Read news in NepalBhasa text-- www.hamroschool.com BACK 𑐮𑐎𑐜𑐵𑐄𑐣𑐫𑐵 𑐂𑐮𑐫𑑂 𑐮𑐵𑐐𑐹 𑐰𑐵𑐳𑑅 𑐩𑐷𑐥𑐶𑑄 𑐳𑐎𑑂𑐬𑐶𑐫 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐮𑐎𑐜𑐵𑐄𑐣𑐫𑐵 𑐂𑐮𑐫𑑂 𑐮𑐵𑐐𑐹 𑐰𑐵𑐳𑑅 𑐩𑐷𑐥𑐶𑑄 𑐳𑐎𑑂𑐬𑐶𑐫

𑐫𑐾𑑃 – 𑐡𑐾𑐫𑑂 𑐥𑐹𑐰𑑄𑐎 𑐮𑐎𑐜𑐵𑐄𑐣 𑐖𑐸𑐫𑐵𑐔𑑂𑐰𑑄𑐐𑐸 𑐂𑐮𑐫𑑂 𑐀𑐰𑐿𑐢 𑐮𑐵𑐐𑐹 𑐰𑐵𑐳𑑅 𑐩𑐷𑐥𑐶𑑄 𑐳𑐎𑑂𑐬𑐶𑐫 𑐖𑐸𑐫𑐵𑐰𑑅𑐐𑐸 𑐡𑐸 𑑋 𑐮𑐵𑐐𑐹 𑐰𑐵𑐳𑑅 𑐩𑐷𑐥𑐶𑑄 𑐩𑑀𑐚𑐬𑐳𑐵𑐂𑐎𑐮𑐫𑑂 𑐰𑐫𑐵𑑅 𑐮𑐵𑐐𑐹𑐥𑐡𑐵𑐬𑑂𑐠 𑐡𑐸𑐬𑑂𑐰𑑂𑐫𑐳𑐣𑐷𑐟𑐫𑑂𑐟 𑐧𑐷𑐟 𑐠𑐷𑐠𑐷 𑐠𑐵𑐳𑐫𑑂 𑐰𑐣𑐵𑐔𑑂𑐰𑑄𑐐𑐸 𑐮𑐹𑐐𑐸 𑐡𑐸 𑑋

𑐮𑐵𑐐𑐹 𑐰𑐵𑐳𑑅 𑐩𑐷𑐥𑐶𑑄 𑐐𑐶𑐬𑑀𑐴𑐟𑐫𑑂𑐳𑑄 𑐡𑐸𑐬𑑂𑐰𑑂𑐫𑐳𑐣𑐷 𑐡𑐂𑐐𑐸 𑐠𑐵𑐳𑐫𑑂 𑐐𑐖𑐶 𑐮𑐶𑐳𑐾𑑄 𑐰𑐵𑐳𑑅 𑐥𑐳𑐮𑐫𑑂 𑐩𑐷𑐟 𑐥𑑂𑐬𑐟𑐶𑐧𑐣𑑂𑐢 𑐟𑐫𑐵𑐟𑑅𑐐𑐸 𑐰𑐵𑐳𑑅 𑐩𑐷𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐏𑑅 𑑋 𑐀𑐖𑑂𑐫𑐵𑑅𑐐𑐸 𑐰𑐵𑐳𑑅 𑐡𑐸𑐰𑑂𑐬𑑂𑐫𑐳𑐣𑐷𑐫𑐵 𑐠𑐵𑐳𑐫𑑂 𑐠𑑂𑐫𑑄𑐎𑐾𑐟 𑐕𑐐𑐹 𑐥𑐸𑐔𑑅 𑐴𑐾 𑐳𑐎𑑂𑐬𑐶𑐫 𑐖𑐸𑐫𑐵𑐔𑑂𑐰𑑄𑐐𑐸 ‘𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳’ 𑐥𑑂𑐬𑐟𑐶𑐣𑐶𑐢𑐶 𑐥𑑂𑐬𑐟𑑂𑐫𑐎𑑂𑐲 𑐬𑐸𑐥𑑄 𑐏𑑄𑐐𑐸 𑐏𑑅 𑑋

𑐠𑐣𑐫𑐵 𑑑𑑒 𑐰𑐜𑐵 𑐡𑐸𑐰𑑂𑐬𑑂𑐫𑐳𑐣𑐷𑐟 𑐔𑑂𑐰𑐣𑐷𑐐𑐸 𑐠𑐵𑐳𑐫𑑂 𑐰𑐫𑐵𑑅 𑐄𑐩𑐶𑐳𑑄 𑐀𑐖𑑂𑐫𑐵𑑅𑐐𑐸 𑐰𑐵𑐳𑑅 𑐴𑐫𑐵 𑐧𑐷𑐐𑐸 𑐫𑐵𑐣𑐵𑐔𑑂𑐰𑐐𑐸 𑐏𑑅𑐳𑐵 𑐩𑐾𑐩𑐾𑐐𑐸 𑐠𑐵𑐳𑐫𑑂 𑐄𑐩𑐶𑐳𑑄 𑐄𑐎𑐠𑑄 𑐴𑐾 𑐀𑐖𑑂𑐫𑐵𑑅𑐐𑐸 𑐰𑐵𑐳𑑅 𑐜𑐾𑐮𑐶𑐨𑐬𑐷 𑐫𑐵𑐫𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐏𑑅 𑑋

𑐮𑐵𑐐𑐹 𑐥𑐡𑐵𑐬𑑂𑐠 𑐡𑐸𑐬𑑂𑐰𑑂𑐫𑐳𑐣𑐷 𑐕𑑂𑐫𑐮𑐶𑐂𑐐𑐸 𑐜𑐵𑐂𑐖𑐾𑐥𑐵𑐩, 𑐣𑐵𑐂𑐚𑑂𑐬𑑀𑐖𑐾𑐮, 𑐣𑑀𑐳𑑂𑐚𑑂𑐬𑑀𑐖𑐵𑐩 𑐮𑐶𑐳𑐾𑑄 𑐁𑐥𑐵𑐮𑑄 𑐎𑐠𑑄𑐫𑐵 𑐰𑐵𑐳𑑅 𑐄𑐩𑐶𑐳𑑄 𑐜𑐾𑐮𑐶𑐨𑐬𑐷 𑐫𑐵𑐣𑐵𑐔𑑂𑐰𑑄𑐐𑐸 𑐏𑐣𑐾𑐡𑐸 𑑋 𑐣𑐵𑑄 𑐎𑐣𑐾 𑐩𑐫𑑅𑐩𑑂𑐴 𑐕𑐩𑑂𑐴 𑐥𑐸𑐮𑐵𑑄𑐩𑑂𑐴 𑐮𑐵𑐐𑐹 𑐥𑐡𑐵𑐬𑑂𑐠 𑐡𑐸𑐰𑑂𑐫𑐳𑐣𑐷𑐫𑐵 𑐎𑐠𑑄 𑐠𑑁𑑄 𑐎𑐣𑑂𑐴𑐫𑑂 𑐧𑐖𑐵𑐬𑐫𑑂 𑐁𑐥𑐵𑐮𑑄 𑐎𑐠𑑄𑐫𑐵 𑐮𑐵𑐐𑐹 𑐰𑐵𑐳𑑅 𑐕𑑂𑐫𑐮𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐠𑐷𑐠𑐷 𑐰𑑂𑐫𑐎𑑂𑐟𑐶𑑄 𑐠𑐷𑐠𑐷 𑐎𑐠𑑄𑐫𑐵 𑐰𑐵𑐳𑑅 𑐕𑑂𑐫𑐮𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐳𑐾𑑄 𑐀𑐖𑑂𑐫𑐵𑑅𑐐𑐸 𑐟𑑅𑐟𑐵𑐖𑐶 𑐳𑐵𑐩𑐵𑐣𑑂𑐫 𑐩𑐣𑐹𑐫𑐵𑐟 𑐰𑐵𑐳𑑅 𑐫𑐵𑐫𑐾𑐟𑐩𑐵𑑅𑐐𑐸 𑐰𑐵𑐳𑑅 𑐡𑐸𑐰𑑂𑐫𑐳𑐣𑐷𑐟𑐫𑑂𑐳𑑄 𑐕𑑂𑐫𑐮𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐏𑑃 𑐰𑐫𑑂𑐎𑐮𑑄 𑐢𑐫𑐵𑐡𑐷𑐐𑐸 𑐡𑐸 𑑋

𑐕𑐏𑐾 𑐎𑑀𑐬𑑀𑐣𑐵 𑐨𑐵𑐂𑐬𑐳 𑐳𑑄𑐎𑑂𑐬𑐩𑐞𑐫𑐵 𑐎𑐵𑐬𑐞𑑄 𑐫𑐵𑐣𑐵𑑅 𑐁𑐥𑐵𑐮𑑄 𑐢𑐫𑐵𑐠𑐾𑑄 𑐥𑑂𑐬𑐴𑐬𑐷 𑐠𑑅𑐠𑑅𑐐𑐸 𑐎𑑂𑐲𑐾𑐟𑑂𑐬𑐫𑑂 𑐰𑑂𑐫𑐳𑑂𑐟 𑐖𑐸𑐫𑐵𑐔𑑂𑐰𑑄𑐐𑐸 𑐠𑐖𑑂𑐫𑐵𑑅𑐐𑐸 𑐂𑐮𑐫𑑂 𑐮𑐵𑐐𑐹 𑐥𑐡𑐵𑐬𑑂𑐠𑐫𑐵 𑐎𑐵𑐬𑑀𑐧𑐵𑐬 𑐫𑐵𑐂𑐥𑐶𑑄𑐳𑑄 𑐧𑐖𑐵𑑅 𑐨𑐵𑑅 𑐳𑑂𑐰𑐫𑐵𑑄 𑐗𑐶𑐡𑐸𑐐𑑄 𑐀𑐥𑑂𑐰𑑅 𑐎𑐫𑐵𑑅 𑐄𑐎𑐠𑑄 𑐮𑐵𑐐𑐹 𑐰𑐵𑐳𑑅 𑐡𑐸𑐰𑑂𑐬𑑂𑐫𑐳𑐣𑐷𑐫𑐵 𑐠𑐵𑐳𑐫𑑂 𑐠𑑂𑐫𑑄𑐎𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐏𑑅 𑑋

𑐣𑐾.𑐳𑑄. 𑑑𑑑𑑔𑑐 𑐔𑑁𑐮𑐵𑐠𑑂𑐰 𑑓 (𑐔𑐿𑐟 𑑑𑑔)

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS