑐴𑐸𑑄 𑐴𑐾 𑑑 𑐴𑐖𑐵𑐬 𑑕𑑙𑑒 𑐩𑑂𑐴 𑐩𑐣𑐹𑐟 𑐎𑑀𑐬𑑀𑐣𑐵 𑐳𑑄𑐎𑑂𑐬𑐩𑐞𑑄 𑐳𑐷𑐐𑐸 𑐡𑐸 𑑋 𑐠𑑂𑐰 𑐮𑑂𑐫𑐵𑑅 𑐰𑑄𑐐𑐸 𑐣𑐶𑐮𑐵𑐟𑑂𑐫𑐵𑐫𑐵 𑐀𑐰𑐢𑐶𑐂 𑑒𑑔 𑐑𑐣𑑂𑐚𑐵𑐫𑐵 𑐡𑐸𑐣𑐾 𑐳𑐷𑐥𑐶𑐣𑐶 𑐮𑑂𑐫𑐵𑐏𑐫𑑂 𑐡𑐎𑐮𑐫𑑂 𑐀𑐥𑑂𑐰𑑅 𑐏𑑅 𑑋 𑐳𑑂𑐠𑐵𑐣𑐷𑐫 𑐃 𑐎𑐠𑑄 𑐩𑑄𑐐𑐮𑐰𑐵𑑅 𑐔𑐵𑐣𑑂𑐴𑐫𑑂 𑑘𑑅𑑑𑑐 𑐟𑐵𑑅𑐃 𑐟𑐎 𑐕𑐣𑑂𑐴𑐸𑑄 𑐴𑐾 𑐠𑐣 𑑖𑑐 𑐴𑐖𑐵𑐬 𑐩𑑂𑐴𑐾𑐳𑐶𑐎𑐾 𑐳𑑄𑐎𑑂𑐬𑐩𑐞 𑐏𑐣𑐾𑐡𑐸𑐐𑐸 𑐏𑑃 𑐧𑐵𑐮𑑂𑐚𑐶𑐩𑑀𑐬 𑐁𑐰𑐡𑑂𑐢 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑑄 𑐖𑐵𑐣𑐎𑐵𑐬𑐷 𑐧𑐶𑐄𑐐𑐸 𑐡𑐸 𑑋
𑐀𑐩𑐾𑐬𑐶𑐎𑐵𑐫𑑂 𑐧𑐸𑐢𑐰𑐵𑑅 𑐟𑐎𑐫𑐵 𑐡𑐸𑐣𑐾 𑑔𑑔 𑐮𑐵𑐏 𑑙𑑘 𑐴𑐖𑐵𑐬 𑑓𑑔𑑓 𑐩𑑂𑐴𑐾𑐳𑐶𑐟 𑐳𑑄𑐎𑑂𑐬𑐩𑐞 𑐖𑐸𑐂𑐢𑐸𑑄𑐎𑐹𑐐𑐸 𑐡𑐸𑐳𑐵 𑑑 𑐮𑐵𑐏 𑑕𑑒 𑐴𑐖𑐵𑐬 𑑓𑑒𑑐 𑐩𑑂𑐴𑐾𑐳𑐶𑐫𑐵 𑐖𑑂𑐫𑐵𑐣 𑐰𑐣𑐾 𑐢𑐸𑑄𑐎𑐹𑐐𑐸 𑐡𑐸 𑑋 𑐰𑐶𑐱𑑂𑐰𑐣𑑂𑐫𑑄𑐎𑑄 𑐧𑐸𑐢𑐰𑐵𑑅 𑐣𑑂𑐴𑐶𑐣𑐫𑑂 𑐟𑐎𑐫𑐵 𑐡𑐸𑐣𑐾 𑑑 𑐎𑐬𑑀𑐜 𑑖𑑙 𑐮𑐵𑐏 𑑑 𑐴𑐖𑐵𑐬 𑑔𑑐𑑗 𑐩𑑂𑐴𑐾𑐳𑐶𑐎𑐾 𑐳𑑄𑐎𑑂𑐬𑐩𑐞 𑐏𑐣𑐾 𑐡𑐫𑐾𑐢𑐸𑑄𑐎𑐹𑐐𑐸 𑐡𑐸𑐳𑐵 𑐰𑐶𑐱𑑂𑐰𑐣𑑂𑐫𑑄𑐎𑑄 𑑖 𑐮𑐵𑐏 𑑖𑑓 𑐴𑐖𑐵𑐬 𑑕𑑕𑑗 𑐩𑑂𑐴𑐾𑐳𑐶𑐫𑐵 𑐖𑑂𑐫𑐵𑐣 𑐰𑐣𑐾 𑐢𑐸𑑄𑐎𑐹𑐐𑐸 𑐡𑐸 𑑋
LEAVE YOUR COMMENTS