Read news in NepalBhasa text-- www.hamroschool.com BACK 𑐳𑑂𑐰𑐣𑐶𑐐𑐮𑐫𑑂 𑐎𑑀𑐬𑑀𑐣𑐵 : 𑑕𑐩𑑂𑐴 𑐳𑑄𑐎𑑂𑐬𑐩𑐶𑐟𑐟 𑐐𑐣 𑐐𑐣 𑐔𑑂𑐰𑑄𑐥𑐶𑑄 𑐏𑑅 ? – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐳𑑂𑐰𑐣𑐶𑐐𑐮𑐫𑑂 𑐎𑑀𑐬𑑀𑐣𑐵 : 𑑕𑐩𑑂𑐴 𑐳𑑄𑐎𑑂𑐬𑐩𑐶𑐟𑐟 𑐐𑐣 𑐐𑐣 𑐔𑑂𑐰𑑄𑐥𑐶𑑄 𑐏𑑅 ?

𑐫𑐾𑑃 – 𑐎𑑀𑐬𑑀𑐣𑐵 𑐨𑐵𑐂𑐬𑐳𑐥𑐵𑐏𑐾𑑄 𑐩𑑄𑐐𑐮𑐰𑐵𑑅 𑐠𑐥 𑑒𑑗𑐩𑑂𑐴 𑐩𑐣𑐹𑐟 𑐳𑑄𑐎𑑂𑐬𑐩𑐶𑐟 𑐖𑐸𑐮 𑑋 𑐄𑐎𑐷 𑐩𑐢𑑂𑐫𑐾 𑐫𑐾𑑃 𑑓𑐩𑑂𑐴 𑐰 𑐫𑐮 𑐰 𑐏𑑂𑐰𑐥𑐫𑑂 𑐕𑐩𑑂𑐴-𑐕𑐩𑑂𑐴𑐾𑐳𑐶𑐟 𑐳𑑄𑐎𑑂𑐬𑐩𑐞 𑐖𑐹𑐐𑐸 𑐥𑐸𑐲𑑂𑐚𑐶 𑐳𑑂𑐰𑐵𑐳𑑂𑐠𑑂𑐫 𑐟𑐠𑐵 𑐖𑐣𑐳𑑄𑐏𑑂𑐫𑐵 𑐩𑐣𑑂𑐟𑑂𑐬𑐵𑐮𑐫𑑄 𑐫𑐵𑑅𑐐𑐸 𑐡𑐸 𑑋

𑐠𑑁𑑄 𑐳𑑄𑐎𑑂𑐬𑐩𑐶𑐟 𑐖𑐸𑐩𑑂𑐴 𑐩𑐢𑑂𑐫𑐾 𑐕𑐩𑑂𑐴 𑐫𑐾𑑃𑐫𑐵 𑐰𑐜𑐵 𑐣𑐩𑑂𑐧𑐬 𑑙 𑐳𑐶𑐣𑐵𑐩𑑄𑐐𑐮𑐫𑐵 𑐎𑐵𑐮𑐶𑐩𑐵𑐚𑐷 𑐜𑑀𑐮 𑐢𑐵𑑅𑐐𑐸 𑐠𑐵𑐳𑐫𑑂 𑐔𑑂𑐰𑐣𑐷𑐩𑑂𑐴 𑐩𑐶𑐖𑑄 𑐏𑑅 𑑋 𑐳𑑂𑐠𑐵𑐫𑐷 𑐕𑐾𑑃 𑐬𑑁𑐟𑐴𑐚 𑐏𑑅𑐳𑐵𑑄 𑐳𑐶𑐣𑐵𑐩𑑄𑐐𑐮𑐫𑑂 𑐧𑐵𑑄𑐮𑐔𑑂𑐰𑐣𑐵𑐔𑑂𑐰𑑄𑐩𑑂𑐴 𑐏𑑅 𑑋 𑐩𑐖𑐡𑐸𑐬𑐷 𑐖𑑂𑐫𑐵 𑐫𑐵𑐣𑐵𑐔𑑂𑐰𑐩𑑂𑐴 𑐄𑐩𑑂𑐴 𑐳𑑄𑐎𑑂𑐬𑐩𑐶𑐟 𑐰𑐿𑐱𑐵𑐏 𑑑𑑔-𑑑𑑕 𑐐𑐟𑐾 𑐥𑐵𑐏𑐾 𑐬𑑁𑐟𑐴𑐚𑐫𑑂 𑐰𑑄𑐐𑐸 𑐰 𑐰𑐿𑐱𑐵𑐏 𑑒𑑖 𑐐𑐟𑐾 𑐠𑑅 𑐩𑑂𑐴𑑂𑐫𑐵𑐫𑑂𑐫𑐵𑐟 𑐎𑐫𑐵𑑅 𑐫𑐾𑑃 𑐮𑐶𑐴𑐵𑑄𑐰𑑅𑐐𑐸 𑐏𑑅 𑑋

𑐄𑐐𑐸 𑐰𑐜𑐵𑐫𑐵 𑐀𑐢𑑂𑐫𑐎𑑂𑐲 𑐬𑐵𑐩𑐎𑐺𑐲𑑂𑐞 𑐖𑐫𑐏𑐸 𑐱𑑂𑐬𑐾𑐲𑑂𑐛𑑄 𑐄𑐩𑑂𑐴 𑐳𑑄𑐎𑑂𑐬𑐩𑐶𑐟𑐫𑐵𑐟 𑐳𑑀𑐩𑐰𑐵𑑅 𑐴𑐾 𑐊𑐩𑑂𑐧𑐸𑐮𑐾𑐣𑑂𑐳𑐫𑑂 𑐟𑐫𑐵𑑅 𑐚𑐾𑐎𑐸 𑐀𑐳𑑂𑐥𑐟𑐵𑐮 𑐨𑐬𑑂𑐣𑐵 𑐫𑐵𑐫𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐢𑐫𑐵𑐡𑐶𑐮 𑑋 𑐀𑐠𑐾𑐴𑐾 𑐳𑑄𑐎𑑂𑐬𑐩𑐶𑐟 𑐣𑐵𑐥𑑄 𑐔𑑂𑐰𑑄𑐥𑐶𑑄 𑑙𑐩𑑂𑐴𑐾𑐳𑐶𑐫𑐵 𑐁𑐬𑐜𑐷𑐚𑐷 𑐰𑐶𑐢𑐶𑐥𑐵𑐏𑐾𑑄 𑐥𑐬𑐷𑐎𑑂𑐲𑐞 𑐖𑐹𑐐𑐸 𑐰 𑐦𑐸𑐎𑑂𑐎𑐳𑐶𑐫𑐵 𑐮𑐶𑐔𑑂𑐰𑑅 𑐣𑐾𑐐𑐾𑐚𑐶𑐨 𑐰𑑅𑐐𑐸 𑐏𑑃 𑐰𑐜𑐵 𑐀𑐢𑑂𑐫𑐎𑑂𑐲 𑐱𑑂𑐬𑐾𑐲𑑂𑐛𑑄 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳𑐫𑐵𑐟 𑐎𑐣𑐵𑐡𑐶𑐮 𑑋 𑐣𑐵𑐥𑑄 𑐕𑐸𑑄 𑐡𑐶𑑄 𑐮𑐶𑐥𑐵 𑑙𑐩𑑂𑐴𑐾𑐳𑐶𑐟 𑐥𑐷𑐳𑐷𑐁𑐬 𑐰𑐶𑐢𑐶𑐥𑐵𑐏𑐾𑑄 𑐣𑑄 𑐥𑐬𑐷𑐎𑑂𑐲𑐞 𑐖𑐸𑐂𑐐𑐸 𑐢𑐫𑐵𑐡𑐶𑐮 𑑋

𑐀𑐠𑐾𑐴𑐾 𑐩𑐾𑐩𑑂𑐴 𑐳𑑄𑐎𑑂𑐬𑐩𑐶𑐟 𑐫𑐾𑑃𑐫𑐵 𑐰𑐜𑐵 𑐣𑐩𑑂𑐧𑐬 𑑒𑑘 𑐧𑐵𑐐𑐧𑐖𑐵𑐬𑐫𑑂 𑐔𑑂𑐰𑑄𑐐𑐸 𑐧𑐸𑐡𑑂𑐢 𑐧𑐶𑐴𑐵𑐬 𑐮𑑂𑐫𑐣𑐹𑐾 𑐔𑑂𑐰𑐣𑐷𑐩𑑂𑐴 𑐏𑑅 𑑋 𑐧𑐐𑐧𑐖𑐵𑑅𑐫𑐵 𑐴𑐾 𑐥𑑂𑐬𑐾𑐳𑐫𑐵 𑐠𑐸𑐰𑐵𑑅 𑐄𑐩𑑂𑐴 𑐩𑐣𑐹 𑐰𑐿𑐱𑐵𑐏 𑑒𑑘 𑐐𑐟𑐾 𑐖𑐎 𑐢𑐵𑐡𑐶𑐒𑑄 𑐫𑐾𑑃 𑐰𑑅𑐩𑑂𑐴 𑐏𑑅 𑑋 𑐳𑑄𑐎𑑂𑐬𑐩𑐶𑐟 𑐩𑐣𑐹 𑐣𑐵𑐥𑑄 𑐰𑐩𑑂𑐴 𑐩𑐾𑐩𑑂𑐴 𑐥𑐵𑐳𑐵𑐫𑐵 𑐥𑐬𑐷𑐎𑑂𑐲𑐞𑐫𑐵 𑐮𑐶𑐔𑑂𑐰𑑅 𑐢𑐵𑑅𑐳𑐵 𑐣𑐾𑐐𑐾𑐚𑐶𑐨 𑐰𑑅𑐐𑐸 𑐏𑑃 𑐄𑐐𑐸 𑐰𑐜𑐵𑐫𑐵 𑐀𑐢𑑂𑐫𑐎𑑂𑐲 𑐨𑐵𑐂𑐬𑐵𑐩 𑐏𑐜𑑂𑐐𑐷𑑄 𑐢𑐫𑐵𑐡𑐶𑐮 𑑋

𑐰𑐜𑐵 𑐀𑐢𑑂𑐫𑐎𑑂𑐲 𑐏𑐜𑑂𑐐𑐷𑐫𑐵 𑐎𑐠𑑄 𑐁𑑅 𑐄𑐩𑑂𑐴 𑐩𑐣𑐹𑐣𑐵𑐥 𑐳𑐩𑑂𑐥𑐬𑑂𑐎𑐫𑑂 𑐰𑑅𑐥𑐶𑑄 𑐩𑐣𑐹𑐟 𑐩𑐵𑐮𑐾𑐐𑐸 𑐖𑑂𑐫𑐵 𑐖𑐸𑐫𑐵𑐔𑑂𑐰𑑄𑐐𑐸 𑐢𑐫𑐵𑐡𑐶𑐳𑐾𑑄 𑐳𑑄𑐎𑑂𑐬𑐩𑐶𑐟 𑐩𑐣𑐹 𑐔𑑂𑐰𑐣𑐵𑐔𑑂𑐰𑑄𑐐𑐸 𑐮𑐵𑐐𑐵𑐫𑑂 𑐡𑐸𑐥𑐶𑑄 𑐩𑐣𑐹𑐟𑐫𑑂 𑐥𑐬𑐷𑐎𑑂𑐲𑐞 𑐫𑐵𑐫𑐾𑐐𑐸 𑐟𑐫𑐵𑐬𑐷 𑐖𑐸𑐫𑐵𑐔𑑂𑐰𑑄𑐐𑐸 𑐢𑐫𑐵𑐡𑐶𑐮 𑑋 𑐀𑐠𑐾𑐴𑐾 𑐫𑐾𑑃 𑐳𑑄𑐎𑑂𑐬𑐩𑐞 𑐖𑐸𑐩𑑂𑐴 𑐩𑐾𑐩𑑂𑐴 𑐕𑐩𑑂𑐴𑐾𑐳𑐶𑐫𑐵 𑐢𑐵𑑅𑐳𑐵 𑐥𑐴𑐶𑐔𑐵𑐣 𑐖𑐸𑐂𑐩𑐦𑐸𑐣𑐷 𑑋

𑐫𑐮𑐫𑐵 𑐳𑑄𑐎𑑂𑐬𑐩𑐶𑐟 𑐢𑐵𑑅𑐳𑐵 𑐎𑑀𑐬𑑀𑐣𑐵𑐫𑐵 𑐎𑐣𑑂𑐚𑑂𑐫𑐵𑐎𑑂𑐚 𑐚𑑂𑐬𑐾𑐳𑐶𑐒𑐫𑑂 𑐳𑑄𑐮𑐐𑑂𑐣 𑐔𑐶𑐎𑐶𑐟𑑂𑐳𑐎 𑐏𑑅 𑑋 𑐰𑐫𑑂𑐎𑑅 𑐎𑐥𑐶𑐮𑐰𑐳𑑂𑐟𑐸 𑐰 𑐬𑐸𑐥𑐣𑑂𑐡𑐾𑐴𑐷𑐂 𑐎𑐣𑑂𑐚𑑂𑐫𑐵𑐎𑑂𑐚 𑐚𑑂𑐬𑐾𑐳𑐶𑐒 𑐫𑐵𑐣𑐵𑑅 𑐖𑐾𑐛 𑑑 𑐐𑐟𑐾 𑐖𑐎 𑐫𑐾𑑃 𑐮𑐶𑐴𑐵𑑄𑐰𑑅𑐩𑑂𑐴 𑐏𑑅 𑑋 𑐰𑐫𑑂𑐎 𑐂𑐥𑐶𑐜𑐶𑐩𑐶𑐫𑑀𑐮𑑀𑐖𑐷 𑐟𑐠𑐵 𑐬𑑀𑐐 𑐣𑐶𑐫𑐣𑑂𑐟𑑂𑐬𑐞 𑐩𑐴𑐵𑐱𑐵𑐏𑐵𑐫𑐵 𑐔𑐶𑐎𑐶𑐟𑑂𑐳𑐎 𑐏𑑅 𑑋

𑐏𑑂𑐰𑐥𑐫𑑂 𑐳𑑄𑐎𑑂𑐬𑐩𑐶𑐟𑐫𑐵 𑐧𑐵𑐬𑐾 𑐢𑐵𑑅𑐳𑐵 𑐀𑐗 𑐖𑐵𑐣𑐎𑐵𑐬𑐷 𑐩𑐰𑐣𑐷𑐐𑐸 𑐏𑑃 𑐀𑐣𑐫𑐵 𑐖𑐶𑐮𑑂𑐮𑐵 𑐥𑑂𑐬𑐱𑐵𑐳𑐣 𑐀𑐢𑐶𑐎𑐺𑐟 𑐴𑐸𑐩𑐎𑐮𑐵 𑐥𑐵𑐞𑑂𑐜𑐾𑑄 𑐢𑐫𑐵𑐡𑐶𑐮 𑑋 𑐰𑐫𑑂𑐎𑐮𑑄 𑐳𑑂𑐰𑐵𑐳𑑂𑐠𑐫 𑐩𑐣𑑂𑐟𑑂𑐬𑐵𑐮𑐫𑐣𑐵𑐥 𑐳𑐩𑐣𑑂𑐰𑐫 𑐖𑐸𑐫𑐵𑐔𑑂𑐰𑑄𑐐𑐸 𑐰 𑐕𑐸𑑄 𑐃 𑐮𑐶𑐥𑐵 𑐖𑐎 𑐠𑐥 𑐖𑐵𑐣𑐎𑐵𑐬𑐷 𑐰𑐂𑐐𑐸 𑐢𑐫𑐵𑐡𑐶𑐮 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS