Read news in NepalBhasa text-- www.hamroschool.com BACK 𑐳𑐬𑐎𑐵𑐬, 𑐎𑑀𑐬𑑀𑐣𑐵 𑐰 𑐨𑑂𑐬𑐲𑑂𑐚𑐵𑐔𑐵𑐬 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐳𑐬𑐎𑐵𑐬, 𑐎𑑀𑐬𑑀𑐣𑐵 𑐰 𑐨𑑂𑐬𑐲𑑂𑐚𑐵𑐔𑐵𑐬

𑐡𑐾𑐱𑐫𑑂 𑐀𑐳𑑂𑐠𑐶𑐬𑐟𑐵 𑐧𑑂𑐰𑐮𑐣𑐶𑐐𑐸 𑐂𑐮𑐫𑑂 𑐬𑐵𑐖𑑂𑐫𑐳𑐟𑑂𑐟𑐵𑐫𑑂 𑐡𑐸𑐥𑐶𑑄𑐳𑑄 𑐠𑐷𑐠𑐷 𑐎𑐠𑑄 𑐦𑐵𑐂𑐡𑐵 𑐎𑐵𑐫𑐾𑐟 𑐳𑑂𑐰𑐂𑐐𑐸 𑐣𑑂𑐴𑐹𑐐𑐸 𑐏𑑃 𑐩𑐏𑐸𑑋 𑐰𑐶𑐱𑑂𑐰𑐣𑑂𑐫𑑄𑐎𑑄 𑐎𑑀𑐬𑑀𑐣𑐵 𑐩𑐴𑐵𑐩𑐵𑐬𑐷 𑐣𑑂𑐫𑐣𑐵𑐔𑑂𑐰𑑄𑐐𑐸 𑐂𑐮𑐫𑑂𑐣𑐾 𑐥𑐵𑐮𑐫𑑂 𑐣𑑄 𑐠𑐷𑐠𑐷 𑐎𑐠𑑄𑐫𑐵 𑐨𑑂𑐬𑐲𑑂𑐚𑐵𑐔𑐵𑐬𑐫𑐵 𑐧𑐸𑐏𑑃 𑐰𑐫𑐵𑐔𑑂𑐰𑑄𑐐𑐸 𑐡𑐸𑐳𑐵 𑐄𑐎𑐠𑑄 𑐨𑑂𑐬𑐲𑑂𑐚𑐵𑐔𑐵𑐬𑐫𑐵 𑐱𑑂𑐬𑐺𑑄𑐏𑐮𑐵 𑐣𑑄 𑐩𑐡𑐶𑐎 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑐡𑐸𑑋 𑐰𑐶𑐱𑑂𑐰𑐣𑑂𑐫𑐎𑑄 𑐎𑑀𑐬𑑀𑐣𑐵𑐫𑐵 𑐩𑐴𑐵𑐩𑐵𑐬𑐷  𑐱𑐸𑐬𑐸 𑐖𑐸𑐂𑐰𑑄 𑐄𑐎𑐶𑐫𑐵 𑐬𑑀𑐎𑐠𑐵𑐩𑐫𑐵 𑐣𑐶𑑄𑐟𑐶𑑄 𑐩𑐵𑑅𑐐𑐸 𑐠𑐷𑐠𑐷 𑐎𑐠𑑄𑐫𑐵 𑐳𑐵𑐩𑐐𑑂𑐬𑐷 𑐣𑑂𑐫𑐵𑐫𑐾𑐐𑐸 𑐗𑑂𑐰𑐮𑐫𑑂 𑐳𑐬𑐎𑐵𑐬𑑄 𑐠𑐩𑑂𑐴 𑐴𑐾 𑐡𑐫𑐾𑐎𑐵𑐟𑑅𑐐𑐸 𑐩𑐵𑐥𑐡𑐞𑑂𑐜 𑐀𑑅𑐏𑑅 𑐕𑐐𑐹 𑐰𑐶𑐰𑐵𑐡𑐵𑐳𑑂𑐥𑐡  𑐰𑑂𑐫𑐵𑐥𑐵𑐬𑐶𑐎 𑐳𑑄𑐳𑑂𑐠𑐵𑐫𑐵𑐟 𑐳𑐵𑐩𑐵𑐣 𑐴𑐫𑐾𑐐𑐸 𑐚𑐾𑐣𑑂𑐜𑐬 𑐧𑐶𑐮 𑑋 𑐄𑐐𑐸 𑐎𑐩𑑂𑐥𑐣𑐷𑑄 𑐴𑑅𑐐𑐸 𑐳𑐵𑐩𑐐𑑂𑐬𑐷𑐫𑐵𑐟 𑐎𑐫𑐵𑑅 𑐁𑐥𑐵𑐮𑑄 𑐰𑐶𑐰𑐵𑐡 𑐖𑐸𑐂𑐰𑑄 𑐀𑐣𑑂𑐟𑐟𑑅 𑐳𑐬𑐎𑐵𑐬 𑐚𑐾𑐣𑑂𑐜𑐬 𑐴𑐾 𑐏𑐵𑐬𑐾𑐖 𑐫𑐵𑐫𑐾𑐟 𑐧𑐵𑐢𑑂𑐫 𑐖𑐸𑐮 𑑋 𑐰𑐫𑐵𑑄 𑐮𑐶𑐥𑐵 𑐳𑐬𑐎𑐵𑐬𑑄 𑐳𑑂𑐰𑐵𑐳𑑂𑐠𑑂𑐫 𑐳𑐵𑐩𑐐𑑂𑐬𑐷 𑐴𑐫𑐾𑐐𑐸 𑐖𑐶𑐩𑑂𑐩𑐵 𑐣𑐾𑐥𑐵𑐮𑐷 𑐳𑐾𑐣𑐵𑐫𑐵𑐟 𑐧𑐶𑐮 𑑋 𑐟𑐬 𑐳𑐾𑐣𑐵𑑄 𑐴𑑅𑐐𑐸 𑐳𑐵𑐩𑐵𑐣 𑐣𑑄 𑐧𑐖𑐵𑑅 𑐨𑐵𑑅 𑐳𑑂𑐰𑐫𑐵𑑄 𑐁𑐥𑐵𑐮𑑄 𑐠𑐶𑐎𑐾 𑐖𑐹𑐐𑐸 𑐖𑐎 𑐩𑐏𑐸 𑐳𑐾𑐣𑐵 𑐟𑐎𑑄 𑐰𑐶𑐰𑐵𑐡𑐫𑑂 𑐮𑐵𑐟 𑑋 𑐠𑐸𑐎𑐠𑑄 𑐎𑑀𑐬𑐵𑐣𑐵 𑐨𑐵𑐂𑐬𑐳𑐫𑐵 𑐳𑑄𑐎𑑂𑐬𑐩𑐞𑐫𑐵 𑐂𑐮𑐫𑑂 𑐳𑑂𑐰𑐵𑐳𑑂𑐠𑑂𑐫 𑐩𑐣𑑂𑐟𑑂𑐬𑐵𑐮𑐫𑐮𑐶𑐳𑐾𑑄 𑐳𑐾𑐣𑐵 𑐟𑐎 𑐰𑐶𑐰𑐵𑐡𑐫𑑂 𑐮𑐵𑐂𑐐𑐸 𑐖𑑂𑐫𑐵𑑄 𑐣𑐾𑐥𑐵𑑅 𑐳𑐬𑐎𑐵𑐬𑐫𑐵 𑐰𑐵𑐳𑑂𑐟𑐰𑐶𑐎 𑐏𑑂𑐰𑐵𑑅𑐥𑐵𑑅 𑐄𑐮𑐵 𑐧𑐶𑐄𑐐𑐸 𑐡𑐸 𑑋

𑐀𑐠𑐾𑐮𑐵 𑐣𑐾𑐥𑐵𑐮 𑐳𑐬𑐎𑐵𑐬𑑄 𑐮𑐎𑐜𑐵𑐄𑐣 𑐫𑐵𑐫𑐾 𑐣𑑂𑐴𑑂𑐫𑑅 𑐴𑐾 𑐰𑐶𑐡𑐾𑐱𑐫𑑂 𑐔𑑂𑐰𑑄𑐥𑐶𑑄 𑐣𑐾𑐥𑐵𑑅𑐩𑐶𑐫𑐵 𑐄𑐡𑑂𑐢𑐵𑐬 𑐫𑐵𑐫𑐾𑐩𑐵𑑅𑐐𑐸 𑐩𑐵𑐐 𑐖𑐸𑐮 𑑋 𑐟𑐬 𑐳𑐬𑐎𑐵𑐬𑑄 𑐔𑐷𑐣𑐫𑐵 𑐰𑐸𑐴𑐵𑐣𑐫𑑂 𑐔𑑂𑐰𑑄𑐥𑐶𑑄 𑐣𑐾𑐥𑐵𑑅𑐩𑐶 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐄𑐡𑑂𑐢𑐵𑐬 𑐫𑐵𑐫𑐾𑐐𑐸 𑐖𑑂𑐫𑐵 𑐮𑐵 𑐖𑐸𑐮 𑐟𑐬 𑐣𑐾𑐥𑐵𑑅𑐫𑐵 𑐀𑐬𑑂𑐠𑐟𑐣𑑂𑐟𑑂𑐬𑐫𑑂 𑐟𑑅𑐢𑑄𑐐𑐸 𑐫𑑀𑐐𑐡𑐵𑐣 𑐫𑐵𑐣𑐵𑐔𑑂𑐰𑑄𑐥𑐶𑑄 𑐣𑐾𑐥𑐵𑑅𑐩𑐶 𑐖𑐣𑐟𑐵𑐫𑐵 𑐄𑐡𑑂𑐢𑐵𑐬 𑐫𑐵𑐫𑐾𑐟 𑐫𑐵𑑅𑐐𑐸 𑐀𑐮𑐩𑐮𑑄 𑐫𑐵𑐣𑐵𑑅 𑐳𑐬𑐎𑐵𑐬 𑐫𑐵𑐟 𑐐𑐬𑐶𑐧 𑐣𑐾𑐥𑐵𑑅𑐩𑐶𑐫𑐵 𑐔𑐶𑐄𑐟𑐵𑑅 𑐖𑐎𑑄 𑐩𑐡𑐸𑐐𑐸 𑐏𑑅𑐮𑐵 𑐢𑐂𑐐𑐸 𑐣𑑂𑐴𑑂𑐫𑐳𑑅 𑐟𑐎𑑄 𑐧𑑂𑐰𑐮𑐣𑐵𑐔𑑂𑐰𑑄𑐐𑐸 𑐡𑐸𑑋 𑐔𑐷𑐣𑑄 𑐄𑐡𑑂𑐢𑐵𑐬 𑐫𑐵𑐣𑐵𑐴𑑅𑐥𑐶𑑄 𑐁𑐥𑐵𑐮𑑄 𑐰𑐶𑐡𑑂𑐫𑐵𑐬𑑂𑐠𑐷 𑐁𑐬𑑂𑐠𑐶𑐎 𑐬𑐸𑐥𑑄 𑐳𑐩𑑂𑐥𑐣𑑂𑐣𑐥𑐶𑑄 𑐏𑑅 𑑋 𑐁𑐬𑑂𑐠𑐶𑐎 𑐬𑐸𑐥𑑄 𑐳𑐩𑑂𑐥𑐣𑑂𑐣𑐥𑐶𑑄 𑐖𑐹𑐐𑐸𑐮𑐶𑑄 𑐴𑐾 𑐂𑐥𑐶𑑄 𑐔𑐷𑐣𑐫𑑂 𑐰𑐣𑐵𑑅 𑐀𑐢𑑂𑐫𑐫𑐣 𑐫𑐵𑑅𑐰𑑄𑐥𑐶𑑄 𑐏𑑅 𑑋 𑐟𑐬 𑐏𑐵𑐜𑐷 𑐩𑐸𑐮𑐸𑐎𑐫𑑂 𑐰𑐣𑐵𑑅 𑐠𑑅𑐐𑐸 𑐴𑐶𑐔𑑅𑐟𑐶 𑐴𑐵𑐫𑐾𑐎𑐵𑑅 𑐡𑐾𑐫𑑂𑐫𑐵 𑐀𑐬𑑂𑐠𑐟𑐣𑑂𑐟𑑂𑐬𑐫𑑂 𑐫𑑀𑐐𑐡𑐵𑐣 𑐫𑐵𑑅𑐥𑐶𑑄𑐟 𑐄𑐥𑐾𑐎𑑂𑐲𑐵 𑐫𑐵𑐫𑐾𑐐𑐸 𑐖𑑂𑐫𑐵 𑐣𑑄 𑐠𑑂𑐰𑐴𑐾 𑐳𑐬𑐎𑐵𑐬𑑄 𑐫𑐵𑐟𑑋 𑐰𑐸𑐴𑐵𑐣𑑄 𑐄𑐡𑑂𑐢𑐵𑐬 𑐫𑐵𑐣𑐵𑐴𑑅𑐥𑐶𑑄𑐟 𑐳𑐬𑐎𑐵𑐬𑑄 𑐴𑐰𑐵𑐃𑐖𑐴𑐵𑐖 𑐕𑑂𑐰𑐫𑐵𑑅 𑐣𑐶𑑅𑐱𑐸𑐮𑑂𑐎 𑐄𑐡𑑂𑐢𑐵𑐬 𑐫𑐵𑑅𑐐𑐸 𑐖𑐎𑐩𑐏𑐸 𑐂𑐩𑐶𑐟 𑐳𑑂𑐰𑐰𑐵𑑅𑐟𑐎 𑐎𑑂𑐰𑐵𑐬𑐾𑐣𑑂𑐚𑐵𑐂𑐣𑐫𑑂 𑐣𑑄 𑐣𑐶𑑅𑐱𑐸𑐮𑑂𑐎 𑐟𑐮 𑑋 𑐟𑐬 𑐏𑐵𑐜𑐷 𑐩𑐸𑐮𑐸𑐎𑑄 𑐄𑐡𑑂𑐢𑐵𑐬 𑐫𑐵𑐣𑐵𑐴𑑅𑐥𑐶𑑄 𑐣𑐾𑐥𑐵𑑅𑐩𑐶𑐫𑐵 𑐴𑐰𑐵𑐃 𑐨𑐵𑐜𑐵 𑐳𑑂𑐰𑐡𑐸𑐐𑑄 𑐳𑑂𑐰𑐫𑐵𑑄 𑐀𑐥𑑂𑐰𑑅 𑐎𑐵𑐫𑐾𑐐𑐸 𑐖𑐎 𑐩𑐏𑐸, 𑐂𑐩𑐶𑐟 𑐎𑑂𑐰𑐵𑐬𑐾𑐣𑑂𑐚𑐵𑐂𑐣𑐫𑑂 𑐔𑑂𑐰𑐣𑐾𑐟 𑐟𑐎𑑄 𑐠𑑅𑐥𑐶𑑄𑐳𑑄 𑐴𑐾 𑐢𑑂𑐫𑐧𑐵 𑐥𑐸𑐮𑐾𑐩𑐵𑑅𑐐𑐸 𑐣𑐶𑐫𑐩 𑐳𑐬𑐎𑐵𑐬𑑄 𑐡𑐫𑐾𑐎𑐮 𑑋 𑐠𑐸𑐎𑐶𑑄 𑐫𑐔𑑂𑐔𑐸𑐎 𑐎𑑂𑐫𑑄 𑐡𑐸𑐃 𑐟𑐶𑐴𑐵𑐃𑐫𑐵 𑐎𑐩𑑂𑐫𑐸𑐣𑐶𑐲𑑂𑐚 𑐳𑐬𑐎𑐵𑐬𑐫𑐵 𑐰𑐵𑐳𑑂𑐟𑐰𑐶𑐎 𑐖𑐣𑐟𑐵 𑐳𑐸 𑐖𑐸𑐮 𑐢𑐂𑐐𑐸 !

𑐠𑑁𑑄𑐫𑐵 𑐀𑐰𑐳𑑂𑐠𑐵𑐫𑑂 𑐰𑐵𑐳𑑂𑐟𑐰𑐫𑑂 𑐄𑐡𑑂𑐢𑐵𑐬 𑐫𑐵𑐫𑐾𑐩𑐵𑑅𑐥𑐶𑑄 𑐖𑐣𑐟𑐵 𑐳𑐸 𑐏𑑅 𑐢𑐎𑐵𑑅 𑐳𑐬𑐎𑐵𑐬𑑄 𑐩𑐳𑐶𑐄𑐐𑐸 𑐩𑐏𑐸𑑋 𑐰𑐶𑐱𑐾𑐲 𑐫𑐵𑐣𑐵𑑅 𑐠𑑅𑐐𑐸 𑐡𑐾𑐱𑐫𑑂 𑐳𑐬𑐎𑐵𑐬𑑄 𑐮𑐖𑐐𑐵𑑅 𑐧𑐷𑐩𑐦𑐸𑐐𑐸 𑐴𑐸𑐣𑐶𑑄 𑐁𑐥𑐵𑐮𑑄 𑐢𑐫𑐵𑐠𑐾𑑄 𑐣𑐾𑐥𑐵𑑅 𑐖𑐮𑐵𑐏𑐮𑐵 𑐡𑐾𑐫𑑂 𑐨𑐵𑐬𑐟𑐮𑐶𑐳𑐾𑑄 𑐏𑐵𑐜𑐷 𑐩𑐸𑐮𑐸𑐎𑐫𑑂 𑐰𑐣𑐵𑑅 𑐖𑑂𑐫𑐵 𑐫𑐵𑐫𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸𑑋 𑐀𑐮𑐾 𑐡𑐾𑐫𑑂𑐫𑐵 𑐀𑐬𑑂𑐠𑐟𑐣𑑂𑐟𑑂𑐬𑐫𑑂 𑐣𑑄 𑐂𑐩𑐶𑐐𑐸 𑐫𑑀𑐐𑐡𑐵𑐣 𑐁𑐥𑐵𑐮𑑄 𑐡𑐸𑑋 𑐟𑐬 𑐡𑐾𑐫𑑂𑐫𑐵 𑐀𑐬𑑂𑐠𑐟𑐣𑑂𑐟𑑂𑐬𑐫𑑂 𑐁𑐥𑐵𑐮𑑄 𑐫𑑀𑐐𑐡𑐵𑐣𑐫𑑂 𑐰 𑐟𑐶𑐧𑑅 𑐧𑐶𑐫𑐵𑐔𑑂𑐰𑑄𑐥𑐶𑑄 𑐖𑐣𑐟𑐵 𑐐𑐧𑐮𑐫𑑂 𑐳𑐩𑐳𑑂𑐫𑐵𑐫𑑂 𑐮𑐵𑐟 𑐀𑐧𑐮𑐫𑑂 𑐂𑐩𑐶𑐟 𑐄𑐡𑑂𑐢𑐵𑐬 𑐫𑐵𑐫𑐾𑐐𑐸 𑐩𑐵𑐩𑐶𑐮𑐵𑐫𑑂 𑐢𑐵𑑅𑐳𑐵 𑐳𑐬𑐎𑐵𑐬𑑄 𑐢𑑂𑐫𑐵𑐣 𑐩𑐧𑐶𑐄𑐐𑐸 𑐖𑐎 𑐩𑐏𑐸𑑋 𑐂𑐩𑐶𑐟 𑐄𑐡𑑂𑐢𑐵𑐬 𑐫𑐵𑐫𑐾𑐦𑐂 𑐩𑐏𑐸 𑐢𑐎𑐵𑑅 𑐮𑑂𑐴𑐵𑑅 𑐮𑑂𑐴𑑂𑐰𑐣𑐾𑐐𑐸 𑐖𑑂𑐫𑐵 𑐟𑐎𑑄 𑐠𑑂𑐰 𑐳𑐬𑐎𑐵𑐬𑑄 𑐫𑐵𑐟 𑑋 𑐠𑑂𑐰 𑐢𑐂𑐐𑐸 𑐡𑐾𑐫𑑂𑐫𑐵 𑐁𑐬𑑂𑐠𑐶𑐎 𑐀𑐰𑐳𑑂𑐠𑐵 𑐎𑐩𑐖𑑀𑐬𑐥𑐶𑑄 𑐣𑐾𑐥𑐵𑑅𑐩𑐶 𑐖𑐣𑐟𑐵𑐥𑑂𑐬𑐟𑐶 𑐳𑐬𑐎𑐵𑐬𑐫𑐵 𑐳𑑂𑐰𑐫𑐾𑐐𑐸 𑐩𑐶𑐏𑐵 𑐐𑐠𑐾 𑐔𑑂𑐰𑑄 𑐢𑐂𑐐𑐸 𑐏𑑃 𑐫𑐔𑑂𑐔𑐸𑐎 𑐎𑑂𑐫𑐣𑐵𑐧𑐶𑐮 𑑋

𑐠𑑅𑐐𑐸 𑐢𑑂𑐫𑐧𑐵 𑐦𑐸𑐎𑐵𑑅 𑐰𑐶𑐡𑐾𑐱𑐫𑑂 𑐁𑐏𑑅 𑐧𑑂𑐰𑑄 𑐰𑐣𑐾 𑐦𑐸𑐥𑐶𑐣𑐶𑐐𑐸 𑐣𑐶𑑄𑐟𑐶𑑄 𑐎𑐬𑑀𑐜𑑁𑑄 𑐟𑐎𑐵 𑐏𑐬𑑂𑐔 𑐫𑐵𑐣𑐵𑑅 𑐳𑐶𑐟𑐶𑐎𑑄 𑐂𑐩𑐶𑐟 𑐎𑑂𑐰𑐵𑐬𑐣𑑂𑐚𑐵𑐂𑐣𑐫𑑂 𑐟𑐫𑐾𑐐𑐸 𑐖𑑂𑐫𑐵 𑐫𑐵𑐟𑐳𑐵 𑐩𑐾𑐏𑐾 𑐨𑐵𑐬𑐟𑑄 𑐣𑐾𑐥𑐵𑑅 𑐮𑐶𑐴𑐵𑑄 𑐰𑑅𑐥𑐶𑑄 𑐖𑐣𑐟𑐵𑐫𑐵𑐟 𑐳𑐬𑐎𑐵𑐬𑑄 𑐎𑑂𑐰𑐵𑐬𑐣𑑂𑐚𑐵𑐂𑐣𑐫𑑂 𑐟𑐫𑐾𑐐𑐸 𑐮𑐵 𑐕𑐸 𑐂𑐩𑐶𑐟 𑐦𑐫𑐵𑑄𑐦𑐕𑐶 𑐡𑐾𑐱𑐫𑑂 𑐡𑐸𑐩𑐎𑐵𑐫𑐾𑐐𑐸 𑐣𑐷𑐟𑐶 𑐟𑐎𑑄 𑐳𑐬𑐎𑐵𑐬𑑄 𑐖𑑂𑐰𑐣 𑑋

𑐠𑑅𑐐𑐸 𑐢𑑂𑐫𑐧𑐵 𑐦𑐸𑐎𑐵𑑅 𑐰𑐶𑐡𑐾𑐱𑐫𑑂 𑐁𑐏𑑅 𑐧𑑂𑐰𑑄 𑐰𑐣𑐾 𑐦𑐸𑐥𑐶𑐣𑐶𑐐𑐸 𑐣𑐶𑑄𑐟𑐶𑑄 𑐎𑐬𑑀𑐜𑑁𑑄 𑐟𑐎𑐵 𑐏𑐬𑑂𑐔 𑐫𑐵𑐣𑐵𑑅 𑐳𑐶𑐟𑐶𑐎𑑄 𑐂𑐩𑐶𑐟 𑐎𑑂𑐰𑐵𑐬𑐣𑑂𑐚𑐵𑐂𑐣𑐫𑑂 𑐟𑐫𑐾𑐐𑐸 𑐖𑑂𑐫𑐵 𑐫𑐵𑐟𑐳𑐵 𑐩𑐾𑐏𑐾 𑐨𑐵𑐬𑐟𑑄 𑐣𑐾𑐥𑐵𑑅 𑐮𑐶𑐴𑐵𑑄 𑐰𑑅𑐥𑐶𑑄 𑐖𑐣𑐟𑐵𑐫𑐵𑐟 𑐳𑐬𑐎𑐵𑐬𑑄 𑐎𑑂𑐰𑐵𑐬𑐣𑑂𑐚𑐵𑐂𑐣𑐫𑑂 𑐟𑐫𑐾𑐐𑐸 𑐮𑐵 𑐕𑐸 𑐂𑐩𑐶𑐟 𑐦𑐫𑐵𑑄𑐦𑐕𑐶 𑐡𑐾𑐱𑐫𑑂 𑐡𑐸𑐩𑐎𑐵𑐫𑐾𑐐𑐸 𑐣𑐷𑐟𑐶 𑐟𑐎𑑄 𑐳𑐬𑐎𑐵𑐬𑑄 𑐖𑑂𑐰𑐣𑑋 𑐨𑐵𑐬𑐟𑐫𑐵 𑐠𑐷𑐠𑐷 𑐠𑐵𑐳𑑄 𑐳𑐮𑑄𑐳𑑅 𑐎𑐶𑐮𑑀𑐩𑐶𑐚𑐬 𑐣𑑂𑐫𑐵𑐳𑐶 𑐰𑐫𑐵𑑅 𑐣𑐾𑐥𑐵𑑅𑐫𑐵 𑐳𑐷𑐩𑐵𑐫𑑂 𑐠𑑂𑐫𑑄𑐎𑑅 𑐰𑑅𑐥𑐶𑑄 𑐖𑐣𑐟𑐵𑐫𑐵𑐟 𑐣𑐾𑐥𑐵𑑅 𑐡𑐸𑐎𑐵𑐫𑐾𑐟 𑐟𑐎𑑄 𑐳𑐬𑐎𑐵𑐬𑑄 𑐁𑐣𑐵𑐎𑐵𑐣𑐷 𑐫𑐵𑐟𑑋 𑐖𑐧 𑐨𑐵𑐬𑐟𑑄 𑐣𑐾𑐥𑐵𑑅𑐫𑐵 𑐖𑐣𑐟𑐵𑐫𑐵𑐟 𑐠𑑅𑐥𑐶𑑄𑐳𑑄 𑐮𑐴𑐷 𑐦𑐂𑐩𑐏𑐸 𑐢𑐎𑐵𑑅 𑐢𑐵𑐮 𑐀𑐮𑐾 𑐖𑐎 𑐳𑐬𑐎𑐵𑐬𑑄 𑐂𑐩𑐶𑐟 𑐣𑐾𑐥𑐵𑑅 𑐡𑐸𑐴𑐵𑑄 𑐰𑐫𑐾𑐎𑐾 𑐧𑐶𑐮 𑑋 𑐟𑐬 𑐂𑐩𑐶𑐟 𑐰𑑂𑐫𑐰𑐳𑑂𑐠𑐶𑐟 𑐬𑐸𑐥𑑄 𑐎𑑂𑐰𑐵𑐬𑐣𑑂𑐚𑐵𑐂𑐣𑐫𑑂 𑐟𑐫𑐾𑐐𑐸 𑐰𑐵 𑐂𑐩𑐶𑐟 𑐩𑐵𑑅𑐐𑐸 𑐕𑐸𑑄 𑐣𑑄 𑐎𑐠𑑄𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐫𑐾𑐐𑐸𑐮𑐶𑐂 𑐢𑐵𑑅𑐳𑐵 𑐳𑐬𑐎𑐵𑐬𑑄 𑐔𑐶𑐄𑐟𑐵𑑅 𑐩𑐎𑑂𑐫𑑄 𑑋 𑐀𑐠𑐾 𑐖𑐸𑐫𑐵𑑅 𑐁𑑅 𑐠𑐣 𑐣𑑂𑐴𑑂𑐫𑐳𑑅 𑐧𑑂𑐰𑐮𑐣𑐷 ! 𑐡𑐸𑐃 𑐟𑐶𑐴𑐵𑐃 𑐎𑐩𑑂𑐫𑐸𑐣𑐶𑐲𑑂𑐚 𑐳𑐬𑐎𑐵𑐬𑐫𑐵 𑐴𑐶𑐩𑐵𑐫𑐟𑐷 𑐳𑐸? 𑐳𑐬𑐎𑐵𑐬𑐫𑐵 𑐥𑑂𑐬𑐵𑐠𑐩𑐶𑐎𑐟𑐵 𑐳𑐸? 𑐠𑑂𑐰 𑐣𑑂𑐴𑑂𑐫𑐳𑑅 𑐠𑑁𑑄 𑐁𑐩 𑐖𑐣𑐟𑐵𑐫𑐵 𑐡𑐠𑐸𑐂 𑐡𑐣𑐵𑐔𑑂𑐰𑑄𑐐𑐸 𑐡𑐸 𑑋

𑐳𑐬𑐎𑐵𑐬𑐷 𑐟𑐠𑑂𑐫𑐵𑑄𑐎𑐎𑐠𑑄 𑐨𑐵𑐬𑐟𑑄 𑐖𑐎 𑑓 𑐐𑐹 𑐮𑐵𑐏 𑐳𑑂𑐰𑐫𑐵𑑄 𑐀𑐥𑑂𑐰𑑅 𑐣𑐾𑐥𑐵𑑅𑐩𑐶 𑐣𑐾𑐥𑐵𑑅 𑐮𑐶𑐴𑐵𑑄 𑐰𑑅𑐐𑐸 𑐡𑐸𑑋 𑐟𑐬 𑐂𑐩𑐶𑐟 𑐎𑑂𑐰𑐵𑐬𑐾𑐣𑑂𑐚𑐵𑐂𑐣𑐫𑑂 𑐟𑐫𑐾𑐐𑐸 𑐰𑑂𑐫𑐰𑐳𑑂𑐠𑐵𑐫𑑂 𑐢𑐵𑑅𑐳𑐵 𑐳𑐬𑐎𑐵𑐬𑑄 𑐟𑐔𑑂𑐰𑐎𑑄 𑐮𑐵𑐥𑐬𑐰𑐵𑐴𑐷 𑐫𑐵𑑅𑐐𑐸 𑐏𑑃 𑐳𑐵𑐬𑑂𑐰𑐖𑐣𑐶𑐎 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸𑑋 𑐐𑐸𑐮𑐶𑐏𑐾 𑐎𑑂𑐰𑐵𑐬𑐾𑐣𑑂𑐚𑐵𑐂𑐣𑐫𑑂 𑐩𑐵𑐎𑑂𑐰 𑐚𑑂𑐰𑐵𑐂𑐮𑐾𑐚 𑐟𑐎𑑄 𑐩𑐡𑐸𑑋 𑐐𑐸𑐮𑐶𑐏𑐾 𑐎𑑂𑐰𑐵𑐬𑐾𑐣𑑂𑐚𑐵𑐂𑐣𑐫𑑂 𑐳𑑂𑐰𑐵𑐳𑑂𑐠𑑂𑐫𑐎𑐬𑑂𑐩𑐷𑐥𑐶𑑄𑐟 𑐩𑐵𑑅𑐐𑐸 𑐳𑐵𑐩𑐵𑐣 𑐩𑐡𑐸𑑋 𑐟𑐬 𑐠𑐸𑐎𑐶𑐫𑐵 𑐡𑐠𑐸𑐂 𑐳𑐬𑐎𑐵𑐬𑑄 𑐢𑐵𑑅𑐳𑐵 𑐀𑐬𑑂𑐧𑑁𑑄 𑐟𑐎𑐵 𑐏𑐬𑑂𑐔 𑐖𑐹𑐐𑐸 𑐢𑐎𑐵𑑅 𑐢𑐵𑐫𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐰𑐵𑐳𑑂𑐟𑐰𑐫𑑂 𑐳𑐬𑐎𑐵𑐬𑑄 𑐫𑐵𑑅𑐐𑐸 𑐏𑐬𑑂𑐔 𑐢𑐵𑐠𑐾𑑄 𑐖𑐹𑐐𑐸 𑐏𑑅𑐮𑐵 𑐩𑐏𑐸𑐮𑐵 𑐢𑐂𑐐𑐸 𑐣𑑂𑐴𑑂𑐫𑐳𑑅 𑐣𑑄 𑐠𑐣 𑐧𑑂𑐰𑐮𑐣𑐵𑐔𑑂𑐰𑑄𑐐𑐸 𑐡𑐸𑑋 𑐀𑐬𑑂𑐧𑐵𑐿𑑄 𑐟𑐎𑐵 𑐢𑑂𑐫𑐧𑐵 𑐏𑐬𑑂𑐔 𑐖𑐸𑐂𑐐𑐸 𑐟𑐬 𑐎𑑂𑐰𑐵𑐬𑐾𑐣𑑂𑐚𑐵𑐂𑐣𑐫𑑂 𑐳𑐵𑐩𑐵𑐣𑑂𑐫 𑐁𑐰𑐱𑑂𑐫𑐎𑐟𑐵 𑐳𑐵𑐩𑐵𑐣𑐫𑐵 𑐣𑑄 𑐰𑑂𑐫𑐰𑐳𑑂𑐠𑐵 𑐩𑐡𑐂𑐐𑐸 !

𑐣𑑂𑐴𑐵𑐥𑐵𑑄𑐐𑐸 𑐮𑐚𑐫𑑂 𑐔𑐷𑐣𑐫𑐵 𑐰𑐸𑐴𑐵𑐣𑑄 𑐄𑐡𑑂𑐢𑐵𑐬 𑐫𑐵𑐣𑐵𑐴𑑅𑐥𑐶𑑄 𑑑𑑗𑑕 𑐩𑑂𑐴 𑐣𑐾𑐥𑐵𑑅𑐩𑐶 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐏𑑂𑐰𑐥𑐫𑐵 𑐎𑑂𑐰𑐵𑐬𑐾𑐣𑑂𑐚𑐵𑐂𑐣𑐫𑑂 𑐟𑐮 𑑋 𑐂𑐩𑐶𑐟 𑐀𑐣 𑐕𑐸𑑄 𑐣𑑄 𑐎𑐠𑑄𑐫𑐵 𑐰𑐵𑐳𑑅 𑐫𑐵𑐫𑐾𑐩𑐵𑑅𑐐𑐸 𑐀𑐰𑐳𑑂𑐠𑐵 𑐩𑐰𑐮 𑐟𑐬 𑐏𑐬𑑂𑐔 𑐢𑐵𑑅𑐳𑐵 𑐕𑐩𑑂𑐴 𑐩𑐣𑐹𑐫𑐵𑐟 𑐦𑐵𑐂𑐨 𑐳𑑂𑐚𑐵𑐬 𑐴𑑀𑐚𑐾𑐮𑐫𑑂 𑐟𑐫𑐾𑐐𑐸 𑐧𑐬𑐵𑐧𑐬 𑐖𑐸𑐮 𑑋 𑐠𑐸𑐎𑐠𑑄 𑐰𑐬𑑂𑐟𑐩𑐵𑐣 𑐳𑐬𑐎𑐵𑐬 𑐁𑐬𑑂𑐠𑐶𑐎 𑐬𑐸𑐥𑑄 𑐎𑐩𑐖𑑀𑐬 𑐖𑐣𑐟𑐵𑐫𑐵 𑐣𑐶𑑄𑐟𑐶𑑄 𑐀𑐣𑐸𑐡𑐵𑐬 𑐖𑐎 𑐩𑐏𑐸 𑐨𑑂𑐬𑐲𑑂𑐚𑐵𑐔𑐵𑐬 𑐫𑐵𑐫𑐾𑐐𑐸 𑐩𑐵𑐩𑐶𑐮𑐵𑐫𑑂 𑐀𑐧𑑂𑐧𑐮 𑐖𑐹𑐐𑐸 𑐡𑐳𑐸 𑐁𑑅𑐫𑐵 𑐩𑐴𑐵𑐩𑐵𑐬𑐷𑑄 𑐎𑑂𑐫𑐣𑐵 𑐧𑐶𑐄𑐐𑐸 𑐡𑐸 𑑋

𑐳𑐬𑐎𑐵𑐬𑑄 𑐨𑐵𑐬𑐟𑑄 𑐮𑐶𑐴𑐵𑑄 𑐰𑑅𑐥𑐶𑑄 𑐖𑐣𑐟𑐵𑐫𑐵𑐟 𑐖𑐵𑑃𑐔 𑐫𑐵𑐫𑐾𑐐𑐸 𑐢𑐎𑐵𑑅 𑐁𑐬𑐜𑐷𑐚𑐷 𑐥𑐬𑐷𑐎𑑂𑐲𑐞 𑐫𑐵𑐫𑐾𑐐𑐸 𑐖𑑂𑐫𑐵 𑐖𑐸𑐮 𑑋 𑐄𑐐𑐸 𑐁𑐬𑐜𑐷𑐚𑐷 𑐎𑐶𑐚𑐫𑐵𑐟 𑐰𑐶𑐱𑑂𑐰 𑐳𑑂𑐰𑐵𑐳𑑂𑐠𑑂𑐫 𑐳𑑄𑐐𑐛𑐣𑑄 𑐩𑐵𑐣𑑂𑐫𑐟𑐵 𑐩𑐧𑐶𑐄𑐐𑐸 𑐖𑐎 𑐩𑐏𑐸 𑐄𑐎𑐶𑐫𑐵 𑐰𑐶𑐱𑑂𑐰𑐳𑑂𑐟𑐣𑐷𑐫𑐟𑐵 𑐟𑐎𑑄 𑐩𑐡𑐸𑐐𑐸 𑐥𑐸𑐲𑑂𑐚𑐶 𑐖𑐸𑐂𑐢𑐸𑑄𑐎𑐵𑑅 𑐥𑐷𑐳𑐷𑐁𑐬 𑐥𑑂𑐬𑐰𑐶𑐢𑐶𑐥𑐵𑐏𑐾𑑄 𑐥𑐬𑐷𑐎𑑂𑐲𑐞 𑐫𑐵𑐫𑐾𑐩𑐵𑑅𑐐𑐸 𑐩𑐵𑐐 𑐁𑐩 𑐳𑐬𑑂𑐰𑐳𑐵𑐢𑐵𑐬𑐞 𑐖𑐣𑐟𑐵𑑄 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸𑑋 𑐟𑐬 𑐳𑐬𑐎𑐵𑐬𑑄 𑐢𑐵𑑅𑐳𑐵 𑐀𑐗 𑐣𑑄 𑐁𑐬𑐜𑐷𑐚𑐷𑐥𑐵𑐏𑐾𑑄 𑐥𑐬𑐷𑐎𑑂𑐲𑐞 𑐫𑐵𑐫𑐾𑐐𑐸 𑐖𑑂𑐫𑐵 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸𑑋 𑐀𑐗 𑐳𑐵𑐬𑑂𑐰𑐖𑐣𑐶𑐎 𑐖𑐹𑐐𑐸 𑐏𑐧𑐬 𑐎𑐠𑑄 𑐁𑐬𑐜𑐷𑐚𑐷 𑐥𑑂𑐬𑐰𑐶𑐢𑐶 𑐣𑑂𑐫𑐵𑐫𑐾𑐐𑐸 𑐗𑑂𑐰𑐮𑐫𑑂 𑐣𑑄 𑐁𑐥𑐵𑐮𑑄 𑐑𑑀𑐚𑐵𑐮𑐵 𑐖𑐹𑐐𑐸 𑐡𑐸𑑋 𑐟𑐬 𑐳𑐬𑐎𑐵𑐬𑐫𑐵 𑐥𑑂𑐬𑐵𑐠𑐩𑐶𑐎𑐟𑐵 𑐢𑐵𑑅𑐳𑐵 𑐁𑑅 𑐣𑑄 𑐕𑐵𑐫𑑂 𑐁𑐬𑐜𑐷𑐚𑐷 𑐴𑐾 𑐖𑐸𑐫𑐵𑐔𑑂𑐰𑑄𑐣 𑐢𑐂𑐐𑐸 𑐣𑑂𑐴𑑂𑐫𑐳𑑅 𑐳𑐬𑑂𑐰𑐳𑐵𑐢𑐵𑐬𑐞 𑐖𑐣𑐟𑐵𑑄 𑐮𑑂𑐴𑑂𑐰𑐣𑐾𑐐𑐸 𑐖𑐎 𑐩𑐏𑐸 𑐳𑐬𑐎𑐵𑐬𑐫𑐵 𑐰𑐶𑐬𑑀𑐢𑐫𑑂 𑐡𑐾𑐫𑑂𑐣𑑂𑐫𑑄𑐎𑑄 𑐥𑑂𑐬𑐡𑐬𑑂𑐱𑐣 𑐟𑐎𑑄 𑐫𑐵𑐫𑐾𑐐𑐸 𑐖𑑂𑐫𑐵 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸𑑋 𑐩𑐾𑐏𑐾 𑐳𑐬𑐎𑐵𑐬𑑄 𑐠𑐷𑐠𑐷 𑐎𑑂𑐰𑐵𑐬𑐾𑐣𑑂𑐚𑐵𑐂𑐣𑐫𑑂 𑐟𑐫𑐵𑐟𑑅𑐥𑐶𑐣𑐶𑐐𑐸 𑐥𑐷𑐳𑐷𑐁𑐬𑐥𑐵𑐏𑐾 𑐥𑐬𑐷𑐎𑑂𑐲𑐞 𑐫𑐵𑐫𑐾𑐐𑐸 𑐢𑐎𑐵𑑅 𑐣𑐩𑐹𑐣𑐵 𑐫𑑄𑐎𑐹𑐐𑐸 𑐫𑐎𑑂𑐰 𑐡𑐫𑐾𑐢𑐸𑑄𑐎𑐹𑐳𑐵𑑄 𑐣𑑄 𑐄𑐎𑐶𑐫𑐵 𑐮𑐶𑐔𑑂𑐰𑑅 𑐥𑐶𑐴𑐵𑑄 𑐩𑐰𑐫𑐵𑑅 𑐐𑐸𑐮𑐶𑐏𑐾𑑄 𑐎𑑂𑐰𑐵𑐬𑐾𑐣𑑂𑐚𑐵𑐂𑐣𑐫𑑂 𑐔𑑂𑐰𑐣𑐵𑐔𑑂𑐰𑑄𑐥𑐶𑑄 𑐎𑑂𑐰𑐵𑐬𑐾𑐣𑑂𑐚𑐵𑐂𑐣𑑄 𑐧𑐶𑐳𑐶𑐄𑑃 𑐰𑐣𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐐𑐸𑐮𑐶𑐏𑐾 𑐩𑐣𑐹𑐟𑐫𑑂𑐳𑑄 𑐎𑑂𑐰𑐵𑐬𑐾𑐣𑑂𑐚𑐵𑐂𑐣 𑐳𑑂𑐠𑐮𑐫𑑂 𑐴𑐾 𑐁𑐟𑑂𑐩𑐴𑐟𑑂𑐫𑐵 𑐫𑐵𑑅𑐐𑐸 𑐳𑐩𑐵𑐔𑐵𑐬 𑐟𑐎𑑄 𑐳𑐵𑐬𑑂𑐰𑐖𑐣𑐶𑐎 𑐖𑐸𑐂𑐢𑐸𑑄𑐎𑐹𑐐𑐸 𑐡𑐸 𑑋

𑐠𑑂𑐰 𑐩𑐸𑐎𑑂𑐎𑑄 𑐑𑐚𑐣𑐵𑐫𑐵𑐟 𑐡𑐸𑐰𑐵𑐮𑐵𑑅 𑐳𑑂𑐰𑐫𑐾𑐐𑐸 𑐏𑑅𑐳𑐵 𑐰𑐬𑑂𑐟𑐩𑐵𑐣 𑐳𑐬𑐎𑐵𑐬 𑐐𑐸𑐮𑐶 𑐟𑐎 𑐳𑐎𑑂𑐲𑐩 𑐢𑐂𑐐𑐸 𑐣𑑂𑐴𑑂𑐫𑐳𑑅 𑐁𑐩 𑐖𑐣𑐟𑐵𑑄 𑐟𑐫𑐵𑐔𑑂𑐰𑑄𑐐𑐸 𑐡𑐸𑑋 𑐟𑐬 𑐰𑐬𑑂𑐟𑐩𑐵𑐣 𑐳𑐬𑐎𑐵𑐬 𑐥𑑂𑐬𑐩𑐸𑐏 𑐎𑐾𑐥𑐷 𑐌𑐮𑐷 𑐢𑐵𑑅𑐳𑐵 𑐣𑐾𑐥𑐵𑑅𑐩𑐶 𑐖𑐣𑐟𑐵𑐫𑐵 𑐂𑐩𑑂𑐫𑐸𑐣 𑐳𑐶𑐳𑑂𑐚𑐩 𑐧𑐮𑑂𑐮𑐵 𑐢𑐎𑐵𑑅 𑐨𑐵𑐲𑐞 𑐫𑐵𑐫𑐾𑐐𑐸𑐮𑐶𑐂 𑐩𑐏𑑂𑐏 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸𑑋 𑐀𑐗 𑐮𑐵 𑐣𑐾𑐥𑐵𑑅𑐩𑐶 𑐖𑐣𑐟𑐵𑑄 𑐕𑐸 𑐕𑐸 𑐣𑐫𑐵𑐔𑑂𑐰𑑄𑐐𑐸 𑐏𑑅 𑐄𑐎𑐶𑐫𑐵 𑐎𑐵𑐬𑐞𑑄 𑐣𑐾𑐥𑐵𑑅𑐩𑐶𑐫𑐵𑐟 𑐎𑑀𑐬𑑀𑐣𑐵𑑄 𑐎𑐵𑐔𑐵𑐎𑑂𑐎 𑐠𑐷𑐩𑐏𑐸 𑐢𑐎𑐵𑑅 𑐦𑐫𑑂𑐐𑑄 𑐏𑑃 𑐮𑑂𑐴𑐵𑐫𑐾𑐐𑐸𑐮𑐶𑑄 𑐩𑐳𑑂𑐟 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸𑑋 𑐡𑐾𑐫𑑂𑐫𑐵 𑐣𑐶𑑄𑐟𑐶𑑄 𑐠𑑂𑐰 𑐠𑐾𑑄 𑐡𑐸𑐬𑑂𑐨𑐵𑐐𑑂𑐫 𑐩𑐾𑐟𑐵 𑐕𑐸 𑐖𑐸𑐂 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS