𑐫𑐸𑐰𑐎 𑐧𑑁𑐡𑑂𑐢 𑐩𑐞𑑂𑐜𑐮𑐥𑐵𑐏𑐾𑑄 𑐬𑐵𑐲𑑂𑐚𑑂𑐬𑐶𑐫 𑐖𑑂𑐘𑐵𑐣𑐩𑐵𑐮𑐵 𑐳𑐩𑐶𑐟𑐶𑐫𑐵 𑐣𑑂𑐴𑐹𑐥𑐶𑑄 𑐥𑐡𑐵𑐢𑐶𑐎𑐵𑐬𑐷𑐥𑐶𑑄𑐟 𑐨𑐶𑑄𑐟𑐸𑐣𑐵

𑐫𑐮 – 𑐫𑐸𑐰𑐎 𑐧𑑁𑐡𑑂𑐢 𑐩𑐞𑑂𑐜𑐮 𑐣𑐾𑐥𑐵𑐮𑑄 (Y.M.B.A.) 𑐣𑐾𑐥𑐵𑐮 𑐬𑐵𑐲𑑂𑐚𑑂𑐬𑐶𑐫 𑐖𑑂𑐘𑐵𑐣𑐩𑐵𑐮𑐵 𑐳𑐩𑐶𑐟𑐶𑐫𑐵 𑐣𑑂𑐴𑐹 𑐣𑐶𑐬𑑂𑐰𑐵𑐔𑐶𑐟 𑐥𑐡𑐵𑐢𑐶𑐎𑐵𑐬𑐷𑐥𑐶𑑄𑐟 𑐮𑐳𑐎𑐸𑐳 𑐣𑐵𑐥𑑄 𑐨𑐶𑑄𑐟𑐸𑐣𑐵 𑐡𑐾𑐕𑐵𑑅𑐐𑐸 𑐡𑐸 𑑋
𑐫𑐸𑐰𑐎 𑐧𑑁𑐡𑑂𑐢 𑐩𑐞𑑂𑐜𑐮𑐫𑐵 𑐣𑐵𑐫𑑅 𑐀𑐬𑐞𑐷𑐟𑐵𑐬𑐵 𑐰𑐖𑑂𑐬𑐵𑐔𑐵𑐬𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑑄𑐳𑑂𑐠𑐵𑐫𑐵 𑐰𑐫𑑂𑐎𑐮𑑄 𑐳𑐩𑐶𑐟𑐶𑐫𑐵 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑑅𑐫𑐵 𑐳𑐎𑐮 𑐥𑐡𑐵𑐢𑐶𑐎𑐵𑐬𑐷𑐥𑐶𑑄𑐟 𑐏𑐵𑐡𑐵𑑄 𑐎𑑂𑐰𑐏𑐵𑐫𑐾𑐎𑐵𑑅 𑐮𑐸𑐩𑐣𑑂𑐟𑐶 𑐔𑐶𑑄 𑐣𑑄 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋 𑐥𑐸𑐮𑐵𑑄𑐩𑑂𑐴 𑐣𑐵𑐫𑑅 𑐳𑐸𑐬𑐾𑐣𑑂𑐡𑑂𑐬 𑐱𑐵𑐎𑑂𑐫𑑄 𑐮𑐳𑐎𑐸𑐳 𑐫𑐵𑐳𑐾𑑄 𑐳𑑄𑐳𑑂𑐠𑐵𑐥𑐵𑐏𑐾𑑄 𑐡𑐸𑐖𑑅𑐥𑐶𑑄𑐟 𑐨𑐖𑐣𑐫𑐵 𑐥𑑂𑐬𑐱𑐶𑐎𑑂𑐲𑐞 𑐧𑐶𑐫𑐵𑐔𑑂𑐰𑐣𑐵𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑐮 𑐬𑐵𑐲𑑂𑐚𑑂𑐬𑐶𑐫 𑐖𑑂𑐘𑐵𑐣𑐩𑐵𑐮𑐵 𑐳𑐩𑐶𑐟𑐶𑐫𑐵 𑐣𑑂𑐴𑐹 𑐣𑐶𑐬𑑂𑐰𑐵𑐔𑐶𑐟 𑐖𑑂𑐫𑐵𑐳𑐣𑐵 𑐥𑐸𑐔𑑅𑐫𑐵 𑐣𑐵𑐫𑑅 𑐩𑐫𑑂𑐖𑐸 𑐬𑐩𑐣𑐵 𑐱𑑂𑐬𑐾𑐲𑑂𑐛𑑄 𑐳𑑄𑐐𑐷𑐟𑐫𑐵 𑐩𑐵𑐢𑑂𑐫𑐩𑑄 𑐧𑐸𑐡𑑂𑐢 𑐢𑐬𑑂𑐩𑐫𑐵 𑐥𑑂𑐬𑐔𑐵𑐬 𑐥𑑂𑐬𑐳𑐵𑐬 𑐫𑐵𑐣𑐵𑑅 𑐧𑐸𑐡𑑂𑐢𑐫𑐵 𑐖𑑂𑐘𑐵𑐣 𑐠𑐸𑐂𑐎𑐾𑐐𑐸 𑐣𑐵𑐥𑑄 𑐩𑐿𑐟𑑂𑐬𑐷𑐨𑐵𑐰 𑐟𑐫𑐵𑑅 𑐖𑑂𑐘𑐵𑐣𑐩𑐵𑐮𑐵𑐫𑐵 𑐐𑐸𑐞𑐵𑐟𑑂𑐩𑐎 𑐰𑐶𑐎𑐵𑐳 𑐫𑐵𑐫𑐾𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐡𑐶𑐮 𑑋

𑐣𑐵𑐥𑑄 𑐰𑐫𑑂𑐎𑐮𑑄 𑐳𑐩𑐶𑐟𑐶𑐫𑐵 𑐳𑑂𑐰𑐡𑑃𑐫𑐵 𑐎𑐵𑐬𑑂𑐫𑐫𑑀𑐖𑐣𑐵 𑐧𑐵𑐬𑐾 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐳𑐾𑑄 𑐖𑑂𑐘𑐵𑐣𑐩𑐵𑐮𑐵 𑐨𑐖𑐣 𑐏𑐮𑑅𑐫𑐵 𑐎𑑂𑐲𑐾𑐟𑑂𑐬𑐷𑐫 𑐩𑐸𑑃𑐖𑑂𑐫𑐵 𑐫𑐵𑐣𑐵𑑅 𑐎𑑂𑐲𑐾𑐟𑑂𑐬𑐷𑐫 𑐄𑐥𑐳𑐩𑐶𑐟𑐶 𑐐𑐛𑐣 𑐫𑐵𑐫𑐾𑐐𑐸 𑐰 𑐄𑐎𑐶𑐫𑐵𑐥𑐵𑐏𑐾𑑄 𑐖𑑂𑐘𑐵𑐣𑐩𑐵𑐮𑐵 𑐖𑑂𑐫𑐵𑐗𑑂𑐰𑑅 𑐣𑑂𑐴𑑂𑐫𑐵𑐎𑐵 𑐰𑐣𑐾𑐐𑐸 𑐖𑐸𑐂 𑐢𑐫𑐵𑐡𑐶𑐮 𑑋 𑐰𑐶𑐱𑐾𑐲 𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐩𑑂𑐴 𑐫𑐮 𑐖𑑂𑐘𑐵𑐣𑐩𑐵𑐮𑐵 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐡𑐧𑐮𑐧𑐴𑐵𑐡𑐸𑐬 𑐱𑐵𑐎𑑂𑐫𑑄 𑐖𑑂𑐘𑐵𑐣𑐩𑐵𑐮𑐵𑐫𑐵 𑐥𑑂𑐬𑐔𑐵𑐬 𑐥𑑂𑐬𑐳𑐵𑐬 𑐰 𑐰𑐶𑐎𑐵𑐳𑐫𑐵 𑐣𑐶𑑄𑐟𑐶𑑄 𑐳𑑄𑐐𑐷𑐟𑐫𑐵 𑐣𑑄 𑐥𑑂𑐬𑐱𑐶𑐎𑑂𑐲𑐞 𑐧𑐶𑐫𑐵 𑐰𑐣𑐾𑐩𑐵𑑅𑐐𑐸 𑐣𑐵𑐥𑑄 𑐖𑑂𑐘𑐵𑐣𑐩𑐵𑐮𑐵 𑐩𑑂𑐫𑐾𑑃 𑐬𑐔𑐣𑐵 𑐫𑐵𑐫𑐾𑐐𑐸 𑐏𑑃𑐫𑑂 𑐣𑑄 𑐢𑑂𑐫𑐵𑐣 𑐧𑐶𑐫𑐵𑑅 𑐄𑐎𑐶𑐫𑐵 𑐩𑐹𑐮𑑂𑐫𑐵𑑄𑐎𑐣 𑐫𑐵𑐣𑐵𑑅 𑐀𑐜𑐶𑐫𑑀 𑐨𑐶𑐜𑐶𑐫𑑀 𑐔𑐎𑑂𑐎𑐵 𑐄𑐟𑑂𑐥𑐵𑐡𑐣 𑐫𑐵𑐣𑐵𑑅 𑐃–𑐩𑐶𑐜𑐶𑐫𑐵𑐥𑐵𑐏𑐾𑑄 𑐥𑑂𑐬𑐔𑐵𑐬 𑐫𑐵𑐫𑐾𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐡𑐶𑐮 𑑋