Read news in NepalBhasa text-- www.hamroschool.com BACK 𑐏𑐜𑑂𑐐𑐷 𑐳𑐾𑐰𑐵 𑐳𑐩𑐶𑐟𑐶𑐫𑐵 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑑅 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐏𑐜𑑂𑐐𑐷 𑐳𑐾𑐰𑐵 𑐳𑐩𑐶𑐟𑐶𑐫𑐵 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑑅

𑐫𑐾𑑃-  𑐣𑐾𑐥𑐵𑐮 𑐏𑐜𑑂𑐐𑐷 𑐳𑐾𑐰𑐵 𑐳𑐩𑐶𑐟𑐶𑐫𑐵 𑐣𑐎𑐟𑐶𑐣𑐶 𑐎𑑂𑐰𑐔𑐵𑑅𑐐𑐸 𑐣𑑂𑐴𑐫𑑂𑐎𑑂𑐰𑑅𑐐𑐸 𑐡𑑃𑐩𑐸𑑃𑐖𑑂𑐫𑐵𑑄 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑑅 𑐮𑑂𑐫𑑅𑐐𑐸 𑐡𑐸 𑑋 𑐣𑑂𑐴𑐹𑐐𑐸 𑐖𑑂𑐫𑐵𑐳𑐣𑐵 𑐥𑐸𑐔𑐮𑐫𑑂 𑐀𑐘𑑂𑐖𑐶𑐟𑐵 𑐏𑐜𑑂𑐐𑐷𑐫𑐵𑐟 𑐴𑐾 𑐩𑐾𑐐𑐸 𑐎𑐵𑐬𑑂𑐫𑐎𑐵𑐮𑐫𑐵 𑐣𑐶𑑄𑐟𑐶𑑄 𑐣𑐵𑐫𑑅 𑐮𑑂𑐫𑑅𑐐𑐸 𑐡𑐸 𑑋 𑐳𑐩𑐶𑐟𑐶𑐫𑐵 𑐡𑑃𑐩𑐸𑑃𑐖𑑂𑐫𑐵𑐫𑐵 𑐣𑐶𑐣𑑂𑐴𑐸𑐫𑐵 𑐣𑑂𑐴𑐶𑐎𑐸𑐣𑑂𑐴𑐸 𑐖𑐹𑐐𑐸 𑐧𑐣𑑂𑐡 𑐳𑐟𑑂𑐬 𑐮𑐶𑐥𑐵 𑐳𑐬𑑂𑐰𑐳𑐩𑑂𑐩𑐟𑐶𑑄 𑐏𑐜𑑂𑐐𑐷𑐫𑐵𑐟 𑐴𑐾 𑐩𑐾𑐐𑐸 𑐎𑐵𑐬𑑂𑐫𑐎𑐵𑐮𑐫𑐵 𑐣𑐶𑑄𑐟𑐶𑑄 𑐣𑐵𑐫𑑅 𑐮𑑂𑐫𑑅𑐐𑐸 𑐏𑑅 𑑋

𑐠𑐣𑐫𑐵 𑐥𑑂𑐬𑐡𑐬𑑂𑐱𑐣𑐷 𑐩𑐵𑐬𑑂𑐐𑐳𑑂𑐠𑐶𑐟 𑐣𑐾𑐥𑐵𑐮 𑐥𑐸𑐮𑐶𑐳 𑐎𑑂𑐮𑐧𑐫𑑂 𑐖𑐹𑐐𑐸 𑐧𑐣𑑂𑐡 𑐳𑐟𑑂𑐬 𑐮𑐶𑐥𑐵 𑐣𑐶𑐬𑑂𑐰𑐵𑐔𑐣𑑄 𑐳𑐩𑐶𑐟𑐶𑐫𑐵 𑐩𑐾𑐥𑐶𑑄 𑐥𑐡𑐵𑐢𑐶𑐎𑐵𑐬𑐷𑐂 𑐰𑐬𑐶𑐲𑑂𑐛 𑐄𑐥𑐵𑐢𑑂𑐫𑐎𑑂𑐲𑐫𑑂 𑐥𑑂𑐬𑐎𑐵𑐱 𑐏𑐜𑑂𑐐𑐷, 𑐄𑐥𑐵𑐢𑑂𑐫𑐎𑑂𑐲𑐫𑑂 𑐡𑐶𑐮𑐧𑐴𑐵𑐡𑐸𑐬 𑐏𑐜𑑂𑐐𑐷, 𑐐𑑀𑐰𑐶𑐣𑑂𑐡𑐧𑐴𑐵𑐡𑐸𑐬 𑐏𑐜𑑂𑐐𑐷 𑐰 𑐱𑑂𑐬𑐰𑐞𑐎𑐸𑐩𑐵𑐬 𑐣𑐾𑐰𑐵𑑅
𑐏𑐜𑑂𑐐𑐷, 𑐩𑐴𑐵𑐳𑐔𑐶𑐰𑐫𑑂 𑐬𑐵𑐖 𑐱𑐵𑐴𑐷, 𑐄𑐥𑐩𑐴𑐵𑐳𑐔𑐶𑐰𑐫𑑂 𑐬𑐵𑐎𑐾𑐱 𑐏𑐜𑑂𑐐𑐷, 𑐎𑑀𑐲𑐵𑐢𑑂𑐫𑐎𑑂𑐲𑐫𑑂 𑐥𑑂𑐬𑐡𑐷𑐥 𑐏𑐜𑑂𑐐𑐷𑐫𑐵𑐟 𑐣𑐶𑐬𑑂𑐰𑐶𑐬𑑀𑐢 𑐣𑐶𑐬𑑂𑐰𑐵𑐔𑐶𑐟 𑐫𑐵𑑅𑐐𑐸 𑐏𑑅 𑑋 𑐀𑐠𑐾𑐴𑐾 𑐡𑐸𑐖𑐮𑐫𑑂 𑐟𑑀𑐬𑐞 𑐱𑐵𑐴𑐷, 𑐩𑐸𑐎𑐾𑐱 𑐱𑐵𑐴𑐷, 𑐳𑐰𑐶𑐎 𑐱𑐵𑐴𑐷 𑐰 𑐳𑐖𑐶𑐟 𑐏𑐜𑑂𑐐𑐷𑐫𑐵𑐟 𑐮𑑂𑐫𑑅𑐐𑐸 𑐡𑐸 𑑋

𑐖𑑂𑐫𑐵𑐳𑐣𑐵 𑐥𑐸𑐔𑑅 𑐮𑑂𑐫𑐫𑐾𑐐𑐸 𑐣𑐶𑑄𑐟𑐶𑑄 𑐁𑐣𑐣𑑂𑐡𑐧𑐴𑐵𑐡𑐸𑐬 𑐱𑐵𑐴𑐷 𑐳𑑄𑐫𑑀𑐖𑐎 𑐰 𑐎𑐥𑐶𑐮𑐩𑐵𑐣 𑐏𑐜𑑂𑐐𑐷 𑐡𑐸𑐖𑑅 𑐡𑐸𑐐𑐸 𑐣𑐶𑐬𑑂𑐰𑐵𑐔𑐣 𑐎𑐩𑐶𑐚𑐷 𑐐𑐛𑐣 𑐫𑐵𑑅𑐐𑐸 𑐏𑑅 𑑋 𑐠𑑂𑐰 𑐳𑑂𑐰𑐫𑐵𑑄 𑐣𑑂𑐴𑑂𑐫𑑅 𑐡𑑃𑐩𑐸𑑃𑐖𑑂𑐫𑐵𑐫𑐵 𑐄𑐮𑐾𑐖𑑂𑐫𑐵 𑐧𑐳𑐣𑑂𑐟𑐥𑐸𑐮𑐶𑐂 𑐖𑐹𑐐𑐸 𑐏𑑅 𑑋 𑐣𑐶𑐣𑑂𑐴𑐸𑐫𑑄𑐎𑑄 𑐖𑐹𑐐𑐸 𑐡𑑃𑐩𑐸𑑃𑐖𑑂𑐫𑐵𑐫𑐵 𑐣𑑂𑐴𑐵𑐥𑐵𑑄𑐐𑐸 𑐡𑐶𑑄 𑐧𑐳𑐣𑑂𑐟𑐥𑐸𑐮𑐶𑐂 𑐖𑐹𑐐𑐸 𑐄𑐮𑐾𑐖𑑂𑐫𑐵𑐗𑑂𑐰𑐮𑐫𑑂 𑐠𑐷𑐠𑐷 𑐰𑑂𑐫𑐎𑑂𑐟𑐶𑐟𑑂𑐰𑐥𑐶𑑄𑐟 𑐳𑐩𑑂𑐩𑐵𑐣 𑐣𑑄 𑐫𑐵𑑅𑐐𑐸 𑐏𑑅 𑑋 𑐣𑑂𑐴𑐵𑐥𑐵𑑄𑐐𑐸 𑐡𑐶𑑄𑐫𑐵 𑐖𑑂𑐫𑐵𑐗𑑂𑐰𑐮𑐫𑑂 𑐥𑑂𑐬𑐴𑐬𑐷 𑐩𑐴𑐵𑐣𑐶𑐬𑐷𑐎𑑂𑐲𑐎 𑐳𑐬𑑂𑐰𑐾𑐣𑑂𑐡𑑂𑐬 𑐏𑐣𑐵𑐮𑐫𑐵𑐟 𑐰𑐶𑐱𑐾𑐲 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋

𑐡𑑃𑐩𑐸𑑃𑐖𑑂𑐫𑐵𑐫𑐵 𑐩𑐹𑐥𑐵𑐴𑐵𑑄 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐰𑐶𑐡𑑂𑐫𑐵𑐳𑐸𑐣𑑂𑐡𑐬 𑐱𑐵𑐎𑑂𑐫𑑄 𑐥𑑂𑐬𑐴𑐬𑐷 𑐩𑐴𑐵𑐣𑐶𑐬𑐷𑐎𑑂𑐲𑐎 𑐏𑐣𑐵𑐮𑐫𑐵𑐟 𑐡𑑀𑐳𑐮𑑂𑐮𑐵𑑄 𑐣𑑂𑐫𑐫𑐾𑐎𑐵𑑅 𑐴𑐣𑐵𑐥𑑁 𑐡𑐾𑐕𑐵𑐣𑐵𑐡𑐷𑐐𑐸 𑐏𑑅𑐳𑐵 𑐳𑑄𑐳𑑂𑐠𑐵𑐫𑐵 𑐳𑑄𑐬𑐎𑑂𑐲𑐎 𑐩𑐣𑑀𑐖 𑐣𑐾𑐰𑐵𑑅 𑐏𑐜𑑂𑐐𑐷𑑄 𑐳𑑂𑐰𑐵𑑄𑐩𑐵𑑅 𑐰 𑐏𑐵𑐡𑐵 𑐎𑑂𑐰𑐏𑐵𑐫𑐾𑐎𑐵𑐡𑐷𑐐𑐸 𑐏𑑅 𑑋
𑐖𑑂𑐫𑐵𑐗𑑂𑐰𑐮𑐫𑑂 𑐣𑐵𑐫𑑅 𑐏𑐜𑑂𑐐𑐷𑑄 𑐔𑑂𑐰𑐫𑐵𑐡𑐷𑐐𑐸 𑐰 𑐥𑐟𑑂𑐬𑐎𑐵𑐬 𑐎𑐺𑐲𑑂𑐞 𑐥𑑂𑐬𑐖𑐵𑐥𑐟𑐶𑑄 𑐣𑐾𑐰𑐵𑑅 𑐨𑐵𑐳𑑄 𑐀𑐣𑐸𑐰𑐵𑐡 𑐫𑐵𑐣𑐵𑐡𑐷𑐐𑐸 ‘𑐏𑐜𑑂𑐐𑐷 𑐳𑐩𑐸𑐡𑐵𑐫𑐫𑐵 𑐩𑐺𑐟𑑂𑐫 𑐳𑑄𑐳𑑂𑐎𑐵𑐬’ 𑐰 𑐳𑐩𑐸𑐡𑐵𑐫 𑐥𑑂𑐬𑐴𑐬𑐷 𑐳𑐵𑐗𑐾𑐡𑐵𑐬𑐷 𑐣𑐵𑑄𑐫𑐵 𑐣𑐾𑐥𑐵𑐮𑐨𑐵𑐲𑐵 𑐀𑐣𑐸𑐰𑐵𑐡 𑐳𑐥𑐹m𑐫𑐵 𑐣𑑄 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅𑐳𑐵 𑐳𑐥𑐹m 𑐀𑐣𑐸𑐰𑐵𑐡 𑐫𑐵𑐣𑐵𑐡𑐷𑐩𑑂𑐴 𑐥𑑂𑐬𑐖𑐵𑐥𑐟𑐶𑐫𑐵𑐟 𑐩𑐟𑐶𑐣𑐵𑐫𑐵 𑐔𑐶𑑄 𑐣𑑄 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋

𑐄𑐐𑐸 𑐴𑐾 𑐖𑑂𑐫𑐵𑐗𑑂𑐰𑐮𑐫𑑂 𑐏𑐸𑐩𑑂𑐴 𑐣𑐾𑐰𑐵𑑅 𑐳𑑄𑐔𑐵𑐬𑐎𑑅𑐩𑐶𑐥𑐶𑑄𑐟 𑐣𑑄 𑐴𑐣𑐾𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐗𑐷𑐐𑐸 𑐜𑐚𑐎𑐩𑐫𑐵 𑐬𑐾𑐏𑐵 𑐱𑐵𑐎𑑂𑐫, 𑐣𑐾𑐥𑐵𑐮𑐩𑐞𑑂𑐜𑐮 𑐚𑐾𑐮𑐶𑐨𑐶𑐖𑐣𑐫𑐵 𑐳𑐶𑐮𑑂𑐨𑐶𑐫𑐵 𑐬𑐵𑐖𑑀𑐥𑐵𑐢𑑂𑐫𑐵𑐫, 𑐮𑐴𑐣𑐵 𑐜𑐚𑐎𑐩𑐫𑐵 𑐣𑐺𑐥𑐾𑐣𑑂𑐡𑑂𑐬𑐮𑐵𑐮 𑐱𑑂𑐬𑐾𑐲𑑂𑐛, 𑐣𑐾𑐰𑐵𑑅 𑐚𑐾𑐮𑐶𑐨𑐶𑐖𑐣𑐫𑐵 𑐣𑐰𑐷𑐣 𑐖𑑀𑐱𑐷, 𑐮𑐴𑐣𑐵 𑐰𑐵𑑅𑐥𑑁𑐫𑐵 𑐳𑐸𑐬𑐾𑐣𑑂𑐡𑑂𑐬𑐨𑐎𑑂𑐟 𑐱𑑂𑐬𑐾𑐲𑑂𑐛 𑐰 𑐬𑐾𑐜𑐶𑐫𑑀 𑐩𑐶𑐬𑑂𑐩𑐶𑐬𑐾𑐫𑐵 𑐧𑐸𑐡𑑂𑐢𑐱𑐬𑐞 𑐱𑐵𑐴𑐷𑐫𑐵𑐟 𑐩𑐹𑐥𑐵𑐴𑐵𑑄 𑐫𑐾𑑃 𑐩𑐣𑐥𑐵 𑐥𑑂𑐬𑐩𑐸𑐏 𑐱𑐵𑐎𑑂𑐫𑑄 𑐴𑐣𑐵𑐥𑑁 𑐰 𑐰𑐶𑐱𑐾𑐲 𑐥𑐵𑐴𑐵𑑄 𑐥𑑂𑐬𑐴𑐬𑐷 𑐩𑐴𑐵𑐣𑐶𑐬𑐷𑐎𑑂𑐲𑐎 𑐏𑐣𑐵𑐮𑑄 𑐳𑑂𑐰𑐵𑑄𑐩𑐵𑑅 𑐎𑑂𑐰𑐵𑐏𑐵𑐫𑐾𑐎𑐵𑑅 𑐴𑐣𑐾𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑐎𑐟𑐶𑐣𑐶 𑐎𑑂𑐰𑐔𑐵𑑅𑐐𑐸 𑐳𑐵𑐐 𑐎𑐵𑐳𑐵𑐫𑑂 𑐥𑐡𑐎 𑐟𑑂𑐫𑐵𑐎𑐾𑐟 𑐟𑐵𑑅𑐮𑐵𑑅𑐥𑐶𑑄 𑐳𑐣𑐶𑐮 𑐱𑐵𑐴𑐷 𑐰 𑐩𑐣𑐶𑐟𑐵 𑐱𑐵𑐴𑐷𑐫𑐵𑐟 𑐩𑑂𑐴𑐟𑐶𑑄 𑐗𑐶𑐡𑑂𑐰𑑅–𑐗𑐶𑐡𑑂𑐰𑑅 𑐟𑐎𑐵 𑐡𑐵𑑄𑐮𑐶𑐳𑐾𑑄 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋 𑐡𑑃𑐩𑐸𑑃𑐖𑑂𑐫𑐵𑐫𑑂 𑐳𑐩𑐶𑐟𑐶𑐫𑐵 𑐣𑐷𑐣𑐶𑐐𑐹 𑐖𑐶𑐮𑑂𑐮𑐵𑐫𑐵 𑐳𑑂𑐰𑐳𑑅 𑐳𑑂𑐰𑐫𑐵𑑄 𑐀𑐥𑑂𑐰𑑅 𑐥𑑂𑐬𑐟𑐶𑐣𑐶𑐢𑐶 𑐰 𑐥𑐬𑑂𑐫𑐰𑐾𑐎𑑂𑐲𑐎𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐳𑐩𑐶𑐟𑐶𑑄 𑐖𑐵𑐣𑐎𑐵𑐬𑐷 𑐧𑐶𑐄𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS