Read news in NepalBhasa text-- www.hamroschool.com BACK 𑐣𑐾𑐥𑐵𑑅𑐫𑐵 𑐥𑑂𑐫𑑄𑐐𑐹 𑐖𑐶𑐮𑑂𑐮𑐵𑐫𑑂 𑐎𑑂𑐰𑑅𑐧𑐸𑑃𑐂𑐔𑐵 𑐠𑑂𑐫𑐣, 𑐧𑐵𑐮𑐷 𑐣𑐫𑐾𑐐𑐸 𑐳𑐸𑐬𑐸 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐣𑐾𑐥𑐵𑑅𑐫𑐵 𑐥𑑂𑐫𑑄𑐐𑐹 𑐖𑐶𑐮𑑂𑐮𑐵𑐫𑑂 𑐎𑑂𑐰𑑅𑐧𑐸𑑃𑐂𑐔𑐵 𑐠𑑂𑐫𑐣, 𑐧𑐵𑐮𑐷 𑐣𑐫𑐾𑐐𑐸 𑐳𑐸𑐬𑐸

𑐫𑐾𑑃- 𑐣𑐾𑐥𑐵𑐮𑐫𑑂 𑐣𑑄 𑐎𑑂𑐰𑑅𑐧𑐸𑑃𑐂𑐔𑐵 𑐏𑐣𑐾𑐡𑐸𑐐𑐸 𑐡𑐸 𑑋 𑐩𑑂𑐴𑐶𑐐𑑅 𑐨𑐵𑐬𑐟𑐮𑐶𑐳𑐾 𑐳𑐟𑐶𑐎 𑐮𑐵𑑅𑐐𑐸 𑐣𑐾𑐥𑐵𑑅𑐫𑐵 𑐥𑑂𑐫𑑄𑐐𑐹 𑐖𑐶𑐮𑑂𑐮𑐵𑐫𑑂 𑐎𑑂𑐰𑑅𑐧𑐸𑑃𑐂𑐔𑐵 𑐏𑐣𑐾𑐡𑐸𑐐𑐸 𑐏𑑅 𑑋 𑐣𑐾𑐥𑐵𑑅𑐫𑐵 𑐧𑐵𑐬𑐵, 𑐥𑐬𑑂𑐳𑐵 𑐰 𑐳𑐬𑑂𑐮𑐵𑐴𑐷 𑐖𑐶𑐮𑑂𑐮𑐵𑐫𑑂 𑐳𑐸𑐠𑐫𑑂 𑐴𑐾 𑐎𑑂𑐰𑑅𑐧𑐸𑐂𑑃𑐔𑐵 𑐏𑐣𑐾𑐡𑐸𑐐𑐸 𑐏𑑅 𑑋 𑐳𑐬𑑂𑐮𑐵𑐴𑐷 𑐠𑑂𑐫𑑄𑐐𑐸 𑐎𑑂𑐰𑑅𑐧𑐸𑑃𑐂𑐔𑐵 𑐴𑐖𑐵𑐬𑑁𑑄𑐫𑐵 𑐮𑑂𑐫𑐵𑐏𑐫𑑂 𑐡𑐸𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐄𑐩𑐶𑐳𑑄 𑐠𑐣 𑐧𑐵𑐮𑐷 𑐣𑐫𑐾𑐐𑐸 𑐣𑑄 𑐳𑐸𑐬𑐸 𑐫𑐵𑐫𑐾𑐢𑐸𑑄𑐎𑐹𑐐𑐸 𑐡𑐸 𑑋 𑐳𑐮𑐵𑐬𑑂𑐴𑐷 𑐠𑑂𑐫𑑄𑐥𑐶𑑄 𑐎𑑂𑐰𑑅𑐧𑐸𑑃𑐂𑐔𑐵 𑐏𑑂𑐫𑐵𑐫𑐾𑐐𑐸 𑐣𑐶𑑄𑐟𑐶𑑄 𑐰𑐶𑐲𑐵𑐡𑐷 𑐴𑑂𑐰𑐮𑐾𑐐𑐸 𑐰 𑐡𑑂𑐫𑑅𑐩𑐵𑑄 𑐠𑐵𑐫𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐳𑐬𑑂𑐮𑐵𑐴𑐷𑐂 𑐱𑐸𑐎𑑂𑐬𑐰𑐵𑑅 𑐧𑐴𑐣𑐷 𑐟𑐎 𑐏𑐣𑐾𑐩𑐡𑐸𑐥𑐶𑑄 𑐱𑐣𑐶𑐰𑐵𑑅 𑐳𑐸𑐠𑐫𑑂 𑐳𑐰𑐵 𑐕 𑐧𑐖𑐾 𑐥𑐵𑐏𑐾 𑐢𑐵𑑅𑐳𑐵 𑐴𑑂𑐰𑐵𑐟𑑂𑐟 𑐴𑐾 𑐏𑐣𑐾𑐡𑐸𑐐𑐸 𑐏𑑅 𑑋

𑐧𑐵𑐬𑐵𑐫𑑂 𑐎𑑂𑐰𑑅𑐧𑐸𑐂𑑃𑐔𑐵 𑐏𑐣𑐾𑐡𑐫𑐾𑐰𑑄 𑐎𑐺𑐲𑐶 𑐖𑑂𑐘𑐵𑐣 𑐎𑐾𑐣𑑂𑐡𑑂𑐬 𑐧𑐵𑐬𑐵𑐫𑐵 𑐥𑑂𑐬𑐩𑐸𑐏 𑐖𑐷𑐟𑐾𑐣𑑂𑐡𑑂𑐬 𑐫𑐵𑐡𑐰𑑄 𑐄𑐎𑐶𑐫𑐵 𑐖𑐵𑐣𑐎𑐵𑐬𑐷 𑐎𑐺𑐲𑐶 𑐩𑐣𑑂𑐟𑑂𑐬𑐵𑐮𑐫𑐫𑐵𑐟 𑐧𑐶𑐄𑐐𑐸 𑐏𑑅 𑑋 𑐠𑐣 𑐣𑐶𑐖𑐐𑐝 𑐰 𑐳𑐶𑐩𑐬𑐵𑐫𑑂 𑐎𑑂𑐰𑑅𑐧𑐸𑑃𑐂𑐔𑐵 𑐏𑐣𑐾𑐡𑐸𑐐𑐸 𑐏𑑅 𑑋 𑐰𑐵 𑐰𑐫𑐵𑐔𑑂𑐰𑑄𑐧𑐮𑐫𑑂 𑐡𑐸𑐴𑐵𑑄 𑐰𑑅𑐐𑐸 𑐖𑐹𑐐𑐸𑐮𑐶𑑄 𑐩𑑂𑐴𑐶𑐐𑑅 𑐣𑑂𑐴𑐶𑐣𑐫𑑂 𑐟𑐎 𑐠𑐸𑐩𑐶𑐳𑑄 𑐧𑐵𑐮𑐷 𑐣𑐫𑐾𑐐𑐸 𑐳𑐸𑐬𑐸 𑐩𑐫𑐵𑐣𑐶𑐐𑐸 𑐏𑑅 𑑋 𑐳𑐶𑐩𑐬𑐵𑐫𑐵 𑐳𑐶𑐩𑐵𑐫𑑂 𑐕𑐠𑑂𑐰𑑅 𑐎𑑂𑐰𑑅𑐧𑐸𑑃𑐂𑐔𑐵 𑐮𑐸𑐂𑐎𑐵𑐐𑐸 𑐏𑑃 𑐫𑐵𑐡𑐰𑑄 𑐎𑐣𑐵𑐡𑐷𑐐𑐸 𑐡𑐸 𑑋

𑐎𑑂𑐰𑑅𑐧𑐸𑑃𑐂𑐔𑐵 𑐀𑐦𑑂𑐬𑐶𑐎𑐵𑑄 𑐀𑐬𑐧𑐶𑐫𑐣 𑐡𑐾𑐫𑑂 𑐖𑐸𑐫𑐵𑑅 𑐊𑐳𑐶𑐫𑐵𑐫𑐵 𑐂𑐬𑐵𑐣, 𑐀𑐦𑐐𑐵𑐣𑐶𑐳𑑂𑐟𑐵𑐣, 𑐥𑐵𑐎𑐶𑐳𑑂𑐟𑐵𑐣, 𑐨𑐵𑐬𑐟 𑐖𑐸𑐫𑐵𑑅 𑐣𑐾𑐥𑐵𑑅 𑐠𑑂𑐫𑑄𑐎𑑅 𑐰𑑅𑐐𑐸 𑐏𑑅 𑑋 𑐎𑐬𑑀𑐜𑑁𑑄𑐫𑐵 𑐮𑑂𑐫𑐵𑐏𑐫𑑂 𑐰𑐂𑐥𑐶𑑄 𑐠𑐖𑑂𑐫𑐵𑑅𑐥𑐶𑑄 𑐎𑑂𑐰𑑅𑐧𑐸𑑃𑐂𑐔𑐵𑐟𑐫𑑂𑐳𑑄 𑐕𑐸𑑄 𑐃𑐫𑐵 𑐡𑐸𑐣𑐾 𑐧𑐵𑐮𑐷 𑐥𑐹𑐰𑑄𑐎 𑐣𑐲𑑂𑐚 𑐫𑐵𑐣𑐵𑐧𑐷𑐦𑐸𑐐𑐸 𑐏𑑃 𑐰𑐶𑐖𑑂𑐘𑐥𑐶𑑄𑐳𑑄 𑐢𑐵𑑅𑐐𑐸 𑐡𑐸 𑑋

𑐁𑑅 𑐣𑐾𑐥𑐵𑐮𑐫𑑂 𑐠𑑂𑐫𑑄𑐥𑐶𑑄 𑐎𑑂𑐰𑑅𑐧𑐸𑑃𑐂𑐔𑐵 𑐨𑐵𑐬𑐟𑐫𑑂 𑐰𑐫𑐵𑐔𑑂𑐰𑑄𑐐𑐸 𑐥𑐸𑐔𑑅 𑐥𑐵𑐏𑐾𑑄 𑐕𑐸𑐚𑐾 𑐖𑐸𑐫𑐵 𑐰𑑅𑐥𑐶𑑄 𑐏𑑅 𑐎𑐶 𑐰 𑐴𑐾 𑐧𑐠𑐵𑐣 𑐠𑑂𑐫𑑄𑐎𑑅 𑐰𑑅𑐐𑐸 𑐏𑑅 𑐢𑐫𑐵𑐐𑐸 𑐀𑐣𑐸𑐳𑐣𑑂𑐢𑐵𑐣 𑐖𑐸𑐫𑐵𑐔𑑂𑐰𑑄𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐁𑑅 𑐰𑐵 𑐰𑐂𑐐𑐸 𑐩𑑁𑐳𑐩 𑐮𑐵𑐣𑐵𑐔𑑂𑐰𑑄𑐐𑐸𑐮𑐶𑑄 𑐎𑑂𑐰𑑅𑐧𑐸𑑃𑐂𑐔𑐵𑑄 𑐟𑑅𑐢𑑄𑐐𑐸 𑐎𑑂𑐲𑐟𑐶 𑐩𑐫𑐵𑐂𑐐𑐸 𑐏𑑃 𑐢𑐵𑑅𑐳𑐵𑑄 𑐠𑐸𑐎𑐶𑐫𑐵𑐟 𑐣𑐲𑑂𑐚 𑐫𑐵𑐫𑐾𑐟 𑐢𑐵𑑅𑐳𑐵 𑐁𑑅 𑐴𑐾 𑐐𑐩𑑂𑐨𑐷𑐬 𑐖𑐸𑐫𑐵𑑅 𑐮𑐐𑐾 𑐖𑐸𑐂𑐩𑐵𑑅𑐐𑐸 𑐳𑐸𑐗𑐵𑐰 𑐣𑑄 𑐧𑐶𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS