Read news in NepalBhasa text-- www.hamroschool.com BACK 𑐜𑐬𑑂𑐚𑐩𑐸𑐣𑑂𑐜𑐫𑐵𑐟 𑐧𑐸𑐎𑐵: 𑐧𑐵𑐫𑐬𑑂𑐣 𑐄𑐥𑐵𑐢𑐶𑐥𑐵𑐏𑐾 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐜𑐬𑑂𑐚𑐩𑐸𑐣𑑂𑐜𑐫𑐵𑐟 𑐧𑐸𑐎𑐵: 𑐧𑐵𑐫𑐬𑑂𑐣 𑐄𑐥𑐵𑐢𑐶𑐥𑐵𑐏𑐾

𑐧𑐬𑑂𑐮𑐶𑐣 (𑐊𑐖𑐾𑐣𑑂𑐳𑐷) – 𑐖𑑀𑐳𑐸𑐁 𑐎𑐶𑐩𑐶𑐔𑐫𑐵 𑐄𑐟𑑂𑐎𑐺𑐲𑑂𑐚 𑐐𑑀𑐮𑐫𑐵 𑐐𑑂𑐰𑐵𑐴𑐵𑐮𑐶𑑄 𑐖𑐬𑑂𑐩𑐣 𑐧𑐸𑑄𑐜𑐾𑐳𑐮𑐶𑐐𑐵𑐫𑑂 𑐧𑐵𑐫𑐬𑑂𑐣 𑐩𑑂𑐫𑐸𑐣𑐶𑐏𑑄 𑐩𑑄𑐐𑐮𑐰𑐵: 𑐧𑐴𑐣𑐶 𑐧𑑀𑐬𑐸𑐳𑐶𑐫𑐵 𑐜𑐬𑑂𑐚𑐩𑐣𑑂𑐜𑐸𑐫𑐵𑐟 𑑑–𑑐 𑐧𑐸𑐎𑐹𑐐𑐸 𑐡𑐸 𑑋 𑐠𑑂𑐰 𑐎𑐵𑐳𑐵 𑐟𑑂𑐫𑐵𑐫𑐾𑐰𑑄 𑐧𑐵𑐫𑐬𑑂𑐣 𑐗𑑂𑐰𑐮𑐵𑐎 𑐔𑑂𑐫𑐵𑐎𑑂𑐰:𑐐𑐸 𑐮𑐶𑐐 𑐄𑐥𑐵𑐢𑐶𑐫𑐵 𑐮𑐶𑐎𑑂𑐎 𑐣𑑄 𑐠𑑂𑐫𑑄𑐐𑐸 𑐡𑐸 𑑋 𑐮𑐶𑐐𑐫𑑂 𑐏𑐸𑐐𑐸 𑐔𑐬𑐞𑐫𑐵 𑐎𑐵𑐳𑐵 𑐖𑐎 𑐮𑑂𑐫𑑄 𑐡𑐸𑐧𑐮𑐫𑑂 𑐧𑐵𑐫𑐬𑑂𑐣𑑄 𑐣𑑂𑐴𑑂𑐫𑐸𑐐𑐸 𑐮𑑂𑐫𑐵:𑐫𑐵 𑐛𑑀𑐳 𑐀𑐐𑑂𑐬𑐟𑐵 𑐎𑐵:𑐐𑐸 𑐡𑐸 𑑋 𑐎𑐶𑐩𑐶𑐔𑑄 𑐣𑑂𑐴𑐵𑐥𑐵𑑄𑐐𑐸 𑐴𑐵𑐦 𑐎𑑂𑐰𑐔𑐵𑐫𑐾 𑐣𑑂𑐴𑑂𑐫: 𑐔𑐶𑐥𑐫𑐵 𑐐𑑂𑐰𑐵𑐴𑐵𑐮𑐶𑑄 𑐐𑑀𑐮 𑐫𑐵:𑐐𑐸 𑐏: 𑑋 𑐁: 𑐧𑐵𑐫𑐬𑑂𑐣𑐫𑐵 𑑖𑑔 𑐮𑑂𑐫𑐵: 𑐖𑐹𑐐𑐸 𑐡𑐸𑐳𑐵 𑐜𑐬𑑂𑐚𑐩𑐸𑐣𑑂𑐜 𑑕𑑗 𑐮𑑂𑐫𑐵𑐏𑐫𑑂 𑐴𑐾 𑐳𑐷𑐩𑐶𑐟 𑐖𑐸𑐮 𑑋 𑐣𑑀𑐨𑐾𑐩𑑂𑐧𑐬𑐫𑑂 𑐧𑐵𑐫𑐬𑑂𑐣𑐫𑐵 𑐑𑐬𑐾𑐮𑐸 𑐩𑐿𑐡𑐵𑐣𑐫𑑂 𑐖𑐹𑐐𑐸 𑐎𑐵𑐳𑐵𑐫𑑂 𑐣𑑄 𑐰𑑄 𑐜𑐬𑑂𑐚𑐩𑐸𑐣𑑂𑐜𑐫𑐵𑐟 𑐀𑐥𑐸𑐎 𑐴𑐾 𑑔–𑑐 𑐧𑐸𑐎𑐹𑐐𑐸 𑐏: 𑑋 𑐩𑑄𑐐𑐮𑐰𑐵: 𑐧𑐴𑐣𑐶𑐫𑐵 𑐩𑐾𑐐𑐸 𑐎𑐵𑐳𑐵𑐫𑑂 𑐰𑑀𑐮𑑂𑐨𑑂𑐳𑐧𑐬𑑂𑐐𑑄 𑐧𑐵𑐫𑐵𑐬 𑐮𑐾𑐰𑐬𑐎𑐸𑐳𑐣𑐫𑐵𑐟 𑑔–𑑑 𑐧𑐸𑐎𑐮 𑑋 𑐀𑐠𑐾𑑄𑐟𑐸 𑐁𑐂𑐣𑐚𑑂𑐬𑐵𑐏𑑂𑐚 𑐦𑑂𑐬𑐵𑐣𑑂𑐎𑐦𑐸𑐬𑑂𑐚 𑐰 𑐦𑑂𑐬𑐵𑐂𑐧𑐬𑑂𑐐𑐮𑐾 𑑓–𑑓, 𑐀𑐮𑐾 𑐨𑐾𑐬𑐜𑐵𑐁 𑐧𑑂𑐬𑐾𑐩𑐣 𑐰 𑐧𑑀𑐬𑐸𑐳𑐶𑐫𑐵 𑐩𑐸𑐣𑑂𑐕𑐾𑐣𑐐𑑂𑐮𑐵𑐜𑐧𑐵𑐏𑐾𑑄 𑐐𑑀𑐮𑐬𑐴𑐶𑐟 𑐧𑐬𑐵𑐧𑐬𑐷 𑐩𑑂𑐴𑐶𑐟𑐮 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS