Read news in NepalBhasa text-- www.hamroschool.com BACK 𑐧𑐸𑑄𑐜𑐾𑐳𑐮𑐶𑐐𑐵 𑐩𑐾 𑑑𑑕 𑐣𑐶𑐳𑐾𑑄 𑐣𑑂𑐴𑑂𑐫𑐵𑐂𑐐𑐸 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐧𑐸𑑄𑐜𑐾𑐳𑐮𑐶𑐐𑐵 𑐩𑐾 𑑑𑑕 𑐣𑐶𑐳𑐾𑑄 𑐣𑑂𑐴𑑂𑐫𑐵𑐂𑐐𑐸

𑐧𑐵𑐫𑐬𑑂𑐣 (𑐊𑐊𑐦𑐥𑐷)– 𑐖𑐬𑑂𑐩𑐣𑐷𑐫𑐵 𑐧𑐸𑑄𑐜𑐾𑐳𑐮𑐶𑐐𑐵 𑐰 𑐰𑐫𑐵 𑐎𑑂𑐰𑐫 𑐔𑑂𑐰𑑄𑐐𑐸 𑐣𑐶𑐐𑐸𑐐𑐸 𑐜𑐶𑐨𑐶𑐖𑐣𑐩𑐵 𑐦𑐸𑐚𑐧𑐮 𑐩𑐾 𑑑𑑕 𑐣𑐶𑐳𑐾𑑄 𑐴𑐵𑐎𑐣𑑄 𑐣𑑂𑐴𑑂𑐫𑐵𑐂𑐐𑐸 𑐥𑐎𑑂𑐎𑐵 𑐖𑐹𑐐𑐸 𑐡𑐸 𑑋 𑐔𑐵𑐣𑑂𑐳𑐮𑐬 𑐊𑐣𑑂𑐖𑐾𑐮𑐵 𑐩𑐵𑐬𑑂𑐎𑐾𑐮 𑐰 𑐥𑑂𑐬𑐵𑐣𑑂𑐟𑐷𑐫 𑐣𑐾𑐟𑐵𑐟𑐫𑑂𑐳𑑄 𑐀𑐣𑐸𑐩𑐟𑐷 𑐧𑐶𑐰𑑄 𑐧𑐸𑐢𑐰𑐵: 𑐧𑐴𑐣𑐶 𑐠𑐸𑐎𑐶𑐫𑐵𑐟 𑐎𑐫𑐵: 𑐑𑑀𑐲𑐞𑐵 𑐖𑐹𑐐𑐸 𑐏: 𑑋 𑐎𑐵𑐳𑐵 𑐳𑑂𑐰𑐎𑐸𑐩𑐶 𑐩𑐡𑐹𑐐𑐸 𑐧𑐣𑑂𑐡 𑐬𑑄𑐐𑐱𑐵𑐮𑐵𑐫𑑂 𑐖𑐸𑐂 𑑋 𑐀𑐠𑐾𑑄𑐟𑐸 𑐎𑐵𑐳𑐵𑐩𑐶𑐟𑐫𑑂𑐟 𑐣𑐶𑐫𑐩𑐶𑐟 𑐎𑑀𑐬𑑀𑐣𑐵 𑐨𑐵𑐂𑐬𑐳 𑐥𑐬𑐶𑐎𑑂𑐲𑐞 𑐣𑑄 𑐖𑐸𑐫𑐵𑐔𑑂𑐰𑐣𑐶𑐐𑐸 𑐖𑐸𑐂 𑑋 𑐖𑐬𑑂𑐩𑐣𑐷 𑐨𑐵𑐂𑐬𑐳 𑐳𑑄𑐎𑑂𑐬𑐩𑐞 𑐥𑐣𑐾𑐟 𑐮𑐵𑐐𑐹 𑐖𑐸𑐫𑐵𑐔𑑂𑐰𑑄𑐐𑐸 𑐮𑐎𑐜𑐵𑐄𑐣 𑐧𑐸𑐮𑐸𑐴𑐸𑑄 𑐔𑐵𑐫𑐾𑐎𑐹𑐐𑐸 𑐖𑑂𑐫𑐵 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐑𑑀𑐲𑐶𑐟 𑐖𑑂𑐫𑐵𑐗𑑂𑐰: 𑐎𑐠𑑄 𑐖𑐬𑑂𑐩𑐣𑐷𑐂 𑐦𑐸𑐚𑐧𑐮 𑐳𑐸𑐬𑐸 𑐖𑐸𑐮 𑐢𑐵:𑐳𑐵 𑐫𑐸𑐬𑑀𑐥𑐫𑐵 𑐥𑑂𑐬𑐩𑐸𑐏 𑐦𑐸𑐚𑐧𑐮 𑐡𑐾𑐫𑑂𑐟𑐩𑐢𑑂𑐫𑐾 𑐮𑐶𑐐 𑐴𑐵𑐎𑐣𑑄 𑐣𑑂𑐴𑑂𑐫𑐵𑐂𑐐𑐸 𑐣𑑂𑐴𑐵𑐥𑐵𑑄𑐐𑐸 𑐖𑐸𑐂 𑑋 𑐮𑐶𑐐 𑐁𑐫𑑀𑐖𑐎𑑄 𑐎𑐵𑐳𑐵 𑐣𑑂𑐴𑑂𑐫𑐵𑐎𑐾𑐐𑐸 𑐗𑑂𑐰𑐮𑐫𑑂 𑐖𑐬𑑂𑐩𑐣 𑐳𑐬𑐎𑐵𑐬𑑄 𑐑𑑀𑐲𑐞𑐵 𑐫𑐵:𑐣𑐵 𑐟:𑐐𑐸 𑐳𑐎𑐟𑐵𑑄 𑐣𑐶𑐫𑐩 𑐥𑐸𑐰𑑄𑐎 𑐥𑐵𑐮𑐣𑐵 𑐫𑐵𑐫𑐾𑐐𑐸 𑐣𑑄 𑐢𑐵:𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS