Read news in NepalBhasa text-- www.hamroschool.com BACK 𑐐𑐸𑐠𑐶 𑐰𑐶𑐢𑐾𑐫𑐎 𑐳𑐸𑐗𑐵𑐰 𑐳𑐩𑐶𑐟𑐶 𑐣𑐷𑐳𑑂𑐰𑑄𑐐𑐸𑐮𑐶𑑄 𑐡𑐾𑐫𑑂 𑐡𑐧𑐹𑐫𑐵 𑐁𑐥𑐟𑑂𑐟𑐶 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐐𑐸𑐠𑐶 𑐰𑐶𑐢𑐾𑐫𑐎 𑐳𑐸𑐗𑐵𑐰 𑐳𑐩𑐶𑐟𑐶 𑐣𑐷𑐳𑑂𑐰𑑄𑐐𑐸𑐮𑐶𑑄 𑐡𑐾𑐫𑑂 𑐡𑐧𑐹𑐫𑐵 𑐁𑐥𑐟𑑂𑐟𑐶

𑐣𑐾𑐰𑐵𑑅𑐟𑐫𑑂 𑐬𑐵𑐲𑑂𑐚𑑂𑐬𑐶𑐫 𑐳𑑄𑐐𑐛𑐣 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹𑐥𑐵𑐏𑐾𑑄 𑐩𑐣𑑂𑐟𑑂𑐬𑐷𑐳𑑂𑐟𑐬𑐷𑐫 𑐣𑐶𑐬𑑂𑐞𑐫𑐥𑐵𑐏𑐾𑑄 𑐐𑐸𑐠𑐶 𑐳𑐩𑑂𑐧𑐣𑑂𑐢𑐷 𑐰𑐶𑐢𑐾𑐫𑐎𑐫𑐵 𑐳𑐸𑐗𑐵𑐰 𑐧𑐷𑐟 𑐣𑐷𑐳𑑂𑐰𑑄𑐐𑐸 𑐳𑐩𑐶𑐟𑐶 𑐥𑑂𑐬𑐟𑐶 𑐁𑐥𑐟𑑂𑐟𑐶 𑐥𑑂𑐰𑑄𑐎𑐹𑐐𑐸 𑐡𑐸 𑑋 𑐡𑐾𑐫𑑂 𑐡𑐧𑐹𑐫𑐵 𑐣𑐵𑐫𑑅 𑐣𑐬𑐾𑐱 𑐟𑐵𑐩𑑂𑐬𑐵𑐎𑐵𑐬𑑄 𑐩𑑄𑐐𑐮𑐰𑐵𑑅 𑐕𑐐𑐹 𑐥𑐶𑐠𑑄𑐳𑐾𑑄 𑐩𑐵𑐣𑐣𑐷𑐫 𑐖𑐷𑐰𑐣𑐬𑐵𑐩 𑐱𑑂𑐬𑐾𑐲𑑂𑐛𑐫𑐵 𑐳𑑄𑐫𑑀𑐖𑐎𑐟𑑂𑐰𑐫𑑂 𑐐𑐸𑐠𑐶 𑐰𑐶𑐢𑐾𑐫𑐎𑐫𑐵 𑐳𑐸𑐗𑐵𑐰 𑐧𑐷𑐟 𑐳𑐩𑐶𑐟𑐶 𑐣𑐷𑐳𑑂𑐰𑑄𑐐𑐸 𑐧𑐸𑐏𑑃 𑐥𑑂𑐬𑐟𑐶 𑐡𑐧𑐹𑐫𑐵 𑐐𑐩𑑂𑐨𑐷𑐬 𑐢𑑂𑐫𑐵𑐣𑐎𑐵𑐬𑑂𑐲𑐞 𑐖𑐹𑐐𑐸 𑐏𑑃 𑐣𑑂𑐴𑑂𑐫𑐠𑐣𑐵𑐡𑐷𑐐𑐸 𑐡𑐸 𑑋

‘𑐎𑐵𑐬𑑀𑐣𑐵 𑐨𑐵𑐂𑐬𑐳𑐫𑐵 𑐩𑐴𑐵𑐩𑐵𑐬𑐷𑑄 𑐦𑐸𑐎𑑂𑐎𑑄 𑐡𑐾𑐫𑑂 𑐴𑐾 𑐮𑐎𑐜𑐵𑐄𑐣 𑐖𑐹𑐐𑐸 𑐀𑐰𑐳𑑂𑐠𑐵𑐫𑑂 𑐐𑐸𑐠𑐶 𑐰𑐶𑐢𑐾𑐫𑐎 𑐳𑐩𑑂𑐧𑐣𑑂𑐢𑐷 𑐳𑐮𑑂𑐮𑐵𑐴 𑐎𑐵𑐫𑐾𑐟 𑐳𑐩𑐶𑐟𑐶 𑐣𑐷𑐳𑑂𑐰𑑄𑐐𑐸 𑐥𑑂𑐬𑐟𑐶 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹𑐫𑐵 𑐁𑐥𑐟𑑂𑐟𑐶 𑐡𑐸’, 𑐰𑐶𑐖𑑂𑐘𑐥𑑂𑐟𑐶 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐡𑐸 𑑋

𑐐𑐸𑐠𑐶𑐫𑐵𑐟 𑐳𑑂𑐰𑐵𑐫𑐟𑑂𑐟 𑐳𑑄𑐳𑑂𑐠𑐵 𑐎𑐠𑑄 𑐟𑐫𑐵𑐟𑐫𑐾𑐩𑐵𑑅𑐐𑐸 𑐢𑐎𑐵𑑅 𑐫𑐵𑑅𑐐𑐸 𑐁𑐣𑑂𑐡𑑀𑐮𑐣𑐫𑐵 𑐨𑐵𑐰𑐣𑐵𑐫𑐵𑐟 𑐳𑐬𑐎𑐵𑐬𑑄 𑐧𑐾𑐰𑐵𑐳𑑂𑐟𑐵 𑐫𑐵𑐳𑐾𑑄 𑐠𑐖𑑂𑐫𑐵𑑅𑐐𑐸 𑐀𑐰𑐳𑑂𑐠𑐵𑐫𑑂 𑐳𑐬𑐎𑐵𑐬𑐵𑑄 𑐧𑐡𑐣𑐶𑐫𑐟 𑐝𑑄𑐐𑑄 𑐳𑐩𑐶𑐟𑐶 𑐣𑐷𑐳𑑂𑐰𑐣𑐵𑑅 𑐁𑐣𑑂𑐡𑑀𑐮𑐣𑐬𑐟 𑐳𑐬𑑀𑐎𑐵𑐬𑐰𑐵𑐮𑐵𑐟𑐫𑑂 𑐨𑐵𑐰𑐣𑐵𑐫𑑂 𑐎𑐸𑐛𑐵𑐬𑐵𑐑𑐵𑐚 𑐫𑐵𑑅𑐐𑐸 𑐏𑑃 𑐣𑑄 𑐰𑐶𑐖𑑂𑐘𑐥𑑂𑐟𑐶𑐂 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐡𑐸 𑑋

𑐀𑐠𑐾𑐴𑐾 𑐳𑐩𑐶𑐟𑐶 𑐳𑐬𑑀𑐎𑐵𑐬𑐰𑐵𑐮𑐵 𑐥𑐎𑑂𑐲𑐫𑐵 𑐥𑑂𑐬𑐟𑐶𑐣𑐶𑐢𑐶𑐟𑑂𑐰 𑐩𑐫𑐵𑐂𑐐𑐸 𑐊𑐎𑐥𑐎𑑂𑐲𑐷𑐫 𑐖𑐹𑐐𑐸𑐮𑐶𑑄 𑐀𑐖𑑂𑐫𑐵𑑅𑐐𑐸 𑐳𑐩𑐶𑐟𑐶𑐫𑐵 𑐍𑐔𑐶𑐟𑑂𑐫 𑐩𑐡𑐂𑐐𑐸 𑐰 𑐠𑐖𑑂𑐫𑐵𑑅𑐐𑐸 𑐀𑐰𑐳𑑂𑐠𑐵𑐫𑑂 𑐳𑐬𑑀𑐎𑐵𑐬𑐰𑐵𑐮𑐵𑐟𑐫𑑂𑐳𑑄 𑐁𑐰𑐱𑑂𑐫𑐎 𑐳𑐸𑐗𑐵𑐰 𑐣𑑄 𑐧𑐷𑐩𑐦𑐂𑐐𑐸𑐮𑐶𑑄 𑐳𑐸𑐗𑐵𑐰 𑐳𑐩𑐶𑐟𑐶 𑐡𑐫𑐾𑐎𑐾𑐐𑐸 𑐣𑐶𑐬𑑂𑐞𑐫 𑐟𑐸𑐬𑐸𑐣𑑂𑐟 𑐮𑐶𑐟𑐎𑐵𑐫𑐾𑐟 𑐣𑑄 𑐡𑐾𑐫𑑂 𑐡𑐧𑐹𑐮𑐶𑑄 𑐩𑐵𑐐 𑐫𑐵𑑅𑐐𑐸 𑐡𑐸 𑑋

(𑐣𑐾. 𑐳𑑄. 𑑑𑑑𑑔𑑐 𑐔𑐵𑐿𑐄𑐮𑐵𑐠𑑂𑐰 𑐥𑐵𑐬𑐹 / 𑐰𑐶. 𑐳𑑄 𑑒𑑐𑑗𑑖 𑐔𑐿𑐟 𑑑𑑒, 𑐧𑐸𑐢𑐰𑐵𑑅)

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS