Read news in NepalBhasa text-- www.hamroschool.com BACK 𑐀𑐩𑐾𑐬𑐶𑐎𑐵𑐫𑑂 𑐳𑑀𑐩𑐰𑐵𑑅 𑐎𑑀𑐬𑑀𑐣𑐵𑐫𑐵 𑐏𑑀𑐥𑐫𑐵 𑐣𑑂𑐴𑐵𑐥𑐵𑑄𑐐𑐸 𑐥𑐬𑐷𑐎𑑂𑐲𑐞 𑐖𑐸𑐂𑐐𑐸 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐀𑐩𑐾𑐬𑐶𑐎𑐵𑐫𑑂 𑐳𑑀𑐩𑐰𑐵𑑅 𑐎𑑀𑐬𑑀𑐣𑐵𑐫𑐵 𑐏𑑀𑐥𑐫𑐵 𑐣𑑂𑐴𑐵𑐥𑐵𑑄𑐐𑐸 𑐥𑐬𑐷𑐎𑑂𑐲𑐞 𑐖𑐸𑐂𑐐𑐸

𑐊𑐖𑐾𑐣𑑂𑐳𑐷÷ 𑐰𑐶𑐱𑑂𑐰𑐣𑑂𑐫𑑄𑐎𑑄 𑐩𑐴𑐵𑐩𑐵𑐬𑐷 𑐎𑐠𑑄 𑐣𑑂𑐫𑐣𑐵𑐔𑑂𑐰𑑄𑐐𑐸 𑐎𑑀𑐬𑑀𑐣𑐵 𑐨𑐵𑐂𑐬𑐳𑐫𑐵 𑐳𑑄𑐎𑑂𑐬𑐩𑐞𑐥𑐵𑐏𑐾𑑄 𑐧𑐔𑐾 𑐫𑐵𑐫𑐾𑐐𑐸 𑐣𑐶𑑄𑐟𑐶𑑄 𑐰𑐶𑐎𑐵𑐳 𑐫𑐵𑑅𑐐𑐸 𑐏𑑀𑐥𑐫𑐵 𑐩𑐣𑐹𑐟𑐫𑑂𑐟 𑐣𑑂𑐴𑐵𑐥𑐵𑑄𑐐𑐸 𑐥𑐬𑐷𑐎𑑂𑐲𑐞 𑐖𑐸𑐂𑐟𑑂𑐫𑑄𑐐𑐸 𑐡𑐸 𑑋 𑐀𑐩𑐾𑐬𑐶𑐎𑐵𑐫𑑂 𑐠𑑂𑐰 𑐥𑐬𑐷𑐎𑑂𑐲𑐞 𑐳𑐸𑐬𑐸 𑐖𑐸𑐂𑐟𑑂𑐫𑑄𑐐𑐸 𑐏𑑅 𑑋 𑐀𑐩𑐾𑐬𑐶𑐎𑐷 𑐳𑐬𑐎𑐵𑐬𑑄 𑐧𑐶𑐄𑐐𑐸 𑐏𑐬𑑂𑐔𑐥𑐵𑐏𑐾𑑄 𑐣𑑂𑐴𑐵𑐥𑐵𑑄𑐏𑐸𑐳𑐷 𑑔𑑕 𑐩𑑂𑐴 𑐰𑐫𑐳𑑂𑐎 𑐀𑐩𑐾𑐬𑐶𑐎𑐷 𑐳𑑂𑐰𑐫𑑄𑐳𑐾𑐰𑐎𑐟 𑐠𑑂𑐰 𑐥𑐬𑐷𑐎𑑂𑐲𑐞𑐫𑑂 𑐳𑐴𑐨𑐵𑐐𑐷 𑐖𑐸𑐂𑐟𑑂𑐫𑑄𑐐𑐸 𑐏𑑅 𑑋 𑐏𑑀𑐥 𑐥𑐬𑐷𑐎𑑂𑐲𑐞 𑐀𑐩𑐾𑐬𑐶𑐎𑐵𑐫𑐵 𑐳𑐶𑐫𑐵𑐚𑐮𑐫𑑂 𑐰𑐂𑐐𑐸 𑐳𑑀𑐩𑐰𑐵𑑅 𑐖𑐸𑐂 𑑋

𑐠𑑂𑐰 𑐳𑑂𑐰𑐫𑑄𑐳𑐾𑐰𑐎𑐟𑐫𑑂𑐳𑑄 𑐳𑑄𑐎𑑂𑐬𑐩𑐶𑐟 𑐩𑐖𑐹𑐳𑐵𑑄 𑐏𑑀𑐥𑐫𑐵 𑐠𑐷𑐠𑐷 𑐩𑐵𑐟𑑂𑐬𑐵 𑐎𑐵𑐂 𑑋 𑐠𑑂𑐰 𑐏𑑀𑐥𑐫𑑂 𑐰𑐵𑐳𑑂𑐟𑐰𑐶𑐎 𑐎𑑀𑐬𑑀𑐣𑐵𑐨𑐵𑐂𑐬𑐳𑐫𑐵 𑐕𑐸𑑄 𑐀𑑄𑐱 𑐡𑐂𑐩𑐏𑐸 𑑋 𑐠𑐸𑐎𑐷 𑐩𑐾𑐳𑐶𑐣𑑂𑐖𑐬 𑐁𑐬𑐊𑐣𑐊𑐫𑐵 𑐕𑐸𑑄 𑐧𑑂𑐰 𑐖𑐎 𑐡𑐂𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐰𑐶𑐬𑐵𑐩𑐷𑐫𑐵 𑐎𑑀𑐲𑐫𑐵𑐟 𑐨𑐵𑐂𑐬𑐳𑐫𑐵 𑐳𑑄𑐎𑑂𑐬𑐩𑐞𑐥𑐵𑐏𑐾𑑄 𑐧𑐔𑐾 𑐫𑐵𑐫𑐾𑐐𑐸 𑐰𑐵 𑐮𑑂𑐰𑐫𑑂 𑐰𑐶𑐬𑐸𑐡𑑂𑐢 𑐮𑑂𑐰𑐵𑐣𑐵𑑅 𑐮𑑄𑐎𑐾𑐟 𑐁𑐰𑐱𑑂𑐫𑐎 𑐥𑑂𑐬𑑀𑐚𑐷𑐣 𑐄𑐟𑑂𑐥𑐵𑐡𑐣 𑐫𑐵𑐫𑐾𑐟 𑐳𑐎𑑂𑐬𑐶𑐫 𑐫𑐵𑐎𑐾𑐐𑐸 𑐰𑐿𑐖𑑂𑐘𑐵𑐣𑐶𑐎𑐟𑐫𑑂 𑐫𑑀𑐖𑐣𑐵 𑐡𑐸 𑑋 𑐣𑑂𑐴𑐵𑐥𑐵𑑄𑐐𑐸 𑐔𑐬𑐞𑐫𑐵 𑐥𑐬𑐷𑐎𑑂𑐲𑐞𑐫𑑂 𑐎𑑀𑐬𑑀𑐣𑐵𑐨𑐵𑐂𑐬𑐳 𑐰𑐶𑐬𑐸𑐡𑑂𑐢𑐫𑐵 𑐨𑑂𑐫𑐵𑐳𑐶𑐣𑐫𑐵 𑐩𑐵𑐟𑑂𑐬𑐵𑑄 𑐥𑑂𑐬𑐟𑐶𑐬𑐎𑑂𑐲𑐵 𑐥𑑂𑐬𑐞𑐵𑐮𑐷𑐫𑐵𑐟 𑐕𑐸𑑄 𑐥𑑂𑐬𑐟𑐶𑐎𑑂𑐬𑐶𑐫𑐵 𑐎𑑂𑐫𑑄 𑐎𑐶 𑐩𑐎𑑂𑐫𑑄𑐫𑐵 𑐖𑐵𑑃𑐔 𑐖𑐸𑐂 𑑋 𑐥𑐬𑐷𑐎𑑂𑐲𑐞 𑐫𑐵𑐫𑐾𑐟𑑂𑐫𑑄𑐐𑐸 𑐏𑑀𑐥𑐫𑐵 𑐣𑐵𑑄 𑐊𑐩𑐁𑐬𑐊𑐣𑐊–𑑑𑑒𑑗𑑓 𑐟𑑅𑐐𑐸 𑐡𑐸 𑑋 𑐠𑑂𑐰 𑐥𑐬𑐷𑐎𑑂𑐲𑐞 𑐳𑐶𑐫𑐵𑐚𑐮𑐫𑐵 𑐎𑐵𑐂𑐳𑐬 𑐥𑐬𑑂𑐩𑐵𑐣𑐣𑑂𑐚 𑐰𑐵𑐱𑐶𑑄𑐐𑐚𑐣 𑐴𑐾𑐮𑑂𑐚 𑐬𑐶𑐳𑐬𑑂𑐔 𑐂𑐣𑑂𑐲𑑂𑐚𑐶𑐔𑑂𑐫𑐸𑐟𑐫𑑂 𑐖𑐸𑐂𑐟𑑂𑐫𑑄𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS