Read news in NepalBhasa text-- www.hamroschool.com BACK 𑐎𑐸𑐩𑐵𑐬𑐶 𑐥𑐸𑐖𑐵𑐫𑐵 𑐣𑐶𑑄𑐟𑐶𑑄 𑐐𑑂𑐰𑐫𑑂𑐡𑐵𑑄 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐎𑐸𑐩𑐵𑐬𑐶 𑐥𑐸𑐖𑐵𑐫𑐵 𑐣𑐶𑑄𑐟𑐶𑑄 𑐐𑑂𑐰𑐫𑑂𑐡𑐵𑑄

𑐫𑐾𑑃- 𑐴𑑂𑐫𑐹𑐩𑐟 𑐩𑐶𑐳𑐵 𑐥𑐸𑐔𑑅𑐫𑐵 𑐐𑑂𑐰𑐳𑐵𑐮𑐫𑑂 𑐠𑐸𑐐𑐸𑐳𑐷 𑐣𑑄 𑐖𑐷𑐰𑐶𑐟 𑐡𑐾𑐰𑐷 𑐎𑐸𑐩𑐵𑐬𑐶 𑐥𑐸𑐖𑐵 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋 𑐠𑑂𑐰 𑐴𑐾 𑐰𑐂𑐐𑐸 𑐩𑐵𑐑 𑑑𑑑 𑐐𑐟𑐾 𑐖𑐸𑐂𑐐𑐸 𑐎𑐸𑐩𑐵𑐬𑐶 𑐥𑐸𑐖𑐵𑐫𑐵 𑐣𑐶𑑄𑐟𑐶𑑄 𑐐𑑂𑐰𑐫𑑂𑐡𑐵𑑄 𑐟𑐫𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐡𑐸 𑑋 𑐳𑑂𑐰𑐎𑑂𑐰𑑅𑐏𑐸𑐳𑐷 𑐖𑐸𑐂𑐟𑑂𑐫𑑄𑐐𑐸 𑐎𑐸𑐩𑐵𑐬𑐶 𑐥𑐸𑐖𑐵𑐫𑐵 𑐣𑐶𑑄𑐟𑐶𑑄 𑐳𑑂𑐰𑐣𑐶𑐐𑑅𑐫𑐵 𑐠𑐷𑐠𑐷 𑐠𑐵𑐳𑐫𑑂 𑐰𑐶𑐬𑐵𑐖𑐩𑐵𑐣 𑐖𑐸𑐫𑐵𑐔𑑂𑐰𑐣𑐵 𑐧𑐶𑐖𑑂𑐫𑐵𑑅𑐥𑐶𑑄 𑐎𑐸𑐩𑐵𑐬𑐶 𑐩𑐵𑐖𑐸𑐫𑐵𑐟 𑐐𑑂𑐰𑐫𑑂𑐡𑐵𑑄 𑐟𑐫𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅 𑑋 𑐥𑐸𑐔𑑅𑐫𑐵𑐎𑐠𑑄 𑐫𑐾𑑃𑐫𑐵 𑐮𑐵𑐫𑑂𑐎𑐹 𑐎𑐸𑐩𑐵𑐬𑐶, 𑐩𑐏𑑄, 𑐎𑐶𑐮𑐵𑐑𑑅, 𑐫𑐮, 𑐏𑑂𑐰𑐥, 𑐧𑐸𑑄𑐐𑐫𑐵 𑐁𑐖𑐷𑐰𑐣 𑐎𑐸𑐩𑐵𑐬𑐶𑐣𑐵𑐥𑑄 𑐟𑑀𑐏𑐵𑐫𑐵 𑐎𑐸𑐩𑐵𑐬𑐶 𑐰 𑐐𑐞𑐾𑐱𑐫𑐵𑐟 𑐐𑑂𑐰𑐫𑑂𑐡𑐵𑑄 𑐟𑐫𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐖𑐸𑐂𑐢𑐸𑑄𑐎𑐹𑐐𑐸 𑐡𑐸 𑑋

𑐥𑐸𑐔𑑅𑐥𑐵𑐏𑐾𑑄 𑐳𑑂𑐰𑐡𑑃𑐫𑑂 𑐕𑐎𑑂𑐰𑑅 𑐠𑐸𑐎𑐠𑑄 𑐎𑐸𑐩𑐵𑐬𑐶 𑐥𑐸𑐖𑐵 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸𑐳𑐵 𑐕𑐣𑑂𑐴𑐸𑑄 𑐴𑐾 𑐡𑐎𑑂𑐰𑑄 𑐠𑐵𑐳𑐫𑑂 𑐰𑐣𑐵𑑅 𑐥𑐸𑐖𑐵 𑐫𑐵𑐫𑐾𑐐𑐸 𑐳𑐩𑑂𑐨𑐰 𑐩𑐖𑐹𑐐𑐸𑐮𑐶𑑄 𑐳𑑂𑐰𑑄𑐐𑐹 𑐔𑐬𑐞𑐫𑑂 𑐠𑐸𑐐𑐸 𑐥𑐸𑐖𑐵 𑐎𑑂𑐰𑐔𑐵𑐫𑐾𑐎𑐐𑐸 𑐐𑑂𑐰𑐳𑐵𑑅 𑐡𑐸𑐐𑐸 𑐥𑐸𑐔𑑅𑐫𑐵 𑐣𑐵𑐫𑑅 𑐩𑐔𑐵𑐣𑐵𑐣𑐷 𑐩𑐴𑐬𑑂𑐖𑐣𑑄 𑐎𑐣𑐵𑐡𑐶𑐮 𑑋 𑐩𑐵𑐑 𑑑𑑑 𑐐𑐟𑐾 𑐐𑑂𑐰𑐫𑑂𑐡𑐵𑑄 𑐟𑐫𑐾𑐐𑐸 𑐎𑑂𑐰𑐔𑐵𑐫𑐾𑐢𑐸𑑄𑐎𑐹𑐐𑐸 𑐠𑐵𑐳𑐫𑑂 𑐰 𑐳𑐎𑑂𑐰, 𑐥𑐣𑑂𑐟𑐶, 𑐣𑐸𑐰𑐵𑐎𑑀𑐚𑐫𑐵 𑐎𑐸𑐩𑐵𑐬𑐶𑐫𑐵𑐠𑐵𑐫𑑂 𑐩𑐾𑐐𑐸 𑐴𑐾 𑐡𑐶𑐣𑐫𑑂 𑐐𑑂𑐰𑐫𑑂𑐡𑐵𑑄 𑐟𑐫𑐵𑑅 𑐥𑐸𑐖𑐵 𑐫𑐵𑐫𑐾𑐐𑐸 𑐐𑑂𑐰𑐳𑐵𑑅 𑐡𑐸𑐐𑐸 𑐰𑐫𑑂𑐎𑐮𑑄 𑐢𑐫𑐵𑐡𑐶𑐮 𑑋 𑐴𑑂𑐫𑐹𑐩𑐟𑐫𑐵 𑐣𑐵𑐳𑑅 𑐡𑑂𑐫𑑅 𑐥𑐸𑐖𑐵 𑐫𑐵𑐫𑐾𑐢𑐸𑑄𑐎𑐵𑑅 𑐡𑐎𑐮𑐫𑑂 𑐮𑐵𑐫𑑂𑐎𑐹 𑐎𑐸𑐩𑐵𑐬𑐶𑐫𑐵𑐟 𑐐𑑂𑐰𑐫𑑂𑐡𑐵𑑄 𑐟𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS