‘𑐧𑐵𑐐𑐩𑐟𑐶’𑐫𑐵𑐟 𑐎𑑂𑐬𑐵𑐣𑑂𑐟𑐶𑐎𑐵𑐬𑐷 𑐩𑐵𑐌𑐰𑐵𑐡𑐷𑐫𑐵 𑐰𑐶𑐬𑑀𑐢
𑐫𑐾𑑃 – 𑐥𑑂𑐬𑐡𑐾𑐱 𑑓 𑐫𑐵 𑐣𑐵𑑄 𑐧𑐵𑐐𑐩𑐟𑐶 𑐟𑑅𑐐𑐸𑐫𑐵𑐟 𑐣𑐾𑐎𑐥𑐵 𑐩𑑀𑐴𑐣 𑐰𑐿𑐡𑑂𑐫 𑐳𑐩𑐬𑑂𑐠𑐶𑐟 𑐣𑐾𑐎𑐥𑐵 (𑐎𑑂𑐬𑐵𑐣𑑂𑐟𑐶𑐎𑐵𑐬𑐷 𑐩𑐵𑐌𑐰𑐵𑐡𑐷𑑄) 𑐰𑐶𑐬𑑀𑐢 𑐫𑐵𑑅𑐐𑐸 𑐡𑐸𑑋 𑐄𑐐𑐸 𑐥𑐵𑐬𑑂𑐚𑐷𑐫𑐵 𑐥𑑂𑐬𑐡𑐾𑐱 𑑓 𑐳𑐾𑐎𑑂𑐬𑐾𑐚𑐬𑐷 𑐎. 𑐥𑑂𑐬𑐰𑐾𑐱𑑄 𑐠𑐣 𑐕𑐐𑐹 𑐰𑐎𑑂𑐟𑐰𑑂𑐫 𑐖𑐵𑐬𑐷 𑐫𑐵𑐳𑐾𑑄 𑐠𑑂𑐰 𑐥𑑂𑐬𑐡𑐾𑐱𑐫𑑂 𑐔𑑂𑐰𑑄𑐥𑐶𑑄 𑐣𑐾𑐰𑐵𑑅 𑐰 𑐟𑐵𑐩𑐵𑐒 𑐖𑐵𑐟𑐶𑐫𑐵 𑐥𑐴𑐶𑐔𑐵𑐣 𑐬𑐎𑑂𑐲𑐵𑐫𑐵 𑐮𑐵𑐐𑐶𑑄 𑐥𑑂𑐬𑐡𑐾𑐱𑐫𑐵 𑐣𑐵𑑄 ‘𑐣𑐾𑐰𑐵𑑅-𑐟𑐵𑐩𑑂𑐳𑐵𑐮𑐶𑐒’ 𑐟𑐫𑐾𑐟 𑐣𑑄 𑐩𑐵𑐐 𑐫𑐵𑐣𑐵𑐡𑐷𑐐𑐸 𑐡𑐸𑑋 𑐠𑑂𑐰𑐴𑐾 𑐗𑑂𑐰𑐮𑐫𑑂 𑐥𑑂𑐬𑐴𑐬𑐷𑑄 𑐥𑑂𑐬𑐟𑐶𑐧𑐣𑑂𑐢𑐶𑐟 ‘𑐰𑐶𑐥𑑂𑐮𑐰’ 𑐥𑐸𑐔𑑅𑐫𑐵 𑐣𑐶𑐩𑑂𑐴 𑐎𑐵𑐬𑑂𑐫𑐎𑐬𑑂𑐟𑐵𑐫𑐵𑐟 𑐫𑐮𑑄 𑐖𑑂𑐰𑑄𑐐𑐸 𑐡𑐸𑑋 𑐖𑑂𑐰𑑄𑐥𑐶𑑄 𑐫𑐮 𑐖𑐶𑐮𑑂𑐮𑐵 𑐳𑐔𑐶𑐰 𑐬𑐩𑐾𑐱 𑐜𑑄𑐐𑑀𑐮 𑐰 𑐫𑐸𑐰𑐵 𑐨𑐵𑐟𑐺 𑐳𑑄𑐐𑐛𑐣𑐫𑐵 𑐖𑐶𑐮𑑂𑐮𑐵 𑐎𑐵𑐬𑑂𑐫𑐰𑐵𑐴𑐎 𑐀𑐢𑑂𑐫𑐎𑑂𑐲 𑐳𑑄𑐖𑑀𑐐 𑐢𑐂𑐩𑑂𑐴 𑐱𑐵𑐣𑑂𑐟𑐩𑐵𑐣 𑐟𑐵𑐩𑐵𑐒 𑐏𑑅 𑑋 𑐖𑑂𑐰𑑄𑐥𑐶𑑄 𑐣𑐶𑐩𑑂𑐴𑐾𑐳𑐶𑐫𑐵 𑐧𑐵𑐬𑐾 𑐠𑐥 𑐀𑐣𑐸𑐳𑐣𑑂𑐢𑐵𑐣 𑐖𑐸𑐫𑐵𑐔𑑂𑐰𑑄𑐐𑐸 𑐏𑑃 𑐥𑑂𑐬𑐴𑐬𑐷𑑄 𑐢𑐵𑑅𑐐𑐸 𑐡𑐸 𑑋
LEAVE YOUR COMMENTS