Read news in NepalBhasa text-- www.hamroschool.com BACK 𑐔𑐶𑐣𑐶𑐫𑐵𑑃 𑐳𑐾𑐣𑐵𑑄 𑐕𑑂𑐫𑑅𑐐𑐸 𑐴𑐟𑐶𑐫𑐵𑐬 𑐳𑐵𑐬𑑂𑐰𑐖𑐣𑐶𑐎 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐔𑐶𑐣𑐶𑐫𑐵𑑃 𑐳𑐾𑐣𑐵𑑄 𑐕𑑂𑐫𑑅𑐐𑐸 𑐴𑐟𑐶𑐫𑐵𑐬 𑐳𑐵𑐬𑑂𑐰𑐖𑐣𑐶𑐎

𑐊𑐖𑐾𑐣𑑂𑐳𑐷 – 𑐨𑐵𑐬𑐟 𑐰 𑐔𑐷𑐣 𑐡𑐠𑐸𑐂 𑐖𑐹𑐐𑐸 𑐗𑐜𑐥𑐫𑑂 𑐔𑐶𑐣𑐶𑐫𑐵𑑃 𑐳𑐿𑐣𑐶𑐎𑐟𑐫𑑂𑐳𑑄 𑐕𑑂𑐫𑑅𑐐𑐸 𑐴𑐟𑐶𑐫𑐵𑐬𑐫𑐵 𑐟𑐳𑑂𑐧𑐶𑐬 𑐨𑐵𑐬𑐟𑑄 𑐳𑐵𑐬𑑂𑐰𑐖𑐣𑐶𑐎 𑐫𑐵𑑅𑐐𑐸 𑐡𑐸 𑑋 𑐠𑐰 𑐗𑐜𑐥𑐫𑑂 𑐮𑐵𑐣𑐵𑑅 𑐨𑐵𑐬𑐟𑐫𑐵 𑐣𑐷𑐩𑑂𑐴 𑐳𑐿𑐣𑐶𑐎 𑐳𑐷𑐐𑐸 𑐏𑑅 𑑋 𑐠𑑂𑐰 𑐑𑐚𑐣𑐵 𑐮𑐶𑐥𑐵 𑐣𑐶𑐐𑐹 𑐡𑐾𑐫𑑂 𑐡𑐠𑐸𑐂 𑐟𑐣𑐵𑐰 𑐟𑐔𑑂𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐨𑐵𑐬𑐟𑑄 𑐳𑐵𑐬𑑂𑐰𑐖𑐣𑐶𑐎 𑐫𑐵𑑅𑐐𑐸 𑐴𑐟𑐶𑐫𑐵𑐬𑐫𑐵 𑐟𑐳𑑂𑐰𑐶𑐬 𑐳𑑂𑐰𑐫𑐾𑐧𑐮 𑐮𑐡𑑂𑐡𑐵𑐏𑐫𑐵 𑐐𑐮𑐰𑐵𑐣 𑐄𑐥𑐟𑑂𑐫𑐎𑐵𑐫𑐵 𑐊𑐮𑐌𑐳𑐷 𑐥𑐵𑐏𑐾 𑐖𑐹𑐐𑐸 𑐠𑑂𑐰 𑐨𑐶𑐜𑐣𑑂𑐟𑐫𑑂 𑐣𑐶𑐐𑐸𑐮𑐶𑑄 𑐥𑐎𑑂𑐲𑐫𑐵 𑐳𑐾𑐣𑐵𑑄 𑐁𑐢𑐸𑐣𑐶𑐎 𑐴𑐟𑐶𑐫𑐵𑐬, 𑐧𑐣𑑂𑐡𑐹𑐎 𑐁𑐡𑐶 𑐕𑑂𑐫𑑅𑐐𑐸 𑐏𑐣𑐾𑐩𑐡𑐸 𑑋 𑐁𑑅 𑐳𑐵𑐬𑑂𑐰𑐖𑐣𑐶𑐎 𑐫𑐵𑑅𑐐𑐸 𑐟𑐳𑑂𑐧𑐶𑐬 𑐎𑐠𑑄 𑐔𑐶𑐣𑐶𑐫𑐵𑑃 𑐳𑐾𑐣𑐵𑑄 𑐕𑑂𑐫𑑅𑐐𑐸 𑐴𑐟𑐶𑐫𑐵𑐬 𑐢𑐫𑐵𑐐𑐸 𑐧𑐸𑑃 𑐎𑑂𑐰𑐵𑐫𑐾𑐟 𑐡𑐫𑐾𑐎𑐵𑐟𑐂𑐐𑐸 𑐟𑑅𑐎𑐹 𑐠𑐾𑑄 𑐔𑑂𑐰𑑄𑐐𑐸 𑐴𑐟𑐶𑐫𑐵𑐬 𑐏𑐣𑐾𑐡𑐸 𑑋 𑐣𑑃𑐫𑐵 𑐎𑐠𑐶𑐂 𑐠𑐵𑐫𑑂𑐠𑐵𑐳𑐫𑑂 𑐣𑑃𑐫𑐵 𑐴𑐾 𑐎𑐵𑑃𑐚𑐷 𑐠𑐾𑑄 𑐥𑐶𑐎𑐫𑐵𑐟𑑅𑐐𑐸 𑐴𑐟𑐶𑐫𑐵𑐬 𑐕𑑂𑐫𑑅𑐐𑐸 𑐏𑐣𑐾𑐡𑐸 𑑋

𑐨𑐵𑐬𑐟𑐫𑐵 𑐕𑐩𑑂𑐴 𑐰𑐬𑐶𑐲𑑂𑐛 𑐳𑐿𑐣𑐶𑐎 𑐀𑐢𑐶𑐎𑐵𑐬𑐷𑑄 𑐄𑐥𑐮𑐧𑑂𑐢 𑐫𑐵𑐎𑐸𑐐𑐸 𑐢𑐵𑐳𑐾𑑄 𑐧𑐶𑐧𑐶𑐳𑐷𑑄 𑐠𑑂𑐰 𑐎𑐶𑐥𑐵 𑐥𑐶𑐟𑐧𑐶𑐄𑐐𑐸 𑐏𑑅 𑑋 𑐠𑑂𑐰𑐫𑐵𑑄 𑐣𑑂𑐴𑑂𑐫𑑅 𑐠𑑂𑐰 𑐟𑐳𑑂𑐧𑐶𑐬 𑐡𑐎𑐮𑑂 𑐣𑑂𑐴𑐵𑐥𑐵𑑄 𑐨𑐵𑐬𑐟𑐫𑐵 𑐥𑑂𑐬𑐟𑐶𑐬𑐎𑑂𑐲𑐵 𑐰𑐶𑐱𑑂𑐮𑐾𑐲𑐎 𑐀𑐖𑐫 𑐱𑐸𑐎𑑂𑐮𑐵 𑐳𑐵𑐩𑐵𑐖𑐶𑐎 𑐳𑐘𑑂𑐖𑐵𑐮 𑐚𑑂𑐰𑐶𑐚𑐬𑐫𑑂 𑐟𑑅𑐐𑐸 𑐏𑑅 𑑋

𑐠𑑂𑐰 𑐎𑑂𑐲𑐾𑐟𑑂𑐬𑐫𑑂 𑐐𑑀𑐮𑐷, 𑐧𑐣𑑂𑐡𑐹𑐎, 𑐧𑐵𑐬𑐸𑐡 𑐠𑐾𑑄𑐖𑑂𑐫𑐵𑑅𑐐𑐸 𑐀𑐳𑑂𑐟𑑂𑐬 𑐕𑑂𑐫𑐮𑐾 𑐩𑐡𑐂𑐐𑐸 𑐰𑑂𑐫𑐰𑐳𑑂𑐠𑐵 𑐳𑐣𑑂 𑑑𑑙𑑙𑑖 𑐫𑑂 𑐴𑐾 𑐣𑐶𑐐𑐸𑐮𑐶𑑄 𑐥𑐎𑑂𑐲𑑄 𑐫𑐵𑑅𑐐𑐸 𑐏𑑅 𑑋 𑐳𑐷𑐩𑐵𑐫𑐵 𑐰𑐶𑐰𑐵𑐡𑐷𑐟 𑐎𑑂𑐲𑐾𑐟𑑂𑐬𑐫𑑂 𑐣𑐶𑐐𑐸𑐮𑐶𑑄 𑐥𑐎𑑂𑐲𑑄 𑐁𑐎𑑂𑐬𑐵𑐩𑐎 𑐐𑐟𑐶𑐰𑐶𑐢𑐶 𑐟𑐔𑑂𑐰𑐫𑐾𑐎𑐾 𑐩𑐦𑐫𑐾𑐩𑐵 𑐢𑐎𑐵𑑅 𑐠𑐖𑑂𑐫𑐵𑑅𑐐𑐸 𑐳𑐴𑐩𑐟𑐶 𑐫𑐵𑐣𑐵𑐟𑑅𑐐𑐸 𑐏𑑅 𑑋 𑐳𑑀𑐩𑐰𑐵𑑅 𑐔𑐵𑐣𑑂𑐴𑐫𑑂 𑐣𑐶𑐐𑐹 𑐡𑐾𑐫𑑂𑐫𑐵 𑐳𑐾𑐣𑐵 𑐡𑐠𑐸𑐂 𑑔,𑑒𑑖𑑗 𑐩𑐶𑐚𑐬 𑐄𑐔𑐵𑐂𑐮𑐫𑑂𑐮𑐵𑑅 𑐐𑐸 𑐴𑐶𑐩𑐵𑐮𑐷 𑐎𑑂𑐲𑐾𑐟𑑂𑐬𑐫𑑂 𑐨𑐶𑐜𑐣𑑂𑐟 𑐖𑐹𑐐𑐸 𑐏𑑅 𑑋 𑐄𑐧𑐮𑐫𑑂 𑐐𑐸𑐮𑐶𑐏𑐾 𑐳𑐿𑐣𑐶𑐎𑐟 𑐨𑐷𑐬𑑄 𑐎𑐸𑐟𑐸𑑄 𑐰𑐣𑐵𑑅 𑐱𑐹𑐣𑑂𑐫 𑐳𑑂𑐰𑐫𑐵𑑄 𑐎𑑂𑐰𑐫𑑂𑐫𑐵 𑐟𑐵𑐥𑐎𑑂𑐬𑐩𑐫𑑂 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑐐𑐮𑐰𑐵𑐣 𑐏𑐸𑐳𑐶𑐂 𑐎𑐸𑐟𑐸𑑄 𑐰𑑄𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS