𑐮𑐎𑐜𑐵𑐄𑐣 𑐩𑑀𑐜𑐵𑐮𑐶𑐚𑐷𑐫𑐵 𑐎𑐵𑐬𑑂𑐫𑐫𑑀𑐖𑐣𑐵 𑐴𑐫𑐾𑐟 𑐄𑐔𑑂𑐔𑐳𑑂𑐟𑐬𑐷𑐫 𑐳𑐩𑐶𑐟𑐶𑐫𑐵𑐟 𑐣𑐶𑐬𑑂𑐡𑐾𑐱𑐣
𑐫𑐾𑑃 – 𑐳𑐬𑐎𑐵𑐬𑑄 𑐮𑐎𑐜𑐵𑐄𑐣𑐫𑐵 𑐩𑑀𑐜𑐵𑐮𑐶𑐚𑐷𑐫𑐵 𑐧𑐵𑐬𑐾 𑐎𑐵𑐬𑑂𑐫𑐫𑑀𑐖𑐣𑐵 𑐣𑑂𑐴𑑂𑐫𑐧𑑂𑐰𑐫𑐾𑐟 𑐎𑑀𑐨𑐶𑐜-𑑑𑑙 𑐳𑑄𑐎𑑂𑐬𑐩𑐞 𑐬𑑀𑐎𑐠𑐵𑐩 𑐟𑐠𑐵 𑐣𑐶𑐫𑐣𑑂𑐟𑑂𑐬𑐞 𑐄𑐔𑑂𑐔𑐳𑑂𑐟𑐬𑐷𑐫 𑐳𑐩𑐣𑑂𑐰𑐫 𑐳𑐩𑐶𑐟𑐶𑐫𑐵𑐟 𑐣𑐶𑐬𑑂𑐡𑐾𑐱𑐣 𑐧𑐶𑐄𑐐𑐸 𑐡𑐸 𑑋
𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐣𑐶𑐰𑐵𑐳 𑐧𑐵𑐮𑐸𑐰𑐵𑐚𑐵𑐬𑐫𑑂 𑐧𑐶𑐴𑐷𑐰𑐵𑑅 𑐔𑑂𑐰𑑄𑐐𑐸 𑐩𑐣𑑂𑐟𑑂𑐬𑐶𑐥𑐬𑐶𑐲𑐡𑐫𑐵 𑐩𑐸𑑃𑐖𑑂𑐫𑐵𑑄 𑐮𑐎𑐜𑐵𑐄𑐣𑐫𑐵 𑐳𑑂𑐰𑐬𑐸𑐥 𑐴𑐶𑐮𑐾𑐐𑐸 𑐧𑐵𑐬𑐾 𑐳𑐴𑐮𑐴 𑐖𑐹𑐐𑐸 𑐏𑑅 𑑋 𑐩𑐸𑑃𑐖𑑂𑐫𑐵𑐫𑑂 𑐮𑐎𑐜𑐵𑐄𑐣 𑑗𑑓𑐣𑑂𑐴𑐸 𑐟𑐵𑑅𑐴𑐵𑐎 𑐖𑐸𑐂𑐢𑐸𑑄𑐎𑐹𑐐𑐸𑐮𑐶𑑄 𑐖𑐣𑐟𑐵𑐫𑐵𑐟 𑐠𑐵𑐎𑐹 𑐢𑐵𑐳𑐾𑑄 𑐄𑐎𑐷𑐫𑐵 𑐳𑑂𑐰𑐬𑐸𑐥 𑐴𑐶𑐮𑐾𑐐𑐸 𑐧𑐵𑐬𑐾 𑐣𑑂𑐴𑐹𑐐𑐸 𑐫𑑀𑐖𑐣𑐵 𑐴𑐫𑐾𑐩𑐵𑑅𑐐𑐸 𑐧𑐵𑐬𑐾 𑐳𑐴𑐮𑐴 𑐖𑐹𑐐𑐸 𑐏𑑅 𑑋 𑐄𑐐𑐸 𑐳𑐴𑐮𑐴 𑐎𑐠𑑄 𑐁𑑅 𑐮𑐎𑐜𑐵𑐄𑐣𑐫𑐵𑐟 𑐕𑑂𑐰𑐳𑐸𑐎𑐾𑐐𑐸 𑐣𑐶𑑄𑐟𑐶𑑄 𑐫𑑀𑐖𑐣𑐵 𑐣𑑂𑐴𑑂𑐫𑐧𑑂𑐰𑐫𑐾𑐟 𑐄𑐔𑑂𑐔𑐳𑑂𑐟𑐬𑐷 𑐳𑐩𑐶𑐟𑐶𑐫𑐵𑐟 𑐣𑐶𑐬𑑂𑐡𑐾𑐱𑐣 𑐧𑐶𑐄𑐐𑐸 𑐏𑑅 𑑋
𑐀𑐠𑐾𑐴𑐾 𑐎𑑀𑐨𑐶𑐜-𑑑𑑙𑐫𑐵 𑐳𑑄𑐎𑑂𑐬𑐩𑐞 𑐀𑐥𑑂𑐰𑐫𑐵 𑐰𑐣𑐵𑐔𑑂𑐰𑑄𑐐𑐸𑐮𑐶𑑄 𑐄𑐎𑐷𑐫𑐵𑐟 𑐣𑐶𑐫𑐣𑑂𑐟𑑂𑐬𑐞 𑐫𑐵𑐫𑐾𑐐𑐸 𑐧𑐵𑐬𑐾 𑐣𑑄 𑐩𑐸𑑃𑐖𑑂𑐫𑐵𑐫𑑂 𑐳𑐴𑐮𑐴 𑐖𑐹𑐐𑐸 𑐏𑑅 𑑋 𑐣𑐵𑐥𑑄 𑐰𑐶𑐡𑐾𑐱𑑄 𑐣𑐾𑐥𑐵𑑅 𑐮𑐶𑐴𑐵𑑄𑐰𑐫𑐾𑐟 𑐳𑑂𑐰𑐫𑐵𑐔𑑂𑐰𑑄𑐥𑐶𑑄 𑐣𑐾𑐥𑐵𑑅𑐩𑐶𑐟𑐫𑑂𑐟 𑐮𑐶𑐟𑐴𑐫𑐾𑐐𑐸 𑐣𑐶𑑄𑐟𑐶𑑄 𑐫𑐵𑐫𑐾𑐩𑐵𑑅𑐐𑐸 𑐰𑑂𑐫𑐰𑐳𑑂𑐠𑐵𑐫𑐵 𑐧𑐵𑐬𑐾 𑐣𑑄 𑐩𑐣𑑂𑐟𑑂𑐬𑐶𑐥𑐬𑐶𑐲𑐡𑐫𑑂 𑐳𑐴𑐮𑐴 𑐖𑐹𑐐𑐸 𑐏𑑅 𑑋
LEAVE YOUR COMMENTS