Read news in NepalBhasa text-- www.hamroschool.com BACK 𑐔𑑀𑐨𑐵𑐬𑐫𑐵 𑐳𑐸𑐏𑑂𑐏𑐵 𑐧𑐣𑑂𑐡𑐬𑐐𑐵𑐴 𑐰𑐶𑐬𑐸𑐡𑑂𑐢 𑐰𑐶𑐱𑑂𑐰 𑐧𑐿𑑄𑐎𑐫𑑂 𑐄𑐖𑐸𑐬𑐷 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐔𑑀𑐨𑐵𑐬𑐫𑐵 𑐳𑐸𑐏𑑂𑐏𑐵 𑐧𑐣𑑂𑐡𑐬𑐐𑐵𑐴 𑐰𑐶𑐬𑐸𑐡𑑂𑐢 𑐰𑐶𑐱𑑂𑐰 𑐧𑐿𑑄𑐎𑐫𑑂 𑐄𑐖𑐸𑐬𑐷

𑐫𑐾𑑃 – 𑐔𑑀𑐨𑐵𑐬𑐫𑑂 𑐡𑐫𑐾𑐎𑐵𑐔𑑂𑐰𑑄𑐐𑐸 𑐳𑐸𑐏𑑂𑐏𑐵 𑐧𑐣𑑂𑐡𑐬𑐐𑐵𑐴𑐥𑐵𑐏𑐾𑑄 𑐥𑑂𑐬𑐨𑐵𑐰𑐶𑐟 𑐳𑐩𑐸𑐡𑐵𑐫𑐫𑐵 𑐥𑑂𑐬𑐟𑐶𑐣𑐶𑐢𑐶𑐥𑐶𑑄𑐳𑑄 𑐥𑐬𑐶𑐫𑑀𑐖𑐣𑐵𑐫𑐵 𑐰𑐶𑐟𑑂𑐟𑐶𑐫 𑐡𑐵𑐟𑐵 𑐰𑐶𑐱𑑂𑐰 𑐧𑐿𑑄𑐎𑐫𑑂 𑐄𑐖𑐸𑐬𑐷 𑐧𑐶𑐄𑐐𑐸 𑐡𑐸 𑑋

𑐀𑐣𑐫𑐵 𑐥𑑂𑐬𑐨𑐵𑐰𑐶𑐟 𑐳𑑂𑐠𑐵𑐣𑐷𑐫𑐟𑐫𑑂𑐳𑑄 𑐣𑐷𑐳𑑂𑐰𑐣𑐵𑐟𑑅𑐐𑐸 𑐔𑑀𑐨𑐵𑐬 𑐳𑑄𑐬𑐎𑑂𑐲𑐞 𑐳𑐩𑐶𑐟𑐶𑐫𑐵 𑐥𑑂𑐬𑐟𑐶𑐣𑐶𑐢𑐶𑐟𑐫𑑂𑐳𑑄 𑐱𑐣𑐶𑐰𑐵𑑅 𑐰𑐶𑐱𑑂𑐰 𑐧𑐿𑑄𑐎𑐫𑐵 𑐳𑑂𑐰𑐟𑐣𑑂𑐟𑑂𑐬 𑐳𑑄𑐫𑐣𑑂𑐟𑑂𑐬 𑐂𑐣𑑂𑐳𑐥𑐾𑐎𑑂𑐳𑐣 𑐥𑑂𑐫𑐵𑐣𑐮𑐫𑑂 𑐄𑐖𑐸𑐬𑐷 𑐧𑐶𑐄𑐐𑐸  𑐏𑑅 𑑋 𑐄𑐖𑐸𑐬𑐷𑐂 𑐥𑑂𑐬𑐨𑐵𑐰𑐶𑐟 𑐳𑐩𑐸𑐡𑐵𑐫𑐫𑐵 𑐳𑑂𑐰𑐟𑐣𑑂𑐟𑑂𑐬, 𑐥𑐹𑐬𑑂𑐰 𑐰 𑐳𑐸𑐔𑐶𑐟 𑐳𑐴𑐩𑐟𑐶 𑐎𑐵𑐫𑐩 𑐫𑐵𑐫𑐾𑐟 𑐥𑐬𑐶𑐫𑑀𑐖𑐣𑐵 𑐀𑐳𑐦𑐮 𑐖𑐹𑐐𑐸 𑐡𑑂𑐰𑐥𑑄 𑐧𑐶𑐫𑐵𑐟𑑅𑐐𑐸 𑐡𑐸 𑑋 𑐣𑐵𑐥𑑄 𑐰𑐶𑐱𑑂𑐰 𑐧𑐿𑑄𑐎𑐫𑐵𑐟 𑐟𑐸𑐬𑐸𑐣𑑂𑐟 𑐳𑐸𑐏𑑂𑐏𑐵 𑐧𑐣𑑂𑐡𑐬𑐐𑐵𑐴𑐵𑐫𑐵 𑐧𑐖𑐾𑐚 𑐣𑐶𑐎𑐵𑐳𑐵 𑐰 𑐦𑐸𑐎𑑂𑐎𑑄 𑐣𑐶𑐬𑑂𑐩𑐵𑐞 𑐐𑐟𑐶𑐰𑐶𑐢𑐶 𑐡𑐶𑐎𑐾𑐟 𑐰 𑐰𑐿𑐎𑐮𑑂𑐥𑐶𑐎 𑐫𑑀𑐖𑐣𑐵 𑐩𑐵𑐮𑐾𑐟 𑐂𑐣𑐵𑐥 𑐣𑑄 𑐫𑐵𑑅𑐐𑐸 𑐡𑐸 𑑋

𑐧𑐣𑑂𑐡𑐬𑐐𑐵𑐴 𑐣𑐶𑐬𑑂𑐩𑐵𑐞𑐫𑐵 𑐗𑑂𑐰𑐮𑐫𑑂 𑐰𑐶𑐱𑑂𑐰 𑐧𑐿𑑄𑐎𑐫𑐵 𑐳𑐵𑐩𑐵𑐖𑐶𑐎 𑐰 𑐰𑐵𑐟𑐵𑐰𑐬𑐞𑐷𑐫 𑐳𑑄𑑄𑐬𑐎𑑂𑐲𑐞 𑐣𑐷𑐟𑐶, 𑐣𑐾𑐥𑐵𑑅𑐫𑐵 𑐎𑐵𑐣𑐹𑐣 𑐰 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐱𑑂𑐬𑐩 𑐳𑑄𑐐𑐛𑐣 (𑐁𑐃𑐀𑐮𑐌)𑐫𑐵 𑐁𑐡𑐶𑐰𑐵𑐳𑐷 𑐖𑐣𑐖𑐵𑐟𑐶 𑐳𑐩𑑂𑐧𑐣𑑂𑐢𑐷 𑐩𑐴𑐵𑐳𑐣𑑂𑐢𑐶 𑑑𑑖𑑙, 𑐳𑑄𑐫𑐸𑐎𑑂𑐟 𑐬𑐵𑐲𑑂𑐚𑑂𑐬𑐳𑑄𑐑𑐫𑐵 𑐑𑑀𑐲𑐞𑐵𑐥𑐟𑑂𑐬 𑐰 𑐀𑐣𑑂𑐟𑐬𑑂𑐬𑐲𑑂𑐚𑑂𑐬𑐶𑐫 𑐎𑐵𑐣𑐹𑐣 𑐄𑐮𑑂𑐮𑑄𑐑𑐣 𑐖𑐹𑐐𑐸 𑐣𑑄 𑐳𑐩𑐶𑐟𑐶𑑄 𑐣𑑂𑐴𑑂𑐫𑐠𑑄𑐐𑐸 𑐡𑐸 𑑋

𑐥𑐷𑐜𑐶𑐟 𑐳𑑂𑐠𑐵𑐣𑐷𑐫𑐟𑐫𑑂𑐳𑑄 𑐰𑐶𑐱𑑂𑐰 𑐧𑐿𑑄𑐎𑐫𑐵𑐟 𑐄𑐥𑐫𑐸𑐎𑑂𑐟 𑐥𑐮𑐵𑑅 𑐮𑑂𑐴𑑂𑐰𑐣𑐾𑐟 𑐰 𑐂𑐣𑑂𑐳𑐥𑐾𑐎𑑂𑐳𑐣 𑐥𑑂𑐫𑐵𑐣𑐮𑐫𑐵𑐟 𑐧𑐿𑑄𑐎𑐫𑐵 𑐣𑐷𑐟𑐶 𑐄𑐮𑑂𑐮𑑄𑐑𑐣 𑐫𑐵𑑅𑐐𑐸 𑐧𑐵𑐬𑐾 𑐀𑐣𑐸𑐳𑐣𑑂𑐢𑐵𑐣 𑐫𑐵𑐫𑐾𑐟 𑐣𑑄 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋

𑑒𑑐𑑗𑑖 𑐩𑐵𑐑𑐫𑑂 𑐣𑐾𑐥𑐵𑑅𑐫𑐵 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐎𑐾𑐥𑐷 𑐱𑐬𑑂𑐩𑐵 𑐌𑐮𑐷𑑄 𑐱𑐶𑐮𑐵𑐣𑑂𑐫𑐵𑐳 𑐫𑐵𑐣𑐵𑐡𑐷𑐐𑐸 𑐄𑐐𑐸 𑐧𑐣𑑂𑐡𑐬𑐐𑐵𑐴𑐫𑐵𑐟 𑐎𑐫𑐵𑑅 𑐳𑑂𑐠𑐵𑐣𑐷𑐫𑐟𑐫𑑂𑐳𑑄 𑐄𑐎𑐷𑐫𑐵 𑐰𑐶𑐬𑑀𑐢 𑐫𑐵𑐣𑐵𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋

 

 

 

𑐎𑐶𑐥𑐵 : 𑐳𑐸𑐏𑑂𑐏𑐵 𑐧𑐣𑑂𑐡𑐬𑐐𑐵𑐴𑐫𑐵 𑐰𑐶𑐬𑐵𑐾𑐡𑑂𑐢𑐫𑑂 𑐖𑐹𑐐𑐸 𑐥𑑂𑐬𑐡𑐬𑑂𑐱𑐣 / 𑐦𑐵𑐂𑐮 𑐦𑐵𑐾𑐚𑐵 𑑋

 

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS